花居酒屋 (Closed)

突然間想食好嘢，搵啊搵就搵到依間，誤打誤撞嗌個四樣野都好食🥰。價錢都算係咁，我地嗌既都係貴野黎，咁計落埋單都算平👍🏻。鮟鱇魚乾 $88食好啲就一定要嗌前菜，多數都係食Omakase既時候先會食到既——鮟鱇魚乾🐟。我鍾意鮟鱇魚乾嘅質感，食落好滑好Creamy，再配搭一下個酸汁，作為前菜真係好開胃😚。竹刺身盛 $298三文魚子——好食到驚為天人，可以話係近半年食過最好食最新鮮嘅😍。每一粒都好清甜，完全冇腥臭味。輕輕力咬一咬外面個薄膜，裡面直情好似爆珠咁爆咗出嚟。下次黎食都會單點！帶子——好清甜，咬落去好爽😚。絕對唔似急凍貨解凍之後再拎出黎賣，因為佢絕非淡而無味。甜蝦——哇個蝦頭入面啲蝦膏好正，又係好清甜，蝦肉肉質好爽🥰。三文魚&吞拿魚——唔錯，如果肥啲更好🤣。油甘魚——唔太識食油甘魚，好食😌。海膽甲羅燒 $108感覺同係其他餐廳食開既有少少唔同，出面嘅多數都會燒到好乾身，呢度嘅比較濕潤，啲蟹膏同蟹肉唔會燒到硬晒🥳。可能因為加咗海膽撈埋落去，鮮味重，跟手用黎搽麵包一流👍🏻，海膽松葉蟹黑松露蒜汁炒飯 $138黑松露同海膽好似唔駛錢咁樣，成個飯都係😂，單純睇上面已經有兩三瓣海膽。一啖飯一啖松葉蟹

又發現一間好食嘅日本餐廳喇🥰！呢度係一間充滿和風情調嘅日式居酒屋🍶裝潢顏色昏暗有格調一入去你可以見到店入面掛滿唔少日系海報同旗幟四圍擺放滿滿嘅日本酒 仲有和服同櫻花作點綴俾人嘅感覺好舒適 氣氛醉人😌非常建議三五知己可以過嚟小酌一杯～舖頭嘅食物比較多元化前菜沙律、刺身壽司、卷物、各種和食料理應有盡有有幾道菜一定要推薦俾你地☺真係超好食超滿足 新鮮嘅活赤貝刺身食落肉質爽厚 味道鮮甜 令人再三回味😋火炙鹿兒島和牛壽司 油花均勻 入口溶化金目鯛壽司 肉質細嫩肥美 口感柔嫩 油份甘香👍🏻原燒牛舌 口感軟嫩鹽燒黑豚腩 一上枱嗰浸香味湧埋嚟真係口水都流曬出嚟🤤一定要趁熱食 油脂入口溶化真係太邪惡！🤭記得要食返個玉子燒真係好嫩滑😚我就揀咗芝士日本香川縣玉子燒初初睇到拉絲相就已經超想去試下入口首先食得到蛋嘅滑順同香氣搭配內裡流心拉絲芝士提升咗玉子燒嘅味道層次☺綿密口感融合得恰到好處🖤果然冇令我失望另外佢地依家有推出一系列芫荽菜式🤭我地都叫咗個芫荽芝士牛肉串牛肉燒得軟腍 芫荽味道烤過之後更為突出 食落惹味🤤芫荽控必點！一定要試下啊～

花居洒屋最近工作非常忙碌，唯有用美食去減壓，今日帶大家嚟到荃灣食日本菜😋，我哋揀咗lunch嚟食🥰 餐廳嘅裝修好似去咗日本咁，寬敞又舒適👍🏻。而家嘅午市套餐仲做緊買一送一啊，係咪好抵呢🙈，我哋叫咗極上壽司定食，有10款唔同種類嘅壽司，海膽壽司非常新鮮，帶子大大粒又鮮甜，套餐仲跟咗烏冬，非常彈牙👍🏻，仲有茶碗蒸，非常嫩滑，沙律好新鮮，套餐分量十足💕。另外我哋叫咗個極上刺身定食，有帶子、三文魚、油甘魚、甜蝦、北寄背、三文魚子，全部都好新鮮，非常鮮甜，呢個set 配咗飯，沙律，茶碗蒸，麵豉湯等等👍🏻$168呢個價錢食到2set，真心非常抵❤️ 。我哋重試埋店既新產品芫茜，芫茜控必試😋特此推介芫茜玉子😋，熱辣辣，非常嫩滑，而且入邊有好多芫茜同櫻花蝦，好香呀😘，入面超足料 😋😋。

響荃灣買嘢，經過見到有間好有日本風味嘅居酒屋，好懷念響日本旅行時去既居酒屋，加上依家無得去旅行，於是入去食晚餐感受下😂🌟 輕燒帆立貝芫荽凱撒沙律 （$68）帆立貝鮮甜，輕燒過後更香，芫荽整沙律🥗原來係好好食，同沙律菜夾埋一齊食，味道好夾😋😋🌟 芫荽櫻花蝦玉子燒 （$78）櫻花蝦既蝦味濃郁，玉子燒加上芫荽去整，好香，味道調得岩岩好😋😋🌟 芥辣八爪魚軍艦，蟹肉蟹膏軍艦，鰻魚壽司，碎吞拿魚腩軍艦軍艦即叫即整，紫菜脆口，芥辣八爪魚新鮮，蟹肉蟹膏份量多，蟹肉鮮甜，蟹膏味道濃厚，鰻魚炙燒過香口，鰻魚肉厚😋😋🌟 軟殼蟹牛油果卷 （$98）軟殼蟹炸得香脆，炸完後蟹肉乾身，無多與既油響蟹肉上面，加上牛油果🥑一齊食，有種清新嘅感覺，必點😋😋🌟 沖繩炸雞 （$58）炸雞🍗即叫即炸，唔肥膩，雞肉多汁，肉質鮮嫩，居酒屋必點小食😋😋🌟 石垨鍋 （$108）用魚頭位置整成鍋，魚頭炸得香脆，加上洋蔥豆腐一齊煮，完全唔腥，調味岩岩好，而且分量多😋😋

路過見到，入口有啲神秘，好似一間餐廳包住一間餐廳咁😂行入去係裝修到好有feel嘅居酒屋午市定食做緊買一送一😂好抵食可惜，我得一個人😂😂😂叫咗個刺身定食 $168刺身有三文魚、北寄貝、帆立貝、蝦、三文魚籽、油甘魚，特別鍾意三文魚，厚切好新鮮，仲有兩小舊玉子燒添架定食配有芝麻醬沙律、中華沙律、茶碗蒸、麵豉湯、有飯素嘅飯茶碗蒸好出色！蛋好滑，入面仲有蝦仁、冬菇粒、蟹柳絲，超好味😋總括而言，記得要帶朋友嚟食😂😂毒L真心蝕咗，落單嗰陣侍應仲問我係咪叫住一份先，之後再叫，但食完一份定食已經飽到傻咗，就費事浪費食飯了🙆🏻‍♀️

今日同男友行經荃灣海壩街，見到有間入口望落好特別既餐廳，充滿日本感覺，門口仲掛住 ”日本產米使用”既門牌，感覺猶如日本居酒屋，所以決定試試。一進入餐廳，我就被櫻花佈景吸引住，即刻影相打卡。至於食物款式亦都非常多選擇，今次我地分別叫左刺身，壽司，卷物，串燒，烏冬同炒飯等，非常豐富。刺身方面，我地叫左三文魚同帆立貝刺身。刺身非常新鮮，吃落入口即溶，而且厚薄適中，味道非常鮮甜。壽司方面，我地叫左火炙三文魚壽司同我最愛既碎葱呑拿魚腩壽司。火炙三文魚入口暖暖的，加上壽司上的葱香同三文魚燒過後既焦香，味道非常的夾。而碎葱呑拿魚壽司相信不需我多講，我獨自一人食左四件，大大推介卷物我地叫左牛油果軟殻蟹卷，份量比想像中多，有八件卷物，而且除左卷物內夾左蟹肉外，中間仲多了兩件軟殼蟹炸物，非常抵食！至於串燒就叫左燒雞皮同燒雞腎，兩款都燒得非常香口，特別係雞腎，吃落爽口彈牙，而且有一些七味粉作調味，愈食愈開胃最後最令我驚喜的，係安格斯牛肉烏冬，雖然望落平平無奇，但用的並不是一般好難咬的牛肉，佢選用既牛肉味道特別鮮甜，而且廚師控制牛肉既生熟度恰到好處，所以牛肉入口時軟綿綿的，明顯地跟出面吃到的出色得多，另外湯底

好耐都無出過荃灣，今日心血來朝出去行街後黎到呢間餐廳，門口餐牌寫着「所有午巿套餐‼️買一送一‼️」OMG😍😍 真係即刻就衝入去。🐟極上魚生定食 $168魚生有：帆立貝、甜蝦、三文魚籽、三文魚、北寄貝、油甘魚，全部都好新鮮，特別係甜蝦，超新甜連蝦頭都食啱，少少腥味都無！另外仲有中華沙律、麵豉湯、茶碗蒸和沙律。茶碗蒸啲蛋超滑。🍱安格斯西冷牛扒便當 $168 充滿住洋蔥和蒜香嘅安格斯西冷牛，肉味濃，質地很有趙口。另有三款魚生：甜蝦、三文魚、北寄貝，又有生食又有熟食，啱晒啲三心兩意嘅朋友。日式餐廳設計，真係好似去咗日本咁，服務員有禮貌、反應快。雖然係買一送一，但加一服務費同樣計正價收費。

好耐冇去荃灣，係朋友介紹之下黎左荃灣呢間日式居酒屋，店入面環境好有日本風，播埋日文歌，今年冇得去旅行，黎到呢度可以好似真係去左日本，同朋友坐得好舒服！入到去坐位唔多但都坐到好闊落最重點係佢午市套餐做緊買一送一，好抵食，套餐仲有好多配菜，自己叫左個壽喜燒牛肉鍋定食，有職員好貼心幫手整個爐，牛肉好嫩滑，食落好香牛味，送飯一流，個鍋仲好大好抵食，入面仲有唔同菜呀菇呀同粉絲添朋友就叫左豚肉生薑燒定食，豚肉份量都十分之多，本身仲驚唔夠飽，再叫埋小食想試下佢既牛油果加州卷，但係真係超飽超多，足足有八大件！呢個卷物都好唔錯，入面有牛油果同蛋沙律，搭配新鮮好食再加多個胡麻醬秋葵，胡麻醬夠哂開胃，兩個人食岩岩好呢度既刺身都好吸引咁，下次有機會會再黎食

平時食日本嘢都比較貴，今次趁着下午時間仲有lunch set就嘆番個日本餐。點左一個@極上壽司定食」$158 and 「燒豚肉丼飯」$98，佢哋最近好似做緊有八折優惠，埋單都係$180左右。認真唔話得！佢哋嘅壽司飯味粒粒有口感加埋刺身食材都好新鮮，另外個燒豚肉飯嘅配汁甜甜地配燒肉食好香口，好快就爬晒一碗飯。同一般嘅日本料理一樣都會配上一啲沙律同麵豉湯等等嘅配菜。覺得佢哋嘅環境好有日本feel，有櫻花同埋牆上邊好多日本掛畫擺設～^_^

去居酒屋嘅好處係有齊各式各樣嘅日本菜式，有壽司、刺身、串燒、天婦羅⋯⋯一定滿足到唔同人嘅喜好😍依間花居酒屋嘅門口位置有少少隱蔽，店內座位亦唔算好多！想去嘅朋友要留意餐廳晚上八點三就last order，所以最好預鬆啲時間🕰**********<鰈魚邊壽司(2本)> $38<火炙帆立貝壽司(2本)> $38<火炙赤蝦壽司(2本)> $48<三文魚腩壽司(2本)> $26<芥辣八爪魚軍艦(2本)> $28鰈魚邊壽司同埋火炙帆立貝壽司係推介之選，火炙過嘅壽司油香更加明顯，做到入口即溶嘅感覺！另外三文魚腩好厚切，同壽司飯比例係一比一，真係好滿足🤩**********<火炙三文魚親子飯卷> $98依款卷物總共有八件，適合多人飯聚叫黎share👭🏻👬🏻每件卷物都鋪上三文魚同埋三文魚子，再係表面輕輕炙燒，卷物入面嘅餡料就比較普通！**********<明太子日本香川縣玉子燒> $88即叫即燒嘅玉子燒食嘅時候仲係熱辣辣，最重要係無燒得過老嘅感覺，明太子味唔算好重，所以建議可以叫原味玉子燒🐣*

今日去開荃灣做嘢，突然想食日本野就上網搵到呢間花居酒屋料理。有地址，不過門口好細都唔係咁容易發現，一入到去裝修係深木式日本feel，都幾有日本居酒屋feel，特別仲有一棵假的櫻花樹喺度。講返食物，今日lunch叫了兩個午餐定食，一個雜錦壽司定食，燒豚肉丼飯。壽司款式都好多有海膽赤蝦帶子。新鮮程度中上，再配一個蒸蛋及淨烏冬，個蒸蛋就普普通通。另外一個豚肉飯，嗰啲肉汁都煮得幾好味，兩個定食買單$190 , 性價比都算係中上。

居酒屋位置不容易找到，小小既空間卻滿懷日本既風味，加上店內既裝飾，令人猶如置身日本電車站附近既居酒屋。✨首先黎個皇帝蟹肉蟹籽沙律，蟹籽一大堆，沙律係皇帝蟹肉同青瓜絲，皇帝蟹肉好正，啖啖肉！作為頭盤非常清新醒胃～✨三文魚刺身用料上乘，肉感鮮明，食落唔會有筋✨壽司既料全部大大塊，一d都無慳料！三文魚、帆立貝都好新鮮好鮮甜，鰻魚都好肥美，而且壽司飯用醋比例亦都剛好！✨安格斯牛肉烏冬，牛肉份量非常多，而且唔會完全熟晒好鞋口，上枱時仍然保持粉嫩感，加埋熱湯就會岩岩好！✨軟殼蟹牛油果卷，一樣份量十足，估唔到咁大份，軟殼蟹炸得岩岩好，又唔會太油膩亦都好脆，加埋牛油果同蟹籽一齊食，正！

花居酒屋，位於荃灣海霸街。 係openrice見到午餐買一送一，於是訂了位。今日行完大霧山，中午去試試。我們兩個人order了兩個午餐，兩個都是刺身飯，飯唔太多，刺身新鮮，足本。北海道丼 - 有三隻蝦，四片帶子，海膽，魚子。我覺得超抵食！午餐仲包蒸蛋，沙律，麵豉湯。 HK$148正價，買一送一，有D嚇一跳！海膽魚生丼 - 有海膽，蝦，三文魚，各樣刺身。埋單計埋加一，總共收HK$178，兩個人唔駛HK$90/位。真係唔錯！ 因為刺身唔係“渣嘢”，有水準的。

花居酒屋環境好舒服，同朋友坐低傾下計食下嘢好chill~ 宜家好抵做緊午市買一送一，嗌兩個餐淨係計最貴果款既價錢🤩有唔同既丼飯、便當、定食選擇，另外其他小食都有八折優惠！不過個午市套餐都好夠食la，所以我地就唔嗌到小食。1⃣️極上壽司定食（$158）有成十款唔同既壽司，再加兩舊玉子燒，每一款都幾好食😋帶子、鰻魚、三文魚全部都好厚切，另外佢個蟹籽軍艦蟹籽爆多，食落好有口感。海膽幾新鮮唔腥。  個壽司定食除左有壽司之外，仲有一碗烏冬，烏冬好滑，不過湯底好淡冇乜味。  另外佢仲包埋沙律、中華沙律同埋茶碗蒸，成個定食超級豐富👍沙律好fresh，茶碗蒸好滑好滑😍入面有啲冬菇、鳴門卷、蟹柳。成個餐好抵食！2⃣️吉列銀鱈魚定食（$148）銀鱈魚都幾厚肉幾大塊，炸得好脆，入面既魚肉仲係好香好軟滑，白雪雪咁，用筷子太大力夾起既話啲肉會夾散，點埋佢配既沙律醬食好正😌  另外都配左碟中華沙律同埋一碗麵豉湯。  不過我同朋友都一致認同個壽司定食抵食啲🤤

前排同流星雨去荃灣玩放低妹妹俾婆婆湊 得我同距二個拍拖🥰湊住一個真係好輕鬆快樂不知時日過 冇留意時間 玩到好晏🤣懶得再返屋企煮飯😆索性喺荃灣買埋外賣返屋企 屋企附近嗰啲真係食到好厭😪應流星雨要求要食三文魚籽波波即刻上網搵咗間日本餐廳🍴Google Maps跟住行去餐廳點知地圖明明寫住已到 但係一直都搵唔到餐廳門口 兜咗幾個圈 先至發現個入口 好隱蔽喺另一間餐廳嘅樓梯下面🤣🤣入到去有驚喜帶俾我 估唔到餐廳入面有一棵櫻花樹佈置得好有日本feel❤️點左個竹壽司🍣盛合 海膽黑松露蟹肉蒜片炒飯 芝士玉子燒 同燒雞肉串 😋😋😋開頭仲擔心唔夠食 估唔到個炒飯係咁大盤賣相好靚之外 味道都好得👍🏻👍🏻海膽同蟹肉份量好多 撈埋一齊真係啖啖都有🥰壽司新鮮 好高質 物有所值值得下次再去試其他☺️