回味車仔麵

Open Now

Now Closed

公司附近必食車仔麵同其他車仔麵店一樣首先要揀要食什麼面底之後可以按個人喜好選擇配料，今次揀咗豬腸蝦卷雞翼雞腎原本三餸＄35加一杯飲品但我叫了四個配料所以一共＄40雞翼是滷水的，幾入味；雞腎亦好淋蝦卷係出面車仔麵店沒有食過同見過所以很特別而且味道亦很好推介一試

今日係新蒲崗做完運動，餓餓地，行過間車仔面，即刻入去食返碗先好少見啲車仔餸擺得咁靚仔，食物色澤又靚，又多選擇，望落去又新鮮望落個湯底好淡，食落去真係淡淡地，不過加咗少少辣，完全唔同晒，所以建議大家加少少辣，食落去果然食物新鮮，唔同有時食啲車仔面，覺得擺咗或煮咗好耐，呢間果然有質素跟餐仲有杯野飲跟，拍得住茶記味道，以後又多間近近地嘅車仔面選擇啦😋

三餸三十五蚊連冷熱飲品，絕對叫抵食，但呢到就要排下隊，午飯時間真係好多人，我都排左差不多十分鐘先入到去，呢間三餸連飲品同剛執左係慈雲山間味源好似，連食物都好像，有雞串同鴨胸，係冇左柚皮和菜蒲任拿，呢樣爭少少講返我碗面先，叫左豬腸、牛腩、蝦條、油面，豬腸幾入味係洗得唔太乾淨，牛腩份量唔少，味都唔錯，蝦條炸到幾香，仲有加左一匙羹辣醬，但一d 都唔辣，要加多羹先有點兒辣味，但整體都算唔錯仲有杯飲品，大部分人都叫凍檸賓，因為呢杯野其他地方有時會當特飲，所以咁叫特別抵

喺新蒲崗工作幾年.......一星期都會有兩日係呢間車仔麵食午餐.....欣賞佢哋一家大細齊齊整整....一齊經營一間好味嘅車仔麵檔.....基本上新蒲崗都冇人會唔識佢哋....佢哋嘅秘製蝦卷.....係我次次都要打孖上嘅選擇......而且價錢平宜......叫多幾款餸食到你飽一飽都唔使＄60......仲有冷熱飲品送.....任君選擇..... 我最鍾意飲佢哋嘅凍檸賓....🐷🐷🐷🐷今日又係落雨天....遠一遠我都走來呢度食玩車仔麵.....因為實在太掛住佢嘅秘製蝦卷喇就算12點鐘黎都要大排長龍每次來我都要食雙份蝦卷.....因為真係食到你耳仔都郁埋冇花冇假啲蝦卷加左粟米粒.....口感幾特別.....不過唔知點解....我去過好多街市想買返呢隻蝦卷.....諗住自己係屋企煮麵食....但係就算外形同佢一樣都好.....個味道始終唔同.....始終都係要就翻呢度食今餐咁多餸......盛為＄49

平日中午真係好難食到，因為店外經常排好長人龍， 又不想叫外賣， 始終跟堂食是有分別。 趁今日有空就同朋友去食， 水準依然， 雞翼入味， 豬腸夠味， 冬菇好厚身， 看得出店主係有心整食物， 朋友食午餐肉雖然得半件， 但是好食的， 不是外面用淋身劣質的材料， 加上淥粉麵的靚姐姐好重手， 一大碗瀨粉食得好滿足， 絕對會繼續幫襯。之前食過其他餸都係好夠味， 沙嗲雞肉， 咖喱魚蛋， 去食時選食什麼餸都係幾傷腦筋， 如果食量大的可選大雜會， 一大碗有幾款餸， 抵食

成日都會來吃lunch~次次都大排長龍，$34包野飲連三個餸，都算抵食。蝦卷好似話係自家製，夠彈牙又好夠鮮味！最正其實係個辣醬，有點麻香！滷水雞翼好入味，个滷水汁夠濃又唔會太醎，正！

起新蒲崗番左成年工，都未食過呢間車仔麵。每次經過都見到一大棚人排隊，所以都無機會食，實在係相逢恨晚😢原來要先係門口排隊落單再比錢。34蚊有三個餸，包野飲😱仲可以㨂熱檸賓👍🏻超抵食！餸既選擇都幾多，我眼見有鴨胸，連漢堡扒都有。最後㨂左牛腩，東菇同蝦卷，佢d 餸份量都幾多。佢仲有個秘制醬，有辣有唔辣。先試啖湯，幾惹味喎😜。東菇勁大隻，好入味。蝦卷賣相幾靚仔，入面雖然無蝦肉，但有蝦味，仲有d 粟米，幾彈口。牛腩好瘦，不過居然係好淋唔痴牙，如果搭d 筋就更加好。真係好抵食，回味車仔麵果然無錯。

車仔麵 － 四周圍都總有一間，但真係感覺好食嘅真係好小。第一次去回味車仔麵，正值lunch time，舖外面條龍超長，心諗車仔麵都要排隊等？點知原來係排隊叫麵底同揀餸，排到我時睇睇價錢「＄32 三餸一麵加冷熱歛品」價錢中規中矩啦，行埋D發現原來好多餸選擇，除左平日見開嘅魚蛋、豬皮、豬腸、蘿蔔、豬紅⋯⋯等等常見款式外，原來仲有 蝦卷、串燒、漢堡扒、煙鴨胸⋯⋯等等多好多食材選擇，再排埋小小見哥哥仔執餸嘅份量真係抵鑽，前面個客人叫煙鴨胸，佢一疊就放入去，牛腩大大舊都會執4至5舊入碗，再幫手剪開。讚！到我揀麵同餸：油麵、生菜、牛腩、豬腸、蝦卷。份量果然冇變，同樣都係咁多。牛腩 － 食落感覺唔錯，食得出牛味，平日一般其他舖頭都會比醬汁味道覆蓋哂。豬腸 － 相反呢個有濃郁嘅滷水汁，再配合爽口豬腸，唔錯。蝦卷 － 係唔需要加錢都可以點，好食。生菜 － 都係生菜⋯⋯三餸之後，每加多一個餸加＄5蚊整體由衛生、食物款式、份量、食物質素、碗內餸菜擺放位置，我都感受到一份尊重。（留意我張相冇用過自己對筷子執過呀，仲有留意到為位客人碗車仔麵D餸都有執整齊先取出比客人）回味車仔麵 － 值得推介比大家。

回味車仔麵係第一次食我平時食開一新今次試下第2間回味車仔麵間店真係細小小 D位都幾窄 肥小小都有D難坐配料要企係度果陣先睇到 唔似平時自己劃紙或有MENU睇我今次要豬腸 牛腩 魚卷 腩汁河粉佢豬腸好瘦岩晒我我唔鍾意食肥既 加上佢比左10舊我=0=超滿足魚卷得兩件 我見個個都叫我又叫LOL脆身 同平時係一田買差唔多冇咩分別牛腩好淋 好入味 都有3舊野飲係送既 下午茶時段38蚊就貴左小小夾野食果個男仔好好笑容有問必答 唔似有D店咁 黑口黑面 HAHA如果河粉分量多返小小會更加好 食完又唔算飽又唔算餓咁但味道唔錯 可以再試

每次經過呢面都好多人, 本身係想食米線, 不過真係好多人排緊所以去左隔離店其實都唔少人, 仲要坐到出門口~不過見入面d食客都食得好快, 一個人都無咁難搵位既要知道佢地個流程呢, 咁就可以快d坐低食喇$30三個餸再加飲品, 冷熱同價先揀好想食咩麵, 除左平時d粗幼油麵之外仲有銀針粉, 好開心, 我最鐘意就係食銀針粉!咁當然就揀佢啦如果你想要菜既話都係呢個時侯講, 因為店員會同時將麵同菜煮埋, 再講埋要飲咩麵煮好之後, 另一店員就會問你想要咩餸~最後再加特製既醬汁同辣汁然後姐姐就會安排個位比你, 幫你拎你既食物揀左滷水雞翼, 蝦卷同冬菇~滷水雞翼有d煮得太過林, 肉質好散, 不過就好夠入味蝦卷似係自家製既, 因為入面有雜豆~蝦卷好彈牙, 難怪大部分人都會叫冬菇非常入味, 所以上一次試完之後入次都要再叫快靚正, 下次再黎試過其他餸先!

雖然一入去就有位，但無幾耐就陸續有人排隊，好采早左少少到！之後仲聽到有人話今日見少D人就拿拿臨黎幫襯，因為平日太多人，證明呢間野幾受歡迎！湯底無太多味精，而且個面夠熱，更加好食！我叫左少辣，佢加左醬下去，我覺得有少少麻辣，辣得比一般店好食！但好多人都叫腩汁，可能仲好味！$30包凍飲加三餸面，抵食！

時間相隔差不多兩年，是時候再來尋尋味還依稀在記憶中找上絲絲味道，在舊區處不難找上(車仔麵)、但要找上不太濃味精種類又多，而且價錢絕對有吸力、突然在腦海中飄上(它)的名字．．．憑著腦袋的GPS找對了地方，幸好的是兩年不見、依舊還在 租金的不斷變更下，三餸一麵已由當年$25.元轉變為$28.元試問你在兩年間人工又加了多少? 因此．我絕不忌諱這$3.元、而且以包一杯凍熱飲品 尚算合理款式真算頗多，左邊煮麵旁還有一部份我未有拍．．三餸後如再添加便要每款$5.今次我要上魚旦、冬菇、雞腎、豬紅加上一個滑滑米線喜歡它之魚旦，雖則深明是交貨、但不會細細粒，口感依在冬菇炆得很是入味，亦不會看到一開二之(呃錢)位，讚而雞腎更是炆煮得稔到冇牙的我吃得津津樂道，入味且厚切、比多一個讚你 更令我感到驚喜是用上豬紅、而不是雜溝上雞紅，口感一咬定天下爽身而不帶韌性，是小時候的感覺、加上些微腩汁，Woo．．太滿足了^^配上之熱咖啡可能自己多挑剔，只屬平平、作為配角我絕不介意．．不知何時我對食物越來越有要求，對於一些平民化之地道食物、因近乎每天都會接觸更為比較，自己做到更好的為何要比一個(讚)? 所以作為一個廚

因為四餸(加餸五元) ,計有瀨粉+豬耳, 蠔油冬菇,蘿蔔,卥水雞翼共30元 豬耳--水準有些下降, 過年前吃的時候還有很爽有咬口,過年後再吃感覺沒那麼好吃,豬耳很軟腍,沒有爽口感覺,咬落沒有索索感,不大好吃 冬菇-- 入味,大隻,香,軟身得來入口不是爛,是彈牙那種,每次必點心 蘿蔔--大舊,不是太入味,但沒有生的感覺,很爽同多汁,咬落D汁仲有清甜感,吃完肉再吃蘿蔔,一流 卥水雞翼--袐製卥水汁,很香,很入味,雞翼好多肉及大隻,肉質滑得來不鞋,好吃 送的那杯飲品熱檸賓--,檸檬有2至3塊,小小甜,小小酸,剛剛好, 我覺得熱飲好D,凍飲加冰會溝淡左D味 沒改錯名,自這小店開業後,當我午飯時未想到吃什麼的時候,自不然會想起這間小小店鋪前後已幫襯了N次咁多。 有什麼吸引?當然首選價錢啦,25元一碗包一麵三餸+一杯冷/熱飲品,現今通漲加劇什麼都貴的情況下,能做到這價錢已十分難得,食物質素又沒有將價就貨,質素及份量水準都是中上。 午飯時特別多人,龍尾每每排到過隔離鋪頭,要隔離事頭婆出聲叫唔好阻住佢門口龍尾雖然

之前幾bf日帶我黎呢間車仔麵度食, 入到去d餸全部放哂係度自己揀麵, 揀餸, 跟住即刻比$我叫左蝦卷, 蛋, 魚蛋, 雞翼好好味!! 好有屋企感覺, 同埋效率好高食得出係冇咩味精同埋家庭式生意黎而且價錢又合理店內整齊企理, 食得好開心!希望佢愈來愈多人欣賞la!

鋪頭細細但整齊企理, 我幫襯十次以上，好味選擇多今次我撰左麵底瀨粉, 豬皮(彈牙爽口), 鹵水雞翼(入味)及自制炸蝦卷(香口甜美)。而湯底有沙嗲及辣味, 佢地問你飲咩餐飲, 再跟住安排位置你坐, 一班伙記細心又nice