喜記蟹將軍 (iSQUARE國際廣場) (Moved) New Location

不喜歡去寫食評，但這次真是激氣，首先說服務質素，侍應幫我們帶進去，然後就無左蹤影，茶不沖，連菜單都不給，四個菜用了差不多兩個小時上來，無交代。要不停大聲催才行，總之一肚子氣，菜品很鹹。貼錢買難受，激到相我都唔想影、🔥🔥🔥🔥🔥祝快執，麥記服務質素都好佢😖😖😖伏到暈

同長輩晚飯，當然要搵個舒適嘅地方，而食物亦要有返咁上下質素啦。喺iSquare見到依間餐廳，其他人嘅評價都唔錯，一於試試😎😎六點左右嚟到，天都未黑齊，有落地大玻璃，都算幾開揚。食物方面，由於得兩個人，都唔可以叫太多。肉蟹（小）如果想食蟹，可以嗌細嘅份量，豐儉由人。避風塘感覺十足，好有鑊氣，賣相都幾好。蟹肉都算多，甜甜地，慢慢食，都幾過癮。另外一個係蒜蓉粉絲蒸蟶子，估唔到咁大隻！味道非常鮮甜！如果淨係食海鮮，點會夠飽呢，始終海鮮價錢會比較貴。咁就梗係要叫返啲穩陣嘅小菜啦😁😁 金牌小炒王，蝦干都幾大隻👍🏼👍🏼 韭菜花柔嫩，清新，唔錯。香烤柚子骨，呢個菜式比較精緻，味道甜甜酸酸，都幾開胃，如果可以份量多d就更加正😆😆最後加埋碟炒飯湊一湊米氣，就夠晒滿足。炒飯飯粒粒粒分明嘅，都係鑊氣十足，中規中矩吧😁😁整體都唔錯，加上地理位置又方便，如果想要高質少少又有海鮮嘅晚餐，呢度都係唔錯嘅選擇。

今日我哋浩浩蕩蕩四個人去咗食一個時令奄仔蟹四人餐，因為而家係食奄仔蟹嘅季節，一定要大吃一餐，同埋最緊要係個餐一啲都唔貴四個人買單先$1699👍🏻👍🏻🥬清蒸奄仔蟹—-我自己最鍾意食清蒸原味，完全食到隻蟹嘅真味🥬牛油鹽焗奄仔蟹—-老公就鍾意食牛油鹽焗嘅味，加咗牛油鹽焗戴咗另一種風味出嚟🥬避風塘炒蟹——避風塘炒就一向冇得輸，夠晒鑊氣🌶🥬花雕醉雞——例牌醉雞份量都足夠，雞肉滑溜酒味香濃🥬胡麻醬豆腐——正常口味，胡麻醬配乜嘢都咁好食🥬蟹肉扒時蔬——我哋今次係蟹肉扒西蘭花，我自己覺得配西蘭花係最好味嘅🥬蟹粉燴飯——雖然已經食到好飽，但係個炒飯外邊為主全部都係蟹粉，真係啲幾飽都要食多一碗🥬合是甜品——最後整返個番薯糖水👍🏻👍🏻

好耐冇一家大細出嚟食飯，今次趁細佬生日，決定出尖沙咀食蟹，喜記蟹將軍，做緊時令奄仔蟹餐優惠，豐富得黎又抵食，4位用$1488，岩晒我哋！前菜有兩樣，一個糸胡麻醬豆腐，豆腐嫩滑，冰涼爽口。另一個糸陳醋木耳，呢味既健康又好味既前菜深得人心，長老們好鐘意，酸酸咪咪很開胃。第一道主菜系清蒸奄仔蟹，冇令我地失望，鮮味十足，可能正是季節，奄仔蟹都幾大隻，蟹膏豐富，清蒸更能帶出佢既鮮甜。 一人一隻，十分滿足！第二道主菜系牛油鹽燒奄仔蟹，牛油惹味，極吸引人，香口不油膩，蟹肉大大塊，好抵食。第三道主菜系薑蔥炒蟹，蔥爆炒夠火候，令蟹肉香口又不失鮮甜，已經夾爆少少，再一夾已經成舊蟹肉跌出嚟，啖啖滿足！蟹肉扒時蔬，啖啖蟹肉包住西蘭花，口感層次豐富，西蘭花夠味但不失爽脆。花雕醉雞，花雕酒味香濃，有杞子點綴，雞肉嫩滑，色香味俱全。蟹粉燴飯，蟹膏豐富，炒飯底，撈飯一流！最後係糖水，呢個四人套餐絕對係抵食，實在系好滿足！

今日同BB食生日飯，BB最愛食奄仔蟹，所以我地就去喜記食蟹🥰！疫情係好咗啲，但係出街食飯自己都係會小心啲，所以我book咗喺房度食，雖然最低消費每位$400，但係其實要食蟹都差唔多價錢，同埋喺房食清淨啲同埋可以食得開懷一啲🤣🤣😋清蒸奄仔蟹—我地兩個人叫左4隻奄仔蟹，四隻都爆膏，食到好滋味😘😋蟹粉冬瓜件—蟹粉味鮮，配上清新嘅冬瓜非常夾，完全唔會有油膩嘅感覺😋蟹粉伴饅頭—咁好食嘅蟹粉梗係要再叫多樣，蟹粉配饅頭真係一流，蟹粉嘅油都可以撈埋😂😋醉雞—醉雞嘅酒味好香，雞肉好滑😋蟹肉蛋白西蘭花—蟹肉嘅份量都好多，每一朵西蘭花都有蟹肉同埋蛋白嘅香味👍🏻

朋友介紹話食過唔錯，所以今日一大班朋友就嚟到呢度食蟹及小菜。當然一定要叫喜記正宗炒辣蟹，我哋個個都鍾意食蟹！賣相已經好靚，係避風塘風味.蟹夠大隻，已經預先切件，方便進食。而且蟹殼都預先卜好咗，幾細心！蟹肉爽口新鮮，相當唔錯！辣辣地味道更加惹味！跟住叫咗豉椒炒蜆亦都好夠穫氣！蜆都幾大隻，而且充滿豉椒香味，食唔停！除咗炒蜆，我都好鍾意食豉椒炒蟶子皇！蟶子皇最好就係啖啖肉，夠大隻，充滿鮮味！櫻花蝦炒飯面上充滿櫻花蝦，所以個飯特別香！飯嘅份量都幾多，炒得乾爽！上湯菜心，清清地叫返個菜！面上有啲菇唔會太單調！呢一餐真係相當豐富！

好耐冇食過蟹啦，自己整又太難，係尖沙咀行街見呢間出名食蟹，就坐底叫幾味，滿足下口癮先！來呢度緊係要叫個喜記正宗炒辣蟹，個蟹鉗大大隻，一打開啖啖肉，好鮮甜，加埋勁多乾辣椒乾蒜落去炒，香辣惹味，真係必食！食蟹最麻煩就係整到成手都係，特別係出街食，就更呢hea,但餐廳提供左好得意既手套濕紙巾，方便食蟹時用，相當細心😃油鹽水浸大蜆睇落去好似比較清淡，但可能因為冇用咩重口味配料，食落d蜆零舍鮮甜，d蜆仲隻隻都幾大隻幾多肉，唔錯！食左咁多海鮮當然要叫返碟菜平衡下，蒜蓉炒菜心雖然睇落都係簡簡單單一味家常菜，但佢地d菜好似零舍甜同翠綠，熟度炒到恰到好處，都唔係咁易。椒鹽鮮魷食落好爽口，加埋d乾蒜吊味，鹹鹹地咁好惹味，一流！八味豆漿炸到外脆內軟，外面有好多乾蒜提香，鹹鹹地咁，又係好開胃。呢間d海鮮唔錯，會再來食！

鐘意食海鮮嘅我，帶埋媽媽黎 “喜記蟹將軍” 撐枱腳、二人世界🥰🥰諗住橫掂都係，索性食好D、叫左個 - 豪華2人餐豉椒炒蜆豉椒咸香惹味，juice仲勁有鑊氣! 我地都食到Lam Lam脷😋喜記正宗炒辣蟹好正宗嘅避風塘炒蟹，炒得好乾身、香辣惹味。炸蒜乾、辣椒乾等香料爆炒得香口又惹味，而且蟹肉味鮮，個蟹鉗仲勁厚肉，正👍🏻👍🏻椒鹽波士頓龍蝦同樣係香口到不得了﹗雖然呢碟龍蝦比較之下係唔辣﹐但一啲都唔遜色﹗而且勁入味，我地都食到啜晒手指😍招牌蟹油炒麵果然係皇牌菜~差唔多枱枱都有食呢個炒麵。呢個炒麵係用蟹油炒，用蟹膏油炒嘅麵又點止鮮味咁簡單，簡直係惹味到暈﹗而且食落唔油膩，炒得夠乾身、香口。🤩真心推介﹗一定要叫返碟試下🤩

父親節慶祝點左個4人B餐唔好意思因為食完第一味已經成手都係油所以無影到相呢個就係正宗炒蟹炒蒜係夠晒獲氣但係啲蟹肉就有點痴殼呢啲炸蒜真係好惹味所以我地就問左鋪頭有冇粥可以叫黎送炸蒜好可惜，鋪頭話無粥可以點第二味係龍蝦係椒鹽波士頓龍蝦當然椒鹽煮嘅唔會差得去邊油鹽水浸大蜆呢個真係完全無味個油鹽水當然我地唔會期望有特別但係啲蜆真係完全無味，係一點鮮味都無好似白烚左一個鐘咁椒鹽鮮魷、咕嚕肉、時蔬係呢一餐入面最似樣的但係呢到唔係出名食海鮮嘅咩？最後仲有一個蟹油炒麵但係都係一般般真係唔好意思，呢一餐真係有點華而不實佢地賣嘅係海鮮，但偏偏就係海鮮做唔好但服務來講，佢地職員係做得好嘅可能只係當日太忙，廚房有點甩所以食物質素有點落差希望下次再來時候，會做得好返啲啦

餐廳位於尖沙咀，地理上十分方便快捷，加上位於大型商場之內，冷氣充足，座位舒適。鮮果咕嚕肉， 性價比十足，咕嚕肉外皮香脆可口，內裏挑選的肉類，肥瘦適中。水煮魚， 可以因應自己的喜好，挑選不同的辣度，最重要份量十足，性價比高。喜記正宗炒辣蟹， 王牌之中的王牌，童叟無欺，選料上乘， 喜愛炒蟹的朋友一定挑選。蒜蓉粉絲波士頓龍蝦， 又再次證明海鮮新鮮的重要性， 鮮甜味美，性價比十足。蒜蓉炒菜心， 好似普通，其實充滿內涵。陳醋木耳， 前菜之選，惹味可口，十分開胃。清蒸沙巴龍躉， 剛剛好，魚肉香滑味美。

嫂子一家約埋我去食海鮮午餐，慶祝孖女考完哂試一家大細梗係要坐得輕鬆舒服，原來嫂子已經一早訂好位，去到仲安排咗間房俾我哋4個添～房間空間感十足，私隱度高，開會，傾計一流。阿嫂請客，我唔客氣啦～～～喜記正宗炒辣蟹～一上碟我就諗起好多年前喺銅鑼灣食嘅XX辣蟹。蒜香味撲鼻，分量十足！你睇吓隻蟹鉗！！！真係好肥美呀～～～新鮮嘅蟹肉，一食就食得出嗰種鮮甜，肉質彈牙，蟹味濃。仲有啲爆香左嘅蒜蓉同薑蔥，送飯一流絕對唔可以放過蒜蓉粉絲蒸波士頓龍蝦～本身我對龍蝦冇乜興趣，尤其是芝士焗。竟然今次蒜蓉粉絲清蒸我覺得好好味！佢個龍蝦係超級彈牙，配埋帶啲油香嘅蒜蓉，仲有索晒啲蝦汁嘅粉絲。。。100分豉椒炒蜆～炒蜆吐沙工序好緊要，呢度嘅炒蜆完全冇沙，而且蜆肉肥美，唔會炒兩下就縮晒水，得返啲殼。豉椒味炒得夠香，略嫌唔夠辣。蒜蓉粉絲蒸扇貝～扇貝非常大粒，而且蒸嘅時間啱啱好，唔會過熟韌口蟹油炒麵～見佢個賣相以為係普通嘅豉油王炒麵啦～點知，有！驚！喜！佢面頭嘅蒜蓉就係用蟹油爆香左，佢令全個麵都昇華咗真係好香口開胃

因為返工關係只可以提早慶祝父親節決定成家人去食父親節大餐！😆成家都鐘意食蟹所以揀咗係尖沙咀嘅喜記~喜記父親節套餐分四至八人， 適合唔同人數嘅家庭組合🦀胡麻醬豆腐拼青瓜作前菜味道簡單而開胃，胡麻醬非常香醇帶微，豆腐香清、青瓜清新爽口🦀 螺頭燉雞腳湯父親節點少得湯水，一向都鐘意螺頭煲湯，味道夠鮮美，成個碗好足料，隻雞好入味嫩滑，飲完成個人好暖🦀 避風塘炒蟹蟹將軍當然要食蟹，蒜蓉甘口焦香配辣香，單食蒜蓉已經非常香口，蟹肉滲入避風塘嘅香味，蟹肉細嫩帶微辣😜成家人都食得好滋味🦀 酸菜魚除咗避風塘炒蟹做主菜，仲有酸菜魚😜湯底酸辣開胃，酸菜魚魚嫩而無骨，啖啖肉，辣度剛好，連唔食得辣嘅媽媽都食到！🦀 上湯龍蝦伊麵套餐點小得龍蝦伊麵，鐘意上湯作汁，味道較清，可以食到龍蝦嘅鮮甜汁液流入伊麵，同食到龍蝦嘅鮮甜😆🦀 潮州鹵水元蹄以拼盤形式上菜，元蹄大件，口感煙韌有嚼勁，肉質鬆軟 ， 鹵水入味中和元蹄油膩感，每人一份剛好，唔怕食太多肥🦀 豆豉雞煲平時係雞煲真係好小見到豆豉，用豆豉配雞煲食落口惹味， 豆豉份量唔多，但足以提升成個雞煲嘅香，唔會喧賓奪主，雞肉火喉剛好，唔會過老🦀 啫啫生菜煲食咗咁多主菜，當然要食返啲

疫情好轉 屋企人都比較安心外出食飯趁假期 同佢地出TST行下藝術館再食番餐好先心血來潮好想食蟹 平時呢D甘煩要搞好耐 所以屋企好少整今次去左呢間野個名有D霸氣 叫喜記蟹將軍度食蟹油炒麵 枱枱都叫呢麵 心諗豉油王炒麵都甘多人叫既 ?!再向職員了解下 佢係用蟹油炒架! 原來蟹係肥美到可以出油!但食落唔油膩 炒得夠乾身 蟹味好出添 真心值得試下喜記正宗炒辣蟹一場黎到蟹將軍唔係唔食蟹呀?! 我最鍾意重口味架喇 所以揀左避風塘煮法既 有海量既蒜乾辣椒乾等香料爆炒個蟹鉗超大 打個殼見勁厚肉 咬落去啖啖肉 好滿足而且炒得好惹味 連殼都"蒜"埋呀!陳醋木耳一款我好鍾意既小食 份量OK酸酸甜甜 好開胃 蒜蓉蒸波士頓粉絲龍蝦只要食材好新鮮 即使簡單蒸 原汁原味都可以好正個龍蝦肉味好鮮甜 肉好爽 粉絲索晒D蒜汁 真係多多粉絲都唔夠呀 好好食清蒸沙巴龍躉魚廚師控制火路剛剛好呀 唔會過熟 剛剛好魚肉好好食 豉油調味唔錯 唔會太鹹豉椒炒蜆D蜆肉都幾大粒 個汁夠杰 痴到個殼同D肉 香香辣辣唔錯屋企人都食得好開心滿足 希望疫情快快退去可以多D周圍去行下 去食下野

呢日黎到尖沙咀同一班親戚食飯，親戚預先訂咗呢間喜記，因為餐廳嗰邊打咗疫苗嘅關係，所以可以六人一枱，我哋都好耐冇試過六個人一枱坐埋一齊出街食飯～我哋叫咗好多嘢食，分別有金牌牛肋骨、蒜蓉粉絲蒸龍蝦、蒜蓉粉絲蒸蟶子皇、油浸水浸蜆、椒鹽骨、蒜蓉炒菜心、避風塘炒蟹！真係超級豐富金牌牛肋骨睇樣都覺得佢夠香脆，估佢唔到咁入嚟，同埋夠一人食到一條！肉質又唔會太un! 啱啱好，好好食！蒜蓉粉絲蒸龍蝦，真係有超香嘅蒜蓉味，估佢唔到啲龍蝦咁鮮甜彈牙！真係食到停唔到口！蒜蓉粉絲配海鮮基本上係冇得輸，所以我哋再要叫埋蒜蓉粉絲蒸蟶子皇！蟶子皇超大隻，配上大量嘅蒜蓉粉絲都唔會掩蓋左蟶子皇嘅鮮味～蒸得啱啱好！唔會整得過火！油鹽水浸蜆就夠晒鮮甜，啲蜆完全冇沙，估佢唔到咁鮮甜，又有好多粉絲，吸晒啲蜆嘅鮮甜味，真係好正！椒鹽骨夠晒啖啖肉，吸埋個骨頭d肉汁簡直係Perfect！蒜蓉炒菜心都好夠鑊氣，炒得啱啱熟！又唔會太淋！最後係重頭戲嘅避風塘炒蟹！size同份量都十足，配上避風塘上面嘅炸蒜，夠晒香口！另外蟹嘅肉質夠緊實，有夠鮮甜！真係想再食多次！

今年未食炒辣蟹，見到朋友岩岩去完呢間餐廳食，搞到我都心思思，一於去試下OPENRICE仲做緊呢個套餐65折優惠，一見到，即買！即刻同屋企人去試呢個二人套餐！炒辣蟹二人套餐，避風塘炒蟹炒得勁香口勁有火喉，避風塘口味同蟹肉融合得淋漓盡致香辣既炸蒜拌飯一流！一啖飯，一啖蟹肉，一啖蒜，PERFECT！豉椒炒蜆又一有鑊氣既小炒，炒到超香豉椒味值得一讚係，平日我好怕炒蜆會有沙，今次無，表示滿意！鮮果咕嚕肉甜甜酸酸好開胃，咕嚕肉又唔會炸得太乾身，啖啖肉之餘仲食到有少少脆口同屋企人極速全清呢碟餸XD酸菜魚媽媽最愛之酸菜魚，好夠味，魚肉嫩口用完避風塘撈咗一半飯，另一半飯就用酸菜魚既湯撈～～！招牌蟹油炒麵其實同媽媽已經食到9成飽🤣🤣套餐仲有個蟹油炒麵，呢個二人套餐我懷疑係三人份量黎😂😂😂呢餐食到超過十成飽🙈 呢個價錢食咁多款小菜，超值