Hygge (Closed)

好耐無黎荃灣搵食，今次又試下新野，聽說呢度既氫氣氣球甜品🎈食完係會變聲架，好期待～餐廳每日都會有精選既餐牌，又有多個選擇先黎個麵包，一開始就有驚喜，麵包係微溫的，提子包好鬆軟。之後就係松露磨菇，蜜糖雞蛋，牛油果蟹肉釀炸薯皮，一黎到就已經好大陣黑松露香味，蜜糖蛋加左少少柚子醬，味道好清新。 先食牛油果蟹肉，然後再食松露蘑菇，因為黑松露味道比較濃，最後先食蜜糖雞蛋，佢嘅柚子味就可以中和番個味道。再黎就係南瓜湯，熱辣辣嘅南瓜湯，味道正常～之後再叫左道24個月西班牙式脆皮乳豬仔，肉質好嫩，外皮烤到勁脆，值得推介，再配沙律一齊食就無咁膩蒜香辣椒紅蝦意粉，微辣而且有好香既蝦醬味我最期待嘅氦氣氣球，廚師會喺製作前簡單講解一下個食法，就係要成個氣球吸晒入口，之後先再講嘢，咁就會一下子變咗聲，好搞笑，好好玩呀。今晚嘅甜品就係蜜糖Earl Grey 意式奶凍，濃濃既Earl Grey 味配塔蜜糖，味道啱啱好，下次再叫一班人黎食，一齊變聲一定好好笑。

最近知道荃灣有間新餐廳好好玩，他們會用氦氣打入糖膠內，做成汽球，吸一口，就會馬上變聲⋯⋯知道後非常興奮，我是人馬座的呀，有甚麼好玩的一定要預我，於是馬上訂枱，秒速趕來試！ Hygge餐廳不算很大，剛剛才開業，問到店名由來，經理說，「這是丹麥文，意思是幸福，我們希望食客來到都會感覺到幸福。」何止幸福，想起那道特別的甜品，我簡直要從心裡面笑出來！ 沙嗲拼盤 ($88) 無論如何，都要先吃正餐！這個串燒很有特色，三種肉類各用了三種咖喱去做，分別是：印尼紅咖喱雞肉、黑咖喱新西蘭羊肩、青咖喱豬肉，三種肉都夠腍，尤其是豬肉經過一晚的慢煮，肥瘦適中，肉質軟腍，可惜是三種串燒味道都偏鹹，甚至有點蓋過了咖喱味，美中不足，餐廳需要改良一下呢。 足料餐湯 (跟餐+$38) 如要吃氦氣球，就必須點特定的晚餐 (由$108起)，又或單點甜品，都會免費奉送，所以我們今晚都點了套餐。跟餐加$38包餐湯和飲品，是晚餐湯是忌廉雜菌湯，很足料，每一匙都是雜菌，湯好香，好喝。 馬賽魚湯海鮮鍋 ($258) 湯底採用了龍蝦、蟹、鮮蝦、魚等去熬，真材實料，顏色鮮美；湯鍋內是龍躉魚、青口、大蜆等，啖啖鮮甜；吃完之後

近日因為牙痛關係，BeautySearch 已很少外出進餐，雖然，不止於只能吃流質食物，但進食速度實在太慢，所以，還是留在家中比較好。因此，今年的團拜活動，有關食的聚會，多半也只能缺席…… 來到『人日』，大家都熱烈慶生，依舊在家渡過，好像有點冷清，於是，便決定外出走走，在荃灣廣場附近，找來一家新開的店子 - Hygge 與好友簡簡單單慶祝一下！ 由於怕自己吃得太慢，阻礙店子做生意，因此，未到 7時我們已到達。可以靜靜地欣賞一下店子的設計，店子以灰色、啡色作主調，加上開放式的大型吧枱，簡約中顯雅致。而 BeautySearch 最愛正門那排落地玻璃，令空間感大增。 落地玻璃外，還設有兩張餐桌，帶有毛小孩的食客，可與他們的愛犬愉快進餐，下次 BeautySearch 也要帶同家中愛犬前來，他必定喜歡！ 除了 MENU 上的食物，店子還會視乎食材，安排 Daily Special，讓食客有更多更好的選擇。 點餐後，店員即時揣來法式餐包，簡簡單單，勝在包包是微熱的，軟綿綿，搭配牛油，對於很久沒外出進餐的 BeautySearch，即時添上幾分暖意。 先來一客 Cajun藍鰭吞拿

小編早排見到有人介紹個可以食得嘅告白氣球，見到好得意好靚，所以就特登mark低咗呢間鋪頭。好彩佢哋講門口都唔算太難搵，喺正轉彎位都算係當眼處。一坐低冇耐店員就已經放低左本Menu同埋啲麵包，服務都算唔錯雖然個麵包某程度上係唔使錢，但係亦都唔馬虎。坐低冇耐店員就已經攞咗啲麵包尼面前，麵包攞上枱嘅時候有少少微溫，而且麵包嘅表面脆得尼個心又夠軟熟。配上檸檬味十足嘅牛油，令到整體嘅感覺都好清新。小編真係超級鍾意佢隻牛油，所以都忍唔住空口食咗幾啖😂．小編今次就叫咗一個Dinner Set同埋再額外叫咗少少其他嘢食．Dinner Set方面本身就已經包左一個前菜、餐湯、主菜、飲品同甜品一攞上枱冇耐就已經倒塌咗，所以張相真係影得唔係太好😂講返正題先其實整體來講小編覺得唔係好食到有牛油果味，反而有好重嘅黑醋味，不過吞拿魚同蟹肉嘅份量都比得幾多下，吞拿魚方面本身應該有醃製過，因為食到有一浸好香嘅黑椒味，以一個前菜嚟講絕對合格呀！另外呢一個前菜裏面都有好多紅菜頭喺度，整體來講其實都唔錯，不過對於小編呢啲唔鍾意食酸野嘅人來講就一般啦！佢哋呢度嘅南瓜湯同平時飲到嘅有好大嘅分別，最主要嘅分別就係平時嗰啲可能會落

荃灣又有新餐廳，今次被個名吸引過嚟，最初以為係食北歐菜，原來只係sell hygge lifestyle, 食普通西餐。餐前麵包好硬，唔夠熱，食左一啖就唔食餐湯 — 南瓜湯，ok啦，不過不失。前菜 — Tuna他他配紅菜頭牛油果蟹肉salad Main course — Alaska蟹腳risotto... 個sauce係檸檬牛油味，說好的saffron呢？Lobster carbonara好味，不過好rich，好飽 Overall我覺得食物偏貴，環境一點都唔hygge，不得不說個washroom超dirty... 改左個好名，但做不到，有點失望。冇下次！

今日同男朋友係荃灣廣場睇完戲就係附近食埋晚飯先返屋企。係門口見到個menu幾吸引就試試啦。我地叫左有Happy Hour Discount買一送一既Plam Speciale Belge然後就有暖暖地既麵包送上，我地仲叫左個炸洋蔥圈配松露蛋黃醬黎送酒。個炸洋蔥就咁食都幾鹹，但配埋啤酒就岩岩好！前菜叫左個三文魚Caeser Salad黎Share同埋兩個蕃茄湯，送麵包好好味，男朋友差啲想飲埋我個碗！沙律既三文魚都算多，每啖都有大大粒三文魚，抵！主菜我叫左慢煮BB羊架，好嫩好重肉味但又唔羶，比我想像中仲要好味。男朋友就叫左紅蝦蒜蓉意粉，兩隻蝦好巨型，仲有好多膏添，但個意粉就有少少乾，唔似Carbonara咁會有sauce，所以佢自己清晒，哈哈。清好枱之後侍應哥哥比左兩個氫氣波波我地，教我地係上面咬一啖吸入面既氫氣就可以變聲，好搞笑。雖然個波食得但我都痴到一手都係，好彩佢地有比濕紙巾我同埋有地方洗手。最後就係我最期待既Earl Grey Panna Cotta啦，同我預期一樣好好味，好滑好濃，加左蜜糖Dressing都唔會太甜，一百分啊！下次一定會再黎～

之前在這裏的西餐廳已經結業，現在已經開了新西餐廳，新開張有85折。原來也是一樣的仕應，佈置也跟之前差不多，沒有很大分別。我們冇加錢加餐湯，仕應拿了餐包加牛油，牛油有點清香，不過太硬，麵包也脆身的。我叫左手折安格斯牛肉漢堡，車打芝士，太陽蛋，炸薯條，漢堡包賣相也好吸引，太陽蛋的蛋黃流晒出來，薯條好多又夠熱夠脆，好味。漢堡入面有生菜，蕃茄，車打芝士，太陽蛋，牛肉漢堡，冇醬的，整體感覺好健康，牛肉有點散同埋生左d，也幾香的，車打芝士好味，太陽蛋好黄好味。仲有生洋蔥圈，個包也是脆口的。Good同事的溫泉蛋卡邦尼意粉，好靚的溫泉蛋，撈埋意粉一齊食，好香的，有煙肉，芝士，意粉夠彈牙，好正。呢個配撘好夾，雞蛋加芝士加火腿加意粉，十分滿足冰島炸魚漢堡，他他醬，炸薯條，同事好鍾意，炸魚柳夠大塊。同事話好好味