一虎

Open Now

Now Closed

見呢度有純素拉麵提供唸住試下啦，問員工拉麵有冇得揀軟身啲，個員工就態度好惡劣好唔耐煩咁話拉麵冇蛋 所以冇得揀爽身定軟身，但飯都冇蛋架，都可以調教軟硬度，所以好唔make sense. 同賣個拉麵湯底一啲誠意都冇，我見個師傅係開一個好似買番黎啲湯包，好頹，但收人一舊水，拉麵黎到，成碗都係辣油，我問下次可唔可以走辣油，佢啲態度好惡劣咁話冇得走辣油，如果係湯包，下次可唔可以片走啲辣油？之前黎過問純素拉麵係咪賣曬，呢個員工又係好唔耐煩好差態度話賣曬，好趕客，一定吾會再黎幫襯！

今日想食個快Lunch, 然後散下步。行到廈門街，就去左食拉麵。.湯底選擇跟其他拉麵店差不多，都是以赤、白、黑為主，今日就決定食黑虎。.先試一啖湯底。沒有什麼豬骨味，黑蒜油也不是很香。其他配料豚肉、木耳、葱就正常。.我點的是粗、普通硬度拉麵，麵很彈牙，個人很喜歡麵的質地。..試了辣芽菜，個人覺得唔夠爽同唔夠辣。而蒿菜就幾香幾好味。.整體來講，普通正常！

深入虎穴 食純素 拉拉拉拉麵‼️—————————————————————經過利東街 比一虎🐯吸引咗過去行過心諗都冇咩啱食點知去到有純素選擇仲要有兩款比你揀‼️你都咪話唔😻驚喜
.🍜全素醬油拉麵 ($98)
配料都係菇菇、木耳哩兩種鐵膽
啲醬油湯飲落去唔會太咸🤓～但係個麵底就一般
🥺因爲佢地係用全麥麵所以就偏淋唔夠彈牙～
.
🍜全素豚骨拉麵 ($98)
哩款嘅配料都係同上面一樣
啲湯一食落口就覺得有啲辣🌶️
但一吞果下啲辣湯就會喺個喉嚨度搶住出嚟～～
但食食下就會習慣左啲辣！比較鍾意哩款多啲
因為味覺衝擊大啲🤩
.
雖然未超越我內心嘅拉麵NO.1
🤫但係佢有照顧到純素/素食寶寶嘅心 
已經令我留晒馬尿🤣.💰Total: $196味: 6.5/10飽: 9/10抵: 7/10
.📍一虎灣仔廈門街23號地舖G/F, 23 Amoy Street, Wan Chai.我辣妹🥰將會繼續同大家跑素 搵盡全港甚至世界各地既美味素比大家.#vegetarian #vegan #veggie #vege #eatclean #plantbaseddiet #hkig #hkfoodie #foodlove

抗疫疲勞，呢幾日開始好多人出街食嘢，廈門街仲有成班鬼佬除晒口罩響度飲酒，真自由奔放。諗唔到食乜嘢，食拉麵通常都唔會死錯人，行入去呢間舖頭，完全冇晒社交距離，唯一係兩人之間會有一塊板，除此之外同平時基本一樣，根據目測應該係犯規嘅。Anyway，野都係會照食㗎啦。一碗拉麵、兩件叉燒、一隻糖心蛋、少少木耳、豬骨湯走青... 點講呢... 正正常常、冇乜驚喜、冇乜驚嚇、冇乜性格，假如你冇希望亦都唔會有咩失望。總而言之就係一碗正常嘅日本拉麵，我又唔會話佢好食又唔會話佢唔好食，一般啦，不過咁一般就90幾蚊，我好懷念日本新宿橫街仔入邊三百幾円嗰碗拉麵...

星期五喺灣仔放工,大約7點幾,見一虎拉麵冇乜人,又好耐冇食拉麵,所以選擇呢間。店舖環境乾凈企理,店員有禮貌地幫客人量體溫同埋安排座位,可惜店入面冷氣唔夠,愈食愈熱我叫一個普通一虎拉麵,點知咁啱撞正網上外賣平台有人叫外賣,而且係大單,個師傅就整左外賣先,搞到我要等一段時間,可能因為成間舖只得一個廚師一個夥計,人手似乎不足。等左一段時間後,拉麵終於上枱啦,我先飲啖豬骨湯,味道尚算ok但好“傑”,湯温又唔高,碗麵入面仲有爽口木耳（很爽口）,蔥,很薄很普通的三片叉燒,及流心蛋,個人認為湯温本身溫度不足,仲要比d配料吸哂d熱度,碗麵真係麻麻地喎,同期望有落差總括而言,以一碗$95既拉麵,性價比唔高,有d失望,希望可以改善

近排天氣鬼死咁熱，無乜胃口食野就諗起之前朋友話呢間拉麵店有檸檬拉麵🍋🍜佢嘅豬骨湯底夠濃郁，就咁食檸檬味都幾弱唔算好突出，篤下啲檸檬再拌勻湯底試多次，檸檬味就變得突出，湯底增添咗一份微酸的風味變得更有層次同埋多咗份清新嘅感覺添。薄身叉燒肉質軟滑，麵質正常，不過份量唔算好大，想滿足啲可以加隻蛋或者加碟小食。👅味道：8/10🤑抵食：7/10✏️總結：記得試勻3款任食配料，個人比較鐘意微辣嘅芽菜，麻油味夠香。

今日係星期日，我聽人講話呢間舖頭平時係要排晒長龍嘅，今日專登同男朋友去試吓食拉麵， Menu上面有好多拉麵揀，但係我男朋友本身唔係太好食面，佢只係陪我食，所以佢只係揀咗個叉燒飯，而我揀咗個辛拉麵(紅色辣嘅嗰個)。我個拉麵係好快到，但係食落口，個湯底一般般，啲拉麵勁古怪，有啲似薯粉又有啲似膠面，我個辣拉麵因為本身冇跟一隻蛋，咁所以我就將叉燒轉咗做蛋。本身我都唔覺得係咁難食，但係到個餃子上左之後，我就發現個餃子真係超好食，然後我男朋友個叉燒飯等咗好耐終於都煮好，我食咗幾啖佢個叉燒飯之後，我就完全點都食唔落我嗰個所謂嘅拉麵。認真個叉燒飯真係幾好食，個餃子都煎得唔錯，相比之下，個拉麵真係幾難食，我本身係好討厭浪費食物嘅，但係我食咗半碗之後就真係食唔落。一間餐廳總有啲野係特別好食，有啲係難食或者唔啱口味，但係身為一間拉麵店，淨係得拉麵難食會唔會有啲過分？

1. 冷氣唔夠，流住汗食麵。2. 兩款麵質選擇，個麵特別。3. 湯係夠嘅，但冇咩豬骨香味。4. 蛋係流心蛋，Ok。3. 配料夠，有木耳絲，又有芽菜。5. 叉燒柴皮鞋到不得了。第一次食柴皮嘅日式叉燒。敗筆！敗筆！6. 最憎係比客人睇到拉麵師傅同侍應竊竊私語，講壞話。大概係因為一對情侶要求調位。當時店客人數目只有50%，唔滿坐。7. 同個師父講bye bye，都懶得回應。當時師父冇煮麵的。已入座嘅人都食緊。冇禮貌，唔值得再去。

明明廈門街我幾乎間間餐廳都食過 但係就係唔知點解隻眼一路都睇唔到呢間餐廳😂😂個日我地係其他餐廳太多人就黎左呢度試 佢啲拉麵都幾特別 幾有記憶點🤩·鮪魚拉麵 $98呢個拉麵我都係第一次見 一係門口見到就決定要試🤤🤤佢比我想像中更加好食😋佢係有好清甜既魚味 但係一啲都唔會腥 飲落口好舒服 而且啲拉麵索曬汁好好味 我覺得好值得一試啊🍜🤤佢個糖心蛋都做得好出色 超好味 勁流心 不過個叉燒就一般左少少 比較瘦 無咁好食🤭·#rbyeat#rby日本菜#rby灣仔·📍灣仔廈門街23號地舖

🍜又係拉麵時間🤣佢夏天仲要有檸檬拉麵，雖然未食過，但成日都覺得好似好清新！佢啲拉麵有好濃嘅豬骨味，拉麵有2種粗幼，不過兩者相差係太遠，我自己就鍾意食幼拉麵。粗拉麵比較煙韌、彈牙少少，而幼拉麵就爽少少！兩種都好易掛起啲湯！雖然湯底好濃，但食完絕對唔口渴！個重點係佢個流心蛋好靚😍我都好少唔食用拉麵做封面，而係用隻蛋🥚-今次用咗新版面，雖然唔太似我Style，但都好似幾靚呀？🙈

行過利東街附近 見到一間日本拉麵餐廳 入邊有好多款唔同嘅拉麵 而我就選擇食佢嘅叉燒蛋飯 隻蛋好好食好新鮮 而且啲蛋白煎到好香 叉燒方面肥瘦適中 仲好大舊 而且啲珍珠米好大碗 不過我就嫌唔夠多醬汁食落去有啲乾 不過$48咁大碗又食得飽都覺得已經係幾抵架啦 （灣仔區黎講）

朋友帶我食佢好鍾意食既拉麵，lunch time 大約排左半個鐘，我就試吓有幾好食呢個係朋友最鐘意既鹽味拉麵，佢係用吞拿魚做既湯底，第一啖飲下個湯，係好清甜既魚味，係好味嘅，不過又未至於好大驚喜。麵條係略粗身既黃色麵條，我本人鐘意一蘭個啲幻身拉麵，而叉燒佢都幾大塊，但又係唔算特別。可能我本身唔食葱，朋友就好喜歡葱加呢個魚湯既配搭。份量都多，個麵我就無食哂，但如果真係好好好好食我應該會食哂。下次如果再嚟應該會試另一款拉麵，如果唔洗排隊的話。

臨時約左朋友去港島區食飯，未決定食啲乜嘢， 所以上OpenRice睇吓有咩餐廳推介。見到呢間日式拉麵店係openrice灣仔區嘅評分都幾高，所以決定約埋朋友一齊去食。嗰日七點幾到，間鋪唔係好多人，一去唔使等位已經安排左我哋坐低。我就揀咗下面呢款一虎拉麵 $88可以見到碗拉麵放咗好多木耳絲同埋蔥花, 將啲木耳同湯一齊食，超級好味👍🏻👍🏻。佢個湯底應該係用好多種嘅蔬菜再加豬骨去煮嘅，冇平時嗰啲豬骨湯咁油膩。😋😋碗拉麵除左有兩大片叉燒之外，仲有一隻糖心蛋。係香港食拉麵通常都唔會比糖心蛋你，要咋外加錢先有所以佢話$88一碗拉麵真心唔係貴。我朋友就揀咗呢款期間限定嘅檸檬拉麵$92檸檬拉麵其實同上面嗰碗一虎拉麵分別唔大😂，只不過係多咗幾片檸檬🍋同冇左隻糖心蛋。貪新鮮嘅可以一試，但如果之後再黎食我會揀返一虎拉麵😅之後我哋仲叫多咗一碟餃子$42一碟有5隻，餃子皮薄肉汁多😋😋最重要嘅係佢攞到嚟嘅時候仲係熱嘅👍🏻👍🏻

今日喺灣仔趕住去活動，得半個鐘嘅時間，又想速成，對食物質素有要求，當然係去食日式拉麵啦。呢間餐廳嘅選擇唔多最主要都係原味（豬骨味），紅醬（辣味），黑醬（黑蒜味）。我就叫咗黑醬。另外仲要足料，即是除了叉燒及蘆筍，另外加了流心蛋丶木耳碎，同埋紫菜。個湯底都唔錯，應該真係用豬骨煲好多個鐘而成。面料我選擇咗眼右面，因為我鍾意咬起上嚟有口感，喺口入面一條一條咬碎嘅感覺。枱面仲有辣芽菜可以配，我就最鍾意好多啦。個廚師係日本人，唔識中文，所以溝通都係靠樓面啲姐姐。

朋友介绍我去食（一虎特盛） 湯最重要係咩...係要夠（熱） 以經要加分 湯底好味 麵爽彈 日值師父煮理 义燒份量唔孤寒半熟糖心蛋真係一流冇得彈.....好有蛋香........成碗拉麵整體有90分  可以一去再去 GOOD