家嫂

Open Now

Now Closed

對於任食火鍋，我甚少用高質抵食來形容，先有餐前小食，脆肉瓜炸得香口，令人不自覺吃多了。飲品方面毫不馬虎，選擇非常多，除了罐裝飲品，也有自家製清熱飲品，心機之作！供六人份量的刺身船非常浮誇，還有海膽，始終刺身不是主打，質素不過不失吧！再來雞煲，醬汁非常惹味！最後主菜就是吃火鍋，海鮮任點，海鮮質素不錯，只是很快就沒有鮑魚及蟶子，只吃了一轉，幸好還有大蜆同生蠔補上，美中不足肥牛只限一碟，恐怖牛魔王要失望了，不過這類火鍋任食，絕對是海鮮迷既喜訊呢！

沒想到在柴灣區都有性價比高的雞煲、火鍋選擇 基本上試過的朋友都讚不絕口~所以今年阿爸的生日就選了這個近屋企的地點囉要預先訂位，店員亦會在當日打電話確認訂座  (如果沒確認就會當作取消)坐好後，店員會問一下是不是第一次來吃～是的話會簡單介紹一下流程就是 小食 -> 刺身 -> 雞煲 -> 火鍋 -> 甜品飲品方面是任飲的，大大的雪櫃內除了有氣飲品外，還有沒氣的罐裝飲品 .比較特別的是竟然有竹蔗茅根、薏米水之類的～亦有熱飲的，喝起來感覺很足料另外醬料是自助形式的，可以自行混醬！先來的是兩碟小吃，有 椒鹽魚骨 & 家嫂煮燕餃這兩款吃完可以再添~不過接下來還有不少吃的，不怕撐肚子才添喔魚骨那個很脆身，沒有很腥亦不算太油膩。燕餃的尺寸剛好一啖一粒 刺身很大一盤！有看到人數會是一條船那樣子上桌整體都頗新鮮～除了海膽的顏色看起來不太討好，不過不至於有怪味 雞煲方面，有不同的辣度可以選擇~也可以完全不辣的！我們揀了完全不辣的，但不知道是不是這個原因 ... 等了很久才有得吃 除了雞肉外，還有花膠～汁是頗濃，但不算十分入味然後吃到一半左右就可以將麵筋和豬皮加進去～順帶一說

家嫂久聞要訂成個月嘅火鍋放題今日就黎試一試佢環遊海鮮火鍋放題成人$298/位 小童$168 另加一星期一至四 88 折🔅直送刺身盛宴剌身就無咩鮮味不過都算唔錯最少肉質唔係霉🔅家嫂花膠雞煲成晚最誠意推介用料十足雞肉多，唔似出面啲雞煲勁多骨夠入味味道亦唔太咸建議大家食中或者大辣小辣就真係同無辣一樣🔅手工火鍋配料三色丸味道一般尚算彈牙🔅極上牛肉肉質滑，牛味一般，略肥🔅環游海鮮船主角出場不過實在令人失望入面有：蝦、蟹、魚、沙白、蜆、魷魚、墨魚膠蟹肉少，不過味道尚可蝦同蜆都好新鮮上枱時仲郁緊墨魚膠頗彈牙可口其他就無咩特別對於本身唔太鍾意食魚嘅我就覺得太多🔅蜜冬西洋菜豬骨鍋湯底清清地味道唔太濃仲有飲品自助區同醬料自助區都幾好佢自家制嘅果茶清清地都幾清新醬料就多到花多眼亂自家製辣醬超正佢呢度就一定要跟住次序咁食先食刺身、再食雞煲、最後火鍋其實食完雞煲都飽飽地另外佢地某啲茶式可以無限追加某幾款又唔得記得要問清楚呀大家

同第一次食爭好遠，尤其是海鮮火鍋出事，好多海鮮都唔新鮮，蝦超細，蟹肉霉，其餘是都是魚和各平價蜆😳連鮑魚仔、貴妃蚌呢類不算貴價野都無！我第一次食嘅時候係有㗎，重有大扇貝，所以今次好失望😞不過公平D講服務質素、雞煲，其餘野都係OK嘅！

這家餐廳聽過不少朋友食過都大讚，甚至說份量多到吃完刺身接著雞煲就差不多飽。醬料款式比以前食過的都要多，酸和辣方面的種類更是多。試了混合了蟹醋還不錯，另外還見到辣醬有單買。飲品主要是中式飲料，像是湯水和甜湯等等。當然也有普通茶水，但火鍋和中式飲品可是絕配。小食可以吃完再添，除了辣小食還有迷你餃。正餐還未上得的時候，非常好的選擇，但要小心不要因為好食就食飽了。刺身沒想到中菜館的刺身質素可以那麼好，我覺得比平時日式放題能食到的更好，很新鮮。款式也不少，意外地還能見到海膽。雞煲雞煲等了好久也未上，後來聽說因為點的是"走辣"所以要重新炒(?)以為會直接倒湯，誰知會直接換走。火鍋(海鮮船/肉/丸/水餃/魚皮/響鈴/菜)挑了椰子湯，又真的能嘗到甜味，不只是浮浮下的裝飾。個人覺得最高質就是牛肉，不肥肉質又好，有點慶幸沒挑豬肉。海鮮船也很豐富，主角蝦蟹外還有鮮甜的各種同類，第一次火鍋會食魚，也很鮮味，倒是其他配料也是中等。甜點冰冰的很解膩，配火鍋真不錯，記得最後要留肚把芝士蛋糕也食了。

因老公生日所以一行八人來家嫂打邊爐，但發現質素與半年前天與地的分別。前菜將啲魚骨炸咗去比大家食，已經沒有蝦多士。另外炸翠玉瓜尤如煎釀三寶。個刺身拼盤又少又薄切，同半年前相差勁遠。最失望是沒有鮑魚或象拔蚌，最初話遲啲上，最後再經再三問始終都冇，然後就推算話每次只有八至10款海鮮，其中三四樣都係一啲不知名的魚，牛肉冇得加。一堆＄20一斤的沙白，少量大娊和迷你聖子。環境好熱，音樂好嘈八個人的長枱完全傾唔到計。以＄300加一乘八，在其他餐廳一定可以食得好好多。

抵食高質養生打邊爐放題！本身唔特別好打邊爐，因為成日都覺得好肥，好熱氣，但係食過呢間之後，我有少少鍾意咗打邊爐🥰事關呢度有自家製嘅涼茶，仲要無限添飲！款式都好多青檸薏米水、羅漢果茶、竹蔗茅根.....仲要係任飲嘅！唔怕燥💕醬汁全部自家製，炸蒜真心讚！野生泡椒都好香，不過我唔食得太辣，冇試到雖然話係任食，但係都有次序，一開始，店員會先上刺身，勁誇張！隻碟大過張枱，唔知係因為我哋有10個人食所以大，定係本來都咁大呢？材料好多，海膽成板上，帶子厚厚，其他材料都算新鮮😋是日小菜都係任食，炸茄子出色😋出色到一上枱有成碟唔見咗🤣所以相都影唔到🙈跟住就食雞煲，雞件仲多過平時出去食，而且香口嘢未，醬汁辣得黎又唔會太咸，重點，都係任食😋雞煲滿足完之後，就打邊爐啦，店員會換過一個養生煲，我地揀咗花膠雜菌湯，上枱先熬，確保冇味精，打邊爐嘅材料都新鮮，而且款式都算多，不過鍾意食牛嘅朋友，就可能少啲選擇啦！花甲、聖子一定要食，超新鮮！食得出材料嘅鮮味，三點蟹我就略嫌冇乜肉食，不過煲湯一流，蟹嘅鮮味落晒湯底裏面🤩正！三色手打丸都係值得推介嘅，特別係豬肉丸，爽口彈牙！每人圍返都係三百幾蚊，食完都唔會有罪惡感，健康打

位於柴灣工業區，距離港鐵站約5分鐘路程，在一幢商業大廈內，店內大部份是中式擺設，連食具都有很有趣。食法是有次序的，由此圖的刺身拼盤開始順時針食呢個係醬料櫃，比平時出面嘅火鍋店算多選擇，較特別的有花椒油、酸汁、黃椒、黃豆、麻辣雞蟹醬、野山泡椒…等等，鍾意食辣嘅朋友，應該合哂河車。牡丹蝦、八爪魚、帶子、海膽、三文魚海膽新鮮檸檬脆蝦餅，呢款係任食的，但必須係上雞蟹煲之前加單由於已知我哋食唔哂，所以落單時已通知只需要半份份量，因為要留肚打邊爐，我哋四個人最終都係食唔哂呢呢個煲，唔肯定係未真係有減量...睇之前嘅comment係有鮑魚、象拔蚌等，好可惜今次係無，話明係時令，因此不要太有期望，除咗蠔仲係冰封狀態，其餘泥鯭、鯇魚片、貴妃蚌、海蝦、沙白、墨魚滑、青口都新鮮的，大部份海鮮都可以加單。手工火鍋配料係任食，有手打丸、魚腐、現成丸類、烏冬、蔬菜盤呢個宮廷鍋好靚，好吸睛！極上牛肉好好味！可惜非任食，可加錢追加湯底可選︰皮蛋芫茜湯、家嫂麻鮮辣湯、蕃茄濃湯、馬來喇沙湯店員拎著啲香印提子續枱分，大約每人2粒，話送比我哋試吓 

試過兩次食午餐, 今次想book放題試下晚餐:原定了晚上七點半，但朋友嚟早咗都可照入座，因為放題沒有限時👍🏻服務員態度良好，會主動問洗唔洗加野食/換碟。飲品選擇算多也健康不偏甜👍🏻刺身船都幾大隻，有海膽/三文魚/帶子/甜蝦/紫心番薯/北寄貝。之後就上雞煲，肉質味道也不錯！食完雞煲以為佢只會加湯作打邊爐，但原來他們會另外再換一個湯底俾我哋打邊爐！選擇了花膠湯底，配料選擇不少，另有海鮮拼盤⋯最後仲有芝士蛋糕🍰整體印象良好，會再介紹朋友嚟！埋單每人$288 （已計加一）

午餐嚟咗呢度食飯，呢度最滋味嘅就係個湯底，有皮蛋芫茜湯底，個湯底超甜，超好味。餸菜方面就有肥牛，雞翼，同埋魚蛋隻雞翼炸得好香口，值得推介。不過可惜無包野飲，價錢49元

今晚一行11人，之前聴聞呢間食物好好吃，所以約埋朋友一齊去試，結果一肚氣，坐底就送上炸魚骨一碟，（冇得加單）之後就有冬陰青口，味道還可以（可以加單）期待已久既刺身船黎喇，萬分期待，侍應特別說明隻刺身船有1.5米長😍勁興奮，黎到喇，嘩～真係好長呀⋯⋯隻船，八款刺身，每人每款得一件🤣刺身質素一般，之後蒸聖子還算新鮮，雞煲雞肉冇味，算吧，到戲肉打邊邊，海鮮盆內蟹丶蝦有一半係臭既，真係臭，用手抓蟹腳之後聞下，臭屎味，叫侍應阿姐過黎同佢反應，佢話係咁㗎啦，得呢D海鮮😡海鮮係冇得加單，咁冇計喇，你都咁講，最後只覺得最好食既係米缐丶同芝士餅。最好笑係我地叫左啤酒，叫佢攞冰桶比我地雪啤酒，但竟然要收$40蚊冰桶錢😂成班朋友都話冇下次😝

除了開張頭一個月光顧了一次之後，這次是相隔一年多後第二次光顧。當時仍然未有酒牌，記得係同朋友買咗大量啤酒同帶清酒想去喪食。事隔一年，而家佢嘅配套同食品量已經再有進步。事緣今日星期六休息，瞓完晏覺到7pm左右起身突然想打邊爐，諗起附近容易到達又有啲質素嘅打邊爐就喺呢度，即時打嚟訂兩位竟然都仲有。星期六價錢係$298火鍋放題加一，佢Sell有大量海鮮，所以我覺得呢個價錢係OK，就即刻落樓行過嚟。由於星期六嘅關係，去到時見個場已經爆曬，真係得返一張枱可以坐，因為嗰個位附近天花有些少滴水問題，但其實完全影響唔到我的。（我相信亦係因為咁所以我哋先有枱）之前見有食評話服務員態度好差，我今次單一體驗完全唔覺，而且總覺得佢哋相對好人。由於我八點幾先上到嚟，佢10:00就last order，個服務員同我地講有大量嘢食驚死我哋食唔切，一坐低冇耐就係咁上嘢比我地。先係刺身拼盤，加冬陰公青口同一碟炸魚。我估唔到個質素係咁理想，刺身仲要有加拿大海膽😍🤤。我食咗無耐阿姐已經問我青口需唔需要幾多盤。我哋倆口子知道應該仲有好多嘢食梗係唔加住。佢見我哋差不多消滅好刺身拼盤已即時主動幫我地安排個雞煲落嚟。入面個雞同花膠

聽過很多朋友介紹家嫂都話好抵食剛巧父親生日佢又話想食海鮮就帶佢試吓啦呢間店嘅食嘢方法都幾特別好有次序一坐低左旁邊有一個好大嘅飲品櫃其中不少都係自家煲嘅中式飲品元肉茶，楊枝甘露，酸梅湯，竹蔗水等等旁邊醤料櫃都係滿佈唔同醬料,完全睇到係非常有誠意嘅製作先來松露炸蝦多士松露好香蝦多士唔太油呢個可以再添之後就嚟咗魚生拼盤有鮮蝦、帶子、三文魚等等基本外還有海膽，而且係一塊塊的我對海膽要求真係比較高我食到佢嘅海膽真係幾新鮮呢個就唔可以再添嘅之後就輪到花膠雞煲我冇諗過個花膠會咁好食因為真係煮得幾霖好入味唔係碎濕濕幾塊啲雞都好滑好香所以我哋添左兩次*雞可以再添，花膠無最後我哋就輪到海鮮火鍋除咗海鮮之外仲有啲手打丸由於媽媽唔食牛我哋轉左日本豚肉海鮮有仲識跳嘅鮮蝦識郁嘅鮑魚帶子，蜆，蟶子等識郁嘅下真係唔同啲肉質好有彈性但係聖子就好多沙見隔離枱有蟹可能我哋太晏食就冇晒啦另外日本豚肉肉質不肉最後我哋一家都食到好飽點知最後仲有個芝士蛋糕做甜品芝士味非常香絕對是我的口味但我妹妹就要芝士味濃咗啲冇食到呢度算係半buffet呢個價錢，去到呢個質素都係抵食而且地點都近地鐵站所以都係方便嘅

朋友們好鐘意圍爐食火鍋,  昨晚熱 C 流流三十幾求高溫, 也要去試試這一間位於柴灣利眾街的人氣店 暴飲暴食吃放題.    是晚星期五 $ 298 位加10% ; 如果星期一至星期四有八八折優惠.   服務尚算可以, 在時間上我和朋友早到了預約前半小時,  坐低後有待應專承告知, 可先取飲料品嚐先, 蠻貼心服務, 行過來時又熱又口乾.   混醬配料極度豐富.  雖然, 我只愛蒜蓉, 香蔥, 小辣加豉油, 但朋友就哈哈. 每種每樣也取一點. 又芝麻醬又黃召醬又辣油,  嘩 ! 得唔得架溝成十種有多的.......忍不住也半笑地話話她. 看看, 的蔬菜非常新鮮, 有專人在淋花灑水.   我成晚望著她們這個位置. 我們選了姬松茸配無花果湯底幾甜美滋潤.   雖說是放題但這碟極上牛肉不可以加只有這一碟. 另加要額外付費.  來來看看有什麼好吃的: -  1) 花生, 火辣魚乾仔, 蝦米  (另收費 $30 )   2) 召鹽香炸三文魚頭腩   3 ) 好似是奶油忌廉煮藍青口 (類似~ 菜牌無寫名)  4 ) 花膠雞煲配豬皮和支竹 (這個可任意加添) 但朋友提醒唔好貪心, 多吃會肚子

服務勁差! 服務勁差! 服務勁差!  第1次嚟食係大約1年前，服務，食物質數都超讚。第2次來嚟這店打邊爐，冧住同朋友慶祝生日食飯，但真掃興。服務差勁! 我地坐係入門口左手邊這邊台，果個女侍應做得咁辛苦唔好做!  我來食野唔係受你侍應氣，咁做落去實比員工搞壞。雖然食物質數無之前咁好，但尚算ok新鮮，但如果想再點食物，女待應就冷言冷語!!! 又話火鍋食物可以任點添食，到點鱔片時又唔比點…無言……如果想食到一肚得氣，就去食。仲要選坐入門口近左邊，由這位待應招呼  !!!