Ideas Dessert (Closed)

某星期天去找Ideas Dessert飲它的紫薯沙冰雪糕店子比我想像中簡陋位置正正係我20多年前住過的富麗花園~即叫即打的紫薯沙冰見店員取下不少紫薯蓉然後去冰機取即刨沙冰再混合去攪拌過程也頗衛生~ 紫薯沙冰雪糕$37雪糕好像麥記的味道略甜但紫薯沙冰就真的抵讚薯味香濃甜美打得幼滑非常而且份量頗多我覺得絕對值回票價~

聖誕時節行開荃灣，食完晚餐梗係同女友搵甜品食。唔想食連鎖店/老牌子(怕多人)，搵勻openirice見佢好評幾多就決定係呢間啦。間鋪略為遠左D，係千式行過去要十分鐘左右，係熊貓酒店附近。8點入到去都已經坐滿左，鋪仔細細但係都唔怕無位，店舖外面可以加台，我黎食野之麻唔洗等梗無問題。商場怕悶局仲可以坐街食煙仔(雖然我唔食)。黎之前已經做晒research睇到好多人勁推佢既抹茶甜品。但係睇完餐牌先知佢新推焙茶產品，梗係貪新鮮就點左個焙茶心太軟。女友就點左個雪糕香芒豆腐花。豆花扎實香滑(唔係山水豆花)，芒果汁同芒果粒都香甜無酸味，雪糕食得出唔係cheap野(應該係D記)，三十蚊抵到爛。心太軟要等15到20分鐘，想食真係要等下或者一早嗌左先擇其他。心太軟一黎就聞到好香焗野(牛油)味，切落去都有流心，食落去真係無得頂，好香濃既焙茶，比起抹茶少左浸苦澀味多左浸焙茶獨有既香味。白玉好煙韌，紅豆一粒粒好完整不過略甜，兩樣配埋一齊就夾返晒。軟雪糕係3.6牛奶味，幾香滑又有奶味，肯定無溝水。咁有誠意又高質數既心太軟$6X，真係唔錯。下次黎到一定要試埋咁多人推介既抹茶心太軟同抹茶味軟雪糕。

話佢係我最喜愛的糖水鋪一定無錯~因為出面以呢個價錢真係食唔到咁有水準同咁用心既甜品...成日黎食食到店長都認得我啦XDXD今次終於食到我恨左好耐既抹茶千層酥~!!!!!平時黎都太夜食唔到..今次見BBQ完時間咁早即刻飛去食~XDXD肥肥飽滿大大粉紅豆加吉士~一啖咬落去真係超級正~再加埋勁濃抹茶雪糕...真係一流呀~!!!!唔怪得成日咁快賣曬啦~!同場加影朋友仔既腐竹蛋糖水...唔太甜~腐竹又唔會糊成一PAT 野...中式糖水都咁用心做...真係要比個LIKE你地~!

吃過午飯，又想吃個甜品，在尋找甜品店的同時，突然想起了有間新開的甜品店，於是動身走去。Ideas Dessert 是荃灣最近新開的甜品店，於是走入去吃個甜品。店子不大，座位也少，故而在商場走廊加設座位。餐牌有中式糖水和西式甜品，選擇也不少。然而還是選擇西式甜品，或許是幾好吧。抹茶 Tiramizu 是在下首選，當中有雪糕紅豆和 tiramizu。抹茶味的雪糕具有其香味，頗濃郁的，紅豆也很軟糯。當中的 tiramizu 一層一層的，入口軟綿，味道略為較淡的，不太濃郁，如可濃一點，會較好。吃過甜品，已很滿足，而且味道都幾滿意吧。

山長水遠去到荃灣探望友人，終於食到之前想試耐的呢間ideas dessert~ 網上見到有好多好好味的抹茶甜品相片，身為抹茶迷的我，當然不會錯過這次機會！首先食左抹茶雪山，抹茶軟雪糕有濃濃的抹茶味，我同友人忍唔住食過一口又一口，真的幾好味！雪山的冰就比較淡味點，連埋抹茶雪糕、甜甜的紅豆食落口，就配合得剛剛好！食完雪山，剛剛焗好的熱辣辣抹茶心太軟又上枱啦！心太軟配上的雪糕球，都好足抹茶味，不過個人比較鐘意抹茶軟雪糕的味道！心太軟的濃濃抹茶流口都好合我心意，配合埋一齊，冷熱交融～實在是太幸福了！下次想食抹茶又唔怕遠的話，呢間甜品店都會係我食抹茶的不二之選！

荃灣新開左間甜品舖😍心裡非常高興，因為係荃灣gathering終於有其他OPTIONS 啦!今次試左個店長推介既抹茶心太軟💚切開後，內裏抹茶餡緩緩流出😙抹茶味頗濃，但奶味更加濃，食落甘中帶甜😚蛋糕都同樣帶香濃抹茶味，但整體奶味太濃，好易覺得膩😱但味道還不錯的一大杯既宇治森林，上面係香濃抹茶軟雪糕配咸香玄米脆粒，抹茶奶味有點太濃，抹茶吾重，雙色白玉煙煙韌韌，底下有香滑豆花，最底紅豆有點太甜了😅整體味道不錯，但有點過膩既感覺抹茶焦糖燉蛋，第一口既燉蛋是順滑的，抹茶味亦十分香濃，只是偏甜了一點😅但去到較底層既時候，燉蛋口感粗嚡😫實在有點失望

熊貓酒店呢邊其實好少甜品店，而呢間店附近好多都係茶餐廳同小食多。難得開左間特色甜品店，好奇左好而，亦其實想食好耐，因為開係我公司附近但成日無咩機會停低，坐係度慢慢嘆，難得今日有時間，一於坐低試下。喜歡食心太軟嘅我，同時又喜歡食綠茶。所以必然叫左個綠茶心太軟食。由落單後到製作完成，大概用左30分鐘，想食嘅朋友真係需要比少少耐性。因為即叫即焗。甜品嚟到，第一啖當然食左個心太軟先，蛋糕好軟，入面嘅綠茶漿唔會好甜好溜，甜度啱啱好，而混合埋隔離嘅紅豆一齊食，味道更加清新，呢個配搭幾好，可以幫助消除過度嘅甜味。不過第一下拮落個心太軟嘅時候，可能因為太熱，蛋糕下面出現左水氣。幸好無因為水氣令心太軟嘅蛋糕而變得濕笠笠，影響口感。同碟仲有小丸子、雪糕，雪糕無咩特別，不過食落有冰碎，如果可以細滑啲就更加完美消費滿40元，有印章一個，儲夠10個可以當15元用。希望嚟緊有機會繼續試下佢其他甜品

招牌抹茶心太軟 ( 7/10 ) $46食完拉麵梗係要食埋個甜品啦😎 呢間亦都係新開嘅，人流不多。心太軟熱辣辣，一切落去發現流心度不高，有啲失望。抹茶味濃醇得很，帶有回甘，味道正是我喜歡的，挽回不少分數💚 旁邊嘅抹茶雪糕同樣出色，抹茶味好出，仲有淡淡奶香，同心太軟一齊食無咁膩。白玉同紅豆不過不失啦，若白玉無咁腍，煙靱啲會更好！Ideas Dessert (荃灣)荃灣荃貴街10A號富麗花園商場A座地下13B及15號舖

荃灣區食甜品嘅地方有唔少，但腦海中一直都無一間係做得比較出色！尼間Ideas Dessert新開無幾耐，喺熊貓酒店附近。作為抹茶控嘅我，坐低試試睇下有無驚喜先。推介之選小山圓抹茶，雪糕抹茶味濃且有少許回甘質感幼滑無冰感，做得唔錯。其他配料亦好豐富，有玄米脆米、抹茶曲奇、雙色白玉、豆花布丁同紅豆。特別之處係有尼個抹茶曲奇同豆花布丁塊曲奇抹茶味夠又脆又唔太甜，出乎我意料幾好味！豆花布丁放喺中層，亦令到整體層次感更豐富。而家著住校服去買軟雪糕可享9折呀！！(學生著數真係多......好鬼羨慕)抹茶雪糕真係整得幾，下次再嚟試下其他抹茶甜品先

荃灣新的甜品小店，以抹茶為主打，亦有其他中西式的選擇。一步進店內，店員就連忙熱誠地招呼。聞說這裡的抹茶軟雪糕很出色，先試比較少見的抹茶Creme Brulee。Cremebrulee的焦糖面不夠薄脆，內裏的蛋餡有氣泡，令口感不軟滑，忌廉的份量不足，反而蛋的份量比較重。不過，抹茶味的確是甘香頗濃的，而旁邊的紅豆亦又甜又軟，味道不錯，但雖在口感上作改善。抹茶雪糕球很柔韌奶滑，奶味濃郁，帶些許抹茶香。抹茶creme brulee就直接跳過吧！這抹茶軟雪糕真的有驚喜啊！非常軟滑，茶味甘香突出，同時又不失與奶味的平衡，奶香一直留香齒頰。紫薯沙冰同樣有水準！紫薯味天然又香甜，濃郁又不做作，沙冰尚算細滑，未有任何大冰粒。抹茶加紫薯的配搭，誰人可擋？

係fb到見到荃灣開左間新嘅甜品店，就拉埋個朋友同我一齊去試。我地嗌左楊貴妃，芒果天使同埋招牌抹茶心太軟。楊貴妃係有楊枝甘露汁，芒果啫喱/布甸，芒果粒，雪糕等等，芒果粒好甜，唔錯！ 另外個芒果天使有幾層嘅，最面個層係大丸子，芒果粒，雪糕係雲呢拿味，而最底個層就有棉花糖，好足料。 當然就要試下佢地推介嘅抹茶心太軟，原來佢啲抹茶粉係同日本訂，同平時食到嘅抹茶好唔同，呢到個啲特別好味，心太軟嘅伴碟嘅紅豆好"林"，好好味。一定會再叫多啲朋友黎支持下！

路經呢間並不太起眼，但裝修好新，舖前鬼屎咁吸引既抹茶甜品相，我呢個甜品迷, 就咁被吸咗入去，現在潮流興宇治抹茶系列甜品，益哂我😋menu D 靚相令我有選擇困難症, 點算好？年青有禮既老闆推介好幾個甜品，言談中知道佢係一位對品質堅持，而又有熱誠既年青人，我地揀咗抹茶心太軟，招牌宇治雪山，芒果天使, 抹茶產品原來係選自日本山政小山園優質抹茶，再自己打制成軟雪糕，絕對係自家制，wow 相片與實物並無不符，味道絕對配合相片既吸引, 抹茶軟雪糕係天下無敵，其他雪糕其實都不差，因為係選用較貴成本既D 家頭品牌雪糕，但可惜如抹茶硬雪糕，芒果雪糕被比咗下去呢，至於芒果小天使都不過不失，但我都係鐘情抹茶軟雪糕，一試難忘既滋味😋😉

今日經過熊貓酒店附近，無意中見到有間新開既甜品舖見到啲poster都幾吸引就入去試試我地叫左個楊貴妃同招牌宇治雪山呢個楊貴妃其實係有芒果雪糕，西米，椰果，小丸子，所以成碗都係好有口感，好有咬口而且仲有布丁喺底，另有驚喜成碗都係濃郁既芒果汁，雪糕入面有芒果肉非常好味，物有所值而呢個係招牌宇治雪山佢係我荃灣食過最好味既甜品佢既抹茶雪糕的抹茶味非常濃郁而且佢既味會停留喺口入面揮之不去再配合埋原粒紅豆，椰果同雪山仲有大大粒芋圓，係一個完美既配搭呢個甜品係必試！！總括而言，我必會再次光顧！

啦! 自問真係好怕肥, 尤其對甜品嚟講, 真係最好避之側吉... 不過, 隊長講咗好多次話嚟試, 話d friend個個都讚, 哎.... 咁算啦, 既然shopping 到攰攰地, 又想搵個地方嚟tea 吓, 咁就即管試吓隊長嘅極力推介啦!一係唔食, 一食梗係食最好ga la! 先嚟試鎮店之寶啦, 先食咗一啖雪糕, 頂! 真係有無咁好味呀, d雪糕滑到呀!! .... 真係唔識形容por! 好似去咗日本食抺茶雪糕咁, 比起我同亞仔上次响沙田城市廣場偷食個間仲好味好多Tim ! 離晒譜! 咁好味, 早就應該脅持我哋嚟啦! 班友仔見我食到lam lam脷, 問都唔問, 隊隻spoon嚟話要試吓喎! 喂.... 咪亂嚟呀, 呢碟嘢我ga! 隊長夫人嘅心太軟切一刀咋, d抺茶香味撲埋嚟, 今次我都老實唔客氣, 咪隊返佢一舊嚟試, 嘩! 超香超濃嘅抺茶味, 不過我始終都係鍾意食我個碟, 無咁溜!隊長個碗小米家族都好足料, 不過我唔想食佢口水尾, 所以無試, 但隊長一直豎起手指公, 大讚!我家豬仔都不咁示弱，要了一碟熱帶風情，我偷了佢一舊芒果，好甜喎！最驚個d芒果未熟，酸到盲婆都開眼個d生果！

全部配搭恰到好處， 用料上乘，餐牌上細心分析抹茶與綠茶的分別，就知道店主對食物質素的執著 。因此我對食物滿有期望，事實上食物質素也絕對沒有令我的期望變成失望，反而有驚喜。心太軟不太甜，是為了配搭紅豆蓉及抹茶雪糕。細節決定成敗， 這間店我會常常想來吃。良心好食店買少見少，店主懇請加油！