好彩海鮮酒家

Open Now

Now Closed

上星期三，相約了舊同事飲茶，一共三人打電話訂枱，他說已經中午full了，所以提早11:30 ， walk in進場，幸好有座位😊環境舒服，整潔服務員也十分體貼，有禮貌點了一些點心玉蘭蛋白炒飯 ，淡了點，可能沒有落鹽😒甜品椰皇鮮奶燉雪蛤，超好食👍一共消費了，港幣$340

今日約左屋企人預祝父親節，所以book左觀塘創紀之城一期既好彩海鮮酒家食晚飯，因為一早book左既關係而唔使等位。好彩海鮮酒家之前都食過，但觀塘呢間今次第一次食，叫左唔少野食，但每次都係食完先醒起唔記得影相😂😂今次叫左蟹，鮑魚，乳鴿，牛肋骨，炸蠔... Etc極力推介個牛肋骨，味道一流，真係入口就溶，必食推介。反而乳鴿就較為失色，唔太熱，唔太入味。另外，可能好多人都預祝父親節，所以待應姐姐唔係好夠，但服務態度都唔錯，最後仲送左糖水比我地食。值得一提，其實晚飯有免費泊車，但記得八達通拍卡之後再拎飛，如果無飛係無得free parking!!!

因為星期日要返工的關係， 所以叫屋企人到觀塘的創紀之城一期飲茶， 方便我可以食飽飽去返工。 我們一行六人叫了大約十四個點心， 埋單四百幾都幾抵食。 點了蝦餃，燒賣，鮮蝦豆苗餃，叉燒酥，煎堆，春捲，叉燒腸粉，煎蘿蔔糕， 豉汁蒸鳳爪，山竹牛肉球，豉汁蒸排骨， 黑椒蒸金錢肚， 雞扎等等。 咁多款點心入面令我印象最深刻是叉燒酥， 蒸鳳爪和燒賣。 叉燒酥細細粒不會太膩，外層鬆化餡料多肉汁。 蒸鳳爪醬汁味夠濃， 鳳爪入味好淋。 燒賣啖啖肉，感覺好新鮮。 還有其他幾款點心的味道普通沒有突出， 因為我返工去觀塘的緣故，所以地點對於我來說都幾方便， 而好彩海鮮酒家亦屬於中規中矩的連鎖酒樓， 在觀塘區來說是不錯的選擇吧！

好耐無去過好彩飲茶，難得假日，特登揸車去呢度飲。唔知係唔係太多年無黎比較太大，食物質素差左好多。馬拉糕：一d都唔軟身，食落有點「鞋口」灌湯餃：真係唔太得，塊外皮冧晒，但餃角附近好硬。應該係塊餃皮唔均勻。珍珠雞：雖然一籠有三個係比較少有，但成隻珍珠雞乾身到食落感覺係硬嘅。煎堆：個底有好多油。雞扎：算係比較正常嘅，但仍然係極多油。牛肉球：正常。順帶一提，呢度原來要$200消費可以免泊車1小時，$500消費先可以免兩小時。不過，呢間茶樓應該就唔會再黎架喇⋯⋯

觀塘一向都好多酒樓嘅 喺工廠區有好多間點心工房 傳統嘅酒樓apm嗰邊都有好多 今朝就同咗佢地嚟呢間喺創紀之城一期嘅茶樓😂都好耐冇同過兩老飲早茶啦 因為我又懶瞓啦 週末早茶截止嘅時間又會零舍早 不過呢間嘅早茶特價點心去到十一點 佢係以入單計嘅 所以今日十點去到都飲到早茶😮梅菜排骨煲仔飯 梅菜份量都幾多 不過排骨唔係好靚 有啲飯焦幾香👍🏻柴魚花生粥 啲粥幾綿 啲魚又唔係好腥🙊迷你脆麻花 呢碟唔係好多酒樓有 有啲芝麻喺面 又幾鬆化😋無艷煎堆 其實係流沙奶黃煎堆 不過三粒入面有一粒係唔流嘅 得個蛋黃 有啲失望🤧布拉白腸粉 幾滑 不過就醬料就淨係得甜醬 冇麻醬 有啲失色豉汁蒸鳳爪 份量幾多時菜鯪魚球 清清地幾好 冇乜碎骨😗星期六日都有早茶的確幾好 下次再發掘吓其他週末都有早茶嘅酒樓啦👻

公司開年飯，我地一早處放一位，點知去到都無位，仲要出入口位都迫左勁多人，姐姐又推住車，我地都唔知可以去邊度避。去到落單既時候又好多野都已經無，想食灌湯餃同布丁都無哂。想加水都要自己黎，可以因為真係太多人，佢地人手又唔夠。點心質素其實唔錯，但唔知係味d鳳爪蒸唔夠時間，口感好硬。

即興約埋同事仔去飲茶☕☕幸運地一去到就有位最鍾意飲茶剔野食嘅我，又係時候大顯身手喇燒腩仔，蝦餃，燒賣，鮮蝦腸粉，口水雞，鳳爪......4個女人仔狂食mode最正嘅係個燒腩仔，個皮脆卜卜，好似食緊薯片咁🤣🤣 d肉唔會好咸，食過好多間酒樓嘅燒腩仔，呢度係最正

「好彩酒家」由細到大都覺得係爺爺嫲嫲公公婆婆嘅街坊食堂。小時候及長大後偶然去過飲宴，自己絕對不會提出去「好彩」食飯，先入為主吧！數月前男友的好朋友相约到觀塘「好彩」飯局聚會。😅奄尖腥悶嘅我想搵藉口缺席或當日出席前打定底！ 真係好彩....否則後悔莫及！是晚驚喜過驚喜，性價比高！多謝好友安排！🙏🏻🙏🏻👍😍燒腩仔-第一次食咁正嘅燒腩仔，唔知係咪傳說中的地窖燒豬，皮薄且脆，且有柴火獨有的煙燻味，食到停唔到口！👍😋😋😋雞油花雕蒸阿拉斯加蟹- 六斤重/隻阿拉斯加蟹啖啖肉+花雕酒香+雞油油香，冇得輸！13人輕輕鬆鬆 K.O. 共12斤蟹 👍🤣黃皮老虎海斑- 咁大個女第二次食到咁大條海魚（五斤重），火喉掌控恰到好處，魚肉滑鮮甜，魚味重+魚汁豉油夠鮮，雖然知道跟住有煲仔飯，身為「飯婦人」點可能忍到唔叫白飯？魚汁撈白飯絕配👍🤣唯一比較強差人意係腊味煲仔飯，可能為遷就食得較健康嘅客人，腊味特別瘦，致腊味口感較乾，但卻不失香味！🙏🏻😘是晚菜單：麻辣海蜇金牌燒腩仔蜜汁叉燒淮山螺頭花膠燉雞雞油花雕蒸阿拉斯加蟹（六斤/隻）跟伊麵翡翠鮮鮑魚仔清蒸黃皮老虎斑（五斤）薑汁芥蘭瑤柱豆苗油鴨臘味煲仔飯南瓜露番薯糖水芒果布甸

做節預了多人，但不是全場基本椅貼椅，侍應服務其差，叫落單應了等等後等了10分鐘都沒有人。上菜亦很亂，竟然上了糯米飯先，其他主菜一一不到。每碟小菜大約等了10分鐘才有。小菜上桌時，小菜還是微溫的，基本上廚房出來已一段時間才上菜。最記得一碟三色椒炒牛肉，賣相預隣坐食淨拎過來上菜。基本上，侍應都做到燥火，樓面竟在客人前，互相對罵。如客人想多問清楚，都難出口發問。做節出街食，雖然預了比平時差，但沒有想像這麽差

叫圍餐，有汽水紅酒送，唔要紅酒加埋有10幾罐汽水，但個女待應攞晒可樂雪碧，咁多罐得2款忍唔住同佢講換幾罐橙汁汽水黎得唔得，跟住佢一野話“冇喎，跟餐“ 咁佢咁講，我都吹佢唔脹，但我個親戚就忍唔住問下經理，可唔可以轉幾罐芬達忌廉，個經理1野就ok，老實講個刻當堂火燒心，但咁多親戚喺度我做細廢事講咁多。但食到一半黎翅，放喺隔離枱放咗好耐(唔知係咪我成家人都好肚餓啦，睇得又唔食得，唉~)我老豆都忍唔住問人捨得攞黎未？唔夠人咪我地自己黎囉，俾我地食啦。最後埋單問佢地有冇泊車優惠？你答冇都仲好，答我地“有，但要入閘出張飛俾我地先得“ 妖，有心既落單同人講一聲，等我地去車場補番張啦，埋單都唔講。老實講，間野食既就間間一樣，冇話好唔好，但本來諗住一班親戚去間工業區酒樓，唔洗逼，點知……哈哈

屋企人生日，多數都會來呢度慶祝，今次都唔例外雖然就來中秋節，但餐牌都叫有選擇，唔會迫人食套餐乳豬雙拼(例)乳豬好脆呢個叉燒我覺得好好食，佢唔係好似燒過個隻好紅色既，但呢舊叉燒係好腍，肉與肉之間有小小肥肉係度金銀蛋莧菜睇個湯就知水烚菜面頭加反d咸蛋皮蛋落去斑頭腩薑蔥枝竹豆腐煲薑蔥好香，1個煲可以食晒3樣嘢，好豐富，斑頭腩真係有肉，唔會得骨，枝竹吸晒d斗，好正想講每次來都會叫呢碟龍蝦伊麵，但今次要打岀來，呢隻有成2斤14兩，來到個表面好似好多龍蝦，但其實掉反轉睇，有好幾舊都係得殼，個龍蝦身直頭得1,2舊，係細的，隻龍蝦甘重，竟然無乜肉食，今次伊麵仲要無味，汁都無埋，打虎頭都太明顯了吧！屋企人講明，下次唔會再來！

父親節都唔加價,又唔太多人,環境都ok,上菜極慢乳豬皮脆,肥糕不多不少,幾重花生油味,幸好豬肉唔咸。叫左一窩翅,足夠4個人食,足料 ,味道都唔錯.值得推介西蘭花煮得幾硬身,我就鐘意食軟身,帶子都ok新鮮2斤既斑,蒸到岩岩好,食落生鮮。

有特別節日慶祝都會來這裡吃晚餐。椒鹽賴尿蝦，惹味，喜歡吮蝦殼上的椒鹽味。龍蝦芝士伊面，煮得太水，像清湯，沒有芝士的感覺，能勉強進食。炒斑球，偏油但挺香口的，肉質彈牙。

星期六我們去好彩海鮮酒家食午餐，我們覺得整體味道普通，但是該酒家點心和價錢不成正比，而且該酒家粥極之稀到水和配料一二粒，粥底要收$10，點心價錢比旅遊區酒樓/酒店酒樓更加貴，茶位$12，整體評價極普通。

我在2017年10月28日（星期六）下午一時正至兩時正其間，去咗光顧塘創紀之城之好彩酒家光顧，而且亦選擇咗''七碟點心''，而其中一碟是''雞扎''，裡面竟然''兩舊''得「骨」，沒有肉，但 貴酒家就咗我們''特點''或''頂點''「價錢」，然後我在''埋單''時候，同 貴酒家''女侍應''「反應」，但我又見到另一位似「男部長或經理」- 衣著是黑色西裝褸，當時那位似「男部長或經理」在我的座位位置附近做緊其它嘢，但因當時是沒有很多食客，而且比較靜一些，而我好肯定及相信對方一定聽到我們與那位「女侍應」對答，但那位似「男部長或經理」沒有上前問發生何事，繼續做其它嘢，好似沒有聽到客人投訴的。 然後，我就在2017年10月30日（星期一）上午十時零一分致電 貴酒家的「客戶服務部門」投訴，當時有一位姓''葉小姐''接聽 我的來電，然後我就耐心與''葉小姐''講回事發經過及問題，而我就問''葉小姐''有沒有「區域經理」之類管理層可以對話，而''葉小姐''就話（沒有），緊接仲話 貴酒家所有投訴都是由「分店經理」處理，而我亦有「留低 - 姓氏及電話聯絡」給那位''葉小姐''，我就耐心等候 貴酒家之「分店