火鍋撚 (雲明行) (Closed)

終於可以同老婆黎食火鍋，呢間火鍋係以港式做招牌，入面既湯底、配料同埋裝修都有好深刻印象，之後一定要更多人一齊食，食多D唔同款式既食物!湯底方面我地嗌左酸菜白肉鍋同埋滋補老火湯。其實一上台個下已經知值回票價，因為配料充足而且湯頭好濃郁，係煲好左先再上台所以好快就會滾。老火湯係真心好好飲，用黎打邊爐更加夾，估唔到可以咁樣打邊爐法，火鍋配料基本上都唔使再加醬汁已經入哂味!酸菜白肉鍋既酸菜同白肉都好多而且味道岩岩好唔怕太酸，打邊爐一流!重點係之後再加湯係會依照我地本身既湯底去加而唔係清一色既湯底，好有誠意而且食咁耐都仲好入味!配料我地其實都嗌左好多丸，包括有咸蛋豬肉丸、龍蝦湯牛丸、蛋牛包心墨丸，全部都係人手包新鮮冇雪過，流心程度一流而且味道好突出，特別係龍蝦湯牛丸真心第二度食唔到。另外仲有嗌響鈴同埋香蒜魚皮，響鈴新鮮炸起好索湯同埋夠哂脆，最勁就係個魚皮，厚度岩岩好，掛到湯又食到魚皮既質感同味道!安格斯牛肉亦都非常新鮮而且肉質好嫩滑又冇筋，雖然湯底濃但都冇搶走牛肉本身既鮮味。水餃皇同埋雲吞係我覺得一定要試既配料，因為好少可以食到咁足料而且味道又唔會好咸，吸哂個湯既精華去食，鍾意食餃既一定會好滿足

成日經過中環，都見到火鍋撚招牌成日話想試下，轉頭就唔記得咗 咁啱約個朋友喺中環放工食飯朋友想打邊爐，腦海即刻浮現咗火鍋撚原來佢都成日聽但係都冇食過 我哋驚冇位提早咗兩日預約730pm 準時七點半去到，唔算太多人，安排咗張卡位畀我哋，檯面已經準備好啲配料 因為朋友唔食得辣所以叫咗鴛鴦湯底分別係秘製麻辣鍋，另一個係一品酸菜白肉鍋 我哋order咗安格斯牛肉，菜心苗，珊瑚蚌桂花蚌，響鈴................. 食物賣相都已經好出色,質素都唔錯 好窩心, 海鮮旁邊有烹調時間提示 我哋跟足佢個指示，時間啱啱好 麻辣火鍋一開始都唔係好辣，去到中尾段我都頂唔順，都轉食酸菜湯底 一開始以為分量好少，去到最後仲有一鍋酸菜未食過，下次菜都可以唔使叫 最後仲有沙冰送畀我哋，味道有少少似益力多味 呢度都幾好，環境舒服寧靜，同朋友一邊打邊爐一邊傾計，渡過一個開心的晚上，呢度都值得推介

跟朋友到中要火鍋撚，打開升降機門進入店舖，已覺得十分特別。富有中式的裝修，有一個像兵馬俑的擺設，經過一條走廊，便進入店內，挺多座位。素之滋潤湯鍋 $120先點湯，這個有驚喜，有家的感覺鮮味的素湯，我和朋友把湯飲掉一半才開始打邊爐。共有7款湯底選擇，也可選鴛鴦鍋。極品安格斯肥牛 $286擺放牛肉很有特色，肉質也不錯，雪花均勻香蒜炸魚皮 $59非常脆卜卜，加上香蒜更惹味。放入火鍋前，我先把香蒜粉放到碗，才放進湯中滾一滾吃的時間才把蒜放在炸魚皮上即炸三秒響鈴卷 $35新鮮即炸，脆卜卜，配甜酸醬， 太好味，沒有放入火鍋頂級梅花豬肉 $109好igable，不肥膩，不錯法式龍蝦湯醬爆丸(半分) $59 （圖下3粒）很有特色，真的有龍蝦湯味道流心鹹蛋黃豬肉丸 (半分) $49 （圖上3粒）蛋牛包心墨魚丸 $46Hoegaarden $86大大杯，兩人飲都夠腐竹雞蛋糖水沙冰 $38上圖是付費的，下圖是埋單後免費甜品，杯子很特別啊！又一igable的照片

平時最鍾意打邊爐，食物夠新鮮又夠熟，今次就試左中環大館附近嘅火鍋店。由中環D2出口一直往上行就搵到呢間「火鍋撚」！美國桶蠔非常有驚喜嘅桶蠔，一隻蠔有半手掌咁大，而且鮮甜肥美，鐘意食蠔朋友唔可以錯過！極品安格斯肥牛肥牛嘅擺盤非常之適合打卡，食落滿滿牛味得黎又嫩滑，油花肉香平衡得好好，入口後肉味慢慢滲出來，讓人停唔到口！ 鴛鴦雙蚌（珊瑚蚌拼桂花蚌）珊瑚蚌爽口彈牙帶鮮味，而桂花蚌相對較嫩滑，海鮮味也非常突出。台式古早沙嗲麻辣鍋台式麻辣混合香港沙茶沙嗲，味道非常夾，味得來唔會太辣，配合牛肉及海鮮味道非常好，值得一試！

住喺九龍嘅我，平時去香港島都會特登搜尋佢嘅美食，今日就黎試吓呢一間大館附近嘅火鍋店，食完之後我同朋友都覺得好滿足！湯底🍲好欣賞佢呢度可以揀鴛鴦鍋，一次過滿足晒兩個願望！我哋揀咗一個蜂巢豆腐白湯鍋同一個台式古早沙爹麻辣煲，一濃一淡剛剛好！白湯鍋比較清淡，裏面有人參同埋豆腐，可以飲到濃濃嘅藥材味！隔離既麻辣鍋就相對比較惹味，麻麻辣辣好過癮，順帶一提呢個湯底一定要加一份豬紅，麻辣湯同豬紅簡直係絕配！帶子刺身🍥火鍋店食刺身都真係第一次，但係佢做得一啲都唔馬虎，帶子刺身好新鮮，食落有一浸清甜味，就算唔點豉油都覺得好正！美國桶蠔🦪一碟四隻蠔，但係每隻都份量十足，大到連湯殼都裝唔晒！蠔鮮味得黎又肥美，鍾意食蠔嘅一定唔可以錯過佢極品安格斯肥牛🥩識打邊爐又點可以冇肥牛呢！呢個壓軸上場嘅肥牛就真係冇令我哋失望！淨係睇色水都知道好味，肥瘦相間，入口即化，而且牛尾極重，配埋個喇沙湯底簡直一絕啊！腐竹糖水沙冰🍧呢個見好多人推薦就試吓啦，果然冇點錯，我同朋友都覺得好好飲，佢有好濃香既腐竹味，甜甜地又冰冰涼涼好解渴！呢餐真係食到好滿足，下次要再去試下佢其他分店先！

難得放孖day，所以就同女朋友去酒店staycation,有youtuber 海景平靚正推介入住上環ibis 酒店，check in 之後過左中環行咗陣，之後就去咗英皇戲院睇巴斯光年，睇完大概七點鐘，女朋友想打邊爐,咁我哋就即興去蘭桂坊周圍搵下有咩食，點知畀我哋搵到原來中環都有間火鍋燃 🤤幾年前喺旺角食過，都記得幾好味 😋二話不說即刻沖上去三樓，好彩冇乜人唔使等位 去到門口已經聞到打邊爐麻辣嘅味道 我哋揀咗兩個湯底，一個係麻辣一個係酸菜 好方便用QR code就可以點餐 雖然個量唔係好多，不過材料質素都好高 👍非常推介酸菜湯底，一整個湯都放滿曬酸菜淨係食酸菜都飽 👍推介珊瑚蚌，好細心海鮮旁邊都有時間提示，跟足佢嘅時間，啱啱好，新鮮爽口 當我哋飲飽食醉，最後都有個驚喜，送上益力多味沙冰，將今晚豐富嘅一餐劃上完美句號 😋不過我哋兩個人食，叫咗唔係好多嘅就飽我諗下次多啲人嚟叫多啲餸會開心啲

火鍋舖五花八門 各有特色今晚去既係一間比較中國風由裝修到甜品都非常中國風蜂巢豆腐白湯鍋湯底簡選呢個白湯 主要係因為我唔食得辣不過湯底味道感覺都幾養生有紅棗 人蔘 補中益氣極品安格斯肥牛（大）肉質鮮嫩 睇得影得 又好食香蒜粒炸魚皮魚皮厚得黎非常香脆不過個人覺得可以唔洗香蒜粒因為好多都跌哂落湯底度法式龍蝦湯爆漿牛丸（半份）黑松露墨魚滑（半份）鮮蝦雲吞（半份）牛丸入面注滿左龍蝦湯 非常好食每次黎到都係必點既選擇雲吞內藏大大粒蝦肉 非常足料竹蔗芋根紅蘿蔔馬蹄水(渣）除左竹蔗芋根仲有幾款清熱飲品稻庭烏冬 紅薯寬粉如果二人份量既話 各叫半份就可以因為寛粉份量真係好多 🤣娃娃菜即炸三秒響鈴（一份）腐竹雞蛋沙冰甜品永遠都係重點 埋完單之後店員就會送上呢個沙冰非常有特色 仲非常消暑

雖然而家天氣熱辣辣 但因為太中意打邊爐今日決定幾熱都要去火鍋撚度打邊爐！一入去個冷氣勁涼 啱曬打邊爐😀一坐低店員會比你揀醬料 勁多選擇!湯底要左蜂巢豆腐白湯鍋 蜂巢豆腐免費任添 索曬d湯 好好味湯底仲有d鴨血 人蔘 補身材料 等 感覺健康dd😁兩個人去打邊爐通常會好驚叫唔倒好多野呢度有得半份/一份咁叫啱曬兩個人但想食多d唔同料🥹叫左個大既極品安格斯肥牛賣相勁靚 打卡一流之餘 牛肉味好重 一d都唔韌!不過d肥牛吊吊下d血滴曬落張檯度 比佢嚇親🙈叫左兩樣好邪惡既嘢- 即炸三秒響鈴卷(配甜酸醬)呢間係我見過第一間講響鈴配甜酸醬既火鍋店原來咁樣食係咁好味🥹- 香蒜粒炸魚皮呢個必叫！！！ 勁多炸蒜 魚皮好大塊好厚超有口感 好好味😋仲叫左半份法式龍蝦湯爆漿牛丸同鮮蝦雲吞半份每樣有3粒 牛丸入面d龍蝦湯勁濃勁好味鮮蝦雲吞入面d料都好足 成粒漲卜卜仲要左個黑松露墨魚滑 好香松露味 口感彈牙～稻庭烏冬 好快食得 彈牙 紅薯粉 份量勁多 食極都仲有 索曬d湯 好味☺️最後當然要叫番個菜～ 都好新鮮啊感覺無咁邪惡丫嘛！最後埋完單每檯都會送每人一杯仔腐竹糖水沙冰中意既朋友其實佢嘢飲menu都有 可以叫一jar😉

*此餐廳收取加一服務費。中辣祖傳秘製麻辣鍋（單點$139），平時食開出面嘅大辣，有時都會嫌唔夠辣，但估唔到依間嘅中辣湯底麻、辣兼備，一飲佢個湯底已經覺得好過癮，內有大量大蔥；原湯鴨血口感滑溜，食落有鮮味；蜂巢豆腐食落充滿湯汁，好惹味。半份極品黑豚肉（單點$66），肉質嫩滑，脂肪分布平均，肉味濃厚。半份超爽珊瑚蚌（單點$62），份量多，口感爽脆。半份鮮牛黃喉（單點$55），食落有鮮味。半份法式龍蝦湯爆漿牛丸（單點$55），龍蝦湯爆漿味道鹹香，牛丸口感彈牙，食落有肉汁。半份五彩鮮蔬籃（單點$52），包括有娃娃菜、菜心苗、蕃茄、粟米、黑木耳，每款食材食落都好新鮮。半份肥美鮮鵝腸（單點$45），內層脂肪入口即化。半份爽脆黑柏葉（單點$44），食落好爽口，容易吸收湯汁。半份土豆片（單點$28），口感薄脆帶腍。醬料及茶芥（跟餐$0），包括有秘製醬油汁、御品醋醬汁、麻油、祖傳腐乳醬、炸蒜、蒜蓉、蔥花、麻醬、陳年XO香辣醬、指天椒、芫荽。腐竹糖水沙冰（跟餐$0），口感細滑，甜度適中，飲落類似豆腐雪糕味道。杯裝杞子龍眼菊花蜜（單點$29），味道甘甜。

湯底我地揀左祖傳秘製麻辣鍋 (中辣)，辣度似係譚仔嘅小辣至中辣，辣味同麻香味都好夠，食得辣嘅話中辣應該啱啱好。而湯底入面嘅豆腐同鴨血分量幾多，吸哂湯嘅精華，正！食物方面選擇幾多，以下係值得一試嘅食物：極品安格斯肥牛 (一份小 $193)：打邊爐嘅話牛肉係鐵膽啦~ 牛肉味幾香濃而且脂肪平均分佈唔錯👍🏻響鈴 ($58)：新鮮即炸好脆口，放落湯三秒啱啱好，保留到香脆口感之餘又吸哂湯嘅精華😋 如果驚太油膩可以點甜酸醬直接食，仲正🤤脆鯇骨腩 ($86)：肉質爽脆彈牙，不過要小心啲骨酒糟五花肉 ($92)：紹興酒味香濃，出面好少食到，可一試其實除左以上嘅食物之外，鵝腸、豬潤 (煮一分半鐘啱啱好)、黑柏葉、雞子等等都唔錯可以試下。(唔好比下面個價錢嚇親，我地兩個人叫得有啲瘋狂先係咁😂)

🤗一品酸菜白肉鍋 $129這個湯底微微帶酸所以會醒胃，而且酸菜白肉可以免費追加，推薦😎🤩極品安格斯肥牛 $168火鍋必點肥牛，肥牛真的吃得出味道帶有濃濃牛的鮮味，肥瘦勻稱😘😘😝超爽珊瑚蚌 $62喜愛爽口的可以點這個，平時很喜歡吃珊瑚蚌但很少地方有，第一次配火鍋吃也很好吃😝😚😎極品黑豚肉 $109黑豚肉油脂感不重，不想吃那麼油膩也可以叫點豬肉吃😋😆香菇貝鮑鮮滑 $45味道新鮮口感彈牙😚😀酒糟五花肉 $55這個酒味真的很濃，如果很喜歡重酒味的可以試，不喜歡酒味的會覺得苦😂😘腐竹雞蛋糖水沙冰 (Free)第一次吃腐竹蛋糖水口味的沙冰，很清新😋調味料 ＄10/1人💰人均$323.5🌟推薦菜: 極品安格斯肥牛超爽珊瑚蚌腐竹雞蛋糖水沙冰😍𝑭𝒐𝒍𝒍𝒐𝒘睇更多😍@Nevergetfat

之前食過一次「火鍋撚」之後一直念念不忘😬所以即刻約frd去食👥.一品酸菜白肉鍋🍲配料有酸白菜、豬五花肉🐖番茄🍅紅薯寬粉🍜真係好夠酸，胃口全開，但略嫌只有好少白肉🥺.極品安格斯肥牛(小)🐄牛肉脂肪分布平均😍肉質嫩滑👍🏻.五色丸丸拼盆(半份)，包括海味花枝丸🦑蟹籽手打蝦丸🦐流心咸蛋黃豬肉丸🥚手打雙重芝心丸🧀海瑞香菇貢丸🍄蟹籽手打蝦丸好彈牙🦀好有咬口😆流心咸蛋黃豬肉丸入面嘅咸蛋黃流心效果唔錯😋而且味道鹹香.極品黑豚肉(半份)🐖肉質軟滑，而且肉味重，係幾好食嘅豬肉🤤.超爽珊瑚蚌(半份)🐚獨特嘅口感😗而且非常索汁.爽脆黑栢葉(半份)🐮黑栢葉灼到爽口，而且幾大片😉.娃娃菜(半份)🥬.杞子龍眼菊花蜜(渣)🌼都幾足料😌但略嫌甜咗少少🥺.腐竹雞蛋糖水沙冰(2杯)🍧沙冰腐竹味微甜輕盈，更可有助清熱🥰

餐廳裝修走客棧風我對於中國古代風 十分喜歡😘佢哋用上大量木製枱欖 非常典雅座位空間足夠，而且店內音樂係我鐘意80年代經典廣東歌坐底叫左蜂巢豆腐白湯鍋 白湯鍋用上非常多香料熬製有啲似台式火鍋風味，藥材、鴨血、蜂巢豆腐，還有一大支人參，足料又養生，味道健康又不油膩，白湯非常香濃我就先飲左一碗 暖下身🤭再打邊爐🍲蜂巢豆腐吸收左湯汁好惹味😌其他邊爐料都好有驚喜🥢極品安格斯肥牛牛味濃郁，帶有適量肥肉，厚度岩岩好易熟但又不失口感，比透光薄切更有紮實的滿足感，食肉獸我表示👍五色丸丸拼盆海味花枝丸、蟹籽手打蝦丸、流心鹹蛋黄豬肉丸、手打雙重芝心丸粒粒口感相當彈牙易入口《三秒響鈴》每次打邊爐都一定會叫響鈴，呢度既響鈴🔔好脆好新鮮，配上甜酸醬，口感好豐富放湯數三秒拎上黎食響鈴仲有微脆輕輕咁索左d汁，非常好味😋五彩鮮蔬籃（半份）菜芯、津白、蕃茄、粟🌽米、雲耳每款小量，全部都好新鮮佢哋嘅粟米🌽超甜雞子好大粒同埋魚卜好新鮮💦食完火鍋之後仲奉上甜品腐竹雞蛋沙冰🍧💖用上好特色嘅酒爵杯上沙冰有非常濃厚嘅腐竹香味 非常有心思簡直係一個完美嘅ending

去完中環大館閒逛，以打邊爐作為一天完美的Ending。這間火鍋店的裝修走客棧風，座位空間足夠，雖然是主打台式養生鍋，但店內音樂都在播耳熟能詳的媽媽年代經典廣東歌，也算是另一種享受。無論是湯底或配料都很高質，又多一間邊爐店Bookmark了！蜂巢豆腐白湯鍋 $139皇牌湯底，呈乳白色，好有老火湯的濃稠感覺。配料有不少藥材、鴨血、蜂巢豆腐，還有一大支人參，足料又養生，味道健康又不油膩，配搭不同食材都很適合。加湯也是加原湯，吃到最後也沒有變淡，有誠意！由於湯底太美味，索汁的蜂巢豆腐和滑溜溜的鴨血即時變搶手貨！極品安格斯肥牛(小) $168牛味濃郁，帶有適量肥肉，勺煮後牛油香完美滲出，好味到心心眼。特別喜歡其厚度，易熟但又不失口感，比透光薄切更有紮實的滿足感，食肉獸表示滿意。火鍋撚香滷拼盆 $119原本以為是浸滿滷水汁的現成熟食，怎料也是邊爐料類，稍勺一會兒就可食用。牛肚、牛筋、豬大腸這個內臟組合太無敵，牛筋夠Gel狀膠質，豬大腸已去肥膏。由於湯底偏濃郁，滷水味都被Cover掉，但整體也很出色。香蒜粒炸魚皮 $54大大片厚炸魚片，上桌時還是暖烘烘的。炸漿厚度適中，連同炸蒜粒，如吃薯片般卜卜脆。

好鐘意打邊爐，今次去左想去好耐既火鍋撚。唔知係咪因為星期日中環會相對少人d，入到去人唔多，所以坐得好舒服。侍應們都好細心，見到我地有外套掛左係櫈都幫我地用個套笠住以免整污糟～我地叫左寫住鎮店推介既《蜂巢豆腐白湯鍋》，湯底有住濃濃既藥材味，而且仲好足料，附送鴨血同蜂巢豆腐，豆腐好索湯好好味😋其他邊爐料都好有驚喜～《三秒響鈴》去邊度打邊爐都一定會叫響鈴，呢度既響鈴真係好脆好新鮮，配上甜酸醬，可以就咁當小食咁食，啱晒鐘意食香口野既人。而放湯數三秒拎上黎食就更加正，輕輕咁索左d汁，響鈴仲有微脆，非常吸引🤤《極品安格斯肥牛-半份》《御用手切肥牛-大》兩款肥牛都唔差，個人比較喜歡安格斯肥牛，因為比起手切牛多一份牛油香《酒糟五花肉-半份》非常有驚喜既一道菜，輕輕將五花肉係鍋度揚兩三秒，一入口就食到陣陣酒香，非常入味，係另一必點之選💕《法式龍蝦湯爆漿牛丸-半份》牛丸彈牙，龍蝦湯都好濃味，兩樣味道都唔差，不過我就覺得佢地唔係太夾喇😝《白果腐竹沙冰》呢個係食飽飽後送既糖水黎，賣相好特別，凍冰冰既沙冰有住淡淡既腐竹味，好味～