韓牛韓式燒烤 (Closed)

好耐都無食過燒肉成日經過創興都見呢間韓燒 又唔算貴200蚊左右飲食 就同老公黎試下佢真係咩款都有好有中學時期岩岩出任食燒肉嘅果種感覺但燒肉又唔算好多可以揀個鼓油汁有d偏淡 如果濃返d就好食d餓嘅話出面有好多熟食可以填住肚先而且仲有唔同嘅刺身不過真係要早d拎 因為好多人仲有唔同嘅炸物 我覺得熟食嘅比例偏多但生肉種類就還好 都係豬牛雞幾款咁甜品係好值得注意嘅因為俾佢個朱古力噴泉吸引左朱古力濃 棉花糖有d硬 仲有好多水果tim佢甜品都好多 呢d唔岩 仲有得任食雪糕~驚喜嘅係佢竟然有唔少酒類 仲可以任飲呢個真係抵返~燒肉就實在無咩太特別其他野就好多揀 淨飲都抵返d~價錢還好真係中學時代感覺嘅餐廳😂

有時候覺得香港都算唔錯，很多不同類型的餐廳。每年我同老公去韓國旅行，去唔到就去食韓燒。老公同我去創興廣場附近買完麵包返屋企，經過收到姐姐派傳單，見到價錢都幾吸引，就上去食。上到去都會嘩一聲，好多野食，海鮮區，甜品區，熱盤都算多。燒肉總類好多，牛都有好幾款，有啲醃得好入味，亦有我最愛的金菇肥牛卷，牛仔骨都好正，如果中意食雞，羊都一樣有，洋蔥汁醃都好食。甜品我們食了不少泡芙，仲有很多一小杯的桂花杞子凍，味道清甜，仲有泰式的芒果糯米飯，很香軟，仲有其他精緻甜品。飲品都好多，韓式飲品都有，不過我主要飲下火既飲品，清涼爽，馬蹄爽，所以我都算有選擇既，一罐凍飲無所謂啦。

好耐冇食韓燒喇~~ 今日黎到旺角創興廣場韓牛韓式燒烤到燒一燒晚市每人2百幾蚊放題, 價錢合理丫~~不過我想講......呢道真係超多野食, 勁豐富!!!!!帶口罩出去拎野食已經係常態喇~ 既安全又衛生一黎就去冷盤區~有沙律bar, 仲有多款壽司...仲有海鮮同刺身潻丫~~涼伴小菜款式超澎湃!!! 有超過10款選擇!!唔洗怕韓燒淨係食肉多啦~~ 咁多蔬菜夠晒balance丫到熱葷類喇....有牛尾, 青口, 薑醋, 韓式炒粉絲等等~~炸物就有天婦羅蝦, 炸雞翼雞槌, 炸蟹鉗, 麥樂雞同蝦片....另外仲有韓式煎餅添丫燒烤區簡直包羅萬有~~最基本既豬牛羊當然有齊啦...海鮮就有魚, 魷魚, 蜆, 墨魚, 三文魚...其他就係蔬果囉~~3大個飲品櫃~~果汁, 汽水, 啤酒任飲樣樣拎D慢慢燒職員間中會幫忙換燒盤~食完主食就到甜品啦~~大大部綿花糖機&朱古力噴泉就最o岩小朋友丫想食軟雪糕既話都有呀~甜品櫃入面就有jelly, pudding, 泡芙, 椰汁糕同埋水果...最後仲可以食埋雪糕雪條埋尾丫~~呢餐真係超級豐富!!!

🔥晚市$228任食韓燒🇰🇷-光顧過其他任食韓燒店，這家質素很不錯。除了不同韓燒的肉食選擇，還有燉煮熱食(蘿蔔燉牛尾很好吃❤️) 、炸物、壽司、湯水、甜品，包括棉花糖、雪糕機、巧克力噴泉😍、罐裝飲品區。-其中肉食來說，餐廳提供醃製過和沒有調味的肉類選擇，個人喜歡吃原味或自己沾醬，所以這個不錯。👍🏻骰子牛、金菇肥牛卷、虎蝦都很讚😋✨-餐廳食物種類繁多，服務員態度友善，吃得超級滿足，適合與三五知己聚會的餐廳。

#merry豬覓食在旺角很久沒有食過韓燒了，朋友推薦去旺角創興廣場一樓既韓牛韓式燒烤，性價比幾高。有兩小時任食，啱曬朋友的大胃王特點。✧✧✧✧燒烤肉類種類繁多，有豬牛羊雞。醃肉類有種類之多，令人目不瑕給。羊肉，牛扒，豬扒，雞扒，雞翼，司華力腸，雜丸任君選擇，merry豬眼闊肚窄，每款持1 至兩件就好。✧✧✧✧涼菜類泡菜，涼拌芽菜，韓式醃蘿蔔等不少開胃涼菜，推薦韓式醃蘿蔔，吃完燒肉比較膩時可以中和油膩感。✧✧✧✧熟食區比較懶的朋友最愛的一環，燒肉燒到悶悶地，可以去熟食區取麥樂雞，蝦片，炸蝦，炸雞槌，韓式煎餅等食品，又可以一邊等肉燒好，一舉兩得。✧✧✧✧冷盤，壽司，刺身區種類繁多，有八爪魚/三文魚刺身，冷盤有凍蝦，帆立貝，八爪魚/熟蝦/三文魚壽司，連迷你手卷都有。✧✧✧✧飲料區汽水，下火的甘蔗水，milkus，啤酒都係任飲的。✧✧✧✧甜點區有任食雪糕同雪條，亦有frozen yougurt機加配料食，十分滋味。📍韓牛韓式燒烤旺角彌敦道601號創興廣場1樓

最近疫情好左啲 開始出返黎覓食😋 同左個同事放工去食韓牛燒肉放題😍 放肆一下坐低左先去刺身，頭盤區揀野食，同埋去飲品區揀飲品🎉餐廳有多款壽司🍣及凍海鮮🦞 有大蝦 青口 帶子 當然唔少得刺身三文魚😍 個人喜好三文魚及青口 點少少檸檬調味 yummy去左生肉區同熟食區 有多款肉類可選擇最重牛味嘅牛肩同牛舌 燒一燒就食得 店員見比客人夾左好多後 好快手refill 有肥美五花腩同泡菜 當然係食韓燒嘅重中之重 haha我仲睇定甜品🍮區 晏啲食飽要食 竟然有榴連阿😍🥥睇熟食都覺得大大隻青口 同冷盤唔同食法 呢個係有洋蔥🧅漿汁味熟食 好大隻🧆飲品真係超多 又有多款啤酒🍻飲 其實呢個價錢就算食得唔多 飲下啤 都抵 我隔離枱兩個叔叔就係咁飲啤酒食住燒肉吹水🤣 我飲左罐啤酒一罐茶 一罐忌廉梳打鮮奶🍹🍴棉花糖串👻朱古力噴泉牛嘅色澤幾靚 牛柳粒好似平時係台灣食嘅骰子牛有海蝦同花甲/蜆燒 都幾正 鮮甜 冇沙

韓牛韓式燒烤旺角彌敦道601號創興廣場1樓本身都鍾意食韓燒，既然今日係happy friday，梗係同同事收工之後去食餐好㗎啦，我哋今次就揀咗位於旺角呢間韓牛燒肉放題，價錢都大眾合理一入到去，我哋嗱嗱臨就去拎嘢食啦，首先我哋去咗拎肉，見到款式都非常多而且充足，海鮮，牛肉，豬肉，雞肉，甚至連羊肉都有，呢個價錢來講，就咁望到款式都已經加左分 前菜方面都好多，普通嘅泡菜，芽菜都有，另外仲有青瓜，時菜等等，望落好開胃，我哋都拎咗一大碟炸物方面，我哋拎咗蝦片，炸蝦，麥樂雞同炸帶子，本身都驚會唔會擺好耐所以凍哂，但係食落口仲係脆卜卜，忍唔住之後出去再拎多一轉開始燒肉啦，牛肉同牛仔骨都醃得好入味，我哋覺得今餐最好食就係呢兩樣，另外豬扒同埋多春魚都唔錯韓燒來講，呢度海鮮冷盤都算多，我哋就拎咗帆立貝同三文魚試吓，質素正正常常，比預期中好甜品方面，我哋試咗椰汁西米糕同埋芒果糯米飯，呢兩款真係好好食，尤其糯米飯好軟熟，而且呢到仲有朱古力噴泉，同埋任食雪糕真係好吸引呀

從清潔環境，無煙空氣，已令很久沒吃韓燒的我感到愉快！再看看它的食物區，款式多而有條理！前菜例牌有沙律，而它供應的水果好特別，我喜歡當中的棗同山渣，清甜得來，也幫助排熱氣及消滯，細心！湯款都多，都算入味，而且料多。主食款式都唔弱，最愛豬腳薑同蘿蔔牛腩，兩樣都好入味，肉ge 質地剛剛好！燒食ge 款式多到可以食幾轉，基本上所有肉類都唔錯，我個人推介羊，一口牛肉粒，牛脷同豬梅花肉，軟熟又入味！甜品同飲品好重要！甜品有幾款中式糖水，冷凍糕點，熱豆花，自製棉花糖，自己diy 雪糕等！最推熱豆花，又香又滑！冰糖雪耳糖水都唔錯！仲有多款雪條，最愛人氣蜜瓜味，仲有fresh 牛奶味同益力多味！最後，飲品多到呢。。韓式飲品超多款，有茶有汽水有果汁，又可任飲啤酒，真心抵到爛！！！！！係食肉獸ge 就去食啦！

好耐冇見嘅中同, 今日同佢食吓久違嘅韓燒, 我哋兩個初初踏出社會, 遇到好多事可以慢慢長談, 一邊燒住嘢食、一邊傾就啱曬, 呢度仲有多款飲品/ 啤酒添, 啱曬朋友相聚!呢間韓燒真係好多嘢食嘅選擇, 肉類都有成兩個大雪櫃, 有成廿幾款! 我最鍾意嘅幾款係牛柳粒、鴨胸、牛仔骨、豬肉等等!! 有好多款唔同味揀, 大部分都好香好惹味又唔un特別想講講燒嘅魚類, 有魚柳、魷魚片、魷魚頭, 我本身就鍾意魚柳覺得好滑好好味, 估唔到呢間嘅魚連食肉獸朋友都話特別好食, 魷魚們都好正, 係韓式嘅辣魷魚!另外仲有多款熟食小食、剌身冷盤、甜品雪糕任你揀! 超鍾意韓國蜜瓜雪條喔~

係創興見到呢間韓燒放題，但開左一排都未有時間試，今晚就約埋朋友黎試一試價錢唔貴，一個人先百幾蚊放題呢個價錢，物超所值。.講明燒肉，一定要有肉啦！你想食既呢到都有，有牛、有豬、有雞、有羊！只夾肉，一個碟都夾唔哂😂.食肉食到悶，仲有海鮮、蔬菜！食物種類一d都唔少，岩哂朋友仔一齊黎。.除左燒肉，呢度仲有熟食嫁。壽司、刺身、天婦羅🍤連冷盤都有😋.食到濟濟地，係時候停一停食舊生果，飲碗糖水休息下。🤰🏻.最後點少得雪糕😋🤩我揀左個開心果味🍨🍦夠特別.一話咁短時間邊到食得哂😂😂😂

從來未食過咁垃圾嘅一間店覺得多只可以直接跳去下面筷子圖案嗰度開始睇，睇吓呢間舖頭點樣呃人。無論係環境，服務態度定係食物質素，都係我有史以來食過最差嘅。話說行過創興，見到呢間野棟咗好大個牌寫住9點後178up，仲寫住10:30後再有八折跟住就上OpenRice睇吓呢間店嘅食評，頭果幾個食評全部都係讚不絕口，但係上到去門面即刻覺得一啲都唔吸引，本身諗住上多一層睇吓有冇嘢食，當時係夜晚10:00。之後舖頭門口個哥哥就嗌我哋入去食啦有韓燒火鍋雙拼，之後我同朋友都有啲猶豫，都係諗住轉身上多一層睇吓先，跟住門口個哥哥就再話計返我哋$178再比多個八折我哋，我哋見咁抵， OpenRice又幾多好評，諗住試吓啦，入到去見到都唔算多人，都即刻覺得好似伏伏地，坐低咗之後行出去睇，真正燒嘅嘢食唔多，而且好污糟，環境好差，話有海鮮但係海鮮只係得一兜仔，仲要係將啲魚呀三文魚呀嗰啲海鮮類放埋一齊就當係話有海鮮食，放到好似人哋食淨嗰啲嘢咁樣一堆魚肉堆埋一齊，夾野嗰啲鉗又癡粒粒，放嘢食嗰啲玻璃又癡粒粒咁，跟住都諗住算啦都入咗去，試吓囉，點知個姐姐幫我哋執枱嘅時候換過枱面上面嗰個鐵板，比我見到個鐵板下面有上一手燒完既一

先黎一輪冷盤前菜，有三文魚刺身保持得好新鮮冇雪味，亦有傳統韓式飯卷，之後再拎左d炸物，雞件都唔錯內裏有肉汁唔乾身。跟住開始向主食進攻，肉類選擇眾多真係花多眼亂，全部都想食，另外自助區亦有醃菜類和配菜類，色澤鮮豔。隨意夾左幾款，有蝦、多春魚、雞翼、羊、墨魚、雞腎等等……我對五花腩印象特別深刻，因為油份比較多，食落口充滿油脂既香味，其次墨魚仔都係必食，因為夠爽口，總括黎講大部分肉類都醃得入味。有樂天牌子既飲品，當然係首選飲佢，最愛芒果汁。甜品再食埋韓國品牌雪條，今餐就劃上圓滿句號，好滿足。

天氣凍凍地又想BBQ, 最岩就去韓燒因為乾淨企理, 仲要超多野食!韓牛係正旺角中心, 地方都好大, 一入到去已經見到好多選擇, 除左肉類, 仲有海鮮, 好多熟食,三文魚刺身都有! 😛😛三文魚都幾新鮮, 顏色都唔錯, 鮮甜!我地首先梗係拎左第一轉既肉先啦!!佢既牛肉都醃得好好食! 同埋魷魚都好唔錯, ENCORE左一轉!野飲都好多選擇, 連嘉士伯都係任飲, 抵到爛呀!!呢到仲有MELONA雪條, 仲可以自己整綿花糖, 好好玩!🤣🤣

事情發生：朋友話請我食生日飯(共三人）我地本身食開有一間韓燒，但朋友話不如試第二間(即此間）訂咗枱丶問左價錢！當日去到入坐諗住慢慢食(開爐時冇人話有限時丶門口的宣傳單張也沒有寫明有限時）當我地只食咗一陣(約50分鐘左右）食左好少野，就有人叫我地賣單，我地話有限時嗎？原來1-3人只可以食1.5小時，4人以上得2小時🤬仲話燒烤完可以轉窩打邊爐添(打邊爐食物都冇，請問打咩？冇丸丶冇菜？難道攞韓燒果D肉打邊爐😤）個經理仲話門口牆上貼左個牌寫明有限時😡(究竟有冇人會尊登行去留意牆上寫咩）當日我哋好似冇嘜點食過野咁(每人一杯D字頭雪糕，得一款味冇得揀）我地最尾要轉場再食過😤！仲要比人話而家D放題係1.5小時，蝦我地冇外出食飯咩🤬🤬！而家旺角大把放題最少2小時，觀塘最長6小時都有喇！試問韓燒全部生肉都要燒熟先可以食(除熟食丶甜品，唔通叫人食熟食同甜品咩）1.5小時可以食到D咩😔！以後都唔會再去，免得食得一肚氣🤬🤬

好耐無食韓燒，今次又心郁郁好想食，搵左黎間日韓放題任食，佢主打係韓燒，但都係d壽司、刺食同冷盤之類韓燒放題 $178 (每位)(美味指數: 😋😋😋😋)首先介紹一下泡菜類，剩係泡菜就已經有12款韓燒既款式都好多下，除左肉同肉之外，仲有海鮮同蔬菜，足足用左兩個冰鮮櫃裝起，有牛、豬、羊、魚、蝦同蜆，應有盡有此外仲有d韓式熱盤，好似韓式炒粉絲、人蔘雞湯之類甜品都好豐富，有朱古力噴泉、軟雪糕、杯裝雪糕、甜品杯同生果😋整體食物質素：4 / 5💰性價比：4 / 5👍推薦指數：4 / 5