板長壽司 (Closed)

最近，此店話事人十足風頭躉，幾十萬開條吞拿魚又做飲食節目主持，使得此店人氣急升，個個食完都話非常企理，唯獨我就一直未有光顧，事關每次行經店外，總是人頭擁擁兼水洩不通，等位等上成句鐘，店內又迫得背對背般，怕等位兼人廹的我，任你有多好吃都令我止步，但偶然一個星期六下午，行經淘大花園時，竟然不用等位即有枱，於是成家人決定試一試佢，我們點選海膽手卷、三文魚腩及油甘腩刺身、加州卷、燒鵝肝、蟹肉蟹籽沙律和凡立貝、玉子及三文魚壽司。食物整體都夠新鮮，燒鵝肝入口甘香即溶，算全場之冠，三文魚腩及油甘腩甘香可口，只係海膽手卷的海膽略為瀉身唔夠鮮，總括水準都屬甚高，值得光顧。消費約二百元左右，求食飽肚似乎仲有點空虛，當吃下午茶還可。

五月三十日(五)因為上次去唔到尖沙咀板長度食，所以今日決定去番淘大尼間度食番補數。由於驚要排大隊，所以plan好六點半到就去搵位，可能今日落雨，去到一個人都無可以即時入座，但因老婆未放工，所以唯有搵地方坐坐等等，七點再過去睇睇已經出現為數約三十人人堆，於是立刻攞飛~ 以為來遲了但想不到約七時半已可以入座～　點了以下：三文魚刺生($35)頗為肥美，切得亦厚身，一碟六塊，又抵又好食~三文魚壽司(@$9)三文魚不夠新鮮，魚比之前細了不小，和刺生差很遠，比迴轉帶上的還差一點,,,,, 難道是維持$9/碟關係?珍寶帆立貝($35)Size超巨，難為一口吃下，感覺想比細帆立貝淋身，是解凍的關係嗎? 口感當然比細好，一分錢一分貴感覺~火炙鰻魚壽司($18)個人認為整晚最出色壽司。鰻魚直切夠厚身，火炙雖不至企太熱但仍添香氣，配合足夠鰻魚汁非常好味~蒸蛋($12)非常滑，料亦恰到好處，整體配合及味道佳好～吞拿魚軍艦($9)紙菜沒初次來吃的脆，有點失望，饀OK～燒玉子($12)板前的燒玉子一向都燒得較"香"，今次這碟則似乎過火了一點，蛋有小許老現象，或許前日已在赤丸吃得太多燒玉子，感覺赤丸的燒得比這裡好~

同青檸先生無見一個星期，大家各有各忙，他都忙往溫CFA，而我就忙住返工同補習，真慘，掛到死！幸好，今日放工就可以見到，我地今晚total都唔知錫左幾多啖。According to our plan, 我地去板長食壽司，今次係第一次，好好彩，玩完mo險樂園，只係剛剛過左一個no. (82)。入到去就慘了，我地坐迴轉位，個風口吹到正一正，吹到頭都痛，不停咳，超慘，完全係設計上的錯誤！d water d態度正係麻麻，好似唔想serve d客咁，覺得你煩住他咁。食物方面，我覺得完全同板前無分別，有無人可以話俾我知？最好食的是火炙三文魚，入口即溶，之後是海膽。其它就普普通通。除此之外，d單超亂，除左我地碟火炙鰻魚等左15mins外，坐隔離的，好多order都漏左，追左幾次都無用。服務真係麻麻。我同青檸先生比較喜歡峰壽司，所以應該短期內唔會再來。

試過幾次等唔到位，今次早到六點半去，終於有得入板長坐低試下。迴轉壽司無乜特別，係將同一款放埋一齊，前面有隻碟放個名牌介紹，起碼知道隻壽司名，有乜料就Depends la，中華卷，華爾街卷…真係理解唔到入面係乜。一路食，係有D 特點，簡單如吞拿，三文，玉子，青瓜卷真係接近無，見親都係有名堂。味道真係唔覺特別好味、特別鮮，CitySuper 自已買魚生都好過佢。係個和牛卷幾好，不過條和牛好短，同件卷一樣長，但"口甘"短都有味道就真係唔錯，收二十蚊兩件，嘩！和牛真係貴價貨啦！之後食左幾碟無乜特別就試下落Order 叫會唔會好D。兩個手卷，三文魚皮手卷D魚皮少得離奇，影幅相差D 睇唔到有魚皮，尼家野元氣就真係足料好多！鰻魚手卷就整番熱片鰻魚先放落手卷，OK好。最後都食到D 好野，就係火炙三文魚腩，香口，入口即溶，算做加番分。不過開頭俾我係無火炙，仲話係，後尾都認衰，火炙番，！咪好Law，如果唔係，就連個分都收番。落單黎錯，仲唔只一次，不過算啦。叫埋單都要叫完又叫，找錢又耐，唔怪得外面條龍長到"口甘"啦。走時又真係好似上面個食家"為食小白"話齋，有唔少空位，但外面又好長龍，可能想客人坐得鬆動D

我個人覺得板長好食過其他連鎖壽司店,用料新鮮好多同埋有些較特別既壽司; 就算只係食返普通既款, 都好好味, 佢個火炙三文魚壽司, 海鰻壽司, 三文魚子(大粒果隻?) 真係好好味, 仲有佢有我近期愛上既鏗魚!!! 可惜我去過兩三次佢都話無貨, 食唔到, 希望下次好運啦~~ 同埋佢有個燒玉子(就咁玉子)呀~ 好好味, 平時我唔食玉子架, 呢度果個真係做得好好, 好香蛋味, 同埋賣相都好靚!! 不過同前面既食家一樣, 如果唔等得就唔好黎, 因為我上次星期六六點幾黎到, 等左差唔多個半鐘先有得食, 如果唔係唔趕時間我都未必會排~~

好香呀，板長的壽司飯真係好香呀，加上魚生也算不錯，令我很願意一次又一次光顧 好香呀... 這次好香的還有隔籬位 點的海膽軍艦，明明俾人食左落肚，空氣中還是充滿海膽的鮮甜香味，真係好神奇!!! 搞到我地都好想點來吃呀。。 唔制 >__<這次午餐吃的東西不多三文魚壽司 ($9) X3客：size合理，魚生新鮮，但很香的飯團略嫌硬和易散火焰三文魚壽司 ($12) X1客：碟邊有很明顯的油沾手指模 (紋理清晰可見 -_-)，幸好無損壽司味美，三文魚又軟又嫩又香 (心)鰻魚手卷X1客 ($12)：woww，新鮮燒的鰻魚熱辣辣，紫菜又香又夠脆，飯好味更加唔駛講，配搭得很好~推介 如果上菜能上快點就更好!坐bar"木台" 不但不用茶錢，看著師傅們準備各種刺身食物，更覺得自己吃的食物都是夠新鮮、有誠意而準備的，更覺滿意 幾滿意板長的service，即係如果和旺角峰壽司相比，第一d侍應有禮貌d，第二，連入門口嗌的幾句日文都齊d，標準d (峰壽司個d完全係頹) ，咁有心train員工，有誠意，讚~唔錯唔錯，第日帶夠銀兩食好d !! YEAH

星期六黃昏六時正黎拎位, 都要等45分鐘先入到去食, 最"靈異"既地方係, 我地響玻璃窗明明見到入面有好多吉枱響度, 亦已擺好晒位, 佢地都要d客響出面等,朋友問門口個reception 點解入面有位都要客等, 佢話因為仲執緊枱(??)真係配服 Ricky san 製造人龍食店既神話果然有一手 整體黎講, d 野真係幾新鮮,好好味 又唔係好貴,但值唔值得花咁多時間去等真係見人見智

一間我和男友都超愛既日本餐廳!佢D野真係新鮮過出面好多! 而且質料很好.第一最愛: 火灸三文魚腩SUSHI第二愛: 火灸和牛SUSHI第二愛: 安康魚肝SUSHI (出面好少有得食)海膽SUSHI 真係幾新鮮我去過好多次, 次次都KEEP到水準!

11.05.2008今次你小弟第一次去"板長", "板前"就去過好多次, 因此佢哋宣傳都係話板長會正啲~~~因為老婆响九龍灣工作, 佢就話板長啲嘢好對辦, 仲話個味增湯好好味添, 搞到我成日都想去試下......本來訂咗食lunch buffet, 不過因為囝囝滿咗3歲, 食buffet計落要成9舊, 計落都幾鬼貴, 而且係lunch咋, 食其他嘢仲好, 所以改咗去淘大板長食!!可能未夠1點, 而且我住order枱, 所以好快有位, 之後用食buffet價錢嘅心態, 盡情咁叫, 叫到成枱都係, 仲俾老婆話~~~ 我最記個味增湯真係幾正, 仲有薄薄幾塊三文魚嘅下欄(魚皮同魚肉之間果層啡色嘅物體, 真係物盡其用!!), 雖然係咁, 不過幾好好味!! 果個位置係幾腥嘅, 不過又完全冇腥味, 一定落過唔少工夫!! 其他壽司都好對辦, 不過就冇我最喜歡嘅秋刀魚&赤貝, 不過有好肥美嘅响螺&天使蝦補數都好滿足!! 地方又舒適, 全家都食得好開心, 筆竟係節日裡可能食得舒適又唔係太貴, 非常滿意!!

不嬲都去食開峰 見到電視賣廣告諗住試下啦去到都等左ok耐坐左一陣就要我地調台 都算之前去過板前食瀨尿蝦天婦羅ok 想再叫但佢話冇哂!果段時間都只不過係7點幾!之後再叫其他野食 有好多樣佢都話冇!!果度又冇燒蟹柳!!都係食左三文魚蟹柳蝦天婦羅壽司仲有兩樣唔記得左..我覺峰好食好多 最起碼我想食既都有d人d樣好奇怪...唔會再去

好喜歡食火炙三文魚同魚腩食物可以.可是服務真是普通一時仲覺得好冇禮貌

本人之前只食過板前，從未試過板長，　原來除了名字的分別外，並沒有太大分別．　ｄ食物一樣咁好味！　母親第一次到這裡食也十分喜歡，特別是味噌泿，很好！最緊要她滿意！食壽司除了板前或板長，不會再去其他了．

雖然第一次感覺麻麻...(冰凍魚生飯)好似食冰咁…D飯雪到好硬服務一般, 不過冷氣超凍, 感覺好似趕客走咁….點了幾款壽司…花之戀同海謄都覺得偷工減料, 完全唔抵食..失望...應該無下次

尋晚同朋友一齊去板長，其中兩碟都幾好食：一碟係三文魚腩，一碟係貝柱，好鮮味！但我有一個迷：朋友叫左碗麵鼓湯，只見成碗湯好多油，滿佈海草，但飲落去完全冇麵鼓味之餘，兩個人都飲唔出係咩野味。呢個迷都唔知搵邊個同我解開！

我好鍾意板前, 所以順理成章黎板長試下係咪都係咁好食. 記得點左呢d食物:壽司:三文魚, 帆立貝, 鰻魚, 蝦膏蝦肉, 赤貝, 蟹棒, 象拔蚌腹, 海膽卷物:軟殼蟹卷, 紫菜蝦卷, 三文魚手卷冷食:冷烏冬鰻魚燒得好,肉質很有口感; 三文魚普通, 其他壽司就好好食, 好新鮮, 食落口感覺如剛剛捉上水咁, 尤其係海膽同赤貝!卷物都ok, 佢d紫菜好好味, 令到成件食物加分.冷烏冬彈牙, 同埋幾大碟.食得出佢同板前係有分別, 不過唔算貴, 可能我地冇叫吞拿魚啦!