花丸 (Closed)

見最近身邊啲朋友成日食DIY小丸子自己都想玩好耐就約人收工去附近玩下我地叫左一客小丸子先啲材料係8粒既份量黎既然後我地就跟住menu講既做都幾難整其實 完全同平時見到反兩下搞掂既兩回事但最後都算成功 有板有眼既～不過如果係比鐵籤而唔係竹籤整可能仲好少少起碼啲蛋醬整個陣唔會痴返住枝竹籤燒肉方面叫左牛同雞佢本身就醃左味 都幾入味架肉質都鮮嫩 厚度適中！不過一客既份量唔多 所以如果中意食肉既 可能要叫多幾客最後再叫多左個炒面填下肚佢啲材料都比得幾足 醬料就放哂喺枱等我地自由發揮我地炒完岀黎賣相都幾好呀又可以填飽肚子 又可以邊玩邊食 都幾開心架

行開尖沙咀，寶勒巷有好多嘢食，見到呢間幾有趣嘅餐廳之前有一排，好興自己燒小丸子，見熱潮開始退減應該冇咁多人，即刻去試下過下癮坐低見到檯面已經有一個個窿窿燒小丸子，好興奮叫咗燒小丸子，大阪燒，玉子燒同埋燒肉嘢飲嚟咗先，一杯凍檸茶，一杯凍檸水，都幾有茶記嘅水準之後小丸子嘅材料都嚟咗我哋嗌咗洋風芝士小丸燒，所以唔係八爪魚，而係有切到八爪魚形狀嘅腸仔，芝士，同埋啲脆米佢有張說明教你點燒，雖然睇住，但係我哋都唔記得落料，好彩有店員睇返我哋要點做燒到咁上下轉佢90度，再落啲漿8粒完成好似玩完一舖以前online嘅燒小丸子game咁燒完可以吉落自己隻碟度，再瘋狂落燒汁，沙律醬，紫菜，好好食又好好玩腸h仔係廚師腸嚟嘅，overall嚟講芝士味唔濃，不過自己加醬汁可以再調味，加分大板燒啲材料好靚，佢呢度叫做御好燒，我哋叫咗個泡菜豬肉，都係有啲fusion嘅感覺撈好哂啲材料，倒哂落去，再放上幾片豚肉，賣相好吸引因為有泡菜，所以好似比隔離檯個塊更深色，帶少少橙橙地，唔會話好鹹，泡菜亦唔辣，鐘意食泡菜嘅真係不妨試下另外叫咗個玉子燒，店員同我哋講話有新口味出可以試下，係櫻花蝦玉子燒，貴$10我哋見今餐都冇叫到海

星期日下雨天，無得去戶外，惟有去食野！心血來潮諗起呢間可以自己整章魚小丸子，就打去問1小時後有無位，好幸運的有位！我們就選了章魚小丸子和大阪燒，滿足我可以整哂兩款有教學說明，唔洗驚整唔到叫了2份章魚小丸子，每份可以整到約8粒小丸子。建議用中間果8粒位置，因為火力最強。整小丸子的過程都有店員過來試範和教我們點樣反轉成一粒粒圓的章魚小丸子，慢慢整就搞掂完成喇！每張枱都有醬料自己任加。之後就開始整大阪燒首先要撈好所有配料(除了煙肉是最後放上)，然後倒落平鍋上。大阪燒比較簡單，就咁倒上就等佢熟，之後反轉去煎另一邊。完成品！又可以自己任加醬，好味道！

.🍳厚燒日本玉子（$38）即叫即製 要得3️⃣0️⃣分鐘先有得食😜.🍗日式炸雞（$48）熱辣辣🔥配沙律醬一流👍🏻.🐙八爪魚小丸燒🍡（$56）睇住教學一步一步咁燒🔥 終於成功😋👏🏻.🏠屋台風炒麵🍜（$78）🍃菜夠多 岩曬我 而且自己整 可以控制住麵嘅煙韌程度🤗.🐷豬肉御好燒🌮（$78）😜又燒得似模似樣 估唔到好睇又好食👍🏻.🍯花丸柚子梳打（$30）🍒花丸梅子梳打（$30）.📌店名：花丸‘📍地址：尖沙咀寶勒巷10號8樓

係朋友介紹下得知尖沙咀開左間可以自己整小丸子同燒肉既鋪頭，見咁得意就去試下啦雖然店員有介紹點整，但第一次整個樣就有d失敗，但味道都同出面既差唔多呢到既小丸子有好多味揀，今次揀左八爪魚年糕，幾得意，可以再encore! 但價錢可以再平d就好另外叫左燒肉跟餐有白飯同餐飲，唯一唔好係個爐好淺，成日比d油彈到！

嘩嘩嘩 今日非常之開心 呢間舖頭前排喺ig度好hit 叫做花丸 主打係畀人自己diy整八爪魚丸同埋禦好燒 呢個係由細到大玩既flash game 係我想做嘅活動 叫咗一份洋風芝士小丸子 呢款小丸子特別之處係冇八爪魚粒 而係轉咗做脆皮腸 店員會為你細心咁講解做法同埋介紹材料 之後就可以自己落手做啦 食材有粉漿脆皮腸 芝士 同埋最特別有樣嘢叫天環 係由天婦羅炸漿整成嘅 加埋落去口感會更加豐富 我哋第一次整 整得十分之核突 好在店員姐姐出手相救 最後都見得下人 食落味道都唔差 外面脆脆地 入面有啲張口嘅感覺 加埋小丸子汁同埋沙律醬 都好好味 之後就叫咗豚肉禦好燒 上到枱顏色好靚 好似韓國拌飯咁 但係個底就係粉漿 將所有材料撈勻就可以放落個鐵板上面 然後上面再鋪返豚肉 煎一陣就可以反轉 最後成品外面脆脆地 入面亦都有蔬菜嘅爽趣同埋香 加上豚肉同埋禦好燒嘅醬汁 好好味 而且玩味十足最後就食咗燒肉 店員話有得揀師傅幫你燒定係自己燒 嚟到呢度梗係自己燒啦 叫咗蜜糖胡椒豚肉 甜甜地 而且肉質好林 好重豬肉味 燒肉汁安格斯牛肋肉 牛肉嘅油脂分佈好靚 入口冇根而且牛肉味濃 燒汁味亦都配搭不好得宜好夾 不過

作為無飯情侶，偶而為之下廚都是情趣。今次到花丸自制美食，女朋友覺得好好玩！可以 DIY 的有燒肉、小丸燒、御好燒和炒麵，店員會細心指導，一定做到的。八爪魚蕃茄醃漬醃得帶酸，加上清爽的青瓜片和蕃茄片，是道開胃的小菜。燒肉的選擇不少，有豚肉、雞肉和牛肉，亦有魷魚和野菌。我們單了香蒜安格斯牛肋肉，另外還有香蔥、燒肉汁和鹽燒等口味。安格斯牛肋肉輕易就熟了，肉質很幼嫩，肉汁非常豐富！大量的蒜頭很香口惹味。海鮮御好燒材料充足，只要把食材拌好就可以燒了。將材料堆成圓形，每邊燒大約三分鐘。最難就是如何反御好燒，不過店員會做示範，學完就很簡單了。海鮮御好燒的蝦十分鮮彈，椰菜也爽口，味道好好。八爪魚花丸燒的餡料有年糕和八爪魚，而小丸燒的團漿是來自日本的秘方秘制而成。將團漿倒到中間，再加上餡料。半熟之後就將小丸燒翻九十角。店員會留意我們的進度，適時過來指導。成品賣相不錯，吃起來有鮮爽的八爪魚粒和口感煙韌的年糕。而 DIY 的樂趣還包括落醬汁！花丸梅子梳打酸酸甜甜，頗大杯，很解渴的。我們坐近窗邊那排座位，左右兩枱客人都是日本人，店員都用流利日文招呼他們。就連餐廳播的聖誕歌都是日文，很有身處日本的感覺！

如果要揀一個又有得玩又有得食嘅地方呢，我覺得呢到真係當之無愧，係晚飯嘅時間入到黎呢度，場地差唔多係爆滿，好彩仲有兩個位啱啱好。我記得嗰晚個人特別肚餓，但係呢一度每一樣嘢食都差唔多要自己親力親為先至可以食。即刻覺得有啲驚，但係好彩仲會有幾個款式嘅食品係可以即叫即食嘅，例如呢一個壽喜燒鍋。呢個鍋用上嘅牛肉嘅質素都唔錯，好明顯唔係啲普通嘅肥牛，係用咗比較厚身嘅牛肋肉，味道濃厚。食咗有少少飽之後就可以開始玩呀，燒章魚燒我都試過好多次，但係每一次唔知點解就係冇日本嗰啲人燒得咁靚，咁大粒。但係味道來講，我覺得自己都整得唔錯啦。我特別就想講一講呢個大阪燒，係我第一次整。所有嘅材料佢會預先放入一個碗，整之前就將所有材料撈勻，放落去煎就係咁簡單。我揀咗個海鮮大阪燒，入面嘅海鮮會有蝦，會有魷魚，另外仲會有唔同嘅配菜。椰菜，蔥花，雞蛋等等，唔知佢個份量點樣溝，所有嘢只需要輕輕放落去煎10分鐘左右，再加d中意嘅醬料已經可以食，仲好好味，又有得玩，又有得食。佢呢個爐真係唔錯，一個爐可以有唔同款式嘅板可以換到，包括章魚燒，大阪燒甚至燒肉都可以一個爐搞掂晒，真係好方便。

朋友之前買咗個港女爐，我都冇機會上去玩。 估唔到畀我搵到間餐廳有得玩，仲可以自己整，一手一腳自己做。點了八爪魚小丸燒， 雖然粉漿一早已經幫我哋調教好，但係味道好自家feel， 食完又唔會好口渴。鹽味豚肉， 估唔到咁有驚喜， 本身叫豚肉， 係因為朋友唔食牛，所以就叫舊豬肉，一齊試下。點知店員都話我哋識食，原來舖頭賣嘅係日本本土豬，國產豚，淨係食番日本嘢，已經值回票價。 食嘢最緊要夠安心同安全， 一向都有啲崇日本嘅我， 所以食得更加放心。下次一定要再來， 最後仲喺門口見到安心嘅標誌。

話說呢間店一開我已經想去終於搵到朋友同我一齊去，佢話佢食開被服務既餐，食唔慣要自己動手的但當見到我將蛋漿放入小丸子機，慢慢傳黎勁香既味，佢忍唔住都一齊動手成品非常令我滿意，而家味道真係同大阪食既一樣我係大阪未食過大阪燒，以為同小丸子一樣味，點知原來有d 唔同，而家菜的比例好高食落係唔會膩，面頭的豬肉燒完後好crispy估唔到牛扒都好好味一見佢上碟，d 雪花分佈已經覺得物超所植，燒完入口發現d 調味都好正而且佢最正既賣點一定係一班朋友一齊煮飯仔feel 既過程又有得食又有得玩

見到呢間餐廳幾特別，除左有燒肉外仲可以自己燒小丸子！手殘既我第一次燒都無失敗！好食又好玩。燒肉也都十分出色，豬肉同牛肉都好滑好juicy,脂肪分布亦都頗為均勻！價錢亦都合理，值得推介！

男朋友生日想來試試這間餐廳。1星期之前打去訂位，有位先生接聽，我就把人數時間報上訂位，掛線之前問那位先生如帶蛋糕需切餅費，先生說不用還可以安排我們在餐廳進食。直到當天，確認定位時才知道人頭費最少要＄100， 限時90分鐘。不緊要反正男朋友已選了就進去食吧。1塊普通又細又薄的豬扒收費要＄65;不提供水；豬扒廚房幫我們煮但是不熟未熟透。食完我同一位女侍應說要切蛋糕，誰知她俾單我埋單🙄賣完單我以為她會遞上蛋糕；點知等左好一陣都冇。我再走上前同佢講我要切蛋糕。點知佢成盒蛋糕放返係枱面開都冇開，我同女侍應講「我而家要喺度切」，女侍應以一個爛仔嘅態度答我「咁你想點？我哋冇收錢餅費係咁㗎啦」。成件事真係令到我一家人同男朋友O晒嘴，你唔收切餅費你可以同我講，原來唔收切費嘅意思係咩都唔做就咁原封不動俾返個蛋糕我，起碼我都有心理準備，唔駛咁尷尬。最後我哋要係個紙盒上面分蛋糕食，刀叉碟咩都冇。一間小店如果要成功，食物質素、服務質素、環境因素全部都要一一俱備。呢1間完全係不知所謂嘅餐廳！

同朋友gathering ，好友提意來點新意「自己煮」...就去左宜間主打日式餐廳齊下廚。大部份既食物都係可以「自己煮」，可以自製章魚小丸子、御好燒、燒肉及大阪燒。店員遞上預先混合好蛋漿及配料，之後再講解一次點整作，之後就係我地大顯身手既時候了！燒得燶燶地 ，入口外脆內軟。再可以隨個人喜歡加入蛋黃醬、燒醬及青海苔。另一自製作品...海鮮御好燒。將雞蛋和配料混合左之後，放上鐵板，燒到金黃之後放上木魚乾就上得碟食得喇！屋台風味炒麵有椰菜、豬肉、海鮮，先炒菜，然後加入其他配料。最後落麵條，炒熟後淋上燒汁就食得喇！玩煮飯仔冇難道呀！蜜糖黑胡椒豚肉帶有脂肪薄身，放落鐵板燒一陣好快就熟就食得喇！可惜份量唔多，有點不夠喉呀！

從來未去過一間以玩家DIY做主題嘅餐廳又好食又好玩，而且因為一路整，一路keep住有話題傾，一啲都唔會悶呀xd首先我哋叫咗個芥末章魚燒(小丸燒)，即係普通會有嘅材料，另外有一碟芥末醬材料包括粉漿，八爪魚粒，酸薑粒同脆米個爐旁邊會有圖文並茂嘅指示教你點樣燒，所以都唔使擔心會fail而且當我哋一面疑惑咁嘅樣，店員都會主動走過嚟教我哋，佢話啲脆米有油，落咗嘅話啲粉漿冇咁易痴底先落油，粉漿倒滿圓形嘅模，落材料，然後再撩旁邊嘅蛋漿返入去然後就可以耐心等待佢啲粉漿熟，呢個步驟絕對唔可以太心急，因為佢嘅外型係依家會開始定，如果亂咁撩，整出嚟就會唔圓又唔靚整完出嚟粒粒都好靚，真正嘅外脆內軟出面好結實嘅，而入面係好軟綿綿，完全估唔到有咁大反差 ，一啲都唔似香港啲章魚燒，入面一舊舊粉團咁，甚至同係大阪食嘅質感好相似！叫咗個雜錦大板燒，椰菜底，有魷魚肉，八爪魚粒，蝦肉，豚肉片，甘筍絲，紫薑絲，脆米，中間仲有一隻蛋，所以好似一碗丼飯XD而且佢色彩好鮮明好靚，一望到已經增加唔少食慾呢個做法都好簡單，除咗豚肉片，其他材料撈暈哂倒落去就得如果想整靚啲就推佢啲邊邊，令佢變返個圓形等多陣之後就可以鋪上豚肉片，然後就可以

來到這間要DIY製作食物的餐廳。餐廳提供的食物種類不多。我點了三款要自己動手做的日式食品，包括小丸子、御好燒及燒肉。每份食物的價錢不貴，份量亦不多，因此可以多點不同的款式的！原來燒章魚小丸子一點都不容易，我搞到一塌糊塗後，要麻煩職員幫手，才可以做出漂亮的丸子。製作小丸子不要太小心，愈是小心、輕力，反而更難成形。御好燒的製作方法比較簡單，但要比較有耐性..我點的是$ 98的盛合御好燒，配料比較多。食材味道比較淡，味道主要是靠御好燒醬及蛋黃醬。每燒一款食物，店員便會給我們換鐵板，有坑紋的這塊是用來烤肉的。肉類分別是鹽味豚肉及香蒜安格斯牛肋骨。牛肉價格稍高，但很肥美，味道很好！餐廳還有提供DIY炒麵，但我們因為肚皮空間有限，我們不能再點炒麵了！而且餐廳限用餐時間，90分鐘製作3款食物已經有點趕急，炒麵唯有留待下一次才品嚐！