骨煲皇．火鍋世家

Open Now

Now Closed

勞碌完一日，收工時已經凌晨4點，老闆話萬歲慰勞大家，諗左好耐決定打邊爐聯誼下，叫左2個煲，胡椒豬軟骨煲同沙爹煲豬骨煲一滾咩都唔落，即時飲碗湯先，因為加左栗米滾所以幾清甜沙爹煲-無特別丸類最正可以叫迷你版，份量減半，可以食多幾款叫左個牛柳粒串燒，好食到一人一串都唔夠，有咬口肉味又夠試左個鹹蛋黃墨魚丸-感覺有啲似墨魚滑麻婆豆腐丸-有肉醬在內，味道一般所有員工都是呀叔呀姐，服務質素一般，但食物質素真係幾高（廚房野）誠意推介串燒牛柳粒埋單大概每人300左右，不過老闆萬歲！

朋友生日聚餐，訂咗房食呢間。9人行，食咗三千九元。要咗兩個鍋，一個豬骨煲，一個辣雞煲。食辣嘅朋友仔都滿心期待個辣雞煲，不過一黎到有啲驚訝，竟然係成煲湯的。我地大家都以為係一般坊間的辣雞煲，先食雞後加湯的那種。可惜原來呢到唔係，朋友好奇的問服務員啊姐，呢個辣雞煲喺咁架？啊姐回答話辣雞煲緊係咁架啦。服務員都係一啲啊姐啊叔。上湯底幫我地開爐竟然又唔幫我地調溫度，我地等咗好耐都唔見滾，至知原來淨係開咗機無幫我地調高溫度。食辣嘅朋友食呢個辣雞煲，一開始唔辣，雞唔入味，食到好後期至有啲辣味出。亦有朋友話啲雞「鞋」，早知佢個辣雞煲係咁，唔使專登叫辣雞煲，叫碟雞黎自己碌好過。豬骨煲好正常，好多料。象拔蚌刺身 - 好新鮮，爽脆。其他海鮮，蝦、大蜆都幾新鮮。炸魚皮、響鈴 - 都夠脆，唔會好似擺咗好耐咁見晒風變「林」。其他打邊爐配料都唔錯，唔會好似某啲鋪頭咁啲食材雪好耐，一陣雪味。有個服務員啊叔好求其咁大力擺低碟嘢，力度大到碟嘢啲水彈到去張大枱嘅對面我朋友塊面到囉。另一小插曲就係，菜單紙有普通平價白牛栢葉，同較貴的新鮮黑栢葉，點咗黑栢葉，點知碟貴價新鮮黑栢葉比佢「乸」到變晒，問啊姐又話新鮮黑栢葉嘅？啊姐話係

昨日太凍，於是同同事放工去火鍋，一行4人到大角咀，等咗5分鍾就有位。我哋order 好多嘢，而簡咗朱骨煲做鍋底。做朱骨煲好多朱骨，朱骨湯底好濃，啲蘿蔔煲林之後超好味，其他配料都好新鮮，直得再去。

好久之前，曾經到這裡吃左餐貴價火鍋，但物有所值，湯底惹味，材料新鮮，但景物依舊，食物全非……一個冇味的羊腩煲，等如整個晚餐沒有了靈魂，羊腩雖林，但全不入味，支竹及冬菇份量極少，你的價錢是差不多三百元一個煲，可否加點誠意？？象拔蚌雖然新鮮，但一千二百元是太細了吧？？手切肥牛依然好味.但其他的食物如蠔.......不新鮮，有雪味。鵝腸……亦不新鮮，不爽彈。桂花蚌……雪味還未除呢…豬潤太薄，失了囗感……現在的質素及價錢，就不成正比了

秋風起三蛇肥, 除左食蛇之外打邊爐既時間都來啦.相約三五知己圍埋張枱一起打邊爐係最開心.大家選左去骨煲皇最主要都係為左佢地個豬骨煲湯底, 用上清甜既粟米, 蘿蔔加上濃郁奶白既豬骨湯底單單這個湯窩已經夠吸引再來我地選左雪花牛柳粒, 手切肥牛, 個人更喜歡牛柳粒中間既肥膏在滾湯之後肉質更嫩滑又淋身, 而手切肥牛雖唔算太肥美, 但輕輕灼後牛肉味道非常濃香再來點了鱔片, 牛柏業, 墨丸, 餃子. 餃子似係自家包製, 餡料夠多又好味, 而牛柏業非常爽口, 最唔抵食算係碟鱔片一碟只得數薄片, 不過魚肉夠鮮夠爽.最後整晚最喜歡就係個炸腐竹卷, 放入湯底灼一陣後腐竹卷除左本身炸得夠乾身又有豆香外吸受湯既精華非常美味

一行十二人打邊爐，其中一個朋友提議到骨煲皇。地點對我來說並不方便，無論是港鐵或巴士都不能直達，要在旺角轉小巴，或是步行一段路。慶幸朋友沒有介紹錯，專程去吃晚餐是值得的，整體食物都有質素。不是任飲任食，所以人多好辦事，我們吃了很多不同的食物，其中以雪花肥牛、海鮮和竹笙最好吃。肥牛鋪疊得很美觀；花甲大大隻，鱔片、鯇魚片等都頗新鮮；釀竹笙更令我們要安歌。除了以上食品，蔬菜、丸類、雲吞、炸魚皮都屬正常質素。服務方面，我們認為一般。我們坐在房內，需要按門旁的掣才有侍應來，私隱度高，但要更有耐性。剛開始，我們選了鴛鴦湯底，一邊要蕃茄薯仔湯，一邊要胡椒豬骨湯底。可是負責的店員與我們雞同鴨講般，拿來的一看便知不是胡椒湯底，向她查詢，她竟然說這呈紅色的湯就是胡椒湯，幸好朋友馬上試了一口，肯定地反駁，我們才得以換湯。結帳每人$165，價錢不算特別便宜，我會偶一為之。

我上星期去食, 湯底無驚喜, 但d蟹、蝦和花甲比我想像中正喎牛柏葉略嫌不夠爽牛肉ok 架因為是一大班人, 每人夾170元.其實我已經成兩年無來骨煲皇, 今次覺得無上次咁好食, 可能而家多左好多類似選擇, 不過不算貴的價錢, 可以食多款海鮮, 又食到好飽, 都算抵食架

自從愛上澳門的豬骨煲打邊爐，試過幾間也是以澳門豬骨煲作招牌的火窩店，最愛也是這間骨煲皇，食過也十次八次了，天氣冷的時候更加想食，已經有半年沒有來了，想不到食物質素每況越下，而且份量也越來越少了...豬骨煲（$88）湯底有粟米、大葱、白蘿蔔及豬筒骨，只覺得湯底不夠胡椒味，我喜歡濃味些，這店的豬軟骨不錯，加入湯底更增加湯底的豐富度，整個豬骨煲變得滿滿了~花蟹（$78）很細，而且又很瘦，沒有肉食，很後悔叫了~黑百頁（$58）份量很少，只有幾片鋪滿菜面就是，是衆多食物最不值得食的~鱔片也是同樣問題，份量很少，$88只得幾片，還要起雙飛，幸好夠新鮮，肉質爽口，邊位充滿鱔的魚脂香味，只可惜太少了~花甲（$68）不知為何很腥，看樣子很新鮮啊，奇怪！本地手切牛肉（$98例）偏腍，不太夠口感，也不夠肥美~茶樹菇（$28）新鮮可口，吸收了湯汁味道更佳~田雞（$38）也很奇怪，完全沒有鮮味，不知道自己在食什麼肉，如果在中國大陸我會以為自己在食人造田雞呢~墨釀油炸鬼（$58）就是把墨魚膠釀在油炸鬼內，放湯後油炸鬼變得很腍，咬下去油油的，感覺麻麻~燒羊架（$22）很韌，也羶，麻麻地~雪花牛肉粒（$15）乾爭爭，

夜晚11點幾想要打邊爐, 收得晏又好味既選擇一定係骨煲皇 多數唔洗等位, 去到即刻order左個豬骨煲先~ 朋友order左一份三文魚刺身, 唔夠肥美 其他火鍋材料選擇多, 海鮮都好新鮮 一定一定要食本地手切牛肉!! 肉味濃口感一流! 今晚4個人要大碟份量岩岩好. 如果係夜晚11,12點身在旺角區, 與其去d酒樓//任食...d野唔好食又唔新鮮, 都要百幾蚊, 黎依度都係加多少少但好味好多 係一個好選擇.

為了一封掛號信，要等郵局09:30開門。於是選了在郵局對面的骨煲皇吃早餐。食品：經典得很的早餐餐牌，最驚喜莫過於價錢還是通漲前的。叫了火腿通粉，腿蛋油包，熱奶茶：環境：本身食火煱的環境，換上吃早餐別有一番滋味。而且人客不多，可以慢慢嘆。服務：服務生都勤快，而且出品都滾熱辣的。衛生：不錯，而且有餐紙巾盒係檯面任用。價格：價格就十分驚喜，我這個早餐C只係$18，免加一。總評/拆解：通粉本身沒甚味道，主要靠湯底來帶出味來。而這兒的湯是用雞粉的，而且火腿絲極多，加有配菜配襯也較為健康。火腿和煎蛋身都係茶餐廳常見的份量和質素，比較好是那個煎蛋微燶，而蛋黃也在凝固與流出之間，方便配以油包一起吃。奶茶一杯，比起昨天在小雨天喝到的好。以$18這個價錢，的確是一個很超值的早餐。

今日天寒地凍,約左一大班朋友去火鍋世家打邊爐,一睇住個餐牌已經唔想叫,因為食黎食去又係果d乜乜丸,物物餃,於是問個仕應有咩特別d既丸同餃,之後佢叫我試隻肉燕餃同麻辣丸,佢話出面好小有,就係咁每樣叫左一碟,當肉燕餃同麻辣丸一到,我地成班就問咩黎架,不過叫左咪即管試下,誰不知一食個麻辣丸,入面原來有汁,即時射到周圍都係,不過個麻辣丸又真係好好味,而肉燕餃直情係有驚喜,好過食魚餃!總括今晚比我發現到肉燕餃同麻辣丸e兩款美食!

一次相請不如偶遇既機會同舊同事食晚飯, 輾轉猶豫之際, 由尖沙咀小肥牛到九龍城, 最後都係落大角咀食骨煲皇!又再一次滿座到死! 滿心諗住”咁多人實冇死啦!”, 原來真係唔可以睇表面! 湯底: 澳門正統豬軟骨湯底, 諗左好耐要軟骨定豬骨, 差$20, 諗住嗌軟骨應該有D軟骨食下! 結果堅係多軟骨, 亦都好彩多軟骨死先飽咋…火鍋料: 牛頸脊: 老細至愛牛頸脊! 可惜係機切入雪櫃冇肉味, 同灣仔金xx差得遠!牛舌: 一望已經覺得唔吸引! 顏色已轉深紅色, 薄到死, 雪到冇哂味潮州四寶: 估唔到唔好食, 去小肥羊好過! 鮑魚仔, 貴妃蚌, 帶子: 還好賣相還可以, 味道尚算鮮味! 帶子大就大啦, 不過係個殼大囉, 粒肉得5毫子咁細粒….魚皮餃: 來貨貨色, 一般般啦皇帝菜: 菜確實係嫩夾爽! 野食真係麻麻, 好彩湯底夠多料, 嗌個例牌4位用, 我一個人都食左超過10舊, 另外幾位都有5,6舊, 數數手指, 你話多唔多呢? 仲有粟米, 冬菇等, 莫非老闆一早預左客人食湯底食飽算?!好少打完邊爐食唔飽, 但就食到一肚子氣! 開始質疑點解d人講到骨煲皇咁好, 樓下良記仲好d… 埋單每人$2xx, ,

約埋舊同學去十下十下, 黎左骨煲皇~~門口都叫唔錯, 上到去沿路都幾整齊企理......野食可以出門口揀海鮮, 一般價錢, 當然係貴過街市一截啦.......菜單上野食都唔係話有咩刁鑽野, 一般貨仔.....湯底叫左豬骨煲, 顏色唔夠白, 味道唔夠濃, 不過豬骨幾好, 軟骨夠多又夠淋, 都ok既, ~~牛肉就叫左幾轉, 唔知點解一碟比一碟新鮮.......真得意.........魚皮餃幾好味, 真係唔錯, 雲吞就一般喇.......魚麵好好食, 脆肉鯇都好出色, 好鮮味~~不過最出事既就係炸魚皮~~有d怪怪既漂白水味, 想殺人呀!~~最後一句, 由於d野食一黎到就俾一班食肉獸掉曬落水, 所以影唔到好多相!! 整體黎講有好有唔好, 唔係特別又唔係好突出, 試一試都無妨既~~

同幾個朋友一起去食骨煲皇，見到d食評幾好咁，咪同d朋友去食下囉。d野食個look都ok la, 係第2轉叫果d有如''任食"果d咁好爛都有佢啦,最'頂'佢係打邊鍋要等水滾, d野要等好...好...好...久先有得食lo, 都未試過咁玩3個人食o左$472

最近天氣十分之寒冷, 於是上兩個星期就相約朋友仔一起去滾滾下先...幾經搜尋, 終於決定試下豬骨煲, 難得人齊一行7人, 叫了:胡椒豬骨煲 (大) - 好多豬骨, 栗米, d豬骨仲好多肉tim, 湯底好正, 好似胡椒豬肚湯, 好飲竹生墨魚滑 - 估吾會讓係入面, 滾完好入味, 正雲吞 - 一碟得7隻, 好細隻, 無咩特別牛肉粒--------要煮耐d,會越煮越淋.都幾好食. 幾有牛味加拿大雪花肥牛 - 貴野果然係吾同d, 真係好好味, 炸魚皮炸腐皮 - 呢個吾油但吾夠脆啤洒腸 - 呢個好飽無食到, 但見到好多塊還有其他野, 已經多到吾記得咗, overall食物都吾錯, 夠新鮮, 大家埋單時都以為會幾貴下, 點知竟然每人都係$150咋, 咁又幾抵食wor, 下次黎食過先