一虎

Open Now

Now Closed

經過這街，看到門外有不少人排隊，一定是很棒的店子了，很快入座。吃晚飯的黃金時間， 滿滿人流，去試試喔。這拉面店的拉面是近來感到非常驚喜的。招牌拉面有兩大塊差燒、一隻溏心旦、紫菜、木耳絲、蔥花。拉面軟硬度適中，豬骨油底濃郁。帶點焦香的差燒～感覺是日本的。木耳絲和蔥蔥增添口感、旦心蛋流心程度剛好。湯底是秘製豬骨湯熬製，豬骨味突出。小店來說，日本感之餘，連面條亦有日本感，小店感包圍住，最愛之日本面。赤虎拉面日本拉面店，亦有辛辣味道，試試。 特別搭配粗面麵，鮮味爆發。配料特別多，食材煮得好好，跟湯底、面質非常夾。 如果是濃味派，做選這個鮮味滿滿之拉面。獨特香味完美融入粗麵條和湯頭，看得出有用心之搭配。 小食餃子賣相日本感很重，是日式必吃。餃子充滿肉汁，薄脆口感更豐富。 日本地道式小吃，有點還原地道感。

🍜😄一定要講下佢地嘅檸檬拉麵！聽落好似怪怪地！但出奇地檸檬同湯底嘅結合真係好夾，帶出一種酸酸甜甜嘅味道！每一口都好清新，令人耳目一新！真係好適合夏天食嘅一碗拉麵！🍋🍜💕大家都可以試下除咗味道之外，一虎嘅湯底亦值得一提！佢地嘅湯底好夾，好濃郁！味道鮮美，令人回味無窮！湯底同拉麵嘅搭配真係絕配！每一口都帶來滿滿嘅滿足感！🍲😋👍同隔籬枱都會帶好多其他小食，下次都會想試下個煎餃好🌟🍜😍🎉

窩夫某星期六一個人在灣仔覓食，心血來潮想吃拉麵，想起了久違的「一虎」。窩夫很快便看中了較少見的鮪魚拉麵，蝦子餅應該會喜歡檸檬拉麵，下次帶他去吃。除了多款拉麵，還有一虎叉燒丼，見鄰座的食客吃得很乾淨呢。吃拉麵又怎少得餃子($48)，一客有六隻，一咬下去非常多汁，椰菜的甜味很突出，餃子皮薄薄的，不乾也不硬。走了香蔥和京蔥的鮪魚拉麵($108)來了，湯底清甜，感覺比香濃豬骨湯輕盈。拉麵粗幼適中，軟硬度亦控制得很好。叉燒的脂肪比例少，肉味香濃。離開時窩夫才看到「新作限定拉麵」柚子味噌拉麵，好想試呢。

個人覺得係香港最好既拉麵，終於今日終於有幸一試🥹🥹🥹檸檬拉麵：檸檬拉麵帶有清新嘅口感同味道。麵條有彈牙嘅口感，湯底帶有檸檬嘅酸味同香氣，令人一嚐就覺得精神爽快。搭配上其他新鮮嘅配料，味道更加豐富多層次。🍋鮪魚拉麵：鮪魚拉麵帶有鮮美嘅口感同味道。麵條嚟緊嘅口感係軟滑，鮪魚肉質鮮嫩，入口即化。湯底濃郁鮮甜，帶出鮪魚嘅風味，令人回味無窮。🐟精選配料：2個拉麵都有加精選配料，包括有糖心 ，叉燒，紫菜，有味筍，木耳。🤪🤪糖心蛋入味，叉燒肉質嫩滑多汁，紫菜帶出一種脆脆嘅口感，有味筍同木耳增添一絲絲嘅香氣同口感。呢啲配料令麵食更加豐富多元，每一口都有驚喜！😛😛餃子：餃子有著外脆內嫩嘅口感同味道。皮薄餡多，咬落去有一種嚼勁，餡料鮮美多汁。搭配上醬汁，味道更加豐富，係一款經典又美味嘅小吃。🥟🥟

餐廳全港得一間，外面永遠有長長人龍。 佢主打嘅檸檬拉麵 ($106) 果然名不虛傳，我地額外再追加左精選配料（糖心蛋、叉燒、紫菜、荀和木耳）。最初擔心檸檬同豬骨濃湯唔知會唔會唔夾，但見到好多好評，果然餐廳調配出來嘅秘製檸檬醬同自家製豬骨湯都真係絕配：檸檬汁進一步吊出豬骨湯嘅鮮味，同時加入清新口感。更值得一讚係大廚推介嘅麵（可自選但亦可選擇由大廚推介），彈牙得嚟軟身，而且好吸收湯底，非常好味。 另外試了赤虎特選($149)。味道偏辣但啱我口味。值得一提係餐廳提供粗幼兩種麵條可供選擇，前者賣點係較彈牙同飽肚，後者則較爽身、麵味較重。如果唔知點揀就揀大廚推介啦 ^^ 小食有煎餃子($48)和叉燒飯。煎餃子一碟六隻，脆底且有肉汁。 剛吃完已經又掛住個檸檬拉麵，期待二刷光顧。PS. 餐廳有素食選擇

餐廳：一虎地點：灣仔廈門街菜式：日式拉麵餐牌：有拉麵12款，飯一款，餃子一款，飲品。可以剔紙選擇麵既粗幼同硬度，湯既香油，配料要唔要，加料或者加麵。鮪魚拉麵 $108 呢款鮪魚拉麵係用左吞拿魚精華造既拉麵，個湯好清，味道鹹香唔油。配有兩片薄切叉燒，雖然瘦多肥少，不過都唔算太韌。仲有味付蛋一隻，非常入味，呢度係原隻上，無切開，入面軟淋淋好滑溜，味道偏濃，食完滿口蛋黃。另外仲有爽口味付筍同蔥花。拉麵係中間粗度，滑溜唔會太軟，呢個湯味道好清。一虎特選拉麵 $143一虎特選個湯底係豬骨湯，好味道，好香豬骨湯味，不過唔會太濃或者太油，我地叫左走香油。呢款包含所有配菜，包括叉燒5片，味付蛋一隻，海苔4大片，味付筍同木耳絲，加上蔥花同辣蘿蔔蓉，好豐富。拉麵我揀左幼麵同軟，個人覺得都好味，唔會太淋。呢個湯底正。煎餃子 $48煎餃子一客六件，係燶面架。餃子皮煎得少少脆而超滑溜又薄，入面有豬肉同蔬菜餡。好味道呀。另上餃子醋添加酸味。兩個人分一份就剛好。紅茶花伝檸檬茶 $17烏龍茶 $17叫左紅茶花伝檸檬茶同烏龍茶解渴，都係支裝，好夠凍。另外仲有蜜桃茶，汽水同啤酒。枱面都有冰水自己可以斟。枱頭仲有辣芽菜，蒿

🐽海老蝦湯拉麵湯底濃郁得黎又唔會過重，蝦味鮮美，感覺好豐富。佢哋嘅拉麵都好有咬勁，完全吸收咗那海鮮嘅精華🐽 黑蒜油豬骨湯叉燒拉麵唔比海老蝦湯拉麵遜色。黑蒜油同豬骨湯嘅組合無比甘夾，全完係令到個豬骨湯更加香，叉燒又滑又腍，完全冇呢種豬肉過肥嘅感覺，完全係我想像中嘅味道🐽 日式煎餃子皮薄餡足，香脆可口，佢哋用心煎到每一面都金黃色，一咬落去就喺口中爆出鮮美嘅肉汁，完全係一種享受。店舖中要播住日本既pop song，令到好似有置身於日本既感覺

呢間拉麵係灣仔出晒名多人排隊， 一直都好想食，今次搵到呢個機會唔係好使排隊，就即刻入去試試😎 🟫一虎特選拉麵裡面有好多塊叉燒，我就咁數都有5-6塊，仲有大量既紫菜、蛋、竹荀等等，好豐富。湯底係豬肉湯底，味濃但係又唔會好膩咁。佢入面有一隻流心蛋，醃得岩岩好，夠入味之餘又唔會好咸。麵體彈牙，唔怪得之係佢地店入面既特選拉麵啦❤️❤️ 🟦海老虎拉麵上面鋪埋滿滿既櫻花蝦，佢既湯底比較濃郁，鍾意比較濃味既朋友可以叫呢款。同樣地，佢地既配料都好豐富，都唔錯。 呢度同好多拉麵店一樣係tick紙黎揀麵既種類同硬度等等，咁就可以確保唔會叫錯啦，佢地仲有提供唔同芽菜、紅薑等等。鍾意加其他配料可以任加。都幾有日本feel! 下次都會再黎食❤️

位於利東街附近的拉麵店 主打自家熬製濃厚豬骨湯底亦會不時推出期間限定口味 而且店員都非常親切 樂於介紹不同口味拉麵款式平日晚上都要排隊 可見人氣十足⍢赤虎特選 $149赤虎特選為激辛味噌叉燒拉麵 湯底雖偏紅色但又不算超級辣 越吃越惹味選了粗麵 麵身挺彈牙 而且沒有鹼水味配料有數大片叉燒 半熟溏心蛋 木耳及紫菜等等 與赤虎的分別就是這款的配料更多 甚至多過拉麵可見份量相當充足！柚子味噌拉麵 $118此為新推出的期間限定口味 湯底是選用了天然柚子味噌及柚子皮來熬製 先喝湯底已經覺得幾有驚喜 柚子清新 非常適合夏天進食 重點是令到整碗拉麵都不膩而且日本天然岩藻與拉麵的配搭 口感挺獨特煎餃子 $48即點即煎 餃子皮厚度適中 煎得金黃少脆 咬下去亦溢出少許肉汁 吃拉麵就是要配餃子！⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡♡/5⧐📍一虎灣仔廈門街23號地舖#foodiegoodie_wanchai

呢間拉麵成日經過都好多人排隊，今晚放工即刻過黎，只係6:15，就已經剩返剛剛好兩個位，我地入座就已經全院滿座，好誇張呀！！今晚我好想試佢哋嘅期間限定，係柚子拉麵，朋友就揀左個超人氣既「海老虎」柚子拉麵🍜非常清新，好啱熱辣辣既夏天食，配埋個青辣椒蓉同紫蘇葉一齊食，超級refreshing,食開我個胃呀，又夠多蔥，超鍾意，湯底唔太濃味，好夾呢個清新口感海老虎🍜朋友話個湯底夠濃，櫻花蝦超級多，簡直鋪🈵️一整晚拉麵，仲配埋爽口生菜🥬，朋友拍「青」，所以走曬青，但都無令呢個海老虎失色煎餃子🥟（6件）一上碟，熱辣辣，皮薄有汁既🥟👍🏻👍🏻👍🏻，仲配埋唔辣又帶麻油香的餃子醬汁，好好食，都之後攤凍左食都一樣咁好食，絕對無誇張，呢個值得叫黎試❤️❤️檯面既前菜（食得辣既記得要配埋呢個大豆牙菜食拉麵），同一jar冰水都好地道日本店所提供的，冰水🧊係真係有🧊粒㗎，唔係講笑！呢間拉麵店雖然好多人等緊位，但店員一啲都唔會催你食完就要起身還檯；店員都非常貼心，我地初初入座時係坐bar檯廚房出入位，店員見後面檯二人檯走左，就問我地想唔想搬過去坐，好貼心👍🏻👍🏻👍🏻

香港拉麵店真係有好多,今次試依間拉麵店有多款選擇,幾特別,甚至有素食拉麵添.星期六夜晚去,都需要排隊.1️⃣期間限定檸檬拉麵由秘製檸檬醬跟自家製豬骨湯,再配上幾片新鮮檸檬.依個配搭好新鮮同特別.湯底都幾濃味,食落酸酸甜甜咁,岩哂夏天食,幾開胃.其實個酸味就唔係好勁,所以大家都唔洗怕.叉燒都幾淋,但較薄.再配上蔥.💰HKD$1062️⃣一虎拉麵湯底係濃味豬骨湯,配料有木耳同流心蛋.流心蛋真係好流心.叉燒多,口感唔鞋.再加左小小辣椒醬.💰HKD$103

喺灣仔諗住簡單快脆食啲嘢，喺橫街行吓睇吓有乜選擇，行咗兩三分鐘，見到呢間日式🇯🇵拉麵，似乎幾啱呢日胃口又啱簡單快脆嘅要求，咁就決定入去試吓🤣叫咗 $143「一虎特選拉麵 Ichitora Special」：餐牌寫住「所有配菜，自家湯底 All toppings and extra pork with our homemade soup」🤩，加 $32 加3片叉燒，再加 $17「烏龍茶」🤣拉麵揀咗幼麵，要硬身，其他可以要嘅配料都要🤣；拉麵🍜嚟嘅時候飲啖湯先，湯底濃郁，係豬骨湯底，美味😋；跟住用日本人🇯🇵食拉麵🍜嘅吸啜 slurping 方法，將麵條同湯同空氣一齊吸入口裏邊，真係幾好味，麵條亦都夠硬身，啱我胃口😋；其他配料包括 叉燒、溏心蛋、紫菜、竹筍、香蔥、木耳，仲有可以自己加嘅「辣芽菜」同埋「醃菜」，材料真係幾豐富🤩「烏龍茶」凍冰冰🤩

小店非常有日本拉麵氣氛，好開放式既煮麵環境，師傅都好有效率咁不斷烹調🍜黑虎特選 $149湯頭蒜香撲鼻，黑蒜油既味道非常滋味，每一啖都有濃濃既蒜香，超級好食🤤一虎特選 $143湯底濃而香，好足甜香味，飲落好順口，不自不覺就食到乾乾淨淨😋麵條簡左幼身，偏向有咬口，煙靭爽口，配上唔同既湯頭，都有唔同既風味特選拉麵都配有糖心蛋，蛋香流心香甜好食，另外仲有5大塊叉燒，唔會太厚身，食落唔會太堅實卻非常有滿足感，肉香亦好夠，仲有大量木耳同味荀，整體口感都好豐富煎餃子🥟 $48外皮焦香，食落微香口，餃皮另一邊口感就好柔軟，口感好分明豐富，入面肉汁味道好鮮嫩香甜😋檸檬可樂🍋 $15蜜桃紅茶🍑 $17

夜晚去接放工, 順便喺附近食個dinner~店員推介我食柚子味噌拉麵, 係夏季限定嘅, 配埋新鮮柚子皮一齊食, 食落味道幾清新😀配料仲有唻自鹿兒島嘅岩藻, 第一次食, 口感有啲似中華沙律, 調咗少少辣味, 我鍾意😌本來想點一個檸檬拉麵, 可惜已經賣晒, 所以叫咗個黑蒜油配濃豬骨湯, 呢款味道好唔同😳黑蒜油味幾香, 但唔會覺得鹹, 建議叉燒唔好浸咁耐, 如果唔係會’鞋’咗😛我哋仲點咗一份餃子, 個底煎得好脆, 個餃子醋有微微辣味, 增加食慾🤭另外值得一讚嘅係湯底真係冇加味精, (好多話係自己熬湯底, 但其實都係落咗味精😵‍💫）食完之後完全冇敏感反應👍🏻👍🏻喺附近返工嘅朋友仔要去試吓

-工作太忙碌，下午想食個快飯，於是去左呢間拉麵店。排左大約五分鐘至十分鐘隊，終於入到餐廳開餐。-食物:拉麵主要分要豬/蝦/鮪魚湯底，同埋辣定唔辣。另外，仲有檸檬拉麵，素拉麵。因為第一次食，我選擇左招牌的”一虎”。一虎($103): 豬骨湯拉麵，麵底有得選擇軟硬粗幼。我就選左粗同硬😂，口感係岩岩好熟，有口感。叉燒有三塊左右，薄薄的一塊但都大塊的，而且都算淋。糖心蛋係原粒上，可能比你感受一下流心的感覺。整個拉麵食上去好平衡，唔會太油膩，好適合在夏天食。唔會食完好頂胃。煎餃子($48): 餃子係經典的豬肉白菜餃。肉的份量唔飽滿，因為主要是食焦脆的外皮，配上酸酸的醋，好幸福 💕環境: 店面比普通的拉麵店寬廣，有兩人座同bar檯。位與位之間都有空位，唔會坐得唔舒服👍🏻 食完又要返去努力啦🫠後記:出到黎大排長龍 (真係好彩)😬一虎地址: 灣仔廈門街23號地舖