丼瀛 (Closed)

地址－丼瀛觀塘駿業街56號中海日升中心1樓B號舖💋季節空運(五點)刺身盛，係主菜上場前先食返個刺身，開個靚胃先，佢個刺身盛分別有赤蝦，三文魚，油甘魚同埋鮮帶子，D刺身全部勁厚切，咬落口感豐富，赤蝦勁大隻，比埋個頭我地，裡面D膏唔講得笑，勁多，油甘魚爽口冇筋，而帶子唔會帶有雪味，做得唔錯，而最後想講係佢個主角─橫濱赤鯛，首先想講係佢個刀功真係令人讚不絕口，可以切到咁薄，透光咁，好刀法！而佢個擺盤都好有心思，以鳳凰的形式呈現，勁靚，佢配埋個柚子汁一齊食，酸酸甜甜咁，勁正。💋牛肉壽喜鍋(加烏冬)，佢呢個牛肉鍋份量都唔少，2個人食都剛好，佢個壽喜汁帶有一點甜味，配埋質素唔差的牛肉，佢D牛肉唔會話太肥，而且唔嚡，好正，而且佢D烏冬口感煙韌彈牙，食完仲有大量的蔬菜，健康之餘又飽肚，正。

今日約左朋友係APM附近工業區食日本野，去左呢間~丼瀛~食野傾下計。餐廳都幾大，好寬敞，裝橫時尚。呢度主打鋪滿滿滿刺身既丼飯外，壽司，卷物，刺身、甜品，好多野揀。茶碗蒸上枱溫笠笠，蒸蛋好滑，裏面仲有肉、姑同魚蛋，幾多料。溫室蕃茄豆腐沙律配胡麻，清新徤康，豆腐又滑又香。原隻魷魚嘩，好大條呀，燒得好香口亦保持到魷魚既彈牙。丼瀛特上築地壽司杯壽司杯好吸引，好豐富，有7款杯，入面當有多款刺身，有赤蝦、三文魚腩、芥辣八爪魚、京葱吞拿魚、帆立貝、松葉蟹蟹鉗、海膽、三文魚籽、蟹籽。海膽滑口美味；吞拿魚魚味香濃，口感飽滿；帶子刺身，爽口新鮮；三文魚腩越肥美。野菜天婦羅，有多款野菜，南瓜、紫薯、 蓮藕、冬菇、茄子同菇，天婦買做到皮薄饀靚，外脆香口，正。美味。

2022-10-17三號波同女朋友去咗觀塘食飯🌀🥢試咗人氣嘅日式料理丼瀛🍱入到餐廳環境相當大🏟裝修好有日式風格👘帶有少量萬聖節佈置🎃平日晚市，都幾爆場😱店員安排我哋坐四人座4️⃣餐廳好貼心有酒精紙巾作消毒🧻我哋點了，鵝肝和牛炒飯，168蚊碟，有嚿大鵝肝同加上大份木魚絲，係炒飯面，炒飯粒粒分明，啖啖飯入口都食到和牛，有鑊氣🦢茶碗蒸，38蚊碗，材料有菇，雞肉，名門卷，蒸得夠滑溜，有蛋味🍥帆立貝壽司，38蚊件，大大粒嘅帆立貝，而且非常鮮甜☺️松葉蟹肉蟹膏壽司，28蚊件，有蟹肉同蟹籽上飾以蟹膏，入口三重享受嘅滋味🦀花之戀壽司，26蚊件，花之戀就諗起洪天明，即時點返兩件試吓，肥美嘅三文魚，包住大量沙律醬，入口啖啖肉🍣油甘魚刺身，88蚊3片，油甘魚超厚切，入口有微微甘甜，每啖魚油香氣🐟北寄貝刺身，58蚊8片，份量好多，非常肥美，入口好爽脆🐚磯煮鮑魚，58蚊隻，餐廳用了獨特嘅磯煮方法，令鮑魚更加清爽同彈牙口感😍整體環境坐座好寬闊，坐得舒服，佈置幾有心機🫶🏻服務態度幾好，店員會不停加茶同介紹菜式☺️食物味道唔錯，有獨特煮法，會再幫襯丼瀛，試吓其他菜式🥰#丼瀛#鵝肝和牛炒飯#茶碗蒸#帆立貝壽司#松葉蟹肉蟹膏壽司

星期五約左朋友食lunch,約左起觀塘駿業街中海日升中心- 丼瀛食日本菜。原來佢每日都有兩款午餐做特價優惠，是日精選特價午餐其中之一就係唐揚炸雞定食68蚊。有味噌湯，蒸蛋，沙律，飲品，仲有小食可以揀餃子或三文魚刺身，我揀左最愛食嘅三文魚刺身炸雞份量多，又大件，低食。如果外賣自取仲低，最平嘅魚生刺身飯都只係49或59蚊，而且仲有好多其他選擇，仲可以whatapps落單好方便，絕對值得一試

第一次去丼瀛食晚飯，門口好大個💛同5201314好易認so sweet💛我地8點半去到，以為會冇乜人，點知都半滿👍🏻雲丹茶碗蒸-蛋味幾濃好滑冇蒸過龍，而且湯底幾鮮甜👍🏻北寄貝刺身-價錢合理份量亦足，北寄貝鮮甜唔腥👍🏻每塊都幾厚唔錯燒汁牛小排-嫩滑既肉質加上重牛味真係冇得輸😍個汁都好好味，成碟我地勁快咁清左🤣🤣天龍卷-招牌卷物👍🏻個造型勁有氣勢😍炸蝦都幾大隻多肉，亦都炸得啱啱好，每件卷物都好足料，配埋灸燒三文魚同三文魚籽口感超滿足❤❤❤忌廉芝士鰻魚卷-鰻魚入口即溶，加埋大大粒忌廉真係好match同邪惡，入面仲有青瓜所以完全唔覺得漏🤤右下唐揚雞軟骨-雞軟骨粒粒都大大粒，而且唔油唔會有油益味🤤🤤丼瀛推介雞皮餃子-不得不說呢個雞皮餃子有震撼到我🤩外面雞皮脆卜卜好香口，入面既肉仲好juicy，超正🤤羊肋串＋厚燒玉子-我發現佢既串燒都好出色，羊肋串唔膻亦燒得剛好唔韌👍🏻玉子蛋味夠香，而且唔乾，入面仲好滑❤❤成餐飯都食得好開心，聽住順耳既交響樂曲，職員又親切有禮❤食完仲會問你啲野食好唔好，真係好少有👍🏻證明佢地真係想越做越好想知道有咩可以改善👏🏻👏🏻總括：丼瀛食物高質，價錢相宜但份量唔少，就算大食都

🍣觀塘抵食日式料理🍱------------------------------💛三文魚腩(3切)-💵68三舊好肥美嘅三文魚腩🤩食落好新鮮🌟同埋肥瘦比例好好👍🏻💛鍋燒烏冬-💵98湯底有好濃郁嘅豬骨味🐷烏冬好煙靭🙈同埋入邊有一舊炸蝦同兩舊炸雞💓呢個配搭出乎意料地夾🤤💛甲羅燒松葉蟹肉丼-💵138飯上面有蟹肉蟹子同埋蟹膏🦀當佢哋撈埋一齊嘅時候💓好似有100隻蟹喺個口度跑緊🤩味道好鮮甜🥳💛雞皮餃子(5隻)-💵48雞皮唔會太油膩☺️入面嘅豬肉都好足夠🤩💛什錦天婦羅-💵78即叫即炸🔥炸粉唔會太厚✨食得岀食物原本嘅味道👀整體都幾好食😋💛和風豬頸肉-💵88份量都好多👍🏻用嚟送飯係一流🥳------------------------------🤤好味度：8/10🧚🏻回頭率：8/10丼瀛 (觀塘)🇭🇰觀塘駿業街56號中海日升中心1樓B號舖#觀塘#觀塘美食#天婦羅 #三文魚#蝦 #烏冬#小店 #美食 #人氣美食 #情侶好去處 #日本 #香港 #美食 #香港美食 #吃貨 #觀塘好去處 #食好西 #香港好去處 #香港美食指南 #hongkong #foodie #hkfoodie #hkig #hkfoodbl

話說今日返左workshop同Kari傾野，傾完野就緊係要搵野食啦，觀塘工廠區已經今非昔比，咩菜都有得俾你食。今日Kari想食日本菜，所以我地就去左食workshop附近既日本餐廳丼灜～坐低左之後，Kari話好口喝，所以先叫左杯柚子蜜飲，睇完memu再叫左以下野食：－ 茶碗蒸🥚－ 原條茄子🍆－ 一口豚肉🐷－ 大蔥黑豚肉🐷－ 免治雞肉棒🐥－ 築地壽司杯🍣－ 什錦天婦羅首先黎既茶碗蒸🥚，食落去唔錯，幾多料，重要料係大大份，係1啖蛋1啖料，而茶碗蒸黎講，非常不錯👍之後黎既係免治雞肉棒🐥，由於我唔太食雞既問題，成條俾左Kari食，而Kari話成條食落口好熱，個汁好正🥰，鹹道岩岩好，唔會係咁飲水🤗跟住黎既就係築地壽司杯🍣，其實擺落黎都幾震撼下😮，因為都幾大杯，重要有6杯 (連埋薑同Wasabi有7杯)，咁我就食左三文魚🐟、海膽同蔥吞拿魚腩，特別想講下海膽，食落去唔完全唔腥，配落d飯到1流，勁快食曬3杯壽司杯🤤之後黎到炸物什錦天婦羅，呢個我真心推介，因為個炸皮真係超薄👍，食落去唔油🥰，好好食，特別係茄子🍆，其他地方食落去會成口油，依到就唔會有呢個情況出現，值得1讚👍1齊黎既一口豚肉🐷同大蔥黑豚肉🐷

鍾意去觀塘食野, 因為款式多, 可以試唔同野. 今日同同事去左間好有特色的店舖食日本野. 小食叫左日本魚皮蝦餃 ($38) : 個皮炸到脆卜卜, 魚皮蝦餃夠肉汁,好好味.另外叫左個茶碗蒸 ($32): 個蒸蛋好滑, 有少少瘦肉同冬菇粒，好入味, 好LIKE 跟住唔少得丼瀛signature 十二風味 ($398): 全部食材都好新鮮, 共有12杯, 好精緻, 睇得出廚師好有心機炮製. 赤牡丹蝦大大隻, 肉質通透鮮、磯煮鮑魚食落好有驚喜, 彈牙得來又唔韌、象拔蚌同帶子都爽口鮮甜. 極推!至於壽司有海膽，芥辣八爪魚，三文魚腩，蟹膏蟹肉，油甘魚，蔥花吞拿魚腩蓉，魷魚同埋池魚. 其中最推介蟹膏蟹肉壽司, 蟹膏好香口唔腥, 三文魚腩都好好味. 已加入最愛LIST, 下次再帶朋友再食過, YEAH!!!

據聞觀塘好多好野食,今日就同老友試左個好正既日本料理. 店舖經過悉心佈置，感受到店主是個好有心和熱愛香港的人💝💖先來個茶碗蒸 ($32): 是一碗蒸滑蛋, 內藏少許冬菇粒，食落好滑，感覺好舒服同窩心🥰再來個小食: 日本魚皮蝦餃$38: 皮脆咬落卜卜聲, 第一次食炸魚皮蝦餃, 有特色又好味. 跟住壓軸出場既係丼瀛signature: 十二風味 ($398): 全部食材都好新鮮, 刺身類：赤牡丹蝦，磯煮鮑魚，象拔蚌，帶子鮑魚爽口得來又夠淋, 真係食個番尋味赤牡丹蝦好大隻, 連埋蝦膏一齊食, 有口感又回甘象拔蚌爽脆好好食帶子鮮甜可口壽司類: 海膽，芥辣八爪魚，三文魚腩，蟹膏蟹肉，油甘魚，蔥花吞拿魚腩蓉，魷魚, 池魚海膽都算大塊同新鮮, 最鍾意三文魚腩一間好有誠意的餐廳, 值得大力推介👍🏻👍🏻💯

✨丼瀛特上築地壽司杯七種唔同嘅壽司被放入透明小杯呈S字形排列，造型好特別。魚生種類繁多，包括親子三文魚腩、帆立貝、赤蝦、芥末八爪魚、蔥吞拿魚腩配海膽、松葉蟹肉蟹膏、油甘魚。✨碎三文魚松葉蟹肉卷食材新鮮，切條嘅三文魚配上松葉蟹碎同蔥碎一齊食好有層次感。✨ 木魚花炸豆腐豆腐外層沾上木魚花一同被炸至金黃色，外脆而內嫩滑，配搭十分有驚喜，點上醬汁更加令味道提升。✨雞皮餃子薄薄嘅雞皮煎得脆口，食落唔會感覺好油膩。

丼瀛 (觀塘)觀塘駿業街56號中海日升中心1樓B號舖超級驚喜嘅餐廳❤️❤️唔怪得佢OpenRice咁高評分😍😍真係好高質🥰🥰一定會再翻來食🤤🤤👍🏻1.大蒽黑豚肉($28)係我食過最好食嘅黑豚肉串燒😍😍一咬落去勁Juicy🤤肥瘦分明😋😋啲醬料完全吊起左豬肉嘅香味，而且加埋大蔥一齊食落有啲甜甜地，素曬D肉汁😋諗返都流晒口水💥評分：10/102.鹽燒雞翼($22)雞翼超級脆😍有啲黑椒同胡椒粉喺面，整得勁入味❣️💥評分：8.5/103.脆燒雞皮($21)超級脆😋而且雞油好香，咬落嘅口感有少少似雞軟骨😗不過就每啖都有重重嘅罪惡感😂💥評分：7.5/104.天龍卷 ($98)必叫❣️真係超級足料😍😍 隻蝦好大隻🤤個蝦頭蝦尾都炸咗可以食，而且仲有好多膏🦐😋😋壽司上面有啲三文魚籽✨火灸三文魚好大塊好足料 超大個🤩🤩🤩💥評分：9.5/105.加州反卷 ($48)佢比一般餐廳嘅加州反卷再大嚿啲😋而且仲有牛油果🥑味道口感都唔錯💥評分：7.5/106.丼瀛特選丼($188)完全值呢個價錢😍🤤首先佢超級足料🤤 有油甘魚、三文魚、劍魚帶子、三文魚籽、海膽等等😗佢所有刺身都好新鮮又大份😗特別要讚下嘅係佢海膽既份量好多，食落好

係觀塘日升中心成日都會搵到好多美食可能地理位置唔算太近地鐵站（但其實都唔遠🤪） 所以會搵到啲cp值比較高既食物.今次就同朋友揀左食呢間日本野😆✅食物方面… 佢有好多選擇～ 有壽司刺身之外，仲有熟食… menu亦好均真. 寫明啲野食係有幾多件✅還境乾淨企理， 枱同枱之間亦有距離，唔會覺得好迫✅用餐期間待應會斟水呀， 食完既野亦會收走.✅注意用餐時間1.5 小時喔～ 碎蔥吞拿魚腩海膽卷（4件）和風豬頸肉築地壽司杯油甘魚頭連南瓜天婦羅(3件)

唔知大家有冇呢種感覺，只要一排冇食日本菜，壽司刺身呢類，就會口痕想食下😂近排我都冇食過日本菜，有少少掛住，有日就去左呢間平民價既日本料理餐廳，一入去發現，咦，黃色商家黎，有好多立場公仔喔😳，好感度即刻upup😚坐低睇menu個陣，服務員遞上佢地既周年慶現金券$30，只要憑券並讚佢地fb專頁或者follow ig，以折實價滿$300可當$30使用一次，滿$600可使用2次，如此類堆，只限堂食，10月31日截止。係黃店道食野，係開心既，有埋現金券用仲開心呀～ ☺️大家想食日本菜個陣都可以去支持下～！✎ 季節空運(五點)刺身盛 有幾款刺身，至於係咩刺身，大家睇圖，我就唔詳講，因為有一款我唔太知🫣🤣～食落都幾新鮮，甘甜，夠冰凍～醬料似落咗西柚汁、酸酸地，都幾開胃😙✎ 吉列廣島蠔 (4隻)厚粉炸，焗住啲蠔係入面，一咬個陣入面仲係熱呼呼，剛剛好熟，爆哂啲汁出黎，啲蠔味都幾出😇✎ 芝麻雞翼(2隻) 呢個真係幾唔錯，炸到幾脆，幾香雞翼味💗✎ 加洲反卷(4件)配酸醬，材料有青瓜、蟹柳、玉子、牛油果～全部都係我鍾意食既野，食材簡單而健康，沾下酸醬，更fresh更開胃！☺️

觀塘一向都有好多美食，今次就嚟到呢間係中海日升中心裏面嘅—— 🌟丼瀛J-city🌟 @ 🌟食日本野💕餐牌選擇都好豐富，而且性價比都幾高，樣樣都好吸引好想試呀😋✨呢個10月，餐廳仲搞緊個週年慶活動🥳拎住呢張$30現金券，讚好佢哋嘅社交平台，滿$300就可以減$30🤩至到呢個月尾咋✨._.🐲｜天龍卷（4件）｜🐉呢個賣相好特別，真係成條龍嘅形狀送上枱面，好有氣勢，卷物四舊都大大件，裏面嘅餡一啲都唔少架，卷物上面有大片三文魚，裏面仲有天婦羅炸蝦肉餡料，勁滿足😋·🍣｜築地壽司杯｜🍣呢個壽司杯好正啊👍🏻每個壽司杯都有唔同嘅刺身組合，嗌一份可以食到唔同刺身嘅味道，而且壽司杯份量啱啱好，兩個人食，每人三杯，就可以食到各自鍾意食嘅刺身🥰·🎡｜串炸摩天輪｜🎡一個摩天輪有成五款唔同嘅炸物，每款都炸到金黃色，香脆可口💛我就最鐘意食佢嘅炸芝士波🧀裏面嘅芝士仲要熱辣辣有流心架😍·🍅｜溫室蕃茄豆腐沙律配胡麻醬｜🍅呢個蕃茄同豆腐都大大舊，好足料，蕃茄勁fresh配埋酸酸地嘅胡麻醬勁開胃呀👍🏻._.

同同事周不時都會嚟日升搵食，貪佢夠多餐廳同菜式選擇，呢間我哋都嚟過幾次，相對其他餐廳佢位置都幾多，有時六至八人都好輕鬆可以搵到位～lunch time嚟講時間就是金錢，所以餐廳上菜嘅速度都係非常之咁快，好快就會將每個餐都有嘅味噌湯、蒸蛋、沙律每人派一份先。另外跟餐可以選擇前菜 三文魚刺身三件又或者係炸餃子，我覺得三文魚刺身幾次都幾新鮮（可能因為流轉快🤔）今日揀咗雞扒拉麵 如果唔鍾意食拉麵亦都可以選擇食烏冬~ 仲有刺身飯 咖喱 鍋物等等選擇拉麵份量都幾大 而且都有基本嘅配菜幾有heart，照燒雞扒雞肉嫩滑 外皮都有少少位係脆嘅 不過我都係去皮為主🫣 午餐仲有飲品 八十蚊左右算非常豐富🤭