IS Café (Closed)

可能近香港仔海鮮市場，鐵板燒蝦及蒸魚鮮味很夠。老婆餅熱辣辣很正。蠔仔粥、中湯水準之作。綜合來說，熱食很高分，吃得十分開心。若喜歡冷盤，眼見食品亦很豐富多樣，味道讓你們去尋找。

難得一個月只得一日放星期六，不妨瞓晏少少，食Brunch都幾好。由於就近聖誕節，好多地方都加推活動，今次造訪了如心南灣海景酒店。因為食Brunch之餘，小朋友有興趣，大可加錢參加cooking class，整返幾塊曲奇餅。海鮮 有海蜆及中蝦，蜆肉雖然細隻，但食落無砂，感覺良好，至於海蝦真係好大隻，肉質爽彈，幾好。刺身及壽司有甜蝦、玉子、三文魚及鯛魚。熱葷京都骨是餐廳名物，必食。蘿蔔關東煮蘿蔔果然係最受歡迎，食遲少少都無晒，不過都仲有雞蛋同獅子狗魚蛋。另外，有乾燒伊麵、豆角炒豬頸肉及炆豬軟骨，反正是 Brunch，早餐都未食，就啱啱好。麵檔作為澱粉怪，當然是整返碗，簡單的點了水魷及牛柏葉配油麵底，其實仲有豆卜、牛丸、貢丸、生菜及小棠菜，清清地都可以。天婦羅有蕃薯及茄子，炸漿其實幾薄，但略嫌油份較多。粥檔其實如果唔係怕血糖標高，都幾鍾意食粥，好彩今次份量少少，反而落配料仲多，只係點了有雞肉同皮蛋，仲有咸蛋、魚肉及瘦肉，粥底幾綿而且淡口，幾好吖！湯西湯係野菌忌廉湯，而中湯係淮山杞子煲北芪黨參，味道都足夠，但個人覺得可以煲耐少少，因為藥材味仲未完全發揮。甜品近門口的甜品專區，可以搵到雲石芝

每到星期六, 又是親子好時光. 難得可以一家人相聚, 當然要珍惜. 這次, 我們就來到如心南灣海景酒店吃日韓假日自助早午餐, 兼參加聖誕帽牛油曲奇親子廚藝班.先由自助早午餐說起, 供應時間達到4小時, 真的可以慢慢食, 不用急趕, 這才是週末的生活, 加上位處南區, 更能感受到那份寧靜, 那份平安. 喝杯橙汁或者蘋果汁吧, brunch, 就是要喝果汁的. CEO為我弄來杯港式奶茶, 哈哈, 他的手勢當然沒有大師傅般專業, 但, 誠意搭夠. 小晴晴就愛雜錦果麥, 全麥條, 以及脆脆米加上鮮奶, 夠健康.壽司, 刺身, 從來是指定動作. 紅鯛魚, 甜蝦, 三文魚, 跟玉子刺身, 是新鮮的, 有水準. 冰鎮海鮮就有冰島大蝦以及新鮮海蜆, 大家也不斷進攻呢.吃點沙律, 自助凱撒沙律吧, 最適合CEO. 加上芝士, 凍肉, 跟日式冷麵等等, 這個部份很豐富.天氣轉冷, 喝口湯吧. 中湯是淮山杞子煲北芪黨參, 西湯是野菌忌廉湯, 您愛那一款?熱盤方面, 我的心水還是肥美的燒豬腩, 以及這裡的名物, 鎮江骨是也, 是相當入味的. 另外, 天婦羅, 香辣炒年糕, 跟蘿蔔關東煮就是主題美食, 也值得大

逢星期一返工都有種失落感，諗定放工去食個自助餐；為辛勞的一星期打打氣。近近地選擇了這間酒店；見網上訂座送25里；又係里數餐廳，星期一仲可以一蚊一里，好抵呀！以自助餐來講食物選擇係失望的。最多的就是蝦及蜆。分別在冷盤、熟食及即煮海鮮區都出現。熟食選擇亦不多。食極都係蝦同蜆。基本的沙律及刺身都有。冷盤中；這個長腳蟹最多人食；可惜質素唔得。肉係莓的、明顯不新鮮。呢個位置主要是蒸魚及炒蜆交替換的。可惜魚出一爐，不消一分鐘就連骨被掃清。之後等極呢盤蜆都唔消失，我想食下魚都無機會。其實酒店更換食物速度都好快，我都唔明白d人點解要拎度一座山的蟹腳、涷蝦等；完全是搶食世界；難道真係餓左一日先去食呢餐晚飯嗎？完全冇諗下後面排隊既人感受！整體來講；食物味道合格、最不滿意的就是食客間這種要搶食的行為。我就不會再有下次了。

今年生日可以去炭下個buffet.山長水遠走入香港仔。不過都算唔錯唯一欠左啲生蠔，不過佢勝在有新鮮野食海鮮肉類都好新鮮同好好味。一早上網search 定，南灣有個酒店連buffet 優惠，包一晚連早餐同晚餐buffet .正，都係1K兩個。酒店響香港仔黃竹坑站行10分鐘左右，都好方便。好啦講反佢個buffet, 有長鼎蟹同凍蛽、青口。都算新鮮同補得好快。另外佢嘅海產係新鮮，特別係蒸魚花班，好大條有四五斤以上，短短個約鐘就出左三條，好好味😋。之後係佢嘅煎立魚好香口煎得好好味😋⋯⋯可能當日係平日無咩特別野送。其他中式野多都好好味下。大家見有優惠就可以一試。

朋友嚟香港旅行🧳，佢住喺呢間酒店！！咁啱過嚟探佢當然要食埋呢度嘅自助晚餐先走啦~~hahaha !! 今次因為朋友仔既關係我哋遲咗入去，但都好好~餐廳好快會加返食晒嘅食物Omgomgomg ~~~ 係必食嘅冷盤啊有長腳蟹蝦蜆 ！！ 長腳蟹我至愛！極鮮甜 超肥美~~ 如果有埋生蠔就更完美了食完冷盤前菜就開始出去繼續睇吓有咩正嘢食 最最最特別係呢度竟然有天婦羅㗎 仲要係望住佢炸架~~ 超級熱啦啦仲有壽司刺身！！ 無論中式西式日式乜都有d~~岩曬咩都想食下既我最後食埋甜品🍮 wow 🤩 真係連甜品都超級多選擇 真係樣樣都想食樣樣都想試啊hahaha

今晚同家人去咗屋企附近嘅L Hotel食buffet，一家人黎family gathering 食buffet 真係一個好選擇，見到好多都係大伙兒，一家大細樂也融融，慶祝好地方。種類好多，冷盤有壽司、沙律、海鮮，值得一讚係有啲細細嘅兜仔可以放調味料，冷盤唔算特別出色，反而我喜歡熱食。熱盤有即整嘅鐵板海鮮，唔會攤到凍哂，煎得好香；另外仲有湯粉，唔要粉可以只要菜加餸都得，每樣食啲就唔會過飽喇。另外仲有蟹粥，真係有成件蟹，個粥好鮮味不錯；長洲大魚旦好彈牙又入味；天婦羅即炸，不會放到淋晒。飲品都係自己斟，有茶包同檸檬，breakfast tea 最配自製熱檸茶，另有即磨咖啡同埋果汁。甜品都有好多款，涼粉配生果，西瓜好味；細細件嘅蛋糕、布甸、慕絲、蒟蒻，甜度適中唔會太甜，可以食好多款。Häagen-Dazs雪糕係重點，三隻味我都有食，連好少見的香蕉味也有！不過都係覺得朱古力最好味！

早一個月前book位 諗住去海洋公園再去食呢間buffet ~~不過我哋瞓晏咗一起身第一餐就去咗食呢間$500有找嘅buffet 😆哈哈 完全冇令我失望性價比高 首先環境好有空間 私隱度高 我哋四個人預先約定有間房仔敞門 （適合我既朋友大失儀態🤫😆 ）讚👍🏻貼心設計光線充足增強食欲 食物 有大量嘅冷食熱食海鮮選擇 （我是海鮮控）😆冷盤 點小得長腳蟹回本之選大大隻鮮甜多汁 一絲絲既蟹肉 一啖啖肉 好鬼正 👍🏻燒三文魚腩 淡淡魚油又香更入口即溶 我個心都溶埋喇 係咁四個人食佐十件以上都有啦熱盤 大白蜆 冇沙好緊要 仲有豉椒炒添 食出鑊氣夠 夠野味  豉椒香口微甜 燒𩶘魚肉質有彈性 不失魚香 燒海蝦爽口彈牙 好新鮮 青口 太多款式 不能盡錄 甜品方面特別款式 ！柚子蜜脆蛋散 老婆餅 想不到的鬆脆內口感一流 未食過咁特別又好味的 推介試小小 不過飽肚食品不宜食太多哈哈 😄其他甜品牛乳布甸同泡芙都正喔！

今日同男朋友去香港仔食自助餐本來都不抱期望 因為見四百幾蚊有啲咩好嘢食呀點知都有唔少海鮮有蟹腳 蜆同埋青口同埋蝦而我最鍾意嘅就係蟹腳估唔到佢呢啲蟹腳非常之鮮甜而且佢哋解凍做得好好其他自助餐有時都會可能食到成口都係冰呢度嘅服務員嘅態度都好好尤其係刺身壽司嗰邊個阿姐佢非常之唔吝嗇咁樣係咁切刺身俾我哋呢度雖然款式唔算好多 但係樣樣都好好食我覺得咁樣反而好過款式多但係全部都唔好食有吉列豬扒 豉油王大蝦 煙鴨胸同埋長洲大魚旦等等而且呢度甜品亦都相當出色哈根大師嘅雪糕都有兩款而且又唔同嘅布甸 同埋蛋糕都做得幾出色

為左慶祝朋友生日，專登過黎如心食新推出以'海鮮直送'為主題既dinner buffet！酒店門口比較難搵，要係地面搵個門口再搭lift上去。不過lift一開門就會見到餐廳，餐廳門口已經排放左一排甜品櫃，非常吸引海鮮好新鮮，有松葉蝦腳、冰鎮青口、蜆肉同大蝦。特別係冰鎮大蝦，真係好大隻而且彈牙甜咖哩長洲大魚旦唔好睇黎粒魚旦太普通，係俾我最驚喜既既😍大大粒好有魚肉味好彈牙，辣辣地好惹味天婦羅天婦羅又係另一必食之選，有蝦天婦羅同蔬菜天婦羅。廚師即場炸，炸得香脆金黃。最重要係炸漿皮薄而不油膩中湯是日靚湯-花生眉豆雞腳煲肉排，好足料好濃郁即煮粉麵有兩個湯底可以揀，分別係豬骨湯同雞湯。我主要想食菜，所以無揀粉麵，剩係揀左生菜、蜆肉、豬皮同墨魚丸。蜆肉好鮮甜，而且湯底雞汁味濃甜品甜品選擇都好多，最重要有Haagen Dazs雪糕，不過味道選擇比較少得芒果紅桑子同朱古力口味

每逢去完一整天主題樂園都會耗盡體力, 胃口一定大增, 離Ocean Park唔算好遠既如心南灣酒店, 推出海鮮buffet, 價錢仲係五百蚊有找! 日前book定檯, 今晚去完樂園, 再黎勁食海鮮餐既!沿黃竹坑站B出口天橋行到尾, 再過兩條馬路就到, 需時8分鐘左右。酒店除左open area座位, 仲有少量VIP房 (要預先book位), 增加私隱度, 同朋友暢所欲言就岩哂!Buffet自助區都幾大, 分門別類, 冷盤有煙三文魚、沙律菜、沙律配料等等...另一邊有冷盤海鮮, 凍蜆、長腳蟹、青口、凍蝦長腳蟹相對較受歡迎, 還好餐廳補給都幾算快手, 蟹腳帶些少海水味~炸物方面有預先炸好既薯餅、春卷, 仲有炸完即起既天婦羅刺身以配給形式取, 三文魚、立魚、吞拿魚、甜蝦、甜蛋三文魚間中仲分到魚腩位, 魚油豐富; 立魚鮮甜; 但嫌甜蝦有少少腥另外仲有少量壽司款式選擇。望向另一邊, 就係今期主打既「LIS Café漁市場即叫即煮檯」, 酒店位於香港仔, 海鮮都由香港仔漁民當日捕獲, 再直送酒店, 絕對keep到海鮮新鮮度!!!每款海鮮整齊分類, 擺放得有如小型漁市場一樣。而廚師更即席以鐵板同埋烚

男友住南區，但其實我哋食飯真係好少喺南區食，早排先發覺原來黃竹坑都有唔錯嘅buffet食。星期一至四去食dinner buffet只需$438/1，我去嘅時候成間餐廳都係B. Duck主題，除咗有B. Duck公仔，有啲食物直情有埋佢個樣喺上面，鍾意B. Duck唔可以錯過。講返食物，冷盤沙律等都一應俱全，圖中只係一部分，色彩繽紛又多選擇，用佢嚟開開胃一流。海鮮區必食蟹腳，味道鮮甜，餐廳仲有廚師即煮海鮮，選擇都唔少，熱辣辣煮起食落更滿足。估唔到buffet都有西多士食，呢到嘅西多士同漢堡包都有B. Duck元素，打卡一流。最特別係呢到有長洲大魚蛋食，都幾過癮。需加一服務費，埋單2人約$960。如果你鍾意睇我嘅食評，不妨關注我，支持吓我，謝謝你☺️💕

數數手指自從有咗放題之後就好少食自助餐 今日係我個best friend生日 我知佢好鍾意B.duck 有一次喺網上咁啱見到 如心南灣呢間 酒店自助餐做緊B.duck主題 二話不說打去訂位餐廳面積好大 樓底又夠高 喺呢度用餐完全冇焗促感覺 從門口走到餐廳內 或在餐桌上都放有B.duck公仔 除咗有公共用餐地方之外 仲有獨立包廂 好多謝餐廳今日安排咗獨立位置比我和朋友慶祝生日安排咗位置之後 屁股都未坐暖就沖咗出去拎嘢食 首先梗係要攻陷冷盤區嘅凍海鮮啦 長腳蟹必食 鮮甜 多汁 帶有海水味 另外仲有青口,海蜆,海蝦 整體都非常鮮甜刺身種類繁多 有我最鍾意食嘅吞拿魚，三文魚，甜蝦……刺身沒有雪藏味 肉質肥美 而且鮮嫩造型超可愛嘅B.duck漢堡包 分量少少的 迷你型 唔怕食完之後食唔落其他嘢煙三文魚又肥又香 煙燻味好重 旁邊仲有青瓜，沙律菜，蕃茄仔做配菜 伴著一齊吃可以去除肥膩感火腿片 味道鹹鹹香香 有薄切和厚切 味道和口感都是一流 餐廳職員補給得好快 亦會著重食物賣相 是值得稱讚的地方另外餐廳提供海鮮檔 有多款海鮮提供例如大白蜆，𩶘魚，海蝦 揀選完自己喜愛的海鮮後 廚師就會喺鐵板上面為你烹調

十月以前，覺得南區是相對安全的地區，也趁酒店有特惠套票一家人再訪 LIS 來場小渡假。住宿套票已包雙人自助晚餐，另外七折再付小童價（週一至四$238／週五至日及假期 $258）也算不貴，十分適合想在酒店足不出戶的家庭客。 一進場先是繽紛琳琅的甜品凍櫃，裡面紐約芝士餅、黑森林慕絲蛋糕、芒果椰絲慕絲蛋糕、開心果杏仁蛋糕、香蕉蛋糕、朱古力布甸、芒果布甸、特色忌廉筒、白明月冰卷、爆爆珠草莓啫喱、意式椰汁糕、北海道金箔牛奶布甸、紅桑子意大利芝士餅、鮮忌廉泡芙、綠茶意式奶凍、石板街慕絲蛋糕等，花款極多，就看你愛那一款！之後又有 Haagen Dazs 雪糕杯、小孩最愛的糖果吧、中式糖水芝麻糊、涼粉，以及香脆蛋散、老婆餅、麵包布甸等，甜品選擇真不少。接著去到沙律吧，其實款式十分正常無特別，不過多了 B. Duck 的裝飾後，變得份外可愛吸引，這晚也忍不住取了紫薯沙律、螺絲粉沙律等回去與兩兄妹共享～接著是大受歡迎的海鮮區，由於衛生的考慮自助餐已不設生蠔供應，但鮮甜修長的蟹腳、彈牙的熟蝦都是兩兄妹的至愛，同場也有沙白及青口供應。這裡自助晚餐也包括蘋果／橙汁任飲，不好甜的也有檸檬水的選擇；隔壁還有清甜西瓜