一虎

Open Now

Now Closed

中女獨食難肥日誌 冬天就是要吃一碗熱騰騰的拉麵#赤虎拉麵 $82嗜辣的我必選赤虎，拉麵第一談湯底，濃濃豬骨湯配上辣油令湯底呈火紅色，辣得過癮！其實不過譚仔二小辣level，食開小辣的我輕鬆KO！豬骨湯底在表面都可見白色點點脂肪浮浮沉沉的，一看就知不欺場叉燒雖薄但大塊，所以都夠吃。木耳爽口，味筍要加錢才有，扣點分麵可揀粗麵及幼麵，愛咬口的我揀了粗麵，其實都不算粗，麵質合格。期間限定有吞拿魚鹽口味拉麵，想吃清淡點可以試一下，不過我重口味總覺得清淡拉麵欠點什麼似的#糖心蛋 $12一看流心蛋黃就feel到正路！有蛋香是新鮮日本蛋（不會有腥味）必加！辣芽菜 免費我吃了人家半樽，超好味

黑虎拉麵🍜.再次來到一虎食拉麵🍜🐯上次試左《一虎》，即係最原始豬骨湯底，今次點左《黑虎》，湯底依然係豬骨做base，再加左黑蒜油🧂。小編幾鐘意喎，比起平日黑蒜油無咁油膩(雖然都有層油既😅)，飲落依然有種清既感覺又不失豬骨湯既原味，都因為咁，個黑蒜味相對地輕。🍜幼/粗拉麵+硬度隨自己喜好，仲可以簡要唔要香油、香蔥同爽口木耳。今次要普通硬度既幼麵，感覺滑溜👍🏻叉燒比較有較口，因為脂肪比例較少，基本上無肥膏！🐷🐷缺點就係無溏心蛋🥚，就變相有點美中不足啦🙈

看舞台劇前快速吃碗拉麵🍜。一虎店子小小，店員親切友善。被安排坐在半開放式廚房前，可以看見師傅們認真煮麵的模樣。湯拉麵我向來習慣吃黑蒜油味，酷愛那烏黑、強烈的顏色，這裡的黑虎拉麵黑蒜味尚算自然香濃，湯底不會太鹹太油，欣賞👍🏻配料有木耳、蔥、兩片叉燒。叉燒薄而瘦，適合我這種不吃肥肉的女士。麵條幼身，軟硬適中。放在枱上的配菜有驚喜，辣芽菜爽辣刺激，非常對我口味😋雖然拉麵味道沒有太大驚喜，但吃畢後沒有口渴要不停喝水的感覺，已是質素的保證👍🏻

一虎拉麵係我地之前個灣仔拉麵list 最後一間話想試嘅拉麵店。呢晚去到都滿座，但係幸好，好快就入得。拉麵選擇同平時無太大分別，都係佢個招牌豚骨湯底，有辣嘅，有黑蒜，較特別係個“海老虎”(即係豚骨湯再加蝦)，同埋時令嘅鹽湯底。我試左佢個原味湯底，c 就試佢個鹽味湯底。第一個印象係。。。淡。佢話煮左12粒鐘嘅湯底，想唔到會係咁淡。個鹽味湯底仲淡。個肉上面有一點辣醬，溝埋落個湯度就好少少。麵底有粗幼可以揀，我揀左粗麵，軟硬度要硬，不過同平時普通硬度無分別，唔彈牙。個肉算好少少，除咗較“孩”之外，個味係正常嘅。粒蛋其實係粒半生熟蛋，流心嘅，不過唔入味。

初四星期五就要返工喇，都唔少人排隊lunch，我地一行五人，其他拉面店通常都係得二人枱，好少坐得落，但係一虎就有一張大枱，我哋等左一陣，先入2後入3最後都可以一齊坐，侍應態度都好好，幫我地安排入座。一虎拉面（$88）叉燒份量啱啱好，糖心蛋好好冇切開，唔會漏晒啲蛋黃出嚟。木耳好爽口，但係湯底感覺偏油，建議選少油。最面嗰一埋醬，感覺似係韓式，酸酸地，我建議唔好撈落去，會可以留番啲日本風味。黑虎拉面（$82）

灣仔有好多過江龍拉麵店, 今次就去左呢間一虎拉麵,地點就正正係利東街隔離, 好易搵, 不過lunchtime就好多人排隊, 等左接近40分鐘先入到去,想食嘅朋友記住要早D來排隊!一虎拉麵招牌一虎拉麵, 湯底係用左12小時大火豬骨同蔬菜淆製, 食落好入味, 但又唔會太濃, 可以話係好清新嘅豬骨湯XD,配料方面有叉燒, 溏心蛋, 蔥同黑木耳, 叉燒好薄同埋略嫌少少”鞋”, 溏心蛋就有驚喜地好食,一夾開就見到好流心, 蛋白好薄同滑,入口即溶嘅感覺!黑木耳好爽, 配埋麵一齊食好夾。拉麵嘅份量就唔算太多, 有需要嘅仲可以喺食完之後加$12加底!黑虎拉麵朋友叫左黑虎拉麵,即係黑蒜油豬骨湯底, 食落味道比一虎拉麵更加濃郁,加上黑蒜油所以食香油味都比較重。黑虎拉麵本身無配溏心蛋, 想食嘅要另外加配,其他配料大致上一樣, 鐘意濃味嘅朋友可以試下!個人比較鐘意一虎拉麵,食完感覺唔會太油膩, 不過鐘意重口味嘅朋友可能黑虎會比較適合你!

這個冬天殊不簡单，去完喜帖街睇冬日燈飾睇天使，人多迫人之外揾食也不容易。咁啱只到一虎門口稀有只有一pair人等位，再望入面又好似差子多有人走，一於排隊，想食呢間野好耐，次次門口大排長龍。坐低即点野食，先來個特色飯子，話說是鲜豬肉精選部位，有喜拉馬雅山鹽調味，食落的確肉汁鲜嫩，飯皮夠簿弹口微脆香口，正。与朋友大一碗拉麵，一虎招牌特選拉麵及豬骨义繞拉麵。麵條弹力適中，湯夠濃不死咸，旦就超正，旦汁香濃流心，酱味微溶，口感層次豐富，老闆見我們影相，仲特登來放正碗麦面及放靚D 紫菜。

今日嚟到灣仔利東街，旁邊嘅一間拉麵店食嘢。雖然間拉麵店唔係好大，但係麻雀雖小，五臟俱全。店內裝修好靚呀，主要用木色同紅色為主題，加埋日本既旗幟，充滿着日本和國風情。有幾張四人枱，仲有啲近住開放式廚房既個人吧枱座位。我哋好快就坐低左，過咗一陣開始有人排隊添啊，好彩早嚟左姐（大約7點到）我地叫左一個「白虎拉麵」，同埋「黑虎拉麵」，仲有一個煎餃子，兩個人食份量岩岩好。煎餃子煎得香脆，咬落去仲有bit出肉汁！我地加大叫左個「白虎特選」，比起普通白虎拉麵，多左好多配料，分別有幾塊大差燒，幾軟腍，紫菜，爽口雲耳，好流心既溏心雞蛋，$128，價錢合理。豬骨湯底，經過好耐時間嘅餚製，豬骨味好濃郁！「黑虎拉麵」係由黑蒜油，混合豬骨湯底而成，味道較為重，食落又香又濃，配料有紫菜同差燒，$82，好抵食！～經過利東街既朋友、不妨黎試食呢間新開拉麵店！

天氣開始凍，係灣仔利東街隔離原來有間拉麵小店，整返晚熱辣辣既真係好正！位置唔多，所以有時候都要排隊喔！見到黑虎超多人點，所以感覺一定要試下咁！另外仲叫左款期間限定的吞拿魚湯拉麵🍜黑虎拉麵（$82）就係黑蒜豚骨湯底，略嫌偏油，而且豚骨味道冇想像中咁濃味。豚肉叉燒就中水準啦，起碼唔會好乾，但不算多油脂，而麵質都算有彈性。而吞拿魚鹽味拉麵（$89），湯底則比較清淡，真係食到吞拿魚既味道，多左一份鮮味，比較少有。另外每次食拉麵都唔少得要點餃子（$42）小食，呢到偏大隻，皮較厚所以唔夠脆。

I arrived at around 12:15 and luckily still had a spot left. However after I was seated, a queue started forming outside the restaurant as office workers started to have their lunch break.I ordered the Ichitora Ramen ($88) with a rich pork-bone broth and an egg that is said to be directly imported from Japan. You're able to customise parts of the ramen including the thickness of the noodle, whether you want the noodles to be firm, normal or soft, the use of flavouring oil, etc. The ramen arrived

叫左「黑虎」拉麵，加埋溏心蛋。黑蒜油味唔重，覺得出前一丁D黑蒜油仲香，所以呢個黑虎拉麵麻麻地。此外，仲同朋友share左煎餃子同叉燒飯。餃子正正常常。 叉燒蛋飯有驚喜！叉燒份量多，好香醬油味。

不太膩的拉麵香港愈來愈多拉麵店但是如果要找一間好吃的拉麵也是困難這次跟Nana姐來到位於灣仔的一虎拉麵有門前有個大紅燈籠這裡的拉麵不會太過膩湯底是帶點清甜的感覺而濃郁不油膩的湯底這裡有3款拉麵是白虎、黑虎、赤虎我跟Nana姐也點了黑虎我們都大愛黑蒜油黑蒜油加在濃郁的湯底上真的只有吃過才知道他的滋味而我們都點了幼麵幼麵比粗湯掛的湯比較多而且這裡的麵咬下還有麥香的味道最後還點了一份煎餃煎餃的肉汁很多也很飽滿

位於利東街囍帖街旁的一虎是我這次推薦的良心小店還沒進門我就選定了黑虎拉麵店內座位呈L字形 最大的空間莫過於廚師的位置方便發揮得更淋漓盡致一虎拉麵主打三款拉麵分別有白虎、黑虎、和赤虎有正常份量的還有特選份量加大的供各位大胃王寶寶選擇黑虎拉麵是豬骨湯底搭配上黑蒜油選了幼面和軟身麵底（其實拉麵還是要吃硬身比較地道但由於小妹先處於牙套階段）麵身彈牙口感豐富味道香濃湯汁也均勻地裹在麵條上香蔥和木耳都可以按口味選擇不同組合搭配任君選擇

日本拉麵的湯頭有很多款，不過似乎豬骨濃湯最受歡迎，最近我卻開始愛上混合蝦湯底的海老口味。一虎拉麵已在現址多年，曾經亦是長龍店之一，現在非繁忙時間到達沒有這個問題。一虎拉麵 招牌一虎拉麵，湯頭跟從日本獨門秘方，以12小時大火把大量豬骨、新鮮蔬菜濃縮成自家湯底，非常有豬香，但又不會太濃厚，不過我就不太愛見到粒粒肥膏浮面，心裏很有犯罪感，哈哈！溫泉蛋、日式叉燒及麵皆皆有水準冇投訴。海老虎  濃厚海老味噌拉麵更能我心，蝦頭蝦殼熬出來蝦油滋味出眾，配合香脆的櫻花蝦，倍增層次，廚師話事替配上粗麵，咬勁彈牙。周日中午吃個拉麵，份量恰到好處。

一虎拉面很早己經想嘗試的啦。所以，約了朋友去嘗一嘗。我早己預訂了7點的位子，但太餓了，所以大約六點多就到了，幸好前面剛有2個人食完離座，所以剛好有2個位，不用等很久，就可以入座了。我跟朋友分別叫了 黑虎拉面 和 海老虎拉面 , 兩個湯底也很好不會過於濃郁，味道剛剛好，份量也很適當。另外，我們還叫了兩個小吃，分別是 招牌饺子和叉燒飯 . 招牌餃子不錯，煎得剛剛好。但叉燒飯非常有驚喜，肉味很重，配上珍珠米和日式醬油真的很好吃！