Video
2-min walk from Exit J, Tsim Sha Tsui / East Tsim Sha Tsui MTR Station
continue reading
Opening Hours
Mon - Sun
11:30 - 15:00
17:30 - 22:00
Above information is for reference only. Please check details with the restaurant.
去慶祝生日，諗住食好d，2個人食左1700蚊lunch 但價全完全唔值！首先食物質素不如預期！800多元的日本和牛 出黎的咁只是一pat肥膏 同入口即溶完全兩回事！要求更換的時候，個服務員仲問我：「你想換咩？係咁㗎喎」個上年紀的服務員態度極差！冇諗過一間高級餐廳嘅服務員係咁嘅款！ 同時餐廳亦都無隔板，同場有2枱客人隔枱大聲講嘢，d口水飛來飛去，極唔衛生。海景亦只有小部分，性價比極低，當時沒有參考其他食評，現在極度後悔。
continue reading
預訂了三點半的鐵板燒， set lunch晚餐任君選擇。 生日飯， 食豪啲晚餐鐵板燒。 因疫情關係， 鮑魚欠奉， 很多海鮮也沒有入貨。 也是可以理解的。餐廳環境不錯， 舒適。魚生尚算可以， 師傅刀功比食材更優勢。鐵板燒不錯， 但以晚飯格價來說， 只可說是中規中矩。 鐵板燒師傅廚藝不俗，但欠缺那份熱誠， 低頭齋煮。 當問及要餐巾時， 相信是管理層的人仕答覆:" set lunch是沒有的， 晚餐先有。 " 頓時對餐廳扣分， 以高級餐廳來說，給予一條餐巾也要以客人點餐來衡量。 再者， 連我的order也沒有了解就斷定我是叫set lunch， 給人白鴿眼的感覺。 曾經叱吒一時的香港鐵板燒料理先驅， 已經今非昔比。
continue reading
以往老公生日都係海外過，今年冇得去旅行，惟有留港食好啲。成日食日本野，但老公未食過日本鐵板燒，生日決定豪一豪！黎K11 Musea食哩間銀座，係因為唔過海少高級鐵板燒選擇，另外睇中有海景view，book枱有講明海景位。7:15左右黎到，在場有一枱，可惜鐵板2人餐已經話賣晒（真的嗎？），然後叫左2個一人鐵板燒餐，另外加池魚刺身同燒鰻魚。池魚刺身唔錯，比較爽口！燒鰻魚乾身薄薄的，口感一流！鐵板燒餐包前菜，鵝肝、鮑魚、和牛薄切、銀鱈魚、炒飯同甜品，鐵板燒中規中矩，唔夠熱；甜品甜而不膩，反而不錯👍最後冇影海景相，因為double window係關埋既☹️
continue reading
今日禁岩朋友放假，想搵個坐得舒服嘅地方吹下水，食個lunch，所以就揀左銀座啦。之前都黎過幾次嘅，有食過lunch，又有食過dinner。其實質素就差唔多，不過價錢就差好遠，dinner 1000-1500蚊位埋單，lunch起碼平一半，抵食好多。和風裝修，一入門口比人嘅感覺係中高級日本菜，似係去左日本食懷石料理，而且枱同枱之間距離遠，私隱度十足。朋友揀左坐窗口位，可以睇到維港海景，所以無坐鐵板燒位，唔能夠睇住師傅一邊煮一邊食。鐵板燒位有兩間房，可以望住師傅表演，都係鐵板燒嘅特色，不過房就完全無景，睇唔到海。我地揀左黑豚同埋日本和牛西冷 share 前菜有蓮藕片、蟹肉沙律、蒸蛋。蓮藕片爽脆，蒸蛋滑嘟嘟。蟹肉沙律酸酸地，好開胃，蟹肉結實有蟹鮮味，好想食完再食呀。銀鱈魚火喉岩岩好，岩岩熟保持到肉汁，又唔會一夾散晒。兩面金黃，賣相一流，配埋點海鮮嘅醬汁，好味。蝦頭好細心剝左殼方便食，又夠大隻，已經切開左幾舊，但我覺得無咩蝦嘅鮮味，而且有啲過老，太乾身。和牛西冷5成熟，目測出黎有7成熟，油脂豐富，食落口啖啖牛香味爆出黎，肉質好淋，配埋旁邊嘅竹炭鹽，吊吊味又唔會搶左牛肉味道。豚肉之前算過好正架，但今次有啲失望，太熟啦，攪到好「柴」，而且太瘦，唔夠油脂，食落唔夠香口，不過個汁ok嘅，係麻醬。漬物、麵豉湯同炒飯炒飯有啲濕，做唔到粒粒分明，而且好淡口，好單調。炒雜菜，其實係炒芽菜，夠爽口，後尾我拎左黎配炒飯，無禁「寡」。甜品有提子哈密瓜，好香甜。麻薯，太甜。紫薯布甸好味，香滑有奶香有紫薯香，又唔會太甜。之前黎過幾次覺得服務好好，上菜前都會介紹下啲菜，今次個待應讀得好快，聽唔得清楚講咩，覺得若有所失。疫市85折，其實都唔平，食物質素之前好啲，不過而家都唔係差嘅，只係呢個價錢會有更高期望。環境一流，無論餐廳裝修定係海景都一絕 ，同朋友坐下傾下計，都幾舒服。
continue reading
啱啱琴晚喺WA Theatre Restaurant食完一頓不太滿足嘅日本晚餐，今日喺K11 Musea，唔覺意嚟咗呢度試吓佢嘅午市套餐，一連寫咗兩個日本餐review。因為Walk in所以張枱要限時交還，反正都係諗住輕食快閃，所以都冇問題。餐廳環境簡約舒適，坐喺窗邊有無敵海景，藍天碧海令人心曠神怡。兩個人都唔係太肚餓，見套餐都好似好豐富，只係點左一個$750澳洲和牛薄燒鐵板餐share，但係話晒有兩個人，所以喺a la carte 揀多幾款小吃，再加多一細支sake，咁就好睇啲。食物方面，無論質素味道和份量，都有返咁上下水準，個套餐兩個人食勉強都幾夠。澳洲和牛雖然話係薄切，但係薄得來又有啲厚感，唔會薄到風都吹得起嗰隻。大蝦好靚，好有蝦味，蝦頭都𡁻埋。銀雪魚煎得剛好。天婦羅炸得唔錯，分量十足。雖然燒銀杏都幾貴，要成$200，不過份量OK，又熱又香，粒粒都好容易拉出嚟。炒飯炒得粒粒乾身香噴噴，不過就有啲奇怪，炒飯嚟先過和牛鐵板，係唯一嘅美中不足。埋單有八五折優惠，再用埋K Dollar，都幾開心。服務方面亦都冇乜問題，經理Paul好細心，好attentive。下次返嚟，會spend多啲時間，正正經經食返一餐完美嘅日本菜。😍
continue reading