雄館特式小廚 (Closed)

實話實說，這間小館是我一位朋友有份打理的。撰寫食評前當然先要申報利益，只想為大家推介值得品嚐的佳餚美饌。一年總有兩三次跟「世叔伯」聚會，正好年頭就有緣到小館「食好西」。小弟雖然年紀輕輕，但講飲講食還算在行，這正好讓我試試一班Uncle所說的「好西」了 😌店舖長方形間隔，地方環境亦算整齊乾淨。我坐下來，手多多打開餐牌，發覺菜式價錢比同樣地段相宜。知慳識儉的我當然滿意，且看食物質素，容後再決😀現為大家逐一品評！胡麻茄子👍🏻茄子清新，醬味濃厚，頭盤推介金沙炸魚皮👍🏻魚皮脆、鹹蛋香，佐酒必吃檸檬白酒煮花甲花甲新鮮、份量合格冰鎮鮑魚鮑魚固然新鮮，但不是太特別脆皮鹹豬手鹹鹹香香，人多可點，記得「食骨」姬松茸燉螺頭雞腳湯👍🏻湯清不油膩、湯料足記住食，需早一天預訂豉油皇炒麵👍🏻靈魂之作！看似平凡簡單，乃水準之作沒有附圖請多多包涵，一上枱已夾清奄仔蟹👍🏻蟹痴必吃，每人半隻也非常足夠羊腩煲味道不出眾，沒有特別蒸魚海鮮、魚類大致新鮮，不俗荔枝茶香煙燻雞煙燻味還可以，燒雞應該味道較好重點推介：胡麻茄子、金沙炸魚皮、姬松茸燉螺頭雞腳湯、豉油皇炒麵、奄仔蟹至於服務方面為保持意見中立，就留待其他客人評論😀我絕對不做

是你嗎，手執山楂的一個，你我曾在夢裡暗中相約在這夏。。。。。。今日真心熱，好似夏天甘，雄館竟然新出左一款飲品，山楂茶，有渣架堅有誠意，飲落酸酸甜甜，同酸酶湯唔同既系呢個山楂茶好清甜，唔太酸又唔太甜，剛剛好，雖然小編唔好凍飲，但呢個山楂茶真心不能錯過0.15元一杯好過自己返屋企整餐死啦。今日當然又黎呢度食飯啦，已經成為小編和同事們既第二個飯堂。真心平靚正，次次去都必須打電話BOOK台費事去到冇位就唔好啦。同事們最愛食佢地既龍躉蒸飯，小編都系但喜歡食麻辣版多d，另外次次都MUST叫既魚片頭真心唔可以錯過。小編留意到原來渠地午市都有做小菜同埋海鮮，下次小編一定要試下渠地既聖子同埋粉絲扇貝先，都系68元一隻，間唔中食豪d都無所謂啦，食落肚系自己既，當然要對自己好d啦，話唔定明天系世界末日，今日冇食過好西真心對自己唔住呀！

好友相聚，想找一個好吃又舒服好地方，上網尋找各食家的評論，決定試一下這間好評如潮的食肆，whatsapp訂座原來要分两輪，6-8 或 8-10, 因為工作關係，要訂七点，所以都係作罷! 真幸運，回答可以比我訂七点，剛巧那天不多人訂枱，後來知道平時真的好多人，今天衹是好彩。之前搜集網友介紹菜色，揀左茶熏雞，冰鎮鮑魚，白酒O檬花甲，黃金魚皮，蠔仔雞蛋仔，沙爹牛肉炒芥蘭，两隻BB鴿，啤酒，最正係鮑魚，魚皮同花甲，乳鴿好新鮮，味比較淡，茶薰雞好香，但味道一般，最失喤是蠔仔雞蛋仔，賣相一流但同蠔仔餅差很遠，吸睛打卡最好，服務一流，啤酒夠凍。總括來說，值得一試，食物大致好吃，價錢合理。

一行七人，經朋友介紹下訂枱來朋友相聚。今年開年飯，先叫了各種推介食物，食物有：冰鎮鮑魚、蠔仔雞蛋仔（有gimmick) 、流沙魚皮再來就入正題,1. 荔枝柴煙熏雞 出色，很有煙熏口感2. 糯米炒蟹 可惜有些糯米飯未熟3. 白酒檸檬煮花甲 （so far so good la)4. 椒鹽骨5. 啫啫芥蘭跟著，再來當然是甜點時間，朱古力醬炸湯丸及反沙芋，食店很貼心還送我們紅豆沙作為新年慶祝

今日同四位同事一行五人 諗住開開心心食餐團年飯但真係食到一肚氣所以要專登開返個Openrice Account 來評論我眼見餐廳內有三位職員主要招呼我地既係一個短髮女士(唯一一個女士)落單已經好悔氣 不斷催趕 態度極不友善餐廳也沒有客滿 還有兩三桌沒客人 究竟在趕什麼呢?唔通她期望第一次光顧既客人 會熟讀餐牌? 到上湯的時候 因為張檯係長檯 我們只係說放低就得 佢就開始好不滿 又反駁我們 說什麼不是放唔放低就得既問題又向我們反白眼!!! 我們已經不是要求優質的服務了是基本的禮貌也沒有!!!!!!!!自問我地五個都正正常常 沒有不禮貌為什麼食餐飯都食到好似受罪咁食物我比70分 服務我比-100分 總分係-30結論係------不可一不可再附上食到一肚氣既鮑魚撈麵相一張

今日小編又去我既第二飯堂，登登登登，雄館是也。無他既，原因有4，平靚正服務好，都係吸引小編不斷關顧的原因。我好喜歡呢度好DOWN TO EARTH，草根但覺得好WARM，味道好好，唔會食完口渴，喜歡海鮮既朋友不能夠錯過，因為佢地既海鮮真係一流水準，夠新鮮又好味道，可能因為系水上人緣故啦，識得入貨都係好重要既。講返今日食左D乜先，因為今日夠多人所以可以食多D小食，我地每人一個餐，另外加左油菜，再加鹹蛋魚皮同埋炸魚片頭，真係好好味道呀，個魚片頭真心正！鹹蛋魚皮雖然唔係好濃郁既鹹蛋味但口感不錯，夠脆夠薄，蒸籠躉飯當然100分啦，另外佢地既花膠撈麵都非常不錯！花膠夠膠，女士至愛，哈哈。埋單真係唔知幾多錢因為老細請食飯，當係做冬啦：）希望大家有一個開開心心豐豐富富既豬年啦，新一年要食更多好西呀！

星期六放工後當然要跟同事食個lunch 輕鬆一下啦！同事聽說這間餐廳菜式特別又有心思，這間是上樓餐廳午餐時間人數都不會太多，空間不大大約可坐三十多人。香港版蠔仔雞蛋仔 $88外觀已經好吸引！蠔仔餅包裝成雞蛋仔的樣子真的很有心思，心感佩服！口感當然沒有一般炸蠔仔餅般可口香脆，但雞蛋仔外圍都香脆的，就像咸的雞蛋仔，由於兩者都是用蛋醬做的，所以吃起來與想像的不會有太大的排斥🤣🤣🤣！口感特別，味道都不錯👍🏻！生炸BB鴿 $48一隻可能不是即時食，所以外皮有少許軟，但都不失肉質幼嫩多汁，好吃😋！辣味花甲 $78這是凍食，香辣的醬汁配上鮮嫩肥美的花甲，真的絕配！在外邊時常吃到很多凍食花甲收縮到連肉都差不多看不到，但個間絕對不會！雖然份量較少，但味道真的不錯👍🏻！養花顏膠扒撈麵 $70這個菜式看光造型已經氣派十足！整個鮑魚，旁邊伴碟的竟然是花膠！鹼水味不是太濃，麵上配上鮑魚汁，麵質彈牙爽口！

每日由朝做到晚，趁著2019新一年的來臨，一於與一班工作戰友食餐好野！「雄館」雖然地方細細，但坐得十分舒適，絕不侷促。另外特別多謝服務員姐姐細心介紹，你知一班人出嚟食飯，僅有一個唔食海鮮，一個唔食牛等等....😂逐著每人一支大啤加一個戰鬥碗，戰鬥正式開始⋯⋯🤣🤣🤣先來「金沙炸魚皮」，魚皮口感軟硬適中，入口滲出淡淡蛋黃香，配上冰凍啤酒🍻，好正呀！特別要讚一讚，D啤酒真係好凍！好少食市做得到！GOOD!我最愛的「冰鎮鮑魚」，更係每枱食客必叫！ 酒味不重，輕輕的帶出鮑魚的鮮味...「蒜蓉粉絲蒸聖子」都係大家最愛，聖子跟蒜蓉粉絲，配搭得天衣無縫，就算有皮膚過敏，都唔可以錯過！充滿創意「香港版蠔仔雞蛋仔」，口感軟硬適中，帶出淡淡蛋香。必試必試！！！非一般「椒鹽斑馬賴尿蝦」味道特別，椒鹽味中帶有點點胡椒香味，非常特別... 同場加映：「椒鹽斑馬賴尿蝦」一味兩食，加個靚仔，變身有味飯。必試！YEAH!超水準「糯米炒蟹」，糯米口感軟硬適中，奄仔蟹炒得鮮甜可口，好好味呀！😋抵讚「鐵板薑蔥龍躉球」，龍躉球炒得一點也不「鞋」口，配上薑蔥蓉鐵板上，又有另一番風味！再來「蒜蓉炒豆苗」女仕多吃也不怕胖啊！最後來個

透過whatsapp訂枱, 回應迅速, 職員亦有問必答. 可惜的是因為我第一次光顧, 已提早問有什麼菜要預留, 但服務人員卻未能清楚表達, 只說你想到吃什麼都最好先預留, 但相信大部分人都不會未到店就完全知道要吃什麼吧? 雖然已參考該店網頁的菜單, 見要預留的都留了, 但結果到場發現網站的菜牌是舊的, 已有其他菜色新貼上必需預訂, 於是有些想記的都吃不到, 很失望.餐廳擺位比在網上看到的圖片擠逼, 叫了位上的燉湯, 本來覺得很足料亦不錯. 可惜同枱一名長輩突然吃得咀角流血, 原來餐匙崩了一角, 而且崩位峰利. 有立刻告知服務人員, 著他們更換餐匙, 可是他們聽到都只是呆著不發一聲, 換了新的餐匙便算, 更沒有一點歉意或一聲道歉, 不只一名服務人員是這樣聽到只懂呆著而不發一聲. 其實食店擺位時是應該有責任檢查一下的, 口都割損了, 吃的食物還有好味可言嗎? 我個人認為該店的炸湯圓和反沙芋是值得推介的, 其他菜色因為以上事件, 味道都大打折扣了, 因為同枱有人受傷自然會影響大家進食的心情及氣氛吧, 何況那位更是長輩. 奉勸大家, 下次在這家店進食前請先檢查餐具.

上個禮拜同舊同事聚會，又係小編發板、當然黎雄館食lunch啦。又抵又好味！次次去質素都有保證，無他既，個大廚即係間餐廳既老闆，咁佢當然唔會整衰自己個名既，到自己米咩，所以小編我特別放心。大廚午市多數ｏ係度坐鎮，even唔ｏ係度其實質素都冇變、食過晚飯都係真心出色，又抵食，隻蟹多膏到呢～200幾咋，勁回味講返正題，今次lunch小編試埋個鹹蛋魚皮，雖然鹹蛋唔係多到痴曬d魚皮，但好香鹹蛋味、魚皮好脆又唔油又唔太厚，真係好正！龍躉飯一向有質素既，must叫，另外佢地個花膠鮑魚撈麵都勁正！小編加10蚊轉蝦子麵、好好味但分量唔夠、細食如小編我都覺得唔夠喉wor可能太好食啦總括而言、魚皮、龍躉飯must 食！如果唔想太飽肚可以試花膠鮑魚撈麵至於黃金炒飯、分量係最多既，同事都話唔錯

在某傳媒看見關於這店的報導，吸引了我來試試。試過booked 兩次位都booked唔到，今次早點訂，星期四晚他們也分兩段時間，6:00 和 8:00，真是難就時間！只好選8:00。我們早到7:30，搏一搏有冇得攞位，發現當時只坐了2張枱😒 店內面積很細，大小枱加埋大約得十張枱，可能他們想控制得好些。我們坐下打開menu, 驚訝選擇很豐富，菜色也很吸引！我們只有兩人，先點鹹蛋炸魚皮前菜，魚皮十分鬆脆，不鹹，極度好味，就算半小時後食都保持鬆脆，扺讚。之後點了羔蟹糯米飯，以$298的價錢來說，分量太少，用普通碟上，賣相大扣分，花蟹很細隻，需然裡面有羔，但質感很實，由於蟹細，肉新鮮但少。最不開心是，飯香但凍。最後啫啫芥蘭，加了碎肉和咸魚，十分香口，正！由於店面積細，不會坐得很舒服，可幸服務很好有禮，感覺親切！

話說生日想食啲特別少少既野老公就搵左依間野同我去食話啲小菜夠特別-叫左個雞蛋仔咁既蠔餅整法係特別 但個味我覺得唔太夾-蟹肉炒豆苗 依個不錯 味道係香既-蒸果條魚 係間野介紹 話醃咗條魚再吊一日先蒸 聽落好特別 點知我接受唔到個味🤦‍♀️好腥-煎肉餅-＞咸-燒雞 好大柴味 不過好似係佢特色黎 我依啲鐘意傳統野既人 都係鐘意普通野 蓋晒啲雞味 好似食柴咁-炸豬手 啲肉有點難咬 我個人鐘意炆果啲總結🤦‍♀️個生日飯我淨係食菜 可能只係因為我比較喜歡簡單 傳統煮法就好了這只是我個人感覺🙏喜歡試特別既野都可以一試值得一提係 間野既人服務好好👍

今日約左舊同事又去幫襯雄館，舊同事聽我講話呢間好味道，佢地都好有興趣試下。我地大約1點去到，差不多全院滿座，好彩一早訂左檯渣，職員都話留檯十分鐘。每人一個餐，叫多一碟菜加十蚊，其實都好抵食，呢度又冇加一既，我地埋單每人63蚊渣，真心好味又唔貴，中環真係食唔到呢D水準LOR！小編叫坐籠仔荷葉麻辣龍躉仔飯，舊同事A一樣，舊同事B叫乾炒牛河，舊同事C叫唔知乜雞飯，哈哈，ANY肥，質素非常OK，價錢大眾化，ENCORE指數持續高企啦！唯一要彈下既就係個蒸飯醬油唔得LOR！

終於有機會食到雄館小廚啦最近大熱的中菜 經常雜誌上睇到 一檯難求 要一早訂先有位經朋友安排下終於可以試到 今次菜式亦是朋友安排 只要留肚去食 講下D食物先 食咗差唔多10道菜 每一道菜都非常滿意 一定會再嚟 服務亦非常滿意有D冇影到相 頭盤芥辣牛肉 送酒一流 我忍唔住食咗好多仲有道菜好似係煙燻魚，又係好好味食到已經好飽 但係都想試吓佢哋嘅甜品咁 （炸湯圓） 外脆內軟 配上朱古力醬 好滿足推介紅館小廚 感覺佢哋用嘅材料好新鮮 用靚材料性價比高 價錢優惠

今日小編落銅鑼灣整頭、順便去買老虎堂，本來打算買南記上salon食，經過渣甸中心見到呢間就決定上去問下有冇做外賣，結果係有既但當然冇套餐既優惠啦即係冇嘢飲ｏ者，價錢仍然係套餐價58元！真心銅鑼灣係抵食既。講返小編點解知有呢間野？係因為佢地有自家研發既蠔餅，當然係非一般既蠔餅啦，佢地用雞蛋仔既方式整蠔餅，確實好鬼q同埋真心可以呃到like囉以外賣質素黎講，係唔錯既，龍躉肉夠多同埋好滑，飯就一般啦，最敗筆係醬油、屋企既生抽好味過佢。下次去試埋蠔餅先