晴舍 (Closed)

同好友係地鐵站內search緊有乜新食肆，偶然滑到去晴舍，相片見環境唔錯，決定一試。間中都會行過德成街（去食腸粉😁😁），原來晴舍係位於一個新樓盤嘅一樓，唔怪得喺地鐵站同埋樓下會見到好多樓盤經紀。由於我哋下晝三點幾先至嚟到，所以過咗午餐時間，只好點甜品及飲品。原味窩夫呢度嘅窩夫質地偏向結實，似係響超市買嘅急凍窩夫一樣，味道偏甜，但個雪糕個味道卻又偏淡，同好友研究咗好耐，啡色嗰個係唔係咖啡雪糕嚟🤣🤣😅😅。抹茶芝士蛋糕呢個芝士蛋糕唔算好creamy，抹茶味唔夠濃，有進步嘅空間。飲品方面分別叫咗 O.M.G. Juice 同埋Vargin Mojito。好友話個杯OMG 幾好飲，orange溝mango溝grapefruit，味道濃郁。另外個杯 , mint 加 lime 加 soda water 味道尚可。呢度空間感好闊落，樓底頗高，枱同枱之間又有一段距離，如果好似我哋咁坐喺窗邊，望住出面棵大樹，真係好舒服好寫意🤗🤗。

考完試同啲同學食餐好！上openrice見到呢間新餐廳， 望到餐廳嘅外型，吸引到我哋去試一試。餐廳環境比預期中差，望到個外型會諗住裏面嘅環境都會好好，但同普通茶餐廳冇分別！兩個人嗌左雞扒定食同埋廣島蠔定食。 兩碟飯好快就上枱，飯偏濕， 雞扒可以但唔突出。 炸蠔就冇咩味道。 而兩碟飯都跟一碟類似特製醬汁，但個人認為個味道麻麻地。跟餐有兩杯嘢飲，嘢飲OK，如果可以大杯啲就更好！人均消費百幾蚊，整體來講一個lunch嘅價錢過$100 ，就會要求有返少少質素！但係呢間餐廳性價比唔突出，要考慮吓俾唔俾多次機會呢間餐廳！

100蚊左右一個set  unch,  價錢唔係問題，到到cafe差唔多，但魚生份量好少，感到完全唔值。個虎蝦天婦羅鍋燒烏冬，1）竟然係無味清湯？！2）好好一隻天婦羅，浸落湯到，濕晒，夾到上黎，皮肉分開？！重要又係無味既。3）有舊雞肉係烏冬到，白烚無味，健身餐呀？！worst中之worst! 活受罪！4）有件小唐菜，煮到黃色既…成件事似一個唔識煮野食既人係屋企煮比你。重唔好提要排隊等位入黎食… 樓下話岩岩開張，「歡迎指導」排隊system混亂，大把位話留比book左台既人，等左25分鐘都無見人出現。。。唯一可讚：空間大，可以慢慢傾吓偈。祝你搵到愛你既客人，生意興隆🙏🏻

近日佐敦德成街出現左個日本小社區，吸引左好多人黎打卡，晴舍就係喺到新開嘅日式cafe。🌟餐廳喺一樓，環境都算大，而且用上無印風裝修，感覺好舒適帶有日本色彩。🇯🇵🇯🇵餐廳係用QR code落單，平日下午可以叫lunch set，包一杯飲品。食完正餐之後大概兩點半，全部甜品都賣曬😭想食嘅就要早d落單先！🌟食物質素🍱1) 角切魚生飯 （$108)❤️❤️❤️❤️🤍魚生飯用上三文魚，三文魚籽，吞拿魚玉子，青瓜。魚生份量足而且新鮮，啖啖都係魚生，食落好滿足，但係整體比較細份，女仔食就啱啱好。2) 滑蛋吉列十勝豚飯 ($108) ❤️❤️❤️❤️🤍炸到脆卜卜嘅吉列豬扒放喺滑蛋上就係最好嘅配搭，豬扒炸到外脆內淋，肉質鬆軟，如果可以厚d就更加正！蛋汁帶微甜，送飯一流！3) Iced Americano (跟餐免費) ❤️❤️🤍🤍🤍Americano味道較淡，咖啡味唔夠。見到有其他手沖咖啡，可以考慮叫其他款式。

提早一星期的預訂的晚飯終於可以去試試。老實講， 去到有小許失望因為場地與宣傳有差別，食物味道一般。不過當時的確有兩位客人飲得很高興，開始越講越興奮。客人可能是熟客或是老闆朋友卦，與餐廳内的工作人員有說有笑。後來，水吧的工作人員更同埋一飲齊，一杯又一杯的啤酒和清酒與客人碰杯。一起自拍，相當高興，而我再落單加野飲都無出，等左一陣要我提至睇到。明白餐廳是公眾地方，本想好好享受食物同飲品！但。。。。真係越來越嘈”，係厠所都聽到，即刻埋單走人！

朋友介紹吓，去呢間餐廳食晚飯，果然味道好好味，環境寬敞，侍應好Friendly, 老闆好招呼。其中我最喜愛嘅佢係佢個壽司拼盤、牛舌，燒茄子同沙律，下次試埋佢啲和牛先。值得推介😋😋😋😋。

閒日中午2時半到達，於地下大堂位置，放了兩個set lunch的餐牌，家人選擇了其中一個套餐和牛炒飯，便直接上1樓餐廳。不用等位，坐住寬敞，佃當點餐時，侍應才告知他們放錯了餐牌，和牛炒飯只是在星期五，六，才供應！唯有選擇了兩個套餐，咖啡豬扒飯及豚肉烏冬。在未進食時，已發現餐具有點問題。每支餐具都有掉漆的情況餐廳在試業期間這麼短時間內，餐具已有如此破損，實太令食客擔心食具是否安全。咖喱豬扒飯味道不錯，只是豬扒炸粉較厚，顯得有點硬身。豚肉烏冬味道正常，但配料只有一點蔥花及粟米，欠缺蔬菜，令烏冬感覺單調及廉價。於付款後，侍應並未有把單據及信用卡交回給本人，只是直接放在枱面便轉身離去，這做法實不禮貌。而離開餐廳後，看到樓下大堂並未有收回假日的餐單。經過這此經歷，相信並不會再到此店消費。

這是新樓盤的一家新咖啡/酒店 提供午晚日式定食蛋糕來自茶家 但當天覺得樣貌不太吸引Handsoncoffee的班底提供精品茶 自家炒的豆可以選擇虹吸或手沖奶啡則有Ethiopia或Columbia 的選擇當天試了Costa Rica 72 Hours Pasa 手沖 ($72)Pasa是較獨特的處理手法 界於日曬和水洗之間 好奇一試 入口甜、順滑、微茶感 頗有趣的味道食物方面我們點了軟殼蟹牛油果沙律和吉列蠔定食，定價正常，據悉吉列蠔定食的飯有彈性、蠔也酥脆～Affogato的咖啡味不特出而雪糕很香。PS 點定食跟正價飲品可減$20。

公司後面，開咗間新餐廳！午餐時間，勁多人，要早幾日訂位！膽粗粗，走去試吓！叫咗個刺身丼定食！都已經唔係多㗎啦！得嗰幾片！重要唔新鮮！好腥啊！搞錯！價錢，又唔平，俾啲咁嘅嘢我食！

晴舍空間感很大，裝修光猛舒適，餐牌上都是簡單日式料理，感覺是不很難做到難食的組合。從午市餐牌選擇了咖喱吉列十勝豚飯餐，連凍美式咖啡共 $108。點餐是自助掃 QR code 的，可能因此也沒有加一服務費。日式咖喱炸豬扒飯理論上不會難食，但是首先咖喱是溫的不夠熱，咖喱味道過稀，感覺是加了太多水；炸豬扒夠熱，但是豬扒和炸皮散掉，豬扒有筋影響口感；最後白飯太濕太爛。整體來說，他沒有難食到要立即棄掉，但是每一個元素都有問題，令人不會再回頭。另外凍咖啡表現正常。

開心Share!日前約舊同事放工飯聚，好開心找到一個交通方便(距佐敦MTR兩分步程)，食物美味，價錢ok，服務有"heart"，環境舒服，適合大班人聚脚談天的新地方，所以一定要和各位foodie分享一下。hare(讀成日文"ha-re")是一間休閑輕食飲酒的好去處，既是摩登日式居酒屋(晚間)，亦是一間日式㗎啡室(日間)，餐牌上的手工㗎啡種類很多☕，蛋糕口味也很特別🍰。它位於佐敦某新樓盤的二樓，附近環境有悉心設計和綠化，一點也不像身處佐敦這熙來攘往的舊區裡，真有些城市綠洲的感覺。餐廳還在試業階段，免收開瓶費，BYO Wine 實在節省不少👍🍾🍷🍻。我們一行六人，邊吃邊說，叫了很多東西，有刺新、炸物、串燒、沙律、烏冬、煎鵝肝焗蟹蓋和蛋糕等🍘🍙🦑🦐🦀🐮🐷🐔🦢🐐🍣🦪，不能盡錄，請按圖索驥😅。

同朋友一齊試新野 去到餐廳 裝修都唔錯架！坐得好舒服 台與台之間好有空間店內都提供好多選擇 店客可用QR code 自行點餐🙂因為想試好多唔同既野 一口氣點左多蟹味噌甲羅燒一上菜 其實都幾吸引 平時見蟹肉配飯/米脆但配多士就反而少見將旦黃同蟹肉攪拌後 見到不停出水 再配埋個多士 仲奇怪成個同我地認識既甲蘿燒好唔同玉子燒見到實物完全失望 又係極多水 同店員反映後 店員： 我唔太清楚🤷🏻‍♀️🤷🏻‍♀️🤷🏻‍♀️🤷🏻‍♀️我地完全感受到無奈後面終於有一位店員到來我地再次反映 呢個玉子燒多水到好似蒸蛋咁佢都換左一客比我地不過都係好失望 同平時既玉子燒好大出入建議改名為「玉子蒸」燒飯團 （明太子和味噌）不過不失 正正常常 鮮奶抹茶賣相好吸引 但飲落就無咩味 凍飲更加麻麻地燒金鑽鳳梨全晚最正常既食物 好甜現在試業中 仲有好大既改善空間 同埋建議加強番員工訓練 可以做比較好既服務態度☺️

有日經過德成街，見到有間新cafe“Hare晴舍”，見裝修幾雅致，敢於試新嘢嘅我，就拉住朋友入去試吓食午餐。餐廳在新樓盤“本木”前面，入玻璃門後，上一層樓梯到餐廳。有一些是落地玻璃窗邊嘅餐枱，兩邊則有一些軟墊sofa櫈座位，餐枱都是淺木色簡約設計，放筷子的小托是小狗造型，餐具設計都有日本feel，在餐廳坐下時整體感覺舒適休閒。餐廳都是scan QR code點餐，但唔習慣的話，亦有紙本menu可以睇。午餐以set lunch形式為主，有魚生飯、吉列豚飯、炸蠔定食、天婦羅烏冬等等。 我哋點了角切魚生飯和吉列十勝豚飯，兩杯iced americano，和一件抹茶cheese cake。魚生飯份量足且新鮮，配有鮮磨wasabi；而吉列豚肉炸得香脆，內裡軟腍，兩樣都好味😋，我哋清咗碟。天氣熱，有杯冰咖啡🧊，配甜品🍰，正！原本以為件cheese cake會係日式spongy嗰種，但原來件抹茶cheese cake係較厚實好有質感嗰種，但稍為略嫌甜了點，幸好只是點一件兩個人share，如果唔係，怕食晤晒。體驗過午餐後，計劃再來試晚餐，點吓a la carte menu。😋

🔷新樓盤配商場，為以往的基本配套，產生原因在於供應與需求。不過2020的恆基樓盤以這間有4000呎的晴舍作賣點之一，會在會所設住戶專屬通道連接咖啡店，則可見cafe 的影響力在今時今日有多強。此cafe , 有滿意，有不滿意….先寫不滿意的部分……🟠滑蛋吉列十勝豚飯 (HKD $108)🟠🔹有人問我，豬扒多脆？但是我答你，肉質雖不錯，但脆度只是一般，沒有吉列的感覺，不過更不高興是汁少，滑蛋不算多，整體上改善以上的，還不差。🔹🟠Matcha Latte (HKD $25, 跟餐減 $20)🟠🔹這款杯比較常見，但抺茶味超淡，像普通鮮奶般，看見有手打抺茶點，但就有點卻步了。🔹失望的先說，不過蛋糕，咖啡都還達標🟠手滴咖啡 - 手沖 Guatemala El Peñón with Honey Process (HKD $70, 跟餐 減 $20)🟠🔹跟餐變成50元一杯手沖咖啡，價錢非常理想，這次點了危地馬拉的 El Peñón - Honey Process, 屬 Nutty, 口感會比較平滑，略甜，飲後口感會留著很重的生果和可可味。至於什麼是蜜處理法？其實除了日曬和水洗，也有天氣乾燥，有充份的

📌 Hare 晴舍 ~ 佐敦佐敦新開左一間日本居酒屋 - 晴れ🌞原來前身係旺角嘅Hands on coffee新選址地點都如置身於日本街道當中🤩餐廳在一樓 需要行一條樓梯才到達以橄欖綠色為主 樓底高空間感十足💚落地大玻璃令到成個環境採光度好好☀️午市餐牌選擇唔算多 主要係以日式料理為主仲有提供甜品同茶家 @teakha 嘅蛋糕🍰飲品選擇比較多 咖啡、手沖、茶同果汁通通都有☕️晚餐仲會有燒物同酒類提供🍸店員服務態度友善 係QR code電子點單仲有提供訂枱服務 想影靚相就一定係坐窗邊位📸但係本身訂咗窗邊位嘅我都等咗半個鐘先坐到🤭1️⃣ 關東煮+燒飯團 𝗢𝗱𝗲𝗻+ 𝗚𝗿𝗶𝗹𝗹𝗲𝗱 𝗥𝗶𝗰𝗲 𝗕𝗮𝗹𝗹 $𝟲𝟴 (𝟳.𝟱/𝟭𝟬)賣相好吸引 好有日本的味道😙關東煮入邊有魚蛋、獅子狗、蘿蔔同雞蛋等等味道很不錯 魚蛋亦都好彈牙👅再配上燒飯團加芥辣醬 確實別有一番風味主食的份量其實唔多 男士們可能會覺得唔夠😂2️⃣ 野菜烏冬 𝗨𝗱𝗼𝗻 𝘄𝗶𝘁𝗵 𝗩𝗲𝗴𝗲𝘁𝗮𝗯𝗹𝗲𝘀 $𝟳𝟴 (𝟳/𝟭𝟬)野菜烏冬賣相就相對上普通🤪烏冬幾彈牙 上面有好多菜類食落相對上比較健康 味道正常發揮🥬不過覺得係屋企自己都煮到咁上下 唔算好特別