Hatsu Japanese Restaurant (Closed)

今日接BBL中午放工, 原本諗住食M記, 但見到對面日本餐廳定好吸引, 就一於入去食啦叫左個DELUXE SET 一齊SHARE, 份量好大, 2個人食岩岩好先飲麵鼓湯, 味道好好呀，有好多昆布同幾粒豆腐粒, 豐富口感。蒸蛋, 有日本魚蛋、雞肉及香菇。蛋好滑有香的蛋味，夾雜魚蛋、雞肉及香菇口感豐富。天婦羅蝦、菇、南瓜 , 天婦羅吸引人的地方不只是它那香酥鬆脆的口感, 口感卻沒那麼油膩刺身真係頗推介因為好新鮮，帶子口感甜, 三文魚夠厚身，脂香味感好rich，口感好滑。燒豬肉, 份量好多，黑椒味香惹味，入口香濃上面的蒜片係精粹，有少少麻辣的蒜片,燒鯖魚, 內裡唔乾，面少少脆，油脂肥美的鯖魚口感一點也不油膩黑椒煙鴨胸片,。嬌嫩柔軟地交疊在盤中,粉紅色澤, 原粒黑椒於鴨皮上，辣辣地的黑椒香加鴨肉的鹹鮮, 油脂馨香, 肉質口感扎實緊密

約咗朋友來食日本野，由金鐘b出口行嚟，但中環出口應該近啲，因為係金鐘商業地區， weekend比較清靜，啱晒黎傾吓計飲下酒！首先我哋叫咗一個七款嘅刺身，一嚟到見到個樣已經話嘩出聲，有牡丹蝦，帶子，吞拿魚，吞拿魚腩，油甘魚，劍魚， 海膽。我本身唔係好食海膽因為曾經食過唔新鮮，嗰種感覺同味道係腦海到揮之不去，搞到唔敢再試，但朋友食完話好食好好食好鮮甜，我就膽粗粗再試下，點知食完真係對海膽嘅印象扭轉晒！超級鮮甜！當佢係舌頭溶化個刻簡直非筆墨能夠形容！好鮮甜而且一啲腥味都冇！份量都唔少簡直係過足癮！而其他魚都非常鮮甜，每一款充滿魚油同鮮味，兩個人食呢碟刺身真係大滿足！食得咁開心朋友話要叫番杯自家製梅酒試下，一邊食刺身一邊飲梅酒簡直係絕配！另外我哋叫咗個西京銀雪魚定食，有湯，沙律同前菜，本身對前菜冇好大期望，但有啲喜出望外嘅感覺，茄子炸過非常香口，配埋唔會過鹹嘅醬汁另外有蟹籽粒粒，一粒粒正方形但係一咬入去全部都係蟹籽，好得意！個湯好足料，好多海帶，濃度岩岩好！主菜到啦銀鱈魚不嬲係我最愛！燒到好香口，而魚肉仲係好滑溜，配沙律醬食，送飯簡直係一流！配菜有好多雞髀菇！見佢銀鱈魚做得唔錯，仲叫埋燒鰻魚嚟

今日來到附近見客，原來而家金鐘廊比以前靚咗咁多！客戶嘅辦公室近住美國銀行大廈，於是lunch都直接落樓下食。見到有一間日本餐廳好似唔錯，就入去試吓。入到去好大，坐得好舒服。當時差不多兩點半，過咗午飯時間，環境增添一份寫意閒情。午餐有多款唔同嘅刺身日式便當選擇，樣樣都想食，好貪心嘅我當然選擇刺身定食。店員捧住一整份午餐，上到枱一大盤嘅刺身真係十分豐富。麵豉湯不過不失，不太咸。日式蒸蛋很滑，甜甜的但蛋味略嫌不太夠，冬菇很入味很甜。刺身有海膽、帶子、牡丹蝦、三文魚和吞拿魚，全部都切得厚厚的，口感十足而且好新鮮！海膽用上加拿大海膽，十分大而且很鮮甜很creamy!! 帶子同三文魚都很甜很嫩滑！牡丹蝦有一種彈牙感，好甜！唯獨吞拿魚不夠肥美，而且吞拿魚一向不是我杯茶，所以都給朋友吃 。最尾食埋一件雪糕糯米糍做甜品，就完成呢一餐豐富嘅午餐。雪糕糯米糍用了維記算係一個敗筆，好彩之前嘅刺身已經令我好滿足！

臨近中秋我們小組老闆慰勞大家，近近地走到美國銀行大廈地下的高級料理食晏，平時自己唔捨得去，午餐計埋加一需$200，有人賣單就唔同，老闆叫大家無需為佢慳，女同事們一人一個魚生飯。我坐窗邊位，餐廳旁邊是天橋，行人唔算多，感覺興鬆。魚生飯，賣相得體，有三片章紅、四片三文、兩片帶子、一隻牡丹蝦及一些海膽，定食包蒸蛋、麵鼓湯、甜點或咖啡。刺身新鮮唔在講，幾大塊，冰冷但軟棉，口感非常好，最正係海膽，比一般金色，濃郁至有少少芒果汁咁香。蒸蛋內有塊厚菇及海鮮粒，十分滑；麵鼓湯内只有海帶，簡單好味。甜點唔似高級餐廳，並非自己做，現成雪糕糯米糍，食落是士多啤梨味有些特別，又幾好。

平時雖然係灣仔返工，但都好少去金鐘食lunch，因為一黎覺得係金鐘嘅選擇唔係太多，而且路程亦都比較遠。今日因為要嚟呢邊整一啲公司野，結果就約咗係PP返工嘅好朋友食個 long lunch，朋友話帶我去食好嘢，結果我哋就嚟咗呢間日本餐廳間餐廳喺美國銀行中心地下，由於我哋黎既時間比較早，結果店員就安排左我哋可以坐窗口位朋友介紹呢度話一黎食物質素好，二黎set lunch可以係沙律吧無限咁添沙律，而且沙律質素亦都唔錯，夠新鮮，醬汁選擇算多，喺金鐘黎講性價比算高朋友話一場黎到要試吓呢度嘅海膽飯，質素好好，朋友介紹到當然要試一下海膽飯嚟到之後我嚇一嚇，因為冇諗過海膽同埋飯個份量係咁多，海膽飯上面嘅海膽有三種，有一啲會比較濃味，有一啲會比較淋身，但全部都好新鮮，鮮味十足，基本上你每一啖飯擺落口，個海膽都一定會多過個飯，食完呢個基本上係超級滿足，朋友果然冇介紹錯，有多個理由說服自己來金鐘食lunch

有留意我嘅文章嘅朋友都應該知道，我係一個好大使嘅人但係我嘅父母超級節約，我喜歡想做就做要吃就吃，係我嘅父母就完全同我地不同，好想食都唔捨得。我媽媽最鍾意係日本，到而家佢都唔捨得去，一時又話機票太貴一時又話住宿唔抵，所以始終都係屋企，今日晚餐有時間就約咗佢食日本野，未有錢帶佢去旅行，都至少仲比得起一餐飯錢。依家位於金鐘嘅日本餐近期都幾熱，晚市會比午市少人，晚市推出的定食價位十分之好。尋日同媽咪講我去左東京一間我諗應該係五大的鰻魚飯店，媽咪聽到津津有味。。。所以我今日幫佢點了鰻魚飯。再次講起鰻魚飯又想起一啲趣事，說佢好鍾意食鰻魚，不過日本鰻魚實在太貴，所以佢呢排成日買鱔，食到我老爸叫驚。今次我點左個極上懷石料理，真心講我都未試過食過，一大堆頭嘅食物價格優惠兩個人原價千二左右，特價係688。而家做緊六周年優惠仲有多個八八折，先來嘅前菜呢簡簡單單係一個凍豆腐同埋一個雞蛋，接着呢就係十分之靚嘅三色刺身，我好耐冇喺香港食吞拿魚刺身，最主要嘅原因就係啲質素其實麻麻，但係呢一度嘅三文魚刺身質感好好而且新鮮。配上厚切嘅油甘魚以及超級大隻美味嘅大蝦。每人五件嘅份量剛好。呢個柚子沙律普普通通。所以唔記得影相

在中區上班, 說實, 要揾食的地方真的不多~ 平時我多半會買飯盒上來草草吃過就算,但今天好友同事說派了花紅, 想請我吃飯分享她的喜悅, 所以就帶我來了位於金鐘美國運通銀行大廈的Hatsu 餐廳來~ Hatsu 是日式餐廳來的, 地方很大, 落地玻璃夠舒服, 中午客人約佔3/4吧~ 所以很快就揾到個舒服的位子坐了~ 坐下來, 服務員就立即送上香茶, 為繁忙了半天的疲倦衝去了點~ 店子是走比較高檔的格調, 因為餐牌上的定食套餐全都不便宜, 我看到最平的也要hkd 180左右, 加了一就要二百元了, 不過民以食為天, 有時慰勞一下自己, 去吃好東西也沒有所謂吧~ 但凡點了套餐, 就可以來到這個自助salad bar 拿沙律了~ 這裡沙律菜和其它蔬果如蕃茄, 青豆, 粟米等等, 全都爽脆新鮮, 另外可跟自己的喜好澆上沙律汁如凱撒沙律, 醋等, 開胃又醒神! 朋友點了燒鯖魚天婦羅定食套餐- 包括有飯, 味憎湯, 茶碗疍, 天婦羅, 燒鯖魚, 份量十足, 一個女生來說是吃得滿足! 以一百六十元來說都幾抵食! 份量方面, 包括有大蝦二大隻, 另外有幾件炸蔬菜如南瓜,

一直都覺得懷石料理是每人要一千元才能埋單的富貴料理，我這些平民不捨得吃。不過，在香港金鐘這商業區，竟然有家日本餐廳供應平民版的懷石料理。最便宜的500元左右兩人，又怎麼能不試呢！我和男友六點左右到，天還未黑，所以是晚市首枱客人。店面好大座位又多又闊，有窗邊位置坐~懷石料理有數款，看餐牌本以為是一人價錢，但其實是2人價錢！所以就立既選了蟹宴，684兩人有十道菜真的好抵啊！這價錢有清酒喝呢。店家非常有體貼，用了餐巾防止濕掉。這清酒一進口中是順滑清甜的，就算到喉嚨辛辣感出來了，都不是好強而已，比想像中還要易入口，很好喝，忘了問這清酒的名字呢！前菜有香口的黑椒燒鴨胸，和既爽又軟的醋漬蟹棒蘿蔔。蟹棒好大條啊~ 蟹籽沙律內也有蟹棒絲，跟青瓜，菜和沙律醬混合感覺清新。單是前菜已用了不少蟹肉呢！忘了說二人餐是一人一份的上菜方式，所以連刺身都是兩大盤，外型擺盤都相當精緻，美得要瘋狂拍照。原以為三款各一片，但其實是四片厚切再加一整隻牡丹蝦魚肉都十分肥美爽口，沒有雪藏感。放到口中感受到豐腴的油脂慢慢滲出來，鮮味十足。蝦更是啖啖肉，味道鮮甜到不行！口感也十分爽口彈牙，連蝦頭都有大量蝦膏也是鮮甜的，好正好正蟹肉

一聽去金鐘吃懷石料理，定必聯想到那些過千元一位的日本餐廳。因為我在附近上班，最近無意發現這間位於美國銀行中心的掋食日本菜。怎樣才算掋食呢？它們有個黑松露懷石料理 2人餐只需 $599 兩位連加一！不但有十道菜，還送日式清酒呢！因為吃精緻細份的懷石料理，怕寶寶不夠飽所以還另外點了些串燒。豚肉串 ($50/2串) 香脆可口，加點檸檬汁又醒胃又能去油膩。蒜蓉茄子 ($40) 份量足料，蒜蓉味濃郁，兩者味道合拍。上面還鋪上香葱，惹味十足。雖然茄子易吸油，但這個卻沒有膩感。如想吃點串燒，謹記要試試這個。前菜是一個冷豆腐同兩件甜蛋。冷豆腐夠凍夠嫩滑，味道清淡帶豆味；相反甜蛋則是清甜可口。用雞尾酒杯裝著日式胡蔴沙律有新鮮爽口的蔬菜，加上芝麻醬很開胃。刺身有劍魚、三文魚和虎蝦。不但賣相吸引，刺身的質素也非常高質。一吃便知與放題的魚生截然不同。劍魚和三文魚也是超厚切。三文魚軟滑肥美，油花分佈細密。劍魚也很新鮮，對比起三文魚味道較為清淡，但油脂豐盛，鮮甜得來又帶點甘香。另外的虎蝦也很大件，肉質爽口彈牙，滋味得讓我連蝦頭也啜了。接著便是黑松露茶壺蒸。因加上了黑松露，所以一打開蓋子已香氣撲鼻了。蒸蛋細膩嫩滑無

Decided to treat myself for lunch after a big client signed our company.There were quite a few luxurious dons to choose from.All were tempting.In the end went for the three types uni so i could try them in one go.The smallest uni was the best, it was sweet and creamy.The biggest one lacked flavour so i guess size isnt an issue with uni.The rice was loose with a strong vinegar flavour.Lunch came with salad, steamed egg and coffee.

今日要去某律師樓處理一啲文件，搞咗成個上晝。中午食飯時間，成個中環都好多人，IFC, 香港站食肆無位，甚至連地鐵站內立食嘅上班族都多到一個點！為咗醫肚，行出少少去美國銀行中心果邊揾食。嚟到見到兩間快餐店都好多人，反而日本餐廳唔駛等位，心諗唔通好貴？！睇一睇餐牌，大約$150-$180一個lunch set, 包埋Salad bar buffet，尚可接受，一於入去試試。入到去被安排坐窗邊位置，餐廳面積唔算大，但枱嘅擺位保持合適嘅距離，有一定私穩度，而且俾人感覺好舒服。裝修以黑色、木色為主，型格中保留傳統日式風格。叫咗一個天婦羅魚同漢堡扒lunch set, 套餐包自助salad bar, 茶碗蒸，味噌湯，仲有個白飯。落單後出去自助salad bar 望下。選擇唔係話好多，但都好健康，以新鮮蔬菜為主，例如：生菜，車厘茄，青紅椒，粟米，青豆等，dressing 都有5款，我隨意地樣樣都夾少少，加少少咁。呢頭沙律都未食完，個lunch set 就已經上枱，果真係中環精神，乜都快過人。係嘅，隔離枱隨時坐咗個銀行家，人家秒秒鐘幾百萬上落作為蛋控，我先由茶碗蒸食起。熱辣辣嘅蒸蛋，蛋味唔算太濃但入口

今日與朋友到這裡吃個悠閒的午餐。餐廳地方闊落，環境舒適，一坐下就有熱茶奉上。這裡的set lunch有刺身飯，也有其他的定食，有不同的選擇。這裡的午餐除主食外，還可到自助沙律吧選擇沙律，簡單的沙律吧有蔬菜，蕃茄仔，麵豉湯入面的昆布等等，醬汁的選擇也不少，如凱撒醬，千島醬，芝麻醬等，我選擇了柚子汁主食好快就上菜了！我的是軟殼蟹牛扒定食。軟殼蟹天婦羅比較少和散，對於我這個軟殼蟹愛好者來說，感覺有點少，要慢慢分開享受。至於牛扒，下面舖了滿滿的菇，牛扒上有蒜片及蕃紅花。味道還可以，有黑椒的香氣，只是牛扒熟了一點，但不會難咬。飯後甜點有雪米糍！！是久違的芋頭口味！總括來說，份量還可以，味道ok，但食物的熱度可再加強。

今日同老公去完主題樂園玩，玩完出到金鐘嘅時候已經係晚飯時間，所以決定喺附近搵餐廳醫肚。上OpenRice seach過見位於夏慤道既<Hatsu>日本餐廳評分不錯，所以就試試吧！由於是商業區而且是星期六晚上的關係，所以客人不多。相信平日午市應該有很多附近的高級上班族會來光顧牆上還有很漂亮的魚壁畫，日本風格不言而喻除了有主打的懷石料理外還有很多套餐定食。由於老公是不吃黑松露，蟹，龍蝦和鰻魚的怪傢伙，所以唯有忍痛不吃2人份量的懷石料理而選套餐定食由於我倆都是選定食套餐，所以沙律，前菜，煮物，湯和甜品都是一樣的。先來沙律！蔬菜青瓜新鮮爽脆，蕃茄仔清甜又多汁，伴著微咸的淡醬油汁一起吃非常清新前菜是凍豆腐和沙律醬魚籽磚。豆腐嫩嫩滑滑富有豆味，質感糼嫩魚籽磚是由很多粒小魚籽組成，咬下去脆脆的非常有趣，喜歡咬魚籽那種卜卜口感的朋友一定喜歡煮物方面今天的汁煮茄子。茄子剛好煮得熟透卻不過火，保持著一點咬口但不失稔滑又不會糊掉，口感剛好，配上濃濃的醬汁一起吃非常滋味接著便到了我最期待的刺身定食了重點當然是大大碟的刺身！單是見到咁有光澤又咁大件厚切就已經口水直流每款刺身再拍一個近鏡，可見每一

星期六瞓醒冇嘢做悠悠閑去左灣仔電腦城，經開金鐘想食日本料理，就諗起呢間日本料理星期一至五都多人架，所以平時都冇咩機會食到而家星期六過開海咁岩經過先至食，呢度嘅lunch主打定食，夜晚就懷石料理我同女朋友叫咗兩個定食，鹿兒島黑毛豚肉吉列豬扒定食黑毛豚肉豬扒炸到好鬆脆多汁肉質相比普通豬扒鮮嫩而且好大塊女朋友叫咗個海膽飯，個飯真係不得了有三款唔同嘅海膽，海膽仲要係好鮮甜佢嘅份量比起什麼千層海膽飯多一陪，我真心覺得物超所值食飯有好多種因爲個碗周圍都會有紫菜，我女朋友就包紫菜食立刻變成海膽手除咗個海膽飯之外其他嘅定食星期六都做緊七折，香港區呢個價錢食到咁高質素嘅海膽飯，真係幾神奇

今天替公司去金鐘附近拿取投標資料，所以難得地在金鐘中午用膳。老闆很好，資助我一半午飯錢，那我當然用盡公司福利，豪吃一餐。hatsu japanese restaurant午餐時間頗多人流，應該是好吃的才會這麼多人光顧?這裡半自助餐形式，沙律任取，可以吃得健康之餘，如果不夠飽的話，這些沙律絕對可以飽足。我選了hatsu便當，以店名名為的，應該是招牌?便當超豐富，亦色彩繽紛，確實令人垂涎三尺。便多刺身新鮮，牛扒肉汁豐富，天婦羅炸得香酥，還有漬魚滋味得很，各種日式滋味盡在口中。