漢記小廚 (Closed)

九龍灣啟業邨最出名一定係大排檔每逢晚市都熱鬧非常 特別係星期五六 更加係座無虛席 咁岩我係年頭食過一次 #漢記小廚聽聞做到月底老闆就光榮退休唔do嚕所以拿拿臨插隊出個post先🥹⍥ 巴辣豬紅叔叔話專送比後生仔食既🤣有層次有後勁既辣，豬紅唔錯無臭腥味，蘿蔔就麻麻地啦，唔夠淋又有少少筋⍥ 鳳凰煎蠔餅我以為係炸蠔餅！😂簡單黎講就係蠔仔炒蛋，蠔仔份量唔少，不過炒得幾香又好有蛋味，鳳凰唔知係咪指用兩款唔同蛋呢？⍥ 蜜椒薯仔牛柳粒大排檔必食！薯仔先炸煎封外層，牛柳粒有牛味又夠稔，惹味好餸飯，炒得有鑊氣！👍🏻⍥ 椒鹽鮮魷食得大排檔實有椒鹽系列既踪影，熱焫焫係必須，炸漿薄脆包裹住鮮魷😆唔un又爽口彈牙非常加分。⍥ 沙拉骨份量唔少，金沙骨炸過後快兜沙律醬，條條骨都係肉包骨，食到唔少肉，不過我嫌佢唔夠酸酸咪咪，沙拉醬到喉唔到肺🤔⍥ 清炒白菜仔🙌🏻叫個菜平衡番心靈，簡單黎個白菜仔，正常發揮，少少油啦

【觀塘區】【漢記小廚】有幾次一落機就係搵道歉哥食嘢，今次仲痴線，係再睇完波先去食嘢，所以真係勁肚餓。我哋去睇賽馬會菁英盃嘅賽事，由大埔對東方，最後大埔以二比一勝出。睇完場波之後，我都幾乎餓到冇力行出去，喺附近食算喇。頭先唔記得講，我哋係去九龍灣公園足球場睇波嘅，所以行返出市區都有啲距離。而呢頭咁啱其實有啲冬菇亭，都係好有香港特色嘅食肆，因此我都唔介意喺呢頭食嘢。嚟到呢間漢記門口，見佢有侍應招呼我哋入去，就入去啦。冇椒鹽豆腐，就叫 $78 嘅「紅燒豆腐」取代佢啦。出到嚟熱辣辣，啲豆腐又夠滑，幾好味。跟住就到 $100 嘅「菠蘿咕嚕肉」，呢碟好明顯又係為咗致敬女同事而叫，不過味道好一般，唔會將佢推薦畀女同事，以免引起壞印象。既然講到肚餓，都要有啲五穀類浪吓肚，叫咗碟 $70 嘅「星洲炒米」嚟食，幾有鑊氣，幾夠味，係唔錯嘅。嘢飲方面，道歉哥飲 $10 嘅「可樂」，我就飲都係 $10 嘅「忌廉」，內地人唔識飲，我飲。埋單 $268，我覺得唔算貴嘅。。。（地址：九龍灣啟業啟業街8號熟食亭）#1amfoodie #foodie #hkfoodie #thatfoodiething #hkfood

嚟到這家大排檔，首選肯定係辣酒煮花螺，夠晒惹味，邊吃邊有微微嘅辣勁，簡直係辣愛好者嘅頂級享受，攪拌得多汁滋味，一啖一隻真係過癮！蒜蓉蒸扇貝，每一口都係鮮嫩嘅驚喜，扇貝嘅肉質不但爽彈，連菜底的蒜蓉味都好香，滋味滿分！豉椒炒蜆，個人認為係這度最值得推介嘅一款。每個蜆肉都好飽滿，炒得出奇嘅入味，那種香濃的豉油和鮮美的海味，令呢碟菜成為今晚嘅超級明星！不過大家要記住，呢度食物真係掂到不得了，所以準備好等位嘅大心臟。服務係忙碌中帶着親民，員工忙到飛起嚟，但依然合作無間；如果你鍾意一邊聽住霓虹瞓街嘅聲音，一邊享受地道海鮮，呢度絕對適合你。食得盡興，唔會對不起自己嘅肚子，下次想開懷大吃海鮮又或者拉朋友一齊玩食夜宵，我一定會再搵機會返嚟！🍽️🥢

走過這條街，總會不知不覺地停係呢間大排檔。今次嚟，我心情輕鬆，就想食啲平民又正既大排檔美食。第一樣上嚟既係濃香花生豬手，哇噻，係一啖肉，一啖膠原蛋白既爽口！放喺嘴入面，軟熟既肉質幾乎可以話係入口即溶，完全唔使努力就食到啲豐富之味。再黎一啲椒鹽鮮魷，外皮香脆得滯，尤其係啲辣椒絲同青蔥，提升咗整體既鮮香，簡直係下酒神菜。講真，每一啖都令我眼前一亮，仿佛重拾細膩嘅味蕾。飯後一啖蘿蔔糕，外皮輕微焦脆，內裡軟糯得黎帶點微甜，滋味剛剛好。喺呢度，周圍都係人头湧湧，大家都笑口常開話家常，感覺上好有住家人嘅熱鬧。喺這種悠哉嘅氣氛之中，食物係正宗，呢啲滋味喺記憶中蔓延開來，真係回味無窮。🤤🍢🍤

去完朋友屋企，經過啟業邨大排檔，決定同朋友一齊去食返餐，因為已經好耐冇見到呢一類型懷舊嘅大排檔冬菇亭。去到姐姐已經好熱情咁樣招呼我哋，又開大個冷風機吹住我哋，仲要係我哋未點任何嘢食之前，已經過嚟幫我哋洗碗碟，同埋送咗一兜豬紅俾我哋食。最後我哋叫咗一個炸蠔餅，一碟豉椒炒蜆，一個紅燒豆腐煲，一碟西檸雞，兩杯凍檸茶，一支啤酒，埋單都係講緊大概$400，我哋一行三個人，平均每個人都係百零蚊左右，食物質素更加唔使講，係典型大排檔風味，特別推介炸蠔餅！勁大份勁有鑊氣點埋魚露黎食10分香口，蠔肉仲要大大粒！其他果幾味小炒一啲都唔失禮，所有嘢都好好味， 10分值得推介！

呢間大排檔實在太好味，多謝朋友又帶我來歎！！連平時唔太食蟹嘅我（懶得剝），都覺得個爆膏鹽焗奄仔重皮蟹好好味。個避風塘茄子（加底)都係冇得輸。良朋相聚傾吓計享受美食，真係好開心嫁！！

🎈#cathlife_yum九龍灣🚨回頭指數極高的大排檔🚨🌸煲仔小菜樣樣出色🌸🌸時令海鮮極受歡迎🌸════════════════════💨最近暫停了堂食，真的太想念晚上食煲仔小菜的日子，要食到正宗大排檔風味一定要在大排檔！꧁••••••••••••••••••••••••••••••꧂🔸生炒排骨($82̆̈)̆̈🌟即叫即炸☻︎點菜後大約等20分鐘，新鮮炸起回鍋撈汁！食出大排檔的鑊氣👍🏻🌟不厚的炸粉☻︎做到香口脆皮，炸粉不厚，食到真心有肉的排骨👍🏻🌟醬汁味道酸甜☻︎最鐘意甜甜酸酸的醬汁，不會太稠🔸豬潤雞煲(̆̈$90)̆̈🌟足料☻食到大約10塊豬潤，兩個人份量👍🏻🌟味道不重咸☻最怕煲仔菜太重咸味，但這個煲仔菜食完係會想再食，不會咸到好口渴🔸 椒鹽鮮魷(̆̈$85)̆̈🌟大大塊切片魷魚，絕對厚肉！☻︎炸得剛好，不會過熟，縮曬水，口感彈牙👍🏻🌟 薄薄炸粉，啖啖肉☻︎食椒鹽鮮魷最怕成口炸粉，這間的鮮魷絕對做到啖啖肉🌟魷魚沒有特別調味☻︎新鮮食材，不需特別調味，食出魷魚的鮮味💬時令海鮮、雞煲、火鍋，絕對滿足到愛吃的你💬💬人多想食多幾款海鮮，叫海鮮孖寶就岩曬，一個價錢揀兩款或者三款海鮮，餐牌好多時好多都售罄😿

今晚“戚起條筋”，突然想吃海鮮 ，“過下口癮”，但又不想花費太多，於是 ... 街坊大排檔，首選！這裏有海鮮孖寶，先點了“薑蔥炒蟹” ... 我們距離大排檔的開放廚房門口只有兩米，雖然熱，但夠鑊氣 ... 蟹的烹調功夫甚是，色、香還有看頭，但蟹本身不是什麼上等貨，吃不出蟹的鮮味，加上只是蟹bb一隻，我們忙著吐殼，不夠過癮！“蒜蓉蒸蟶子”，個頭還可以，但蟶子過熟，有點柴，味道雖好，只可算合格。但這海鮮孖寶才“168蚊”，算吧！但“西蘭花鮮魷”就輸得夠徹底 ，西蘭花少得可憐，再不能用“才168蚊”給它開脫，味道還可，但被騙感覺極強，雖有小贈品“韭菜豬紅”一小碗，但彌補不了這晚的失落和空虛！

戴完小朋友o係啟德玩， 想搵正野醫肚， 然後居然搵到附近有間大排檔！ 重要係懷舊個隻， 一坐埋位老闆娘已經超好笑容歡迎我地，介紹左個海鮮套餐食，樣樣都夠哂獲氣又新鮮，所以再追加個炸大腸，正正正！走之前打包埋個羊腩煲番屋企食，超好食！！ 一定要試試佢！

住咗九龍灣30年都好少去大排檔食，反而搬走左就帶小朋友過嚟一齊感受下大排檔風味，順便打個冷食潮州嘢👍🏻叫咗個韭菜豬紅蘿蔔， 40幾蚊咁大碗超抵食，個味有啲似車仔麵汁又唔辣，蘿蔔都夠淋同埋入味，好可惜小朋友唔係太喜歡韭菜...有少少生。仲有叫到椒鹽九肚魚，因為係香口嘢，所以小朋友都好鍾意食。佢仲有個喼汁俾啲大人點吓。啲肉質都幾好食，但係好可惜有一兩條魚啲骨都比較粗。我哋仲叫咗個墨魚大腸，又係有啲韭菜响底😅個墨魚好食，爽口又唔會有渣👍🏻食咁多濃味野一定要食反碗飯、我哋今晚叫左潮州粥😂另外想講下個麻辣炒三絲都好好食，佢嗰種味道係麻得嚟又唔會辣得好緊要(雖然我有飲汽水🤣)，過到口癮😌最後都叫咗個蒜蓉西蘭花，好友鑊氣，小朋友都好鍾意食👍🏻

今日去完西貢游水之後，鬼死咁攰。為左唔想系西貢又搵位泊車同埋搵野食，所以就渣左返市區食飯。黎黎去去都系食商場餐廳有D悶  同行朋友介紹左夜晚唔算多人，而且泊車方便既九龍灣大排檔去搵食! 漢記小廚系九龍灣體育場隔離，夜晚好少車，除左工廈之外，原來仲有個屋村，唔系朋友介紹都唔知原來呢度都有大排檔! 去到個邊發現都幾多食客渣車去食飯，將架車泊埋一邊唔好阻到人就OK啦! 兩條友都系叫三個菜啦!  上菜都好快，五至十分鐘就上曬所有菜啦! 果然有效率! 第一個! 鳯凰煎蠔餅! 一開始我以為都系出面個D一塊過 每人食少少個種，點知原來唔系播每份蠔餅都大份! 而且都幾多蠔肉! 蠔仔鮮甜飽滿! 完全正啊! 而且我地每人都有兩大份啊 第二個餸系雜菜煲~~ 如果我冇記錯 (因為系朋友叫既)  雜菜煲都系正正常常啦! 諗緊叫個肉既時候，伙計介紹食中式牛柳。好! 一於就試試你! 果然冇介紹錯! 牛柳好冧，完全唔更硬身，而且個汁都好好撈飯! 搞到我都想添飯，為左減肥只好忍一忍口埋單連兩碗飯同一枝酒總共250左右 抵食啦! 

🥢九龍灣地道舊式鑊氣大排檔🥢揸車去emax 睇戲，最方便好味就係來啓業村大排檔，出面就可以泊車，大排檔有幾間可以選擇，今次就揀咗一間無冷氣傳統舊式的試下🥢檸檬煎軟雞 $62檸檬醬酸酸甜甜的剛剛好，而且炸粉炸的薄身，口入大少剛剛好，啖啖肉沾滿檸檬醬很開胃🥢鼓椒炒蜆 $65蜆肉無沙，送飯一流 但汁醬太咸了🥢椒鹽骨 $72炸得很香口，肉質不會太乾，咸咸的椒鹽味非常惹味🥢生炒排骨 $72睇見顏色都夠曬靚， 味道酸甜可口🥢蝦醬通菜牛肉 通菜爽脆好吃，蝦醬夠曬香氣，超惹味，送飯一流漢記小廚地址: 九龍灣啟業啟業街8號熟食亭

早前同男友揸車黎九龍灣運動場附近食dinner去左呢間冬菇亭叫餸食飯兩人叫左4個餸有薑葱霸王雞，冰鎮生腸，蒜蓉蒜蝦，魚唇粉絲雜菜煲雞唔老，蔥油好有住家feel生腸蝦就鮮味一般其他都可以價錢都平食左約4百元類似舊式大牌檔已經好少地點都算方便泊車做街方生意多

在運動場跑完步之後，就同跑友們在附近醫肚兼吃人日飯叫了10個餸一個粥一個麵椒鹽粟米　＄６８薯仔牛柳＄９８略嫌薯仔粒太淋身黃金鮮魷＄９８粟米班塊＄６８小炒王＄７８蠔仔粥＄８８比起平時食開一窩窩這兒的一鍋其實係大碗吧了, 這個份量大約有4-6碗 , 可惜嗅不到方魚的香味......沙爹金菇肥牛煲＄８８份量都OK 味道不錯雜菜煲＄６８豉油王炒麵　＄６０如果多尐芽菜同韮菜會令個賣相靚D同埋大尐吸引力欖菜干扁豆＄５８干扁豆既賣相就有點嚇人，攪到無乜人食，但味道不錯，欖菜唔會死鹹上湯浸時蔬＄５８椒鹽雞中翼＄６８雞中翼熱辣辣外皮好脆內裡仲有肉汁  大家都搶住食另外，叫了汽水和兩個靚仔，賣單合共$1008，平均每道小菜$100，這價錢不算抵食，因為某些小菜其實都偏細碟；味道則是可以　（尤其是椒鹽雞中翼）

今日好想食大排檔，諗諗下就諗到尼間位於啟業村的大排檔。有幾間選擇，最後選擇左尼間漢記。我地叫左三碟菜。全部都大份夾抵食，又有鍋氣。頂，仲有邊到可以搵到甘有風味的大排檔。真係賣少見少。首先叫左椒鹽炸大鱔。尼個既膳係走左骨，啖啖肉。好好好味。好好味。真係好好味。佢既膳肉除左啖啖肉，仲要係彈牙，絕對唔係霉個種。炸得外脆肉嫩。再加上膳皮個層彈牙口感，真係無得彈。好好味。極力推薦！！西蘭花炒斑球and鹽焗靚海蟹兩樣都係$168。西蘭花炒班球都好好食呀。又大份又好食。斑球又係啖啖肉。好惹味。又有鍋氣。個鹽焗靚海蟹。真係靚海蟹。非常新鮮。仲要有兩隻，有少少蟹膏，仲有蟹肉非常彈牙鮮甜。$168可以食到尼兩碟甘有質素又有份量的菜，真係非常十分抵食啦。無得唔比5星星佢lor!!!我就非常like la.