一虎

Open Now

Now Closed

回味指數 : 👅👅👅/5✨✨ 赤虎拉麵✨✨ 黑虎拉麵夜晚諗唔到食乜，淨係覺得好凍好想食碗暖粒粒有湯既麵🍜就行咗去一虎！🐯🐯望住個Menu，第一眼已經知道要食赤🐯，因為本身我無辣不歡😈諗起啖啖湯都充滿濃濃嘅辣味🌶🌶🌶就好想飲晒成碗湯去。叉燒偏瘦，配料適中！男朋友試咗黑🐯，湯底都係好濃郁，蒜味又香。不過比我揀，都會係揀返赤🐯😋😋另外都點左個餃子🥟餃子皮幾香口，又足料，係配拉麵嘅好朋友 👭🔹枱上仲有無限辣芽菜任添，開胃又惹味😍😍

黎一虎拉麵一般麵會叫白虎或一虎拉麵，今日就試下新口味黑虎拉麵。我就選了幼拉麵。拉麵呈上時黑黑的，大概係因為湯底黑蒜油的緣故。拉麵的口感可以按個人喜好選擇硬度。黑虎的味道整體不錯，麵條新鮮且勉強做到掛湯的效果。湯底豬骨味不太重，如果可以有更濃的蒜味就更好。份量來說，女孩子應該足夠，男孩子可能要加拉麵了。湊巧遇到店舖正在做promotion,我都不太記得優惠期限。只要於店舖優惠期間於openrice bookmark小店就有9折了。平時這家拉麵小店都不收加一服務費，再有折扣時覺得挺抵食～

香港而家好多拉麵店，多到你都唔知點選擇。 今日黎呢間一虎拉麵，其實幾年前都黎過食，當然係岩岩好，味道都唔錯。今次叫左個白虎拉麵（幼麵），湯底濃郁而唔算太油膩感，但未去到頂級既level，幼麵底爽口彈牙亦掛到湯，係唔錯既。木耳同蔥既份量都足夠適中，塊肉正正常常。最後，想講下食完之後，都無明顯既口乾感，證明無乜味精，呢點都係抵讚，事關係香港，食完碗拉麵成日都覺得好口乾既，呢個價錢，唔洗加一，係灣仔，收貨啦！

個人一向鍾意食拉麵一諗唔到食咩就食拉麵今次去到灣仔巧遇一虎 食咗一碗白虎拉麵環境方面實在不錯有吧枱有四人枱同事優水擺喺面前自己倒每一段時間都有唔同嘅特色拉麵可選食拉麵當然坐吧枱叫咗白虎拉麵都要等一段時間見到兩位徒弟煮拉麵一位師傅看睇住就知佢哋住得好小心謹慎上枱啦見到有好多黑木耳同青蔥湯底聞一聞就知好香 個人選幼麵因為容易吸湯 又會更爽口當我飲咗第一啖湯之後就覺得物有所值湯底好甜 明明係豬骨湯底 但油脂唔算多唔會過咸又夠味 最後我更將整碗湯飲完叉燒都幾大塊 都厚身 油份位唔多但肉都唔會偏硬 中等水平幼麵夠滑 都唔會硬 麵質淋淋地好食更多總括而言 一虎拉麵 一戰再戰

明明一虎嘅主打係拉麵，我偏偏對佢嘅叉燒蛋飯情有獨鍾！老實講佢嘅賣相唔算吸引，但佢嘅叉燒真係好好食！同平時食嘅叉燒好唔同，佢嘅肉質好軟腍，肥瘦適中，每粒叉燒都充滿住炭香味！我中意篤穿個流心蛋，用啲流出尼嘅蛋黃拌飯食，味道一流！總結，呢個叉燒蛋飯性價比極高！大推！

一個人走在傍晚，七㸃的灣仔 city ，等著肚餓就像黑夜一樣的來臨。走到横街窄巷的日本拉麵店，之前都食過幾次。今次叫了招牌一虎拉麵$88，我要求走疍，店員很好地建議我叫白虎拉麵$78，沒有蛋，平$10。我揀粗麵、軟身，好好味，因為個湯；湯底，恰到好處，唔鹹；叉燒，兩塊，唔硬，ok啦。

夜晚來到灣仔拉麵雲集的地方打算求其入一間試下利東街一出就望到係灣仔站利東街出口 算是方便易去店面不大 跟大部分拉麵店一樣 裝潢走日式拉麵風格 貼左好多日本字 雖然我睇唔明 不過最重要的餐牌係有中文的點了黑虎拉麵 即黑蒜湯底黑蒜湯底濃厚 有渣 做得非常好味配上爽口雲耳 蔥 配搭好 而且配菜量都不少豚肉薄切 吸收黑蒜湯汁 入味 不過得2塊 不算多配有一團疑似是辣醬 但混合了卻不覺有辣味 適宜先用湯匙分隔另外 補上無料配料3樣 任意添食 滿足口感 我將蒿菜配上湯汁一起吃 更好吃了😋

超級掛住一虎嘅拉麵🍜我覺得係香港來講一虎拉麵係數一數二最好食嘅拉麵。首先係個湯底，豬骨味香濃，味道鮮甜，濃淡到適中，可以充分掛係麵條上面！拉麵我比較鍾意食硬身嘅麵條，一虎拉麵同平時一般嘅拉麵店一樣，都係可以揀湯嘅濃淡度，香油嘅份量，麵條嘅硬度，同自己鍾意嘅配料。黎得一虎拉麵，唔多唔少都係為咗佢啲辣芽菜而黎，記得以前係可以任食嘅，但係而家最多只可以refill 一次喳😭但真心真係好好食，好食過一風堂嗰個！配埋流心蛋同埋叉燒，好滿足呀😍😍

今次又去試位於灣仔的一間拉麵店，這是一間由日本人主理的店舖，裝潢很傳統，由門口，木製的椅子，bar 枱都帶有日本氣味。点了兩碗一虎叉燒拉麵，一碗是粗面， 一碗是幼麵，兩碗各有特色，但兩款的質感都非常彈牙。而湯底方面，也是傳統的豬骨湯底，濃濃的湯再加上叉燒及任由客人選擇多少的木耳絲及蔥花，大家配合得恰到好處，沒有搶去各自的味道。最值得提的是溫泉蛋，蛋黃掌握得非常好，剛剛熟，全完流心，沒有一点点過熟的感覺，令人回味。

今日黎到灣仔，作為拉麵控既我當然要試下灣仔既拉麵店。而今次黎到「一虎」。店入面比其他拉麵店較光猛，感覺空間好足，即使坐係廚房汁邊都唔會覺得好逼，係冷氣唔係太夠！ 今次試左店入面既「黑虎」（$93），係濃厚既豬骨湯上面灑上一股黑蒜油，賣相好好，感覺即使加左都唔係太油，但味道好濃好足💛內面配左木耳碎，叉燒同埋肉丸。叉燒既份量唔算多，但入口即融，同湯底既氣味非常夾。可惜係個肉丸，感覺上係打邊爐既蘑菇肉丸。味覺唔太同整個麵相配。不過下次有機會都會考慮再試下其他麵😋

我都行左成條利東街，一係就要等男人陪我叫等我可以試多尐，一係就唔想食... 所以最後就入左呢間一虎入去第一眼見到，唔係日本人亦唔香港人，講菲律賓英文既? 真係日本拉麵店? 香港喎，我唔係搭左飛機返澳洲食啊？ 不過都好有禮貌，只係奇怪左尐咁啫XD其實我真係唔想食肉，所以無叫赤虎叫呢個海老虎加特製新醬加蛋，但... um... 先講個醬，唔辣小蒜香，我食唔出係咩，個湯呢... 第一啖係香既，但食落係咸多過香，而呢隻櫻花蝦，唔算好香個隻，而且佢會甩色，因為我之後見隻蛋有行紅印XD 我以為呢碗無肉，但佢裡面都係有兩塊既... 至於個麵，我又覺得麵質同口感都幾好喎，但就唔係好掛湯佢個堆蒿菜，芽菜係任夾既，但佢放係bar枱上，好似我每夾一次都俾人望，感覺怪怪的... Overall,我應該唔會再去，因為質素好過佢既有，平過佢既都有，多選擇既，出名過佢既亦大有舖在，但真既，唔難食，可能只係我要求高啫...btw, 味精都應該唔少，因為我之後頭痛到爆炸...

尋晚老公有野做，我又梗係去搵平時佢唔食既野自己去食咯突然想食久違了既拉麵，睇下港島灣仔區呢頭似有好又隱世小店，比我搵到呢間一虎，有我喜歡既黑蒜蓉拉麵(黑虎)播平日六點九左右到，有d驚奇明明條街無乜人，但呢間小店內坐滿左8成! 店內拉麵選擇唔算太多(見餐牌)，我加左隻蛋同埋木耳絲。等呀等，5分鐘左右就有得食咯…一睇，感覺係有點肥lum lum的，不過因為自己都揀左"少量香油"，我估都正常有點反光既油光。蛋每隻10蚊，本身黑虎唔包所以我額外叫，講真對比其他麵店佢既蛋唔算出色，係唐心但無乜味。湯底呢…可能我鐘意比較濃，佢有味但我覺得無蒜味，不過飲完係唔太渴，所以都ok另外，我既char燒就有點鞋同un, 一般。總括而言，我覺得可以一試，一試ok

灣仔區的拉麵五花八門，部份出色，部份言過其實。今次來到這家一虎拉麵，位置鄰近利東街，整條街都開滿了泰式日式小店。店舖面積不大，客人須以點餐紙自助落單。等候期間，看到面前的日本師傅功架十足，每一個步驟、每一下力道都拿捏得宜，就知道拉麵味道應該不錯了。點了一碗招牌一虎拉麵，一碗赤虎拉麵及餃子。湯頭甜而不膩，有油香，不是死鹹的那種會令人口渴的湯頭。麵質爽彈，叉燒，蔥，木耳等配料都有水準，無論是招牌一虎拉麵還是辣的赤虎拉麵，都合符期望。唯一要彈的是餃子，皮好粉，餡料無味，失敗之作。整體水準之上，會再來: ）

赤虎@一虎在灣仔上班最頭痛的便是午餐時間有很多人吧！我亦是一個很怕等和排隊的人。但今日都幾好運，平常要排長龍的一虎拉麵，今日竟然不用排隊便可以入坐呢！餐廳內的拉麵師傅全是日本人月來的呢。我今日選的是赤虎拉麵，這個拉麵的湯底是魚介熬的，所以魚脂亦比較重。而我選了粗麵而麵的硬度選了普通，亦加了香油、黑木耳和糖心蛋。赤虎的湯底不算太辣，很易入口，再配上他們的辣牙菜更是好食。值得一提的是那隻糖心蛋，從外觀上看蛋身雖然是白色的，正當我還懷疑隻蛋會否不入味的時候，一咬下去便知道我錯了，糖心蛋是糖心不在話下，但內裡竟藏有濃濃的的酒香味，這個可算是一個驚喜呢！

灣仔一向有好多拉麵舖，之前都試過好幾間，今日就試咗呢間一虎🍜🍜揀咗一虎拉麵🐖同埋海老虎🦐一虎拉麵嘅湯底係由豬骨🐖同埋新鮮蔬菜🥬煮12個鐘頭而成嘅，飲落豬骨湯濃郁😋😋另外海老虎湯底🦐就係由蝦同味噌煮成嘅，配上乾嘅櫻花蝦🦐🦐🦐喺叉燒上面，一樣好香好濃郁㗎🤤🤤兩碗我都揀咗粗麵，食落彈牙👍🏻👍🏻溏心蛋都相當流心架🥚總括嚟講，呢間拉麵都幾有水準㗎，值得一試👍🏻👍🏻