客家好廚 (Closed)

對客家菜一向有好感，便跟友人進此店一試首先說地方闊落乾淨，有數個卡位客家鹽焗雞，香、嫩、味正梅菜扣肉，本應是很好的一道菜，可借翻熱不足海參肉丸煲，不過不失，以素海參造算偏貴($68)燒腩仔，份量足但皮不夠脆埋單三百幾(連兩碗豬油撈飯、一支啤酒，加一)素質是比上不足比下有餘此店位於天慈屋村商場，但晚飯價錢是中至高級(另有下午兩點茶市，大量小點$5.8，較經濟人氣亦多)

已有一段時間無去過"客家好廚"啦, 今朝突然唸起就決定今晚再去食下晚飯, 無黎一排, 依然滿座, 但已不見昔日大排長龍情況, 相信係金融海嘯的威力對酒樓打擊都十分大............我以前都係從事飲食業, 眼見全城因為海嘯紛紛推出$1食物, 雖然$1係好, 但又可以做幾耐呢? 我認為..長期都係要靠出品好, 價錢經濟實惠姐......呢間"客家好廚"無$1食物, 但就睇得出佢地好堅持出品的穩定性, 每次黎食飯都絕對唔會失望, 伙計招呼依然勤快有禮, 我唸金融海嘯無吹到佢地陣腳大亂..............當晚我地叫左個$88孖寶餐, 有條黃立倉同瑤柱甫, 水準依然好! (2) 例湯--無味精, 有肉味係真材實料先有呢啖湯, (3) 梅菜扣肉--每次黎親都必叫既, 好唔好食你地知啦... (4) 鹽焗雞--好滑, 配沙薑粉一流! 埋單都係$3xx , 抵食!!

一年多前已經想搞呢個飯局，但礙於這裡地方偏遠，很多朋友都不願意山長水遠入來吃一餐飯，致使飯局遲遲未能成事。早前跟甜魔閒聊間，憶起這家人人都讚不絕口的客家菜館，「的」起心肝重新促成是次飯局。得各方的支持，期待已久的飯局終於落實，鐵定於星期日晚上六黠正舉行。當晚，由於小弟有事來遲，點菜的重任就交由先到達的朋友發版，我來到負責食便可以。首先有例湯，是晚的例湯係粉葛赤小豆煲豬骨。喝一口，清甜味美，順喉舒暢，喝不到半點味精，十足十老媽子煲既靚湯一樣。幸好份量夠多，每人可以分到兩碗，否則有機會出現爭湯飲的情況發生。喝完湯也不要浪費湯渣，煲湯骨雖然沒有味道，卻勝在夠淋，無渣，點鼓油食番兩件都未嘗不可。咸雞，即這裡稱的鹽焗雞，上台時已經知道是不錯。鹽水浸熟，火喉控制恰到好處，雞肉寧舍嫩滑，同時雞的鮮味也可迫出來，即使不點任何醬汁都會好食。配合了沙薑，層次更為提高。全場矚目的肯定離不開梅菜扣肉，其實大半的人都是為此味餸而來。件件都是肥肉多瘦肉少，肥瘦肉比例絕對適中。肥肉是意料之中的甘香鬆化，瘦肉那部份亦是鬆化無比，這點才是難得。墊底的梅菜，不會過咸而搶奪扣肉的味道，送飯一流。一道出色的梅菜扣肉，不枉大家

今天是我家的小公主滿月之宴,客家好廚安排了一間VIP房給我們坐,環境幾好幾舒服,有兩部電視,有一位服務員,我都係第一次食客家菜.開席喇~~~灼生蝦蝦灼到剛好,而且蝦肉好爽口,好新鮮~~~燒鵝皇好大隻,多油就不能避免,肉質唔鞋,鵝皮燒得夠薄.珊瑚貴妃蚌珊瑚蚌好爽脆,我家小朋友好鐘意食,貴妃蚌好新鮮.瑤柱花菇瑤柱和花菇都好大粒,好入味,獻汁不會太傑.海皇翅翅就唔係真,但個湯底好濃海鮮味,有少許蝦肉蟹肉.海螺片鵝掌鵝掌炆到好"林",老人家都食到,個汁好濃郁既蠔油味.清蒸大海班好大條班,不過通常都係鞋鞋地,今次都唔例行.鎮店鹽焗雞我夾左件雞胸食,竟然仲好軟好林,仲好香沙薑味,抵讚~~~長壽伊麵用新鮮秀珍菇草菇炒,伊麵唔油,這個麵小朋友好喜歡.錦綉炒飯有新鮮既蝦仁,炒飯夠軟身,老人家都啱食,我都喜歡食美點雙輝芝麻皮好似煎堆咁煙韌,裡面係奶皇,好好食,另外個款出面係酥皮,裡面係蓮蓉餡,同樣好食.~~~精美甜品紅豆沙唔會好甜,老人家食得放心,紅豆起沙,有蓮子.總括嚟講這一餐都好滿意,沒有一款係比較差,好食既都有好幾味~~~.祝小公主身體健康.

六人散叫了例湯、二個前菜、六個菜及壽飽要稱讚的是服務，侍應親切，人手足夠環境坐得舒適，很適合聚會泊車一小時免費，其後$8....同錶位一樣平價錢平..... 一枱菜也只是$780整體不錯，不用如大榮華般要排隊便可一嘗客家菜食物質素OK, 腰肝卷的皮很脆，梅菜扣肉 juicy, 送飯一流例湯好似無味精，但沒有隔油蒸蘿蔔丸其實是豬肉丸，有小小豬的腥味其他則不是很特別但沒有如蔡瀾介紹般有驚喜，不試也不會有很大的遺憾

從報章知道這間餐廳已經有一段時間, 但由於地點不方便致久久未能一試。 剛巧昨日大家想出外用謄, 所以決定去天水圍揾食。 六時許人數不多, 點了梅菜扣肉、炸豬大腸、叔婆煎釀豆腐、果皮醬爆蝦和豬油撈飯。客家菜的味和醬汁較粵菜濃和油膩, 偶一為之應沒有太大問題。 除了炸豬大腸不夠脆和豬油撈飯的豬油不夠大榮華香外, 其他餸菜的味道都很好。 每碟餸的份量亦足夠, 食到十成飽, 剩下的要打包 。 食完後還有糖水送, 消滅紫米露後簡宜不能動。

本來一心同愛麗思入元朗食泰菜, 但係Quarry Bay上了賊車直到天水圍....記得蔡瀾介紹過有間客家菜幾得,但不清楚位置......點知一落車就係對面, 咁好啦,轉食客家菜Friday 8點幾到,都有8成滿, 一般洒樓feel..梅菜扣肉 - 扣肉味道ok, 炆得幾"林",但好似鹹咗d, 空口食唔拈, 但佢又無セ汁撈不到飯鹽焗雞半隻 - d肉幾滑,係唔錯炸大腸 - 唔夠脆, 嚟到枱微暖, 不是一炸起就上枱, 成碟只有3成腸頭, 其餘係腸尾, 乾得濟焗魚咀 - 味道ok但魚頭炸得過火, 脆晒都食唔到椒絲腐乳西生菜 - lee個菜炒得幾好, 夠火喉缽仔飯 - d味好似怪怪地咁, 可能係飯面嗰兩條鹹魚作怪, 豬油不夠香, 心想都係大榮華好好多埋單HKD340, 係不貴嘅但無想像中咁好食喎........

這天無端端入左天水圍~既然來了就不要浪費這個機會來了蔡先生也推崇的客家菜~在平日的晚上加上奧運效應~也沒有太多人~兩口子就安坐在卡位由門口都server的態度也很熱情~是受落的那種~前菜為小魚花生~邊吃邊選菜~很香口客家菜也不難選擇~~就點了冬瓜封~梅菜扣肉~半隻鹹雞意想不到的是梅菜扣肉竟然是第一味到來~大概都是老早炆了在保溫~放面的一塊肥瘦比是八二比~~嚇得怕怕~但內裡的也是六四~七三~很正宗~最討厭時下的人總是把假健康掛在口邊~扣肉不肥就不是味兒~欣賞這兒不會遷就客人而用上瘦腩~有扣肉汁又豈能沒有缽缽飯~這兒的缽仔飯加上了薑絲與銀魚~比大榮華的多了點誠意加上豬油和豉油(不確定是不是頭抽)~撈呀撈~~~玩味多於食味~這兒的豬油不夠純正也不夠香~而且豉油有點過鹹之理冬瓜封也徐徐送上~用上面盤大的大碟~半邊冬瓜用上高湯來炆~加入大量的薑絲和點點金華火腿~也有提味的功用感覺是冬瓜湯而非冬瓜封~本應汁是該掛瓜~但卻湯還湯~瓜還瓜乾脆著侍應拿來兩隻碗當湯喝~~冬瓜依舊是夠淋但不入味~有點退步客家傳統的咸雞~這裡卻稱之為鹽焗雞~雖不知何解~也不理了用上鹽水浸雞的方法~把雞肉逼得入味~也浸得剛剛好

上星期山長水遠去到這間最近出名的酒家吃飯.一行三個人,只可以選擇幾樣東西.叫了鹽焗雞,冬瓜封,老酒豬雜鹽焗雞樣子不俗,刻意夾一件雞胸,竟也算滑溜,這功夫頗好.但是食多幾件,卻連我這個喜愛食雞的人也懂得適可而止了,這全因為雞肉雖嫩(無雞味是意料之內),但雞皮卻太太太太腍,完全不爽口,這是我最不喜歡的口感(尤其是皮和肥膏有這口感,挺惡心的)這雞,不算難吃,但如有下次卻未必會叫.老酒煮豬雜:這一個的好處是酒香四溢,因為我本身不太好豬雜,所以當湯飲.這個做得幾好的是,酒味與上湯的味道頗調和,還混了豬的味道,那味道是新鮮豬的味道,香港用新鮮豬的地方不多了.特別試一試一塊豬膶,卻吃不動,這可真是煲湯豬雜.冬瓜封: 這個冬瓜封,上枱的樣子亦幾吸引,看下去清清的.先談冬瓜,腍身卻爽口,除冬瓜味外還含有一點點的金華火腿味,不錯.但但但!!!敗筆卻在湯(?)裡,看起來清清的,但入口卻有一陣混濁得像味精的味道,這不要得呢!(不知為何我這個冬瓜封與前輩所拍的照片不同,他那個汁是濃淍的,我的那個是水水像湯似的)另外還叫了砵仔飯,這個用豬油頭抽撈也好味,有鹹魚味道,但價錢卻稍貴了些少,再加上大榮華的豬油撈飯的豬油

見蔡瀾推薦呢間酒樓特地來這光顧一下7時左右到達已經要排隊要了一個套餐~半隻鹽焗雞 唔覺有咩特別o既雞 味道好一般 雞肉唔新鮮...冇雞味 雞胸肉好林....~蝦干上湯浸時蔬 呢碟反而唔錯 菜夠哂多...~ 蝦干都有唔少 上湯幾有味~客家豬什 差差差 好差 豬潤一d都唔爽 豬肚好少....幾乎沒有 最多o既居然係咸酸菜 唔掂.....~老火湯 料雖然唔少 但湯o既味精太多 一d都唔健康飯後送紅豆沙埋單差唔多$260200幾蚊咁o既質素唔覺有幾抵食囉....味道都唔覺有咩特別...似乎名氣過大...

星期五的晚上，我們一家四口專程駕車到我三年都唔會去一次的天水圍食飯。或者是平日少人千里迢迢入來，入座率僅3成左右。為了試多點菜式，四個人叫人六個餸。1. 冬瓜封 - 不過不失，冬瓜炆得頗入味，但沒有特別之處2. 梅菜扣肉 - 肉質本來炆得不錯，但超級咸。扣肉本來就是調味較重讓人吃多點飯，但真的咸得超過粉。本人還是喜歡泉章居的，永不叫人失望。3. 燒米鴨 - 鴨皮不脆，肉質OK，不過不及大榮華的米鴨好。4. 蒸蘿蔔丸 - 這個好吃，也是全晚唯一叫人滿意的一道菜。蘿蔔清甜，配著少許肉，很清新，也合夏天吃。這道菜最遲上，應是即叫即做。5. 花膠筒生蠔煲 - 生蠔超迷你，花膠好硬。6. 叔婆煎釀豆腐 - 這個最過份，毫無誠意。所謂「煎」，豆腐面只見最多有5%煎香的痕跡，釀的豬肉噃！可以想像他們是蒸好了，然後落鑊兜一兜就上菜。很基本的一道菜，人和豆腐花的煎釀豆腐都比他們正路。盛興而來，敗興而返。只有一味菜好吃，不值得多給他一次機會。

我睇過呢度食評,見咁多好評都好想試一次。星期四休息,同住天水圍好友夫婦通電話,期間相約今晚在這裡晚飯。七時多我由元朗起程,七時四十五分到達天慈邨,到達到在外等了約十分鐘,老友先到達會合我,他的妻子及兒子,則因如廁延遲了半小時多到達。至八時十五分左右,他妻兒終於到達,我們柯打了【東江鹽焗雞半隻】、【梅菜扣肉煲】、【豉汁涼瓜排骨煲】及【燒腩仔肉例牌】。先講【東江鹽焗雞半隻】, 鹹味不夠肉質一般,冇一種嫩滑既口感,惟一較好係肉都算多唔肥,但同坊間一般大排檔比,就真係有所不及啦!我至愛客家菜【梅菜扣肉煲】,肉真係唔夠腍唔夠入味,梅菜份量極少,最唔掂就係汁水好鹹,搞到成砵菜都好鹹,將扣肉應有既些微【甜】都掩蓋哂。比起一般酒樓食肆水準仲差,客家招牌菜都咁既質素,點掂呀...唉!【豉汁涼瓜排骨煲】, 涼瓜切片唔夠薄, 排骨唔夠新鮮唔入味,茨汁及配料唔夠香口。好心佢涼瓜一係飛水耐少少,一係切薄片用鹽醃一下除下苦味,如果唔係就好似呢煲菜咁,涼瓜較苦唔甘囉。【燒腩仔肉例牌】, 真係一般最慘係上枱時冰凍,味道好一般,皮唔夠脆唔夠香,唔多合格囉又係。侍應招呼一般,可能生手關係,反應較慢應對唔多清楚。現場冷氣完

成日經過見到蔡生都去過,因平時太多人而有試過今日(星期日)經過竟然唔算多人,一去到已經有位.一入到去坐左成兩個幾字先有人嚟同我地開茶,張點心紙唔算好多野食(比其他茶樓既點心數目為少),之後問佢有冇蘿白丸(想試好耐),點知佢話冇,有點失望.乳味牛栢叶:一睇賣相同平時食開既姜蔥牛栢叶一樣,食落都幾"好咬口"(比出面一般茶樓做得更差)客家茶果: "微"豆味好香,好好食素粉卷:個粉皮好有咬口,D素亦都夠味,十分不錯竹笙素腸粉:同普通茶樓差唔多,味道一般時菜牛肉炒河:牛肉味不足,D河粉真係炒過,幾好食之後就埋單走人,平均一人$70 在天水圍已經很貴了.之後就買左隻鹽焗雞($108)返屋企.晚飯食既時候發覺得雞肉比較諗(個人比較喜歡),D肉好入味唔點其他調味都好好食,點沙姜食就有另一種風味(一樣咁好食),而且隻雞都好大隻,好多肉食.不時四個人食白切雞(同隻鹽焗雞size差不多)一餐最多半隻,今次兩個人都差唔多可以食晒隻雞.*D菜名可能與實際有些許偏差.

七月廿七日(星期日)真的可怕呢,本來覺得今日會是熱到不得了,昨天還專情買了帽,塗足防哂,還給老公帶了電風扇等...誰是風雲變色......最後只是在公園外拍照!...我之前的一天預先訂位,七點到,但我地比較早到,六時左右,就開餐了!因為看過openrice,有不少出名的食家曾經到此店,都有不錯的評價呢!當然不得不試了!可是,地點就比較偏僻呢!如果不是去開天水圍,我們也不會專情來吃呢!今次好機會,當然來試啦!酒樓的裝潢不錯,很乾淨的!...應該是開了不久呢!而且侍應也很有禮貌,耐心地解答我的問題....老公見到有個魚翅海鮮餐$328!都有很多菜式呢:-1)泰式煲仔翅:我們覺得一般,太多芽菜了,雖然是說一分錢一分貨,但我不是要求有翅,但是他們落得太多生粉了,沒有其他味道呢!2)東江鹽焗雞:做得很出色呀!雞肉都算嫰滑,而且焗得很入味呢!..是出面酒樓少有的水準呀!本人不是特別喜歡吃雞,但也吃了4-5件,真的很回味呢!3)清蒸海可斑:比較少,不過重質不重量,魚蒸得剛剛好,而且面珠登也很滑呢!.....不錯!4)自選菜色:客家炸大腸:出名,雖然是凍的,但亦很香脆,吃完有齒甲留香的感覺!果然是好的

看過幾篇圖文並茂的食評, 去試這飯店後, 發覺名不乎實, 所謂扣肉, 豆腐, 砵仔飯, 茶, 其他小菜, 地方衛生, 招呼全部令人失望!消費每位80元亦覺不值