何洪記

Open Now

Now Closed

去接機，見未夠時間打算食少少嘢醫肚。咁我哋就用手機落單，本身係想叫三碗雲吞麵, 落錯咗order，嚟咗三碗淨水餃。跟住問服務生未食可唔可以換翻，如果唔得，我地補錢加翻個麵都好。個服務生話佢話唔到事，要叫經理。好啦，個經理C過嚟，一嚟就好似審犯咁樣，問咁你想點（連續問咗三次，很惡）。我哋表達咗我哋想要啲咩，最後都有幫我哋換。咁之後屋企人到步，按餐廳指示，行李係要放喺行李擺放嘅一個暫存位置。跟住有個餐廳嘅服務生，無啦啦推住一個唔係我屋企人嘅行李手推車，跟住喺度鬧我哋可唔可以擺好啲自己啲行李。我哋啲行李明明就擺好左係角落頭，完全冇阻到人。我哋當然同返佢講件行李唔係我哋，跟住佢仲好理直氣壯話「咁我都係問吓啫」(未問就鬧咗先😂 )唔係話俾錢就大晒，話晒坐低都係一個客，你尊重我，我咪尊重你囉。總之食個飯，有啲咁嘅體驗。真係好難有下次😂

落機想醫肚， 去附近一間食， 點知這間服務員叫c 字頭態度超級惡劣， 叫客人放行李，我都未放好，就苦喝我又不停罵…（其實我都想放一個好的位置，不想阻住人，點知比佢狂罵） 還說吾想食，咪走囉， 好似趕客！問佢有沒有客服電話，點知答我沒有 真的沒想過食一餐飯會受氣

服务态度：对有大件行李的客人有明显意见！语气非常失礼！服务体验差 不推荐！对待顾客十分没耐心 味道：不好吃 很一般 品控不好 不如香港其他可以直接walk in 的店 点的饮品也是below average的水平！

-機場可以堂食嘅餐廳唔多，比較有質素嘅雲吞麵一定係何洪記，以前我都食過佢嘅其他分店。牛腩雲吞湯麵湯底一定係精華，傳統嘅湯底（大地魚乾的+蝦頭蝦殼+豬骨）熬製，都好有鮮味。牛腩方面，選用比較瘦嘅部份，一般般，但係有牛筋任為配搭。麵方面，都夠彈牙煙韌。最好食，一定係雲吞，雲吞選用醃蛋蝦肉，加少少蝦子，皮薄，細細粒可以一啖一粒。呢間店都有八成嘅水準，價錢一定貴，雙拼($95)加埋茶錢（$5），仲要俾埋加一，不過間唔中食一次半次都可以。

有人說，移民到外國的香港人最懷念的食物之一，是雲吞麵。也是的，香港各間有名的雲吞麵店，好像「麥奀雲吞麵世家」、「麥文記」、「羅富記」、「何洪記」等，都是歷史悠久，為眾多香港人熟知的名店。我雖沒有能力移民到外國，但這次外遊返港，抵港之後，已是飢腸轆轆，想起醫肚的地方，第一時間便是這間位於機場，除了銅鑼灣店外唯一的「何洪記」分店。既是開於機場，食物價錢當然比機場以外為貴，不過旅遊都已經花費了不少金錢，只是一頓晚餐，所費多極有限，可以在離港外遊數天之後，吃點好吃的地道香港美食，還是值得的。也許是人同此心，心同此理吧，這間「何洪記」的生意可真是夠旺場的，人流不絕，生意滔滔。「薑蔥雲吞撈麵」（$88）是我的選擇。蝦籽湯是及格的，麵也爽口，埋藏在麵底下的雲吞雖只是小小一顆，都有六隻，雲吞皮不算十分之薄，都還可以，豬肉與蝦的比例也算適中。蔥是多的，不過薑就不多，如果薑可多些我會更喜歡。老婆仔不想吃麵，就只點了「鴛鴦淨雲吞水餃」（$74）。雲吞與水餃各有四粒，相比起雲吞，她更喜歡有筍和木耳的水餃，喜歡它更加爽口，餡料也更豐富。不得不讚的這兒的「翠綠郊外蠔油菜」（$58）選擇，可供客人剔選的甚多，不但菜

落機好肚餓，掛住廣東菜，見到雲吞麵專家何洪記就入去試試。門口侍應好好人，見我哋車住兩個喼，幫我哋安排推去隔離巷仔，咁就唔會阻到人喇。以為喺機場食嘢價錢會好離地，但何洪記又唔算貴喎，幾十蚊碗雲吞麵算係咁。眼見食客普偏都係叫雲吞麵、燒味飯同點心，咁我又叫下囉。雲吞麵味道唔錯，份量都剛剛好，湯味濃、麵彈牙、雲吞鮮，十分高質。燒味飯我揀咗油雞飯，飯無一pat pat，仲要係我最鍾意嘅雞胸肉，好滑好滑，一定好食過太ｘ！最後食咗個燒賣，不過不失啦。見隔離枱兩個人叫咗乾炒牛河、切雞飯、油菜再加碟燒腩仔，兩個人晒唔晒食咁多呀？btw下次試下乾炒牛河，望落都好似唔錯。yummy~

🍴正斗鲜雲吞撈麵 $86 (7/10)雲吞有6隻，細細隻，但係偏鹹，入邊主要係蝦肉，好爽口！🍴柱侯靚牛腩撈麵 $88 (7/10)個面好幼滑，略爽口，但係都幾重鹼水味，個湯幾清香，牛腩煮到好軟腍入味，牛筋好腍！幾好食嘅但就貴咗啲同份量好少！食完唔飽！推薦指數: 7/10機場嚟講係貴啲，份量唔多，不過算係咁了！

幾年無再機場吃過何洪記。在大约10:25 pm 在機場check in 後，趁何洪記收11:00 pm前, 即趕來在上機前吃碗水餃面。我排在一個叫外賣的人後面，那時有一個拿着行李的女人前來，服務員(Dorothy?)即招呼她入座並告知我她是關門前最後一個客人。我告訴她我比那位女士先來。她負氣說她沒見到我。她眼睛一定有問題, 我165cm 高，體型並不嬌小。我問她是不是不再收客。她突然改說國語，我說請你說回廣東話。她很沒禮貌地說她沒看見我，不過我想入來就讓我入來，我可以唔入來。其後他們也讓多幾位客人進來。我從來未遇到那麼無禮貌的服務員。我以後也再不會帮襯機場何洪記，叫一碗水餃麵，加一還要收五元茶錢，一點也不值。今次是我第一次寫負評，希望無下次。

好耐冇幫襯呢類型著名港式經典雲吞麵老店，以往麥奀記、麥文記那些，近期都好少光顧了。這次和家人到機場附近，有些空閒時間，順便吃個麵先。由於當日到機場，第一又趕時間，第二又拿着不少行李，機場裏亦都非常炎熱，於是只能吃撈麵。豬腰潤撈幼麵，麵條份量不算太多，不過非常爽彈，和一般牛腩麵雲吞麵舖那些麵比較，它的比較爽，幼細分明，可說是功架十足。不過其他豬腰及豬潤，其實主要都是帶點爽，新鮮得來沒有什麼特別味道；豬潤亦都夠大夠厚身，只不過份量就比較少，好像只有兩三件

今晚凌晨機，想必要在機場吃個飯才可，在香港國際機場內被米芝蓮的名字吸引住，所以便二話不說被迷惑內進了。我們一坐下點了干炒牛河$138，正斗鮮蝦雲吞麵$67，養顏桑寄生蛋茶$46。可惜並不是米芝蓮所講的天上有地下無；首先干炒牛河，河粉太硬，牛肉無乜味，唔夠熱，只值6/10分鮮蝦雲吞麵，雲吞有5售，蝦夠爽，麵是全蛋麵，沒有鹼水味，可惜又唔夠熱，只值7/10分桑寄生蛋茶，唔夠甜唔凍又唔熱，不合格，只值4/10分可能認為旅客只來一次，亦唔會有要求，所以求期餵包客人便算。請問米芝蓮是如何評分的呢？

航班抵港後，快快手去搞入境，取行李，實在太肚餓了，要衝去醫肚！一出接機大堂，就見到幾家中式/港式食店，有燒味、小籠包等等，最終選擇在何洪記食粥食雲吞麵。正斗生腸及第粥，不至於好綿，但都不會太稀或太稠。及第粥的用料就是豬雜，有豬膶、豬肚、粉腸、豬肉丸，以及生腸，乾淨沒有羶味。生腸爽脆，粉腸沒有苦味！最怕吃雲吞麵時一入口就滿口鹼水味，正斗鮮蝦雲吞麵的湯頭鮮甜濃郁，麵條柔軟彈牙，沒什麼鹼水味。雲吞的size剛好一口一粒，雲吞皮又薄又滑，蝦與肉的比例恰好，爽口之餘又有鮮蝦香味。懷舊鮮蝦餃，蝦餃大隻，蝦餃皮晶瑩，不會太濕軟！蝦仁份量飽滿，但好像不夠雲吞餡的彈牙～～茶錢$5/位，侍應添茶添水的效率都算快。由父輩建立何洪記，以雲吞麵起家，屬新品牌的正斗注入較多元素，但還是以雲吞麵較為出色一點。

極差服務!入座服務混亂:8點幾落機好餓，當然搵最近既餐廳食一去到等左陣就叫號碼，個前台拎左我張飛，之後話執緊檯佢狂叫其他人入座，由我地企係門口。我要問，先有檯。落單可成張單唔見左:舉手叫人落單，見黑色西裝女經理C小姐，好快過黎，我叫左3樣野，佢再去隔離檯落單等左半個鐘，隔離檯同樣食物已食緊，我都仲係等緊...唯有催，點知....另一侍應及男經理表示無單。我已即鬧，男經理即叫廚房即煮先，但那女經理仲嘻嘻哈哈拎張單過黎: 好快有嘢食啦!(但一句"唔好意思"都無，好似慣常的態度及服務)論食物，可以算正常，但論服務，簡直唔值得有加一服務費可言。作為機場的一代表，但服務竟然如此卑劣，令人失望，亦影衰旅遊業。

當日想食機場的雲吞麵， 就嚟咗何洪記食物價錢太貴 有點誤植 對他仍然係服務 關於餐牌 問經理多兩句說話 仲立即黑面 落單市 好似好趕 大大聲聲 講咗一句 叫食物前 諗清楚琳好做 先入單 唔會有第二次 再嚟呢間 何洪記食嘢

完全比米芝蓮騙到了😹還好不是正餐。一直都好想試何洪記，原來...就只如此。我以為粥品同腸粉係佢馳名，到底係機場比較Hea，定係已經賺夠左唔優做？還是其實他們馳名的只有雲吞麵？

一碗$68荔灣艇仔粥 - 是我在香港從此未試過的難食及貨不對辦。粥底的稀度有如稀粥水，艇仔粥你豬皮也沒有只得五六條幼如髪絲的魷魚絲。菜苗餃又乾又細粒，超市買回來的「淘大點心」比它還要好份量。雖然心知要愛惜食物，但這碗粥的難食程度難以入口😖😖😖