部屋咖啡室

Open Now

Now Closed

呢間樓上cafe位置都幾方便，位於旺角中心點，雖然窗外位置唔算多，但係有梳化都坐得舒服。而且有好多卡game同埋其他遊戲玩，岩同朋友一齊傾偈。我點咗兩本簡單菜式，三文魚青蘋果沙律，清新開胃，份量都幾多，最少足夠兩人。另外烤雞闊條麵都不錯，肉粒嫩口，香濃忌廉味，麵條口感軟硬適中，分量多。手沖冰波奶茶比較特別，圓形嘅冰波造型可愛，奶茶茶味濃，有奶香。但是薄荷咖啡稍為略甜，可能小糖會比較好，或喜歡甜的女生可試下。

今日好想食意大利飯同麵同好想影下飲品相，因為呢排太忙了，要眼睛感受下飲品的藝術，同埋想朋友靜靜地享受下ME TIME，食左間係登打士街廣場上面12樓既餐廳😃夠靜夠舒服，原來仲有Boardgame 玩ga餐廳位置舒服坐得好休閒，當然我去既時段係晚上，人流客人雖然比較多，但都唔會好嘈坐得舒服同有小小音樂聽下輕鬆下，裝修空間用淨白色CAFE為主調，調上音樂結他樂器做裝飾品！今次叫左凍朱古力，有朱古力卷包住朱古力，香脆可口，配上朱古力醬，朱古力粉，美觀又好飲！唔會太甜，一杯份量岩岩好，朋友叫左榛子熱朱古力，上面再放有拉花，非常精緻！食物方面今次叫左芝士西蘭花，番茄香辣醬海鮮意大利粉，仲有黑松露意大利飯！番茄汁融入哂意大利粉入面！麵質幼滑！海鮮份量唔馬虎！有大大隻青口同大大隻開邊大虎蝦，肉質鮮嫩！黑松露飯好creamy，食落唔乾身，黑松露味道好出眾！

見依間樓上cafe幾多人推介，夜晚想同朋友坐低慢慢傾計好岩，仲有好多board game玩！好彩有book位，平日夜晚都坐滿野食方面有散叫有套餐，套餐幾抵食，二人餐($358)有自選pizza意粉，炸蟹餅同野飲。揀咗BBQ蘑菇烤雞手拉pizza ，10吋，個薄餅皮好特別，口感係比較煙靭，餡料方面個BBQ醬同洋蔥、雞肉好夾，甜甜地好入味。意粉方面揀咗忌廉煙三文魚意粉，入口creamy幾香奶味，意粉口感啱啱好，爽口煙韌。嘢飲方面，加咗$30飲水果茶，嗰份量係可以兩個人飲，好多水果係入面，味道酸酸甜甜，暖暖哋飲好正！三五知己上嚟食吓嘢Hea下係幾正！

服務：差到一個點，兩個女侍應掛住自己傾計，4隻鷄翼都可以整半個鐘，半個鐘一杯飲品都無，食咗個幾鐘都唔見個意粉，又見兩個女侍應好悠閒咁係到自己食外賣，莫非碟意粉自己製作中😱好彩多口問句，原來兩條友傾到唔記得咗，又好彩今次漏煮嘅快咗啲，唔係肯定由午餐食到下午茶😮‍💨。食物：邊個話係手工薄餅，簡直係急凍食品質素加熱，但係收2佰幾蚊囉，劏人價錢。飲品：正常環境：座位好窄廁所：如同風味十足嘅公廁收費：4個人，每人一杯飲品，另加一份蜜糖鷄翼，白汁芝士西蘭花，夏威夷千島薄餅，煙三文魚水果沙律，$850。絕對無下次，都會同朋友分享這次慘烈經驗。

搵旺角中心點同一班朋友聚舊，就搵到呢間餐廳，呢間Cafe設置刊物同board game，都幾岩驚冇野傾都有野玩下，坐落都非常舒適🍕千島夏威夷pizza Pizza係意大利oopizza面粉制，上菜熱辣辣，呢個Pizza有千島醬、菠蘿、 煙火腿，我就偏愛Pizza要有菠蘿，Pizza咬落好軟熟，好多料，食落好juicy 😋😋兩個人食10吋都夠食🍲黑松露雜菇意大利飯採用castello意大利米，米飯粒粒鮮明，非常有咬口，黑松露非常濃郁，so creamy🤩🤩

🥳Party-room玩味裝修風格，位置空曠闊落，係年輕人聚首一堂嘅好去處☺️由於大房full左，安排坐左係旁邊的房仔🚪落單自助寫係白板，座位旁有個鐘仔🛎方便搵職員～🍝烤雞磨菇闊條麵(忌廉,烤雞肉,磨菇,洋蔥,青椒)$132意粉充滿濃濃的香草味， 非常彈牙。雞肉雖然乾爽但是吸收了充足的香草味💕+ 小食🍤越式炸蟹餅 $25 雖然外形細細舊，外脆 肉質並飽滿+ 🥤巨峰提子Q果梳打 $12內有果肉配搭🍝 蛋黃汁卡邦尼意粉(忌廉,煙肉,處菇,洋蔥) $128忌廉醬汁濃稠，意粉軟硬度剛剛好，配合蘑菇煙肉入口，口感十分滿足☺️+ 🫗手沖冰波奶茶 $22茶味濃郁，不會太甜😋冰波耐左索哂奶茶味，愈飲愈濃郁🍢椒鹽雞軟骨 $52雞軟骨香脆可口，鹹香鹹香的，十分適合當聚會小食

旺角作為香港中心，無論吃喝玩樂都是人們首選𓅿 有時逛街如果累了的話，都會想到樓上Cafe休息。今次這家Cafe著名於它溫馨舒服的環境和可以遊玩多款人氣遊戲♡˙ỏ˙不設用餐時間，而且座位都是沙發，適合久坐和跟一大群朋友來.ᐟ.ᐟ⭐︎ 　(\   (\ („• ֊ •„)　ꕀꕀꕀꕀꕀꕀꕀꕀꕀꕀꕀꕀꕀꕀꕀꕀꕀꕀꕀꕀ.• ♥️ 二人套餐 $358二人套餐包了10‘’手拉PIZZA，意粉/飯，炸蟹餅和兩杯飲品୧先從小食開始，炸蟹餅份量都頗足，有六塊左右。新鮮熱辣出爐，而且配上泰式辣醬惹味 ○ﾟ｡Pizza點了千島夏威夷Pizza，不算特別，但材料都足ꔛ對我來說，如果多點千島醬會更好！意粉方面，點了香辣虎蝦海鮮意粉，不算很辣對我比較友好，味道偏番茄，海鮮有青口和虎蝦，兩人分享都足夠 ⸜(ˊᵕˋ)⸝後來加了兩杯梳打，分別是雜果賓治和巨峰提子Q果梳打₍ᐢ⸝⸝› ̫ ‹⸝⸝ᐢ₎飲落唔算好甜，而且椰果都幾多，個人比較喜歡雜果賓治！

一行四人，諗住放工搵間旺角餐廳坐下食吓嘢傾吓計，朋友提議去油麻地登打士街廣場呢間試吓！叫HOMADE Cafe本身上到去，都係得一張枱喺度食嘢，就怕唔好食，點知又有意外驚喜喎！今晚我哋叫到成枱嘅食物，竟然可以清得哂👍😏證明味道都真係好👌四個人，食左咁多野🤭🤭🤭🤭🔅凱撒沙律🔅水果茶🔅炸雞軟骨🔅炸魷魚蘇🔅千島pizza🔅煙三文魚意粉🔅黑松露飯🔅牛肉漢堡🔅蜜糖雞翼🔅西蘭花大推佢地既沙律🥗 啲沙律菜真係好新鮮😌仲要係有汁既沙律，唔係乾淨淨既炸物小食都要推薦，呢個價錢咁大籃真係算抵食😋😋 炸雞軟骨 同 炸魷魚蘇 都好夠味，唔多炸粉👍唔會啖啖都係粉蜜糖雞翼都好好食😋入味之餘係雞翼全熟的，唔會食食下見到紅色唔熟既雞肉主食Pizza 更加係即叫即做，有10吋同14吋選擇，今次我地有個大胃王朋友，所以直接嗌左14吋，好足料! 醬汁都有驚喜，又係唔會乾淨淨 ，pizza 做到juicy得來又足料，難得難得水果茶🍓🍊🍒🍊🍎 一壺可以幾個一齊飲，裡面好多水果，一路熱住咁飲，正🤗🤗

朋友介紹過呢間響旺角嘅樓上cafe，食物質素唔錯之餘，入面有好多board game提供。呢晚同朋友見面，又想坐得耐啲，玩下board game，一於上嚟試下先。餐牌都有唔少套餐，不過一打開menu就比佢嘅甜品吸引，所以決定單點，留肚食甜品。忌廉煙三文魚意粉（$138）- 兩大片煙三文魚，意粉煮得啱啱好，少少彈牙。鍾意佢嘅忌廉汁唔會煮得太杰，感覺唔會好heavy。蜜糖雞翼（$52）- 上枱熱辣辣，極之入味，帶蜜糖味，真心好味。雪糕伴朱古力香蕉西多士（＄85）- 賣相好吸引，分量多，多士厚切，朱古力雪糕配上朱古力醬同香蕉，味道極之夾。綠茶紅豆奶茶（$58）- 綠茶加紅豆，紅豆嘅甜味中和左綠茶嘅少少澀，味道好好。八寶美顏花茶（$65）- 大大個茶壺連埋兩個杯仔，仲有個火座住keep溫度。極之細心嘅安排，啱晒一邊傾偈，一邊嘆茶。餐廳環境舒服，啱晒朋友相聚，傾吓計玩吓board game。食物質素不俗，價錢相當合理。

Chill Chill Gatherings〔部屋咖啡室〕其實旺角真係有好多高質樓上cafe，今晚同朋友黎左呢間〔部屋咖啡室〕，地方雖少，但座得舒服，而且環境唔算噪，好岩三五知己聚腳點，點餐好特別，自已係白板寫單，十分環保又唔會驚寫錯, 錯都係自己錯，餐廳仲有好多board game 玩，我地4個人，叫左好多野食：凱撒沙津 $118：好欣賞佢用個大木碗同埋夾夾同黎裝住d食物，撈起沙津上黎時好方便，沙律菜入面有麵包粒同煙肉碎，沙津菜好新鮮，沙律醬亦都算多，每塊菜葉都有沙津醬，蜜糖雞翼 $52：雞翼唔會炸到乾哂，外面香脆，咬落又有少少肉汁，蜜糖味都好香，椒鹽魷魚鬚 / 椒鹽雞軟骨 $52：炸物黎講d炸粉好薄，唔會食到成口粉，全部上枱仲係熱辣辣，岩岩炸好，Very good，芝士西蘭花 $48：好濃既芝士白汁，西蘭花無焗得太乾身，亦都好夠淋，黑松露雜茹意大利飯 $152：非常香既雜菇味，菇算多，唔會太舊，成個飯好Creamy但唔會好膩，不錯不錯， 個飯做到粒粒粒分明效果，而且飯粒個心係好淋，認真一讚，黑松露味非常香，不過飯既份量我覺得多d，haha忌廉煙三文魚意粉 $128：配料既煙三文魚算

🍴二人套餐 358 蚊1. 10 寸拉 pizza🍕Pizza 整得皮夠薄 邊位帶 d 香脆 有西西里 pizza有茄醬 辣肉腸 腸肉粒 蘑菇 火箭菜 西西里醬汁同肉腸同火箭菜好 match 2. 炸蟹餅🦀蟹餅出面炸得香脆 入面既蟹肉多同鮮甜有口感 點 d酸甜醬都好正 3. 黑松露雜菇意大利飯 🍚雜菇有草菇 蘑菇 香草味香 飯粒好有正宗意大利飯 feel夠 cream飯粒夠硬 正4 焦糖朱古力 🍫加6 蚊好靚既拉花 焦糖味香 飲左朱古力味 焦糖先出黎好正 5. Mint翡翠朱古力碎雪芭 加22 蚊薄荷味好香 朱古力碎好有口感夠甜 同冰凍 正6.小食加22 蚊🔥🥔薯條粗身 炸得好香脆 熱辣辣 點 d茄汁就好#薯條 #朱古力 #薄餅 #意大利飯 #黑松露Score 平均分 <7.9/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#部屋咖啡室旺角登打士街43h登打士廣場12 樓

同朋友再次二訪呢間——🌟部屋咖啡室🌟因為地點方便，係旺角閙市中可以有一間細小而溫馨嘅樓上咖啡室，坐得舒服，而且食物味道的確唔錯，好味道😋所以我都點返上次嘅二人套餐，再食多次佢個意大利飯🙊仲有pizza都有好多款式選擇，今次試埋佢個BBQ雞肉pizza，啲餡又係好豐富，勁正！不得不提，佢仲有好多唔少裝飾佈置好適合同朋友影下相😍仲有好多minions公仔💕除咗傾偈食野，仲可以玩下桌上遊戲，好啱係到同朋友一齊黎✨

今晚同男朋友去左旺角登打士廣場既一間樓上cafe食dinner😋😋位於12樓 一開lift就會見到cafe，cafe地方唔大，係門口可以一眼望哂🤣但原來內有乾坤，因為格離鋪位都係佢地ge。職員帶左我地去格離鋪，教我地用白板落單再按牆上既鐘仔，佢地又會過黎幫我地落單，非常方便👍🏻👍🏻食物方面，主菜都有幾款 有意粉 、意大利飯、pizza等 樣樣睇落都好吸引😍好花多眼亂小食 我地叫左炸魷魚鬚$52、蜜糖雞翼$52、蟹餅$25 （⭐️有幾款小食跟餐+$25就有，前面魷魚鬚同雞翼就唔包括在內）不得不讚佢d小食 全部上枱都係熱辣辣岩岩炸好，尤其係魷魚鬚d炸粉好薄 唔會食到成口粉都食唔到魷魚😂男朋友大推呢個😋👍🏻主食我哋叫咗烤雞闊條麵 $132，+$22配薄荷特飲😛野飲好靚 飲落都好正 好有薄荷味，野飲出色 點知食物仲出色😍寬條麵質地煮到岩岩好 唔會淋又唔會過硬 忌廉味好香 雞肉食得出係雞脾肉，唔係好鞋口d雪藏肉👍🏻👍🏻另一個主食 我地揀左黑松露意大利飯😋我同男朋友兩個人都一致認為呢個好香 好好食！好重黑松露香味，菇既份量都好多，好creamy又好夠熱！可能因為用左鐵碟傳熱關係？上枱時溫度仲係熱到出

今晚來到旺角，不想去太嘈既地方，來靜少少，上網睇寸，搵到登打士街的#部屋咖啡室，就來試吓啦，餐廳有舒情的歌曲，我地坐係舒適的梳化，relax.望下周圍，仲可以玩board game😂😂😂😂今次試左二人套餐，套餐包2個主食，1個小食同2杯飲品。另外再加多左個小吃。同朋友傾得好開心，環境比較靜可以傾到計，店員服務態度都好好。Pizza好食，另外小食都好有驚喜！可以一大班朋友上嚟聚一聚，又可以同比較親密嘅朋友喺度傾偈，推介大家到來試吓😍😍

去旺角行街加午餐，上網搵吓資料，睇到呢間樓上餐廳好似幾好，咁我哋就上去一試！環境闊落，坐得好舒服，如果唔趕時間可以hea住食，仲有game玩。我哋叫咗二人套餐 ＄358，包括炸蟹餅 x 1、10吋手工Pizza、意粉/飯x1、餐飲x 2都幾抵！特別飲品就要加$啦。@香辣虎蝦海鮮意粉@一入口有香濃嘅蕃茄味，大蝦彈牙，再配上青口、魷魚、洋蔥、青椒等等，味道真係好正！@西西里 pizza@有辣肉腸，肉碎，蕃茄芝士等等配料。兩個人食份量啱啱好！@炸蟹餅@外脆内軟，配合酸辣醬好好味。