i kitchen (Closed)

星期六去工廈搵食，食返個樓上西餐。工廈入口要登記個人身份資料先可以上去，保安嚴密。上到去餐廳唔算好大，但係座位都算坐得不錯。晚市有散叫、可以優惠價加配套餐，套餐跟餐湯及飲品，我哋選擇咗散叫。▶️香煎厚切鵝肝伴紐西蘭牛柳$248見到鵝肝配牛柳非常之啱我口味，就叫咗呢一個。牛柳揀咗五成熟，牛柳有兩塊厚身、份量夠食，牛味香濃。另外仲有牛扒汁及芥末可以點。鵝肝煎得幾香，滿滿鵝肝油，好滿足！加$38加咗刺身帶子，有三粒味道唔錯。▶️米蘭式龍蝦海鮮大燴$218呢個用一個透明袋裝住，上枱時店員會剪開透明袋，入邊有龍蝦🦞、青口、墨魚、帶子、翠玉瓜等。海鮮大會汁酸酸甜甜，帶少少胡椒香。龍蝦幾爽口，青口又大隻。觀塘區晚餐，呢個價錢都幾抵食。

朋友識飲識食，每逢放假都會捐窿捐罅，發掘唔同嘅餐廳，一飽口福。這晚就由友人帶路，嚟觀塘工廈一嚐特色西餐。餐廳裝潢優雅，以黑白兩色為主調，牆上掛有壁畫，再配上室內嘅微藍燈光， 環境挺有情調，充滿浪漫氣氛。 餐牌選項豐富，由頭盤、小食、湯、意粉/意大利飯、薄餅、主菜，以至甜品，一應俱全。點主菜、意粉及薄餅類等，+$38 可轉套餐，包廚師餐湯 & 咖啡或茶。今日嘅廚師餐湯係南瓜忌廉湯，湯身濃稠適中，入口熱辣辣，加上忌廉，香滑甜美，配麵包脆條，口感一流！香脆魷魚圈 ($68)：魷魚圈炸得好香口，炸皮透薄，魷魚煙韌有咬口，配埋旁邊嘅沙律菜同泰式甜辣醬食，更可減低油膩感。輕煎北海道刺身帶子、紅甜椒意大利飯 ($148)：帶子 3 大粒，煎至半生熟，兩面微焦，入口鮮甜彈牙。意大利飯亦煮得啱啱好，綿滑飽滿，軟稔中又帶點煙韌。香草蜜糖燒春雞 ($168)：春雞皮脆肉滑，雞皮燒得好靚仔，金黃薄脆，有甜甜蜜糖焦香，雞肉滑嫩多汁，醃得好入味，吃時配以燒烤汁，滋味更佳。跟餐飲品點咗杯即磨咖啡，入口醇香馥郁，令人飲得稱心滿意。        自家製焦糖蘋果批伴雲呢拿雪糕 ($68)：蘋果批做得好有水準，外層酥皮香

〖 i kitchen 💕 觀塘 〗情侶撐枱腳觀塘隱世勝地❣️啱晒情侶喺昏暗嘅環境談心！ 【煙三文魚牛油梨薄餅 ($148)】煙三文魚同牛油果一直都係最佳配搭 Avocado軟綿綿入口即溶的口感配搭鮮味濃郁嘅煙三文魚 加上濃郁嘅千島醬汁薄脆的薄餅餅底食落非常有驚喜！ 【香草蜜糖燒春雞($168)】 燒春雞外皮焦黃香脆得黎內層肉汁依然非常豐富雞肉依然保持滑嫩絕對唔會太鞋 份量仲足足有成半隻春雞質素同份量都非常一流！ 【焗金文拔芝士配蕃茄羅勒餅($78)】 Camembert芝士口感非常特別！芝士味香濃得來口感帶點煙韌鍾意芝士嘅朋友一定要一試 配埋蕃茄羅勒餅一齊食軟糯芝士中帶點香脆口感層次非常豐富！ ========================== 好味指數：😋😋😋😋打卡指數：👍🏻👍🏻👍🏻抵食指數：🤑🤑🤑 ========================== 📍 i kitchen (觀塘)觀塘巧明街106號冠力工業大廈2樓1號舖 ==========================想發掘多啲好嘢食？😛==========================

於太太生日前一天訂位，有表明同太太慶祝生日就餐，跟著同日收到餐廳跟進，問明想要什麼甜品（免費）及寫些什麼。態度不錯 👍。當晚到達，發現地方環境不錯，但地方面積比相片中比較細，餐檯距離比較密（近玻璃外墻處）。同時多人用餐時會比較噪。我們選擇了二人套餐，（可以不用左諗右諗）。用餐時，每度菜相隔時相很好，不太急，剛剛好，值得點贊 👍。食物質素也好，就是芝士焗生蠔沒想像中好味。我們會再次幫襯，大至上值得推薦。

I Kitchen 今日同朋友行完APM，想搵一些特色地方食晚飯，就搵到這間餐廳，價錢十分相宜，以西餐價格來講好抵食，人流都好王去到坐滿九成幾😱鵝肝牛肝菌意大利飯鵝肝大大件，外層煎得脆內裏不會太乾，油香味好重🩵牛肝菌意大利飯味道煮得剛剛好😋黑豚豬肉眼豬肉眼肉質嫩滑，仲有三種唔同醬汁俾你點，色彩繽紛❤️💚🧡仲可以+$38 轉餐，有餐湯同餐飲🥰是日廚師餐湯蕃茄南瓜湯，蕃茄，酸酸開胃的味道，再加埋南瓜潔身嘅口感食落去好豐厚，加埋麵包條👍🏻熱棉花糖朱古力熱朱古力上層仲有色彩繽紛嘅棉花糖，朱古力味濃🍫日本千層蛋糕千層蛋糕好有驚喜，我同朋友食第一口都覺得好好食，入面嘅cream好香奶味，而且包着嘅一層層薄皮夾埋一齊食，簡直完美配搭😋冠力工業大廈2樓1室 巧明街106號

平時返工放工經過巧明街，其實都望到呢間樓上西餐廳，今日lunch終於上去試下。因為大玻璃，又係中午，所以室內都光，我估夜晚黎情調會再好啲。今次同同事share食，叫左兩個lunch set，都配有湯或沙律、餐飲。我揀左南瓜忌廉湯，好多南瓜蓉，加左忌廉，有口感而又滑，湯係淡淡既南瓜甜，可以拎餅乾條點湯食。同事就試左沙律，份量大，係加左黑醋沙律汁，比較健康開胃，而且有大量芝士碎，同事話好fresh。主菜-輕煎北海道刺身帶子黑松露意粉，試枱賣相靚，黑松露味唔算濃烈，帶子半生熟，咬口好，所有意粉都均勻淡淡菌香，口感適中。主菜-香煎紐西蘭肉眼，五成熟，扒煎得好juicy，加上係紐西蘭扒唔會好肥，偏重牛肉咪，伴碟好靚，重可以選擇配蔬菜，對要生酮既朋友係一個好好既選擇。最後我揀左熱咖啡作結，咖啡香濃，唔錯。

 叫咗嗰四人餐 1788四個湯 一盆沙律 正常嘢到嗰主菜就開始出事主菜四揀二 揀咗煙三文魚薄餅同埋油封鴨髀個薄餅勁似超市買個底返嚟  上面搭幾塊雪藏煙三文魚 嗰幾塊牛油果仲要咬到硬硬地 有啲古怪味四人餐 油封鴨髀 個size同個湯碗中間差唔多 咸到就嚟要洗腎了 下面得嗰少少豆重災區係塊所謂斧頭牛扒 叫咗五成熟 佢淨係煎咗兩邊就抵上嚟 入面食落仲凍凍地 叫咗個職員過嚟反映下 個職員定唔知經理態度差到話 : 咁想點 你哋而家砌返埋 佢叫廚師再整熟啲囉間嘢收十點 主菜上完冇幾耐 九點十分左右就就叫我哋埋咗張單先但係佢哋甜品都未上 好似阻住佢哋收工咁   埋完單等咗兩個字 甜品都未有 問佢就話仲準備緊 咁早叫我哋埋單唔知急咩四人餐甜品 個蘋果批仲細過麥當勞 側邊舊雪糕溶咗一半 意大利芝士餅冇咩好講 美心西餅大細 每人一啖仔就冇咗總結 二人餐大小 四人餐價錢  黑衫員工態度差  五成熟唔應該係咁  唔推薦幫襯 大失所望  食完一肚氣 畀錢買難受

呢個咩蕃茄芝士餅 比啲普通餅乾我地就收成舊水 真係智商稅嚟但原本以為好差 但原來低處未算低 一切陸續有嚟北海道帶子唔知咩鬼飯 真係難食過狗飯 完全冇味冇到 唔知仲以為去左幫襯素食餐廳鵝肝羊排 呢個仲衰多兩前重 以後兩樣係分開架啦 點知合埋一切 個肝似係樓下超市啲急凍貨 個羊排喊左七成熟 依然都仲硬過我啲牙重頭戲嚟啦 食到6.58pm 上甜品啦等左成半個鐘 以為有咩大搞作 原來得咁架咋？？ 又唔係特別好食 擺盤又唔靚 搞成半個鐘？ 仲耐過啲主菜 都唔知係無心做好菜品 定其實你地心在甜品然後埋單話過左7.30pm 現時已經7.32pm 連個85折都冇埋 事前確實冇睇要730前離座 但我地7點正已經食完 正正常常你地唔特登拖住時間 慢慢食都準時走到啦 正常甜品店整呢兩樣野15分鐘都搞掂啦等到un 哂腳 催左兩次 搞成半個鐘 出啲咁既貨 真係唔會再嚟！

喺觀塘搵食一定唔少得入工廠區，呢間餐廳提供多款西式料理，從主菜、意粉飯、薄餅、甜點、到飲品～ 環境帶點小浪漫，地點易去，價錢亦算合理，夜晚滿座，記得book位😎唔知點解每次到西餐廳都會想叫carbonara，蛋黃醬香濃，撲鼻而來，未食已經覺得吸引🤩 意粉軟硬度適中，巴馬臣芝士味道幾出，配上煙肉、蘑菇增添口感，仲有蛋撈麵，性價比高！另外私心推介普羅旺斯雜菜千層麵，呢個配搭比較少見，賣相一流，千層麵大大塊，層次分明，口感豐富，麵片唔粉，食落亦唔硬，番茄醬酸酸甜甜，搭配雜菜感覺更加健康😗 喜歡喜歡！黑松露牛肝菌意大利飯都唔錯，黑松露味道獨特，散發著濃濃嘅香氣，當然唔少得risotto嘅最佳拍檔，牛肝菌，大大粒，有咬口，飯粒飽滿，掛汁，食落唔膩，簡單又美味～ 小食有魷魚圈同炸薯條，兩款炸至酥脆可口，魷魚爽口彈牙，配上泰式酸辣醬感覺更加開胃，仲有少量沙律添～ 薯條熱辣辣又脆卜卜咁，而且份量好多，配上松露醬令到整體味道昇華咗，推😍

今晚過左黎觀塘工廈搵食，呢度最方便係行完apm, 有條通向巧明街既捷徑，一出對面就到，嚟到都有唔少人。✨叫呢度嘅主菜加$38就可以有餐湯同埋飲品.今日嘅餐湯係蘑菇湯, 呢個湯質感幾有texture,有好多蘑菇蓉，蘑菇味仲要好濃。✨香煎美式蟹肉餅伴香梨: 呢個蟹餅真係好好味,外脆內軟,入面食到一絲絲嘅蟹肉, 咸咸香香咁。 香梨加上黑醋汁，甜甜酸酸好開胃.✨輕煎北海道刺身帶子，紅甜椒意大利飯： 帶子好彈牙鮮味，呢個飯入面有彩椒粒，蒜片，芝士，個飯係勁多汁同埋濕潤, 味道帶微微酸同埋黑椒好開胃清爽。✨香煎美國黑豚豬肉眼：個擺盤都幾得意,不過如果有多啲薯菜會開心啲. 呢個黑豚豬真係幾好味，豬味好濃。佢厚身得黎好爽口同埋多肉汁，邊位帶d肥膏超正，唔使點佢個黑醋汁已經好好味。✨tiramisu : 呢個Tiramisu 雪到好凍帶點硬，但食落有種似雪糕嘅感覺， 拌碟果個脆筒好好味，有少少似焦糖味。整體食物質素唔錯，見佢openrice 仲有二人餐好似仲抵食。

🍽 #觀塘 #iKitchen身為觀塘打工仔嘅我又發掘到新飯堂🥳 今次嚟到巧明街冠力工業大廈嘅「i Kitchen」同兩個朋友食嘢😚 呢度嘅lunch set都係配餐包、餐湯或沙律，同埋飲品嘅☺️🐣 西班牙辣風腸紅茄燉雞 （$108）呢個餐可以選擇配蔬菜或白米飯，我哋揀咗配蔬菜，健康啲🥰 個燉雞雖然要等得比較耐，但好值得🥳 個雞好juicy好多汁，超嫩滑，調味香辣惹味好開胃😛🍝 輕煎北海道刺身帶子黑松露意粉 （$103）黑松露帶子意粉都係香氣撲鼻，黑松露味非常突出😋 仲有其他菇菌添😙 三粒帶子啱晒我哋share😆🍛 輕煎北海道刺身帶子紅甜椒意大利飯 （$103）另一個餐朋友都係揀咗帶子，但呢個係配意大利飯，呢個risotto味道酸酸甜甜，感覺好fresh👍🏻

朋友再次帶我到觀塘工業大廈入面搵食。食物整體質素算高，值得下次再嚟。🥢厚切美國安格斯肉眼選擇了五成熟，上枱時牛扒外面做到小小脆邊，而入面有保留到血色嘅半熟。肉眼入口夠腍又夠肉味，配埋個燒汁提升味道層次。估唔到質素唔錯👍🏻🥢酥皮焗鵝肝醬羊扒選擇了七成熟。酥皮熱辣辣上枱勁鬆化，入面包住超嫩滑嘅羊架。羊架味道濃郁但同時做到臊味不太嚇人😮 愛羊🐏的必選！🥢白酒牛油煮青口牛油加白酒配青口一向都係絕配。青口嫩口又入味，好正🥢另外升級加轉套餐會有餐湯同飲品，好滿足

呢次同朋友嚟到呢間位於𝙰𝙿𝙼斜對面工廈嘅西餐廳🍸晚餐百幾蚊起有交易～環境唔錯坐得舒服地點又近地鐵站👍🏻各款主菜加＄𝟹𝟾可以升級套餐，包括餐湯🍲咖啡☕️或茶🍵我地平日夜晚上去都幾多人，有唔少人喺上面聚會🥴而家喺𝙾𝚙𝚎𝚗𝚁𝚒𝚌𝚎 𝚋𝚘𝚘𝚔位仲有𝟾𝟾折添🥩厚切美國安格期肉眼$𝟸𝟺𝟾我哋算係嗌咗款最貴嘅牛扒🫣佢牛扒種類都有好多任君選擇，有得揀熟度我哋揀咗五成🥰有擺盤👍🏻味道都唔錯🦑香脆魷魚圏$𝟼𝟾即叫即整上到嚟熱辣辣👍🏻配上甜酸醬同埋新鮮沙律🍓玫瑰士多啤梨鮮奶$𝟹𝟼🍊香橙百香果茶$𝟹𝟼呢度嘅嘢飲都好平✨仲有𝚌𝚛𝚎𝚊𝚖同果肉有啲誠意👍🏻味道方面，士多啤梨奶偏甜，大家要注意返啲啦～🍰日本干層蛋糕$𝟺𝟸第一次見到咁樣造型嘅千層蛋糕，好得意🫶🏻味道都唔錯，值得一試🍎自家製焦糖蘋果批伴雲呢拿$𝟼𝟾呢個因為即叫即整，所以要等耐少少🤏🏻嚟到真係好熱辣辣😂有少少玉桂味，配上雲呢拿雪糕同草莓🍓

呢間係🚇 APM 斜對面工廈嘅西餐廳🍴食品款式同質素都唔錯，而且主菜可以加💰$38 轉套餐（包廚師🥣餐湯，咖啡☕️或茶），性價比高。入面裝修幾😎型格，地方幾大幾寬敞🤩。今日嘅廚師🥣餐湯係南瓜湯🎃，仲配咗麵包🥖脆條添。南瓜湯🎃幾杰身，南瓜味濃🥰好甜好滑！佢哋嘅魷魚圈🔥炸得好香脆，而且配咗沙律🥗，份量😍都幾足。魷魚🦑圈入口鮮味，配埋🇹🇭泰式甜辣醬開胃🤤惹味。🦞龍蝦海鮮意大利粉🍝有帶子、青口同埋半隻波士頓龍蝦🦞，用料十足💪。油封🦆鴨脾唔係周圍都有得食，佢哋嘅油封🇫🇷法國鴨脾🍗伴上煙肉🥓煮白豆，所以多一份煙肉🥓嘅甘香，而白豆亦都有助👍減少肥膩感。鴨脾🍗皮脆肉嫩🤤，鴨味亦都幾突出🦆，而且有少少🤏芝士碎提鮮，整體配搭😋唔錯。

我之前已經光顧過幾次i kitchen呢間西餐廳,因為近放工，而且服務同埋食物質素一如既往咁好，於是再約朋友來食晚餐。首先是甘筍忌廉湯，甘筍好清甜，同忌廉嘅香好夾，配上手指餅一齊食唔錯，之後到洋甘菊茶，茶壺很精美，還配上幾塊曲奇送茶，洋甘菊茶很香，曲奇的味道都不錯，之後到黑松露芝士焗蠔，焗蠔鮮甜大隻，配上芝士同埋好香濃嘅松露醬勁正，之後到帶子紅甜椒意大利飯，意大利飯嘅醬汁超香濃，除了海鮮味還有一些甜椒的清甜味，意大利飯軟硬適中，而且吸收晒醬汁嘅精華，帶子鮮甜肉厚，配意大利飯很夾，最後是黑豚豬肉眼，這個伴碟很精緻，有點像一幅畫，這個黑豚肉厚身而且充滿油脂香，配埋一啲黑醋醬汁同埋一啲伴碟嘅醬汁，味道好清新好夾。這間餐廳環境清靜，服務態度同食物質素都好好，啱晒情侶約會或者三五知己聊天👍🏻