漢記小廚 (Closed)

大排檔位置對我嚟講比較隔涉，之前冇去過 ，但今日去真係有驚喜。三個海鮮$268,加埋一碟菜,一飯一可樂， 350蚊埋單。 鹽焗奄仔蟹，白灼蝦，蒸大聖子，三樣都有味道，特別係啲蝦，鮮甜又大隻，蒸大聖子亦唔韌，奄仔蟹就好多膏。估唔到呢度有間咁抵食嘅大排檔，牛下嗰兩間都無咁抵，可惜位置無咁方便。

九龍灣其實都有啲富有香港特色既大排檔食呀，位置就係啟業邨。而且呢間仲係已經買少見少既冬菇亭裡面添。非常適合麻甩仔去。講得上冬菇享，就唔好預有冷氣，不過毎張枱都有風扇吹到正。啫啫雞 - 裡面既雞件都唔少，唔似有啲大排檔咁無件雞食到咁。而且佢同出面既大排檔相比，佢地既啫啫雞唔算十分之重口味。相對就食到多啲雞味。蒜茸炒莧菜 - 蒜味好香，菜都好新鮮。唯獨係油左少少。蠔餅 - 感個蠔餅既蛋落得比較多，有好香既蛋味。但係就唔算炸得好香脆喇。變咗有少少唔同風味。而蠔都唔算落得少。下面就係漢記既菜單比大家參考。

本次專登上黎落差評 不是食物問題 而是道德問題 同幾個女學生一齊去食 買單時$314 俾$514 所以特登等埋找錢先走 個亞叔大半日未找所以再問多次 佢即刻聲大夾惡話俾左 個尾數$200唔算小所以記得特別清楚 個亞叔係佢睇到我銀包後即講有張100數係算盤圖樣，然後話我地傾到唔記得有找左俾我地有冇可能？ 走左後我朋友說有攝影機可以check, 心諗我地幾個女仔都驚就算麻煩老闆見到check下影片，真係極度有問題既服務態度，係咪私底下食左個200蚊定佢失憶唔知，但會叫學生們慎去。重申一次 俾完錢之後冇再見到個亞叔 係問佢d錢找左去邊先第二次見到佢

呢日係九龍灣體育館做完運動，諗住同D朋友去食個晚飯， 知道啟業邨呢邊有大排檔，於是我哋決定嚟試吓！仲有個啤酒妹添！好多嘢食都想試吓呀！但係啱啱做完運動又唔敢食太多😌我覺得大排檔最唔可以少得嘅，就係韭菜豬紅啦！小小辣都幾惹味！仲有另一個大排檔唔少得嘅，就係大啤啦！做完運動，都真係有少少Guilty😂金銀蛋白菜仔，清清地，唔錯！椒鹽鮮魷，呢個真係正！啲魷魚一啲都唔會un，炸粉又唔厚，脆卜卜，正！😋😋😋油鹽水浸蜆，味就係唔錯嘅，可惜啲蜆就唔係太大隻，美中不足！最後一味，陳皮蒸多寶魚🐟，魚味鮮，都幾嫩滑！唔錯唔錯！總結而言，喺大排檔越來越少嘅大前提底下， 能夠食到唔錯嘅食物質素，呢度都真係附近唔錯嘅選擇！

星期六諗唔到帶住三個細路去邊好，天氣又熱又怕最近流感 冇得去人多嘅地方，只好帶住小朋友上朋友屋企，小朋友可以玩，大人又可以吹下水win win。朋友家住九龍灣，大家亦係慳家之人，橫掂一大班人不如去佢屋企附近嘅大排檔食飯。大排檔呢樣野依家買少見少，想當年明明好怕跟家人去大排檔，覺得佢污糟，多人又熱。但長大後，眼見因衛生問題，一隻一隻冬菇比人殺左，大排檔亦愈黎愈少。係我印象中大排檔更係麻甩佬可以大聲暢談，大家會因天氣熱而上身光脫脫地享受住自然風，有啤酒女郎為大家斟酒。呢d畫面根本冇可能係依家嘅食店見到，雖然麻甩但有一份人情味，食食下老闆又會過黎同你吹2句。明明見住上菜嘅姐姐用手指掂到餸菜但你亦都唔會計較，因為'大排檔係咁架啦'依家呢一代比較少見到呢d場面，我覺得應該係大排檔仲可以生存係呢個社會上時要比小朋友去多幾次感受一下呢個文化。講返食物先：霸王雞：雞油夠滑，味道唔會太咸，雞皮都好正....唔小心食左幾塊（肥死啦呢次）我地叫左海鮮2寶，其中一樣係豉椒炒聖子,聖子比較細隻，但158蚊嘅海鮮2寶仲可以要求d咩？豉椒炒得好香，其實聖子份量都唔少，好惹味。2寶第二味係油鹽水煮蜆，d蜆又幾甜wor

食過好多次，大碟，兩個人食三餸好飽。海鮮孖寶抵，$158有兩味，推介扇貝。不過今次想講豬紅，話說家母叫我去買盒豬紅返屋企加餸，買完拎上手已經覺得重，返屋企一打開個盒，豬紅堆積如山，闔家驚歎，$45大大盒，抵。豬紅入味，愈食愈辣爽歪歪，蘿蔔可以再腍d，一屋豬紅控表示有下次。

位於舊屋邨的冬菇亭的食肆，好多都是臥虎藏龍，食物平 靚 正 ！又夠獲氣！ 今次這間大牌檔位於啟業邨冬菇亭，街坊格局、枱上邊有茶，可以自己倒水，廚房好近樓面，新鮮炒起嘅餸菜不用2分鐘，已經可以送到客人的枱上面。真真正正嘅熱辣辣，淨係這樣已經值回票價。 食物味道方面也不錯，個人覺得沒有普通大牌檔的濃味，不會一味要飲水。價錢方面也是十分大眾化，$158已經有2款海鮮，仲要可以選擇，今次我要了「炒蟶子」和「蒸頭腩」，都不錯。時不時有好多街坊來外賣，睇來真是有點「地位」

5/4可貼工作中晚餐，又去呢度食炒小菜，大風落晒膠簾擋風，坐低店員勁快手放低晒餐具加滾水！落單食物好快到！漢記小廚（每位85）鹹魚煎肉餅：煎得香脆，肉餅唔乾！但味道太鹹，食一件撈半碗飯先得！韮菜豬紅：豬紅嫩滑唔腥，唔知點解配勁多白蘿蔔，韮菜勁少！好在白蘿蔔無筋，幾清甜，又索晒啲鹵水！好味！點埋香口辣油仲正！辣油香唔嗆喉！鹵水墨魚大腸紅腸：墨魚片彈牙，紅腸彈牙鹹香，大腸唔肥兼彈牙，配酸醋好味！椒鹽九肚魚：外脆肉嫩滑，不過唔夠鹹，爭啲椒鹽！一般！中式牛柳：酸酸醬汁好味！牛柳唔韌有肉汁！最好味係索晒醬汁嘅洋蔥！鹹魚炆腩肉煲：無食蒜茸豆苗：豆苗當造，爽嫩好味，簡蒜茸炒已經好好味！三色蒸水蛋：超級嫩滑，好水嫩，加啲蒸魚豉油已經好好味！食物好味，最加分係樣樣都熱辣辣！好夠鑊氣！呢啲先係冬菇亭風味！

工作到晚上，大家都未食晚餐，同事介紹呢間冬菇亭大排擋，去到已經要坐外圍行人路，大圓枱膠櫈，環境一般不過好熱鬧，餐具已經放晒在枱面，店員攞咗啲滾水比我哋洗餐具！店員豪爽咁幫我哋落單，食物好快到！古法鹽焗雞（1隻）店員推薦，上枱應該用熱湯淋過，所以唔會凍冰冰，雞肉嫩滑，雞肉又剛剛熟（好多時嫩滑就唔熟！）唔點薑蔥油都好味！京都骨：份量細，不過好味，豬肉有肉汁，醬汁酸酸甜甜！開胃又好味！蒜茸豆苗：呢樣大碟，豆苗當造好爽嫩，簡單用蒜茸炒已經好味！啫啫芥蘭：份量細夠鑊氣，芥蘭爽嫩，油香滿咀，最正係配菜嘅草菇厚肉肥美，蝦乾大條鹹香沙嗲金菇肥牛煲：粉絲為主，索晒啲沙嗲醬，略乾身煙韌，好味，肥牛唔多，薄身唔韌！好味！煎藕餅：香脆鹹香好味，肉餅唔乾有土魷片夾雜其中，好味！椒鹽鮮魷：金黃色，不過我食其中一件有啲唔熟，其他正常，炸粉薄身！好味店員豪爽，上菜收碟爽手！食得好暢快！而家天氣清涼仲可以，夏天就頂不了$728漢記小廚

今日同事話想食大排檔， 建議去啟業邨 ，去到見好多隻雞掛咗喺度， 老細話係沙薑雞， 我哋就叫咗半隻 ，唔錯嘅 ，黃油雞 ，跟住嗌咗個孖寶海鮮 豉油王蝦 同豉椒炒聖子 味道 幾好 唔會太鹹， 但係有沙， 再嗌咗個鹵水三寶， 紅腸墨魚豬腸， 啲豬腸可能掛喺度太耐 吹乾曬， 另外老細介紹食蠔餅喎， 佢話平時潮州啲蠔餅，係炸嘅， 呢度係煎嘅冇咁熱氣， 蠔仔都唔少，淡淡都有， 潮州粥熱辣辣， 不過希咗啲， 整體嚟講都係一般大排檔貨色， 另外讚嘅 ，員工好有善，唔會粗聲粗氣 ，會介紹好多唔同嘅小菜畀你

一打完 8 號風球，趴B又衝左去食最愛的大排檔!!!呢間位於啟業邨馬路邊的大排檔，每一日都幾近人山人海!!!等趴B直擊報導究竟呢間大排檔有咩吸引力啦~XD今次趴B同朋友們一共點咗三道菜~~辣酒煮花螺:本身趴B一向唔太食得辣但呢道菜嘅辣汁好惹味，浸透每一隻花螺，令人食到停唔到口，重可以用辣汁送飯 tim~~~~蒜蓉蒸扇貝:呢道菜簡直係送飯之選!!重要隻隻元貝咁大，正呀!!!豉椒炒蜆:有好多餐廳嘅炒蜆都係只有殼無肉，但呢間嘅炒蜆差唔多隻隻都有蜆肉，重要又大隻又有鮮味!!!餐廳環境：🍼🍼（滿分為🍼🍼🍼🍼🍼）大排檔一向都比較嘈同逼，但為咗食好嘢唔理得咁多了!!!員工態度：🍼🍼🍼（滿分為🍼🍼🍼🍼🍼）因為太多人，所以點菜時真係要比多少少耐性，但員工的態度都相當友善~~^^食物品質：🍼🍼🍼🍼（滿分為🍼🍼🍼🍼🍼）真心好好食~~~尤其係海鮮~~>v<價錢評分：🍼🍼🍼（滿分為🍼🍼🍼🍼🍼）一般大排檔的價錢~但性價比確係高趴B總評分：🍼🍼🍼（滿分為🍼🍼🍼🍼🍼）

大排檔 香港特色每晚都有一家大細,波友,一群好友坐埋一台圍住坐,有講有笑同一般餐廳唔同, 所有黎得大排檔食野,都特別興高采烈可能嘈吵環境問題,會令大家溝通都會聲大大仲有一個特色係就算目測到應該都無位啦~只要你向店員示意幾多位,佢都會搵到比你同埋,佢地可以講得出都煮到,唔一定局限係餐牌上面今晚一家人唔煮飯 落左大排檔食(帶埋我家小犬)三料併盤薄切墨魚爽口, 紅腸及大腸都沾有淡淡滷水味, 配白醋或辣油, 不錯的前菜底部仲有件豆腐, 吸晒滷水汁, 最出色生炒骨酸甜度稍為偏酸, 肉炸得鬆脆, 非常夠火喉滑蛋炒牛肉菜如其名, 蛋炒得非常滑, 牛肉唔老亦無渣, 可惜偏油沙薑雞(半隻)肉質雖嫩滑, 但比較少肉多骨, 皮亦較厚胡椒豬肚湯黑胡椒嘅辣味足夠, 豬肚爽口而無異味,仲有酸菜調味熱辣辣,若是凍天飲用,一流!! 一大碗大概可以分到每人8-10個小碗鍋貼小棠菜表皮炸粉較厚，易甩。由顏色看來用萬年油黎炸過，有油益味內涵嘅墨魚餅易鬆散海鮮孖寶牆上手寫餐牌有10個選擇可配搭$148(2餸), $198(3餸)我地分別叫左蒜蒸蟶子及椒鹽瀨尿蝦蒜蒸蟶子 , 3隻約6吋長, 中蟶內臟已清走, 蒸得剛好, 味道鮮

加班日，總有機會在外與同事及友人享用一下男人世界晚餐。什麼是男人世界晚餐? 一人一碟豆腐火腩飯? 不是，一人一碟豆腐火腩飯，呢D係男人的浪漫午餐，我說的男人世界晚餐，就是幾條大漢，坐在大排檔，吹風扇、食海鮮、食小炒、對生啤，這才是男人的一大樂事。這一天，我就同幾位少見面的好友，來到地點都算幾隱蔽下的啟業邨，三個男人，找了一檔名叫《漢記小廚》的冬菇亭食肆，啤酒、海鮮，只差在我們唔煲煙。雖是大排檔，但其生猛海鮮可以說是應有盡有，我們一開場，除來返支冰凍啤酒之外，就點了他們的海鮮三寶。其實這兩寶/三寶，是輕份旺的海鮮配搭，其份量少過例牌，二合一時，或三合人時，才是例牌的份量。我們的第一寶，是蟶子，是細的蟶子，豉椒炒就最好食，肉爽，味道帶點濃烈就是好，而且條條蟶子都好厚肉，質素不錯。第二寶，鮑魚，是新鮮的鮑魚。問過店方了，三寶同二寶都是三隻的份量，店方解釋得出，而且我們的的確確叫的是特價餐，所以我們也接受這解釋。說回鮑魚，味道很鮮香，口感很嫩，而且彈牙感稱得上是一流，再者，看一看鮑魚的狀況，相信至死的一刻，牠們是十分生猛的。第三寶，扇貝，最簡單的蒜蓉加粉絲蒸，而且在沒有豉油的襯托之下保持到很鮮

早前食友經常OT，回家都是十點過後，跟他出來也只能吃宵夜，今天晚上難得大家有空，便相約來個麻甩大排檔之夜。平常這裡比隔鄰旺場，但在盛夏的日子，不少人都走到旁邊有冷氣的大排檔，所以今晚很易找空檯坐下，咱們以食行先，熱死罷就，所以地點不改。雖然全麻甩但也只是三人行，所以也不敢叫太多或叫太飽肚的東西，便決定主力叫海鮮，先到的炒蟶子夠惹味，蟶子雖不是蟶子皇的size但也不算太短少，入口無沙有鮮味已收貨。蒸鮑魚份量剛好一人一隻，如果多一個人來的話，不知可否加錢加鮑魚，鮑魚有咬口吃著也不算太韌，味道是正常的鮑魚鮮味，只是調味的味道不算太入味而已。蒸扇貝是友人的選擇，早年吃不少這東西，不過很多地方不是調味太重手，就是下太多蒜蓉，結果就是掩過了本身的鮮味，今晚的的兩個問題都沒出現。今晚大家沒有叫飯，但也想要點粉麵下肚，友人便選了炒龍蝦配伊麵底，龍蝦本身一般，沒舍肉吃之餘，肉身也不算特別鮮甜，不過醬汁還好，配上伊麵同吃很不錯。燒乳鴒是自己的選擇，總不能全海鮮所以便點了試試，肉味是可以的皮也算脆，但乳鴒的肉質不算十分嫩，不過可能是我吃胸部的關係吧，吃腿鴿可能好一點的。再麻甩也要吃點菜幫助消化，油是多一點但

來到東九龍食dinner,朋友推介啟業邨大排檔，一於去試下。去到真係好多人，等咗一陣有位，但啲位都幾迫，行人通道都要側身先可以過到。😨點咗一個羊腩煲同海鮮孖寶，是汁炒聖子及是汁蒸倉魚。羊腩煲，味道香濃，但係羊肉唔多，一個細煲$198，得大約10舊羊肉唔多抵。😒是汁聖子，預先炒好，上枱時唔熱已經扣哂分。😖最好都係個蒸倉魚，魚夠大條，火喉剛剛好正👍總括來講，並非抵食又非好食