花丸 (Closed)

唔係個個人咁幸福有自己既小天地想玩煮飯仔唔通真係要買樓先咩最近啲韓國鍋風吹得咁勁其實都想玩好耐雖然自己燒丸子唔係第一間但花丸除左玩個鍋，佢啲野食又真係唔錯講解下咩係日本豬豬就算有好多醬料樽，都好乾淨唔會油淋淋架點左大阪燒店員就好整齊咁擺哂啲配料出黎好想一啖吞左碗蟹籽！係咪排得好靚呢？睇得出有俾過心機架！ 估唔到原來燒大阪燒都好花時間我地就算等到個面煎乾哂食個陣都好似唔係好熟大家真係要俾啲耐性！ 但咁多配料撈埋一齊都好難唔好食 最緊要係落好多好多蛋黃醬hahahah煎完大啖大啖食都好開心架！ 煎完大阪燒整小丸子玩完一輪其實都攰攰地店員好好人都會幫手燒下至未至於燶哂咋👍🏻食幾粒丸一塊餅又點會夠飽丫花丸周邊小食都值得欣賞😊厚燒玉子又香甜我地試過點唔同既醬都係沙律醬最好燒肉汁安格斯牛肋肉 $98 6片好！好！味！超香牛脂香肉汁甜又易咬唔會有筋即使最尾一道菜都唔會食唔落係必食推介

呢間好難book..之前黎親都排哂隊今日趁weekday 收工帶呀仔一齊食！8點幾入到去都滿座...D位好闊落舒適，兩仔爺講野大聲左都唔怕 卡卡坐低見到個爐已經好想快d玩下有教學開頭見到咁樣樣都無咩期望反唔到呀喂師傅！！反哂皮咁 靚女職員即刻過黎幫手整...人好nice好有禮貌又好好技術...見到我個仔眼金金望住靚女店員Wahhhhh 製成品咁正！！！ 麻甩佬都整到！（其實要靚女姐姐教同幫手整）難得兩條佬食飯梗係啤啤佢，配埋章魚沙律（？）同埋烤香腸真係無得頂 佢d腸係實身有咬口有肉味果d，超好食好食到要特寫最後黎多個大板燒作結，淋多d醬好食d!因為太夜，無食太多肉，但見到menu好吸引...下次再黎食過臨走見到呢個....下次一定要食下環境滿分 店員非常helpful, 好專業而且會陪你傾計原來呢間店想人出黎食飯果陣放低手機 同朋友家人一齊玩下章魚燒 打下牙較我同我仔都非常impressed 好有心既小店！最重要係食物，新鮮又味道好得閒黎啤一啤 食下野 爽呀喂

位於尖沙咀寶勒巷10號8樓的花丸，主打日本鐵板燒。聽餐廳的名字，就知道其中一款招牌菜是小丸子。餐廳在午飯時會推出板燒飯，價錢約五十多元。點了一客飛魚小丸燒，約幾分鐘後侍應便端來了材料：麵粉漿、飛魚籽、章魚粒、天華、紅姜。把麵粉漿倒到燒鍋前記得先輕輕攪拌一下粉漿呀。餐廳採用自助製作小丸燒的模式，製作的過程頗有樂趣，而且不同食材的份量也可依個人喜好來添加。如果需要協助的，職員也是樂意幫忙的。桌面上的醬汁和設備一應俱全，有小丸子醬、日式炒麵醬、御好燒醬和紫菜碎。另外記得在倒小丸子粉漿前掃少許油在鍋面呀。小丸子終於製作好了，個人喜愛預留少許飛魚籽放在小丸子的面頭。整個小丸子的口感頗為有趣，脆卜卜的。得到了職員的指導，所以外皮燒得脆脆的。一客的份量可製作八粒小丸子，可以二人分享再點其他食物。接著點了香蒜口味的上級安格斯牛肋肉。職員會把小丸子燒鍋更換成平面的鍋。牛肋肉在鍋上燒得滋滋作響。這款牛肋肉的口感頗有嚼勁，蒜香味十足。點了一杯解渴的柚子蜜梳打，味道不會太甜。

每次去到大阪，都會食當地既章魚小丸子同大阪燒。返到香港成日都好掛住佢地今日終於比我搵到啦！我哋今日去咗尖沙咀嘅花丸，去到已經坐滿人，枱同枱嘅空間好大，好適合慢慢食同傾計，舒服！我叫左個飛魚子章魚丸＋1個盛合御好燒，同埋一個鹽味牛肋肉。店員小姐再介紹咗一個可以消肉感油膩感嘅小食俾我哋，叫八爪魚番茄醃漬。裏便係有番茄青瓜洋蔥夾埋八爪魚一齊食，配買青檸檬汁感覺好清新。新感覺，值得一試。好快侍應小姐已經笑容滿面咁樣遞埋啲材料上嚟，教我地點樣整章魚丸。指住個圖同材料同個爐，圖文並茂咁逐個step 解釋，好細心。嘩哈哈哈哈！終於完成左我人生第一粒DIY章魚丸!好開心!唔知係咪自己整,所以覺得佢特別好味！ 之後我哋見隔離枱日本人玩得咁開心，我地又開始整我哋個御好燒。原來要整到好正宗好靚仔唔係咁容易，不過中間可以享受同honey 玩一大輪cooking mama，玩鬥創意，都已經夠Sweet！而且味道好好食，可能係因為材料好豐富啦，又豚肉又海蝦又章魚又八爪魚。最後食埋佢加海鹽牛肋肉，啱啱好。大滿足飽晒，滿載笑聲中完結。

想自製小丸子好耐啦😍試左呢間開左無耐嘅花丸😆除左自製小丸子之外仲有大阪燒、炒麵同燒肉😝我地叫左一隻傳統嘅小丸子 - 八爪魚花丸燒($65)同埋 一隻新式嘅 - 富士蘋果小丸燒($78)😝.餐廳提供哂步驟、材料 感覺上好似好易 但一開始做落真係幾考功夫😅難怪出面啲小丸子都有番甘上下價錢😂😂全靠侍應好有耐性又搞笑甘教我地 整整下就上手了😍過程好好玩 最緊要係製成品都好好味 同出面賣嘅好似架😆講下特別嘅富士蘋果小丸燒🍎整緊嘅時候已經聞到香噴噴嘅蘋果味 食落中間有啲爽口甘 甜甜嘅 味道幾有趣🤗.除左小丸子 我地仲叫左燒肉😍上級安格斯牛肋肉 (海鹽) 🐮 ($98 - 100g) 同 蜜糖黑胡椒豚肉🐷($68 - 100g)🤗牛肋肉口感唔錯👍🏼

成日見人地整小丸子、大阪燒...今次終於都輪到我啦。今晚朋友帶我黎到呢期勁有人氣係寶勒行樓上主打章魚小丸子、御好燒同鐵板燒既日式餐廳。呢度裝修簡單，地方唔大，但係環境舒服。每張枱都已經安裝好一個電熱鍋，方便食客自制小丸子。Menu呢度主要提供章魚小丸子、御好燒同炒麵三種食物，其他都仲有小食同燒肉等等。店員會預先撈好蛋漿同配料，之後再講解個制作過程，仲提供埋個教學餐牌tim。成個過程唔算複雜，而且成功率高不過如果唔想自己整，都仲可以叫店員代勞既。連我呢個地獄廚神同手殘既朋友都成功整左有賣相又好味既芥末八爪魚小丸燒（$65）屋台風炒麵$88由於我地掛住整小丸子，冇時間再自己炒就搵左個店員幫手。呢個炒麵麵質爽口，仲好醒胃tim香蒜安格斯牛肋肉$98至於呢個牛肋肉，超有牛味，肉質又嫩滑，配埋香蒜同自家醬汁，好yummy呀

話說前排要慶祝週年，想食特別啲，唔想食放題打邊爐，就搵到呢間自製小丸子同御好燒，估唔到有驚喜😍 御好燒好足料，仲有隻蛋打佐落去。根據佢個 instruction，只要將碗入面既材料撈勻之後倒落個鐵板就可以。最挑戰係反轉個御好燒個下，一唔小心就會整到散曬。佢個味道調得唔錯，唔會好似食緊粉漿咁。 自製小丸子仲正😍 有原粒章魚同好多蟹子。本身以為好難整，但點知自己整都可以整到外脆內軟😆另外呢杯巨峰可爾必思都好值得叫，酸酸甜甜咁，唔會好藥水味。

今晚跟老公去到尖沙咀工作完，想去逛逛街吃吃東西，一行到寶勒巷時他就數說以前在這裡工作過一段時間，還說他以前第一間工作的酒吧，現在已經由一間日式餐廳所取代，在好奇心的驅使之下就上去了位於寶勒巷中央一楝大廈內。一開電梯門已聞到香香的壽喜燒味，令我和老公口水也快漏出來了！一進門口發現就坐之客人比預期更爆滿，以上樓餐廳為例通常能做到穩定半成滿已相當理想，但這餐廳竟能做到9成滿，剛好就淨下兩個位置可以坐，真幸運！由於我們第一次來，好奇的看著桌上的電熱板爐和製作方法餐牌一頭霧水之制，悉心的店員親切的一一介紹與說明，如果論店內服務相信也有高級餐廳的級數了。第一道菜是四重芝士麻糬御好燒($108)先將所有材料混合好，再將整碗壽喜燒依照店員的講解上下互煎，最後加上御好燒醬和蛋黃醬，立即散發濃濃的香味，一入口外香內軟味道一流，材料相當豐富，與日本的正宗御好燒有過之而無不及。第二道菜是飛驒和牛芝士漢堡扒($68)漢堡扒十分出色！軟硬適中，而且一啖咬下後還有滿滿芝士流出！飲品方面我點了三得利超級生啤($48)要揸車的老公則點了原味的可爾必思特飲($28)最後一道菜點了香蒜安格斯牛肋骨($98)加入蒜粒再燒的牛

睇過本日本雜誌，佢話日本女仔好鐘意係屋企舉行燒小丸子聚會，一路燒一路傾計，非常開心。於是今日就約埋班閨蜜黎尖沙咀「蜜蜜燒」。八爪魚花丸燒 $65(麻糬、八爪魚、天華、紅薑）麻糬！小丸小入面竟然可以放麻糬，好有創意呀， 姊妹們都是煙韌控，大家都好期待。餐廳有提供一張燒小丸子步驟說明書，其實過程比想像中簡單，係轉既時候需要啲技巧，好彩店員都好主動幫手，最後我地成功整到又圓又大粒既小丸子。加上燒汁，蛋黃醬同海苔粉、鰹魚花（ $10)，賣相滿分！外脆內軟，最重要係裡面既麻糬半溶狀態，仲好煙韌，味道都好到位，一份唔係好夠食。飛驒和牛芝士漢堡扒 $68和牛芝士漢堡扒特別在個醬汁，原來係酸酸甜甜既洋蔥汁，有解膩作用。夾開後芝士湧出，好流心。牛肉好香，好多汁，有顆粒感，芝士加埋一齊味道更加香濃，有層次。三得利超級生啤 $48/ 380ml食燒肉當然唔少得啤酒！上級安格斯牛助肉 $98/100g安格斯牛肉有四個唔同醬汁味道揀，因為想食到原味，所以我地就揀海鹽味。牛肉口感嫩得黎有點彈牙，好特別。燒肉加$28升級套餐 有白飯及凍烏龍茶，本人食燒肉一定配白飯。呢到白飯煮得粒粒飽滿，又夠乾身，不錯。鹿兒島牛柳粒

玩cooking mama就玩得多，今次可以同家姐黎玩真人秀。我地都係日本旅遊的die heart fans，鍾意日本好functional，食買玩都可以滿足晒，黎花丸都可以頂下癮。小丸燒和御好燒有好多花款，很有新意，仲有炒麵和燒肉食。富士蘋果小丸燒 ($78)富士蘋果、天華、紅姜，加章魚粒 $15。跟住guideline自己整takoyaki，staff會不時過黎睇進度，有很多技巧，如何用兩支竹簽把丸子反轉和倒蛋漿。一邊燒就聞到紅姜的氣味，肚子就一直在叫。雖然不是燒得很完美，但還是覺得很美味，跟在大阪吃的一樣，又可以食又可以玩，一舉兩得。章魚也算大粒，富士蘋果爽口清甜，oishi!大家可根據自己口味，落小丸燒醬和蛋黃醬，又可以喪加青海苔。四重芝士麻糬御好燒 ($108)大大碗的材料，有紅蘿蔔條、櫻花蝦、紅姜絲、天華、麻糬粒、芝士、椰菜、蔥和雞蛋，先把所有材料拌勻，然後倒入熱平底鍋，每邊等3、4分鐘。一邊燒的時候，發現隔離枱有日本人來做御好燒喔！大板燒要一直用鏟子往中心推，令到燒餅膨膨的，還好家姐看卡通的時候學到，我就可以坐享其成。大功告成，很有滿足感！燒好之後，可以放專用的御好燒醬、

終於同朋友試咗呢排好出名嘅花丸我哋叫咗個八爪魚花丸燒呢款入面有年糕 好特別首先倒滿左一個個嘅半完煮到咁上下 就開始返佢一邊返 一邊加番啲漿雖然一開始真係整得唔係咁靚但係其實最後整下整下都會整到好似模似樣之後我哋仲叫咗個泡菜豚肉御好燒將蛋漿整成原形之後落啲菜再落啲煙肉上面等陣再反幾反就食得好好味之後再叫左安格斯牛柳炒麵材料十分豐富先落牛再落菜同炒麵炒下最後再加炒麵醬就食得好好食仲叫咗個和牛芝士漢堡扒一切落去啲芝士就流出嚟

去大阪吃了好多燒🐙章魚丸和大阪燒...香港也可以自己弄，好好玩，可是我好失敗！原來要弄到燒章魚丸子圓碌碌🍡都不是哪麼容易... 唉！我的真的很失敗🙈... 雖然外形不討好，但是自己弄的格外好吃喐！還點了燒🐂牛肉和🐔雞肉，兩款也可以！雞肉外加瑞士芝士🧀有點過salty... 御好燒都是很難弄得好，但是味道也很不錯！其實把握了方法，應該不太難的。價格也很大眾化！吃得飽飽，兩人$400 ！下次公再嘗嘗！

我係第一次黎，原本好擔心會唔會DIY到唔食得，但最後完全唔係問題！因為服務員好細心，會guide住你點樣DIY小丸子同御板燒，如果你冇信心自己整，佢地亦可以幫你整埋！我同朋友2人DIY左小丸子、御板燒，另外叫左個炒面都好好食！值得推薦

之前睇ig story見到人自制小丸子好似好好玩咁，突登黎試下！7點黎到冇咩人但一坐低就陸續有人黎仲爆場添！見到有兩台都係日本人黎，店員用日文幫佢地落單😱😱勁！我地叫左原味小丸子，份量有8粒，章魚真係岩岩好8粒，我地跟住instruction既步驟整，都好清晰好簡單。店員好細心，有示範比我地睇點樣用竹簽反小丸子，但我地有幾粒都係失失地敗🤣落埋啲醬，紫菜，同係日本食既冇咩大分別，唔怪得日本人都黎幫襯啦！🤣食完之後就整大阪燒，勁大份呀，差啲個板都放唔曬！加埋啲配料好好味呀！🤩仲叫左上級安格斯牛肋肉，鹽味，油花幾靚$98算抵！鹿兒島和牛粒都相當唔錯！但要好好控制火喉岩岩8成熟先夠林身！香草燒雞扒係廚房燒好先比我地，份量好足呀，但味道就冇咩特別！

話說我同大少都鍾意食章魚小丸子，每隔一段時間都心血來潮都想食下，但街上又唔係經常有好味道嘅⋯⋯之前行街經過見到花丸呢度有得食又得自己落手落腳整，即刻記低佢要搵日黎試下，襯新年假期間就搵日黎試下佢喇！一坐低就急不及待睇下餐牌有咩選擇除左小丸子外，仲有御好燒同炒麵都可以自己動手整嘅！另外仲有燒肉類可以選擇嚟得呢度就梗係要試下小丸子同御好燒啦！店鋪都十分細心，已經整好晒個牌教大家點樣制作跟住步驟做應該唔難嘅。落咗單後，材料好快就送到上枱跟住步驟慢慢嚟整，其實都唔係好難仲幾好玩㖭！值得一提，店員不時行過嘅時候都會留意下我地整成點，會主動提供協助咁，值得一讚自己做特別有成功感，味道亦都十分有日本街頭章魚小丸子嘅感覺，值得一試整完小丸子後豚肉御好燒嘅材料亦都送到上枱喇！話咁快就整好！感覺上御好燒更容易整自己整有個好處，就係可以根據自己嘅喜好去煎燶啲，我地就煎得比較香口啲，比之前食過嘅都脆口，入面亦都無咁濕，味道亦都唔錯，入口唔會覺得淨係得啖粉薪咁！我家大少又點夠飽呢！個御好燒都未食完就已經攞個餐牌再睇☝🏼佢就再叫多咗一個安格斯牛柳炒麵，落單嘅時候店員問我地使唔使叫廚房幫我地炒埋，原來呢幾樣都可以同