豐盛閣

Open Now

Now Closed

前幾日去挪亞方舟玩，最印象深刻就係試佢哋嘅「花膠•龍蝦•海鮮」夏日盛薈自助晚餐！🤤​方舟嘅酒店食呢個自助餐海鮮選擇超多，有波士頓龍蝦、鱈蟹腳、清蒸石班、花膠湯飯、各類刺身及壽司等，琳瑯滿目，有選擇困難症嘅人一定有排煩！🤤​另外，呢度嘅熱葷都唔錯，我就最愛燒美國有骨肉眼及香煎鴨肝多士！美國有骨肉眼肉味香濃，肉質嫩滑多汁，我一口氣食咗4片！另外，香煎鴨肝多士嘅鴨肝都超大塊！面積有兩個水樽蓋咁大！鴨肝真心係我食過咁多自助餐中最大！​至於甜品都非常精彩，各式mousse蛋糕、麵包布甸、切餅、蛋撻……仲有Mövenpick 雪糕！食完真係超滿足！🤤 ​

Well! 我地又去馬灣偽旅行啦陪小孩放電前，爸媽要食餐好嘅，先有氣有力陪玩架嘛😋近近地今次就試下挪亞方舟豐盛閣「花膠•龍蝦•海鮮」夏日盛薈自助晚餐，邊食好西邊欣賞青馬大橋及汀九橋的璀璨夜色，我個胃已準備好嘞～包羅萬有的海鮮佳餚如波士頓龍蝦、鱈蟹腳、翡翠螺、清蒸石班及吞拿魚、油甘魚刺身壽司等，我就至愛食海鮮啦！呢個主題開正我果飯😋小朋友就食「鮮茄魚湯花膠海鮮脆米泡飯」，以鮮甜無比的魚湯配合炸香的卜卜脆米，即叫即煮，熱辣辣上枱魚湯鮮味，仔仔仲有燒美國有骨肉眼扒🐂、燒羊架🐐及香煎鴨肝多士等，仲有大量甜品及Mövenpick 雪糕任食，滿足哂啦！

#海景酒店自助餐 #買3送1 #親子酒店 #親子好去處我要頒個最佳進步獎比豐盛閣餐廳，新推出嘅「花膠•龍蝦•海鮮」夏日盛薈自助晚餐，真心正! 好鍾意食佢精心炮製養顏料理「鮮茄魚湯花膠海鮮脆米泡飯」，要幾多海鮮花膠配料自己話事，配埋卜卜脆米，啖啖脆滑交融，勁好味啊！仲有多款海鮮，波士頓龍蝦、鱈蟹腳、翡翠螺、麵包蟹、青口，應有盡有! 熱食如燒美國有骨肉眼、燒羊架、香煎鴨肝多士等，都相當出色～不過鯨魚蝦子最愛都係食甜品同Mövenpick雪糕，食到我地一家都飽一飽! 一邊食一邊飽覽青馬大橋同汀九橋夜色，真係最佳享受~~

去左珀麗灣挪亞方舟酒店 staycation, package 包埋豐盛閣 dinner buffet, 起初都無大期望, 反而去到好有驚喜🙌🏻熱食凍食種類都非常多, 有龍蝦, 麵包蟹, 長腳蟹, 青口, 海螺, 白蝦, 鱈場蟹鉗.. 仲有鵝肝, 牛柳, 羊架, 石斑, 各式壽司, 沙律, 甜品.. .. 每一樣都好食好出色, 味道好好, 真係每樣食一舊都勁滿足🤭 平時唔好甜品既我, 居然一口氣食左兩大碟除左食得好, 仲要有個極靚既青馬橋景, 由日落景食到夜景, 真係好舒服🤭

【 享受美食和美景 】係馬灣挪亞方舟主題公園玩左成日當然要去嘆番餐啦！我哋係豐盛閣餐廳book左食「豐盛晚餐」，好鍾意餐廳的景觀呀！可以望到東灣沙灘、青馬大橋及汀九橋的靚景，眼睛好享受！4道菜的「豐盛晚餐」我哋點左～～餐湯 : 牛肉薏米湯頭盤 : 士多啤梨、黑醋紅菜頭及合桃芝士沙律主菜 :香煎美國肉眼配蒜蓉及牛肝菌燒汁香煎羊扒配青豆泥及黑蒜蛋黃醬甜品拼盤係好好味的黑芝麻芒果蛋糕，綠茶朱古力蛋糕 和 奧地利朱古力蛋糕，一次過試晒三款，好滿足呀！我哋另外叫左「兒童特色晚餐」俾哥哥，一樣有餐湯和沙律，主菜揀左芝士通粉，最後佢仲自己食晒甜品拼盤，飲埋杯橙汁，叻叻！

趁放假同朋友遠離繁囂去馬灣挪亞方舟😉享受慢活生活😍 雖然天氣不似如期🌦都唔會阻到我地玩順便去豐盛閣HighTea嘆下🤩呢度個🍰彩漾初夏海景雙人下午茶只$409都幾豐富，由咸點到甜點大概有九款咁多😍迷你龍蝦🦞漢堡包 龍蝦啖啖肉好厚實配以沙律醬好好味😋炙燒吞拿魚配芒果🥭莎莎吞拿魚外邊燒到好香口☺️中間部份仲保持紅嫩,上面有酸酸甜甜嘅芒果莎莎好開胃🥰蟹膏醬蟹肉🦀酥盒酥皮盒面頭有魚子之外入邊裝滿香濃嘅蟹膏及拆咗嘅蟹肉，蟹肉佔滿蟹膏😍口感層次提升不少🤗鴨肝🦆慕絲配野莓醬鴨肝打成好滑嘅慕絲😬加上酸味味既野苺醬配底層脆卜卜餅底☺️餅底較淡和濃味嘅鴨肝配搭得而🤗紫羅蘭朱古力🍫蛋糕朱古力味好香濃又唔會過分甜😋紅絲絨蛋糕好搶眼既紅絲絨蛋糕🤩買相一流☺️蛋糕帶少少水粉酸酸地嘅幾特別😝黑芝麻芒果🥭蛋糕好香既芝麻味😋黑芝麻味道較濃搶去了芒果嘅味道🤣柚子芝士🧀餅清新嘅柚子配上濃滑嘅芝士🧀朋友好喜歡💕櫻花白桃🍑甜品杯細細杯小小甜既櫻花🌸香味估唔到同白桃咁夾👍總捨假期黎挪亞方舟🛶玩下行下又可以消磨左一日嘅時間，呢度嘅空氣☘️真係特別清新，除咗下午茶之外下次希望黎住酒店Chill返兩日一夜先夠了😬

今個月去咗「挪亞方舟度假酒店」單車環島遊馬灣🚲 Staycation，套票包咗3餐，有我最愛嘅High Tea呢😍 Staycation套票只係HK$1608起，包2人1晚住宿、租單車及頭盔3小時、3餐盛宴、Art Jamming、DIY盆栽，每餐都有青馬大橋海景相伴，絕對值回票價！「花語·春日海景下午茶」以春天🌸🌺🌷做主題，好清新呢，呢個high tea set做埋今個月咋！我都叫姊妹們抓緊春天嘅來臨，享受一下美食同美景👏🏻👏🏻10款「睇得又食得」嘅鹹甜美點，當中我最愛嘅款式係「芒果龍蝦牛角酥」、「三文魚籽松露醬釀蛋」、「鮑魚雜菌酥盒」、「鴨肝慕絲配紅桑子啫喱」、「紫羅蘭野莓雲呢拿蛋糕」全部都係比較矜貴嘅食材🥰！鹹甜比例各佔一半，係我認為High Tea set最optimum之level, 而且我會先食鹹點，後食甜點，未婚夫都跟我嘅次序喜好，哈哈！都好嘅，一齊品嚐同一款美食，連舌頭上嘅味覺都可以同步感受！High Tea鹹甜點式都整得好精緻，而且食材都係高級矜貴，每一款嘅味道都好可口，又唔會過膩，彷彿腸胃裡面都享受緊美味，非常清新，配合春天煥發新生嘅style~雖然我唔係同sis去

話說我同未婚夫一齊join咗挪亞方舟酒店Staycation，HK$1608起套票包咗2日1夜住宿、租單車同頭盔3個鐘、挪亞方舟樂園門票、Art Jamming、DIY盆栽🪴，仲包晒3餐！其中一餐就係呢餐豐盛晚餐喇😍我之前都來過食buffet，青馬大橋夜景無得輸😍 但係上次食自助餐都冇拎到咁多野食！「海陸 盛滙精品晚餐」有6道菜咁多，而且每道都超級豐盛~我同未婚夫 main dish 都揀咗steak～ 其實份量都夠一餐架啦！厚厚嘅肉，食落好滿足😁而豐盛晚餐仲包埋海鮮、魚生、龍蝦湯、鴨肝，前菜都4道，一上碟時，我地2個都不約而同地「嘩」咗聲呀！呢幾樣都係矜貴食材，貴價食物份量都冇偷工減料！仲有最後1道係甜品，連甜品都唔係少野，係甜品拼盤呢！簡直好似一個mini high tea咁呀，呢間甜點味道不錯的～ 😋😋呢餐豐盛到大胃王都會覺得滿足！亦好啱慶祝🎉

之前去左挪亞方舟staycation，我地揀左單車樂悠食住玩果個package，當中都包左個tea set，同大家分享下花語 · 春日海景下午茶(原價：$438/2 位),Tea set分別有五款鹹點，五款甜點， 賣相及味道都唔錯，重點係可以望住個全海景食tea，景觀一流，感覺好chill☺️🍴鹹點:🔸鴨肝慕絲配紅桑子🔸三文魚籽松露醬釀蛋🔸鮑魚雜菌酥盒🔸意大利火腿脆片配鮮蜜瓜汁🔸芒果龍蝦牛角酥鹹點中我較鐘意鮑魚雜菌酥，鮑魚好有口感又鮮甜，配雜菌酥都係第一次見！而且個酥盒都夠鬆脆，而鴨肝慕絲配紅桑子啫喱，鴨肝都幾鮮味配上酸酸甜甜嘅紅桑子啫喱，好特別配搭😉仲有意大利火腿脆片配鮮蜜瓜汁都幾有創意，parma ham變成脆片，另外蜜瓜就變成蜜瓜汁代替，咁嘅食法又幾特別😂💖甜點:🔹 白桃甜品杯🔹蛋白霜檸檬撻🔹紫羅蘭野莓雲呢拿蛋糕🔹士多啤梨軟芝士餅🔹紅豆綠茶卷甜品我就最愛士多啤梨軟芝士餅，除咗賣相有靚靚嘅粉紅色心形，味道都好creamy，芝士味亦好香，仲有紫羅蘭野莓雲呢拿蛋糕都唔錯，玫瑰花造型好加分，味道就酸酸甜甜，又唔會太膩，白桃甜品杯都唔錯，幾香桃味，而蛋白霜檸檬撻個檸檬醬就偏甜左d，但撻皮都o

之前去staycation，住宿套票中包左個四道菜的豐盛晚餐 ($328/位)夜晚來坐窗邊位好正，可飽覽180度大海景加青馬大橋，好啱拍拖來食！首先來兩款前菜，分別有西瓜蟹肉沙律 同蜆肉周打湯！西瓜蟹肉沙律 ，呢呢個配搭幾清新，蟹肉都幾多又鮮甜加上西瓜一齊食幾特別！蜆肉周打湯，香滑又濃郁，仲有包可配一齊食更正！而主菜就有六款可以揀，我地就分別就揀左焗開心果黒毛豬鞍配燒汁及蜜桃醬同香煎比目魚柳配菊花檸檬忌廉及青豆蓉，黑毛豬鞍好大份，豬味香濃☺️我就好愛香煎比目魚柳，啖啖肉又鮮甜，醬汁亦好好味！最後仲有甜品拼盤，包括三款以花主題嘅蛋糕，玫瑰紅桑子蛋糕、紫羅蘭黑莓蛋糕及茉莉牛奶朱古力蛋糕，三款都好睇又好味😋，特別鐘意玫瑰紅桑子蛋糕，酸酸甜甜又好香玫瑰味，好有層次，蛋糕亦鬆軟！

和朋友到了挪亞方舟酒店Staycation住兩日一夜，住宿套票包了每人一份6道菜海陸盛匯精品晚餐，比起walk-in 非常抵食！更可以一邊用餐一邊飽覽青馬大橋無敵靚景，有一種遠離塵囂嘅感覺。一個set份量好十足，有海鮮凍盆、前菜、湯、主菜、甜品、飲品，有如自助餐般豐富。凍盆有凍海鮮盆、雜錦刺生，擺盆好豐富好colourful ，有原隻龍蝦、小白蝦、青口、扇貝、三文魚、吞拿魚、海蝦、油甘魚等等，食落都好新鮮。龍蝦湯質地黏稠味道夠濃，一啖一啖暖心頭。香煎鴨干配黑醋醬好香口，鴨干嘅油脂滲透多士，食落甘香可口。Menu上嘅主菜有齊豬、牛、雞、羊、魚，人人都有啱食嘅野。胡椒香料煎牛肉眼配雜菌及洋蔥汁 牛扒七成熟剛剛好，肉質細嫩肉味濃。香煎比目魚柳配煙肉茄蓉及紫蘇薯蓉 啖啖魚肉非常細滑，無腥味非常好。七味照燒豬鞍配胡麻汁 厚切香燒鎖住肉汁，肉質軟稔，小小辣夠醒胃。慢煮雞胸配松露忌廉及時令蔬菜 雞胸肉質濕潤，保留雞胸嫩滑口感，小朋友都食得好滋味。第二個胃都開動！甜品拼盆—玫瑰紅桑子蛋糕、茉莉牛奶朱古力蛋糕、綠茶奶凍、焦糖千層餅、榛子朱古力忌廉泡芙。每款都好精緻，味道唔太甜。食飽飽後，可以行出海濱長廊

跟小朋友在酒店staycation，朝早來個豐盛的自助早餐。日間於餐廳所看到的青馬大橋景致更為清晰，邊望海邊吃早餐十分寫意。而坐位之間亦不會很擠迫，十分舒適。食物方面種類都頗多的，主食可選擇粥品丶日式湯烏冬丶炒麵丶麵包及沙津。其他食物還有腸仔丶薯餅丶炸魚丶茄汁焗豆丶炒雜菜丶水果等，最特別的莫過於松露炒蛋，自助早餐來説較為少見。飲品方面除了茶及咖啡，亦有果汁及鮮奶。小朋友看見那麼多食物都好開心，食完又可以繼續周圍探索了。如非staycation package, 則原價$118每位。

對上一次去馬灣同埋去呢到食BUFFET已經係疫情前再一次黎到呢到 已經唔同晒了 人煙稀少 環境亦都差左好多近窗邊一排坐座又不能坐 浪費了.天陰陰黎呢到食個休閒午餐. 其實都無抱好大期望黎食野真係諗住是是但但食餐就算 但就有驚喜有兩塊餐牌 一塊係中式 一塊係西式每塊都有成十幾二十款選擇 熱愛西餐既我 又唔想食意粉最後選了墨西哥牛肉卷 朋友就選了紅酒燴牛肋貝殼粉墨西哥牛肉卷 真係有驚喜 以為個樣平平無奇但入面除左有好淋身同埋多汁既牛肉條之外 仲有好多蔬菜係入面青椒呀洋蔥之類 成個口感好豐富 仲有好多汁係入面應該係即刻整 因為都等左十分鍾有多 而且個餅皮係脆脆地 熱辣辣 最開心係沙律菜伴碟 仲有三種醬汁 佢無講明係咩醬 純粹以平時食開卷餅去大約判斷鮮蕃茄香草他他、牛油果青醬、正常係酸忌廉 但我食落似greek yogurt另外加$20有中/西湯 餐飲 中湯好好飲另外個個貝殼粉亦都好高分呀,非常之Al dente!!岩岩好. 個汁亦都唔會水浸咁. 岩岩好掛住每一粒貝殼牛肉好淋身及入味

位於挪亞方舟酒店內，可以看到美麗的青馬大橋景。今天的下午茶有鮑魚撻，有鵝肝等食物，但整體表現一般，食物不是太出眾，味道也一般。還要不像一般的酒店服務員來點餐，反而將快餐店的做法先點餐後坐下，格調不高。

跟小朋友到挪亞方舟渡假酒店staycation，晚上便到豐盛閣食晚餐，真的是非常豐盛！餐廳可以眺望青馬大橋及汀九橋的夜景，美食配美景實在令人心情放鬆。前菜：凍海鮮盤 (龍蝦、小白蝦、青口、扇貝)及雜錦刺身單看前菜已經十分豐盛，凍海鮮盤有龍蝦、小白蝦、青口及扇貝，龍蝦真的是啖啖肉又多膏，肉質鮮甜。而雜錦刺身亦非常新鮮，尤其是三文魚厚切又肥美，份量亦很足。香煎鴨肝配黑醋醬鴨肝香氣撲鼻，加上黑醋醬酸酸的中和了油膩感，十分開胃，配上脆脆的多士令口感更豐富。龍蝦湯及餐包又濃又creamy，充滿龍蝦鮮味，喝完整個人暖暖的感覺好滿足！主菜：可以自選，我們選了兩個大人餐丶兩個兒童餐胡椒香料煎牛肉眼配雜菌及洋葱醬牛肉肉質嫩滑，充滿肉汁，脂肪分佈平均帶出陣陣油脂香味七味照燒豬鞍配胡麻汁豬肉多汁嫩滑不會韌，配上胡麻醬口感更加清新芝士尖通粉 (兒童餐)其實還有肉醬意粉可選擇，不過兩兄妹也選了芝士尖通粉，雖然是兒童餐但份量也蠻大的，通粉佈滿了芝士碎看起來很吸引，小朋友也吃得好開心甜品拼盤：玫瑰紅桑子蛋糕丶茉莉牛奶朱古力蛋卷丶綠茶奶凍丶焦糖千層餅丶榛子朱古力忌廉泡芙 全部細細件非常精緻，看得出餐廳的用心，當中最喜