銀座日本料理鉄板焼 (Closed)

去慶祝生日，諗住食好d，2個人食左1700蚊lunch 但價全完全唔值！首先食物質素不如預期！800多元的日本和牛 出黎的咁只是一pat肥膏 同入口即溶完全兩回事！要求更換的時候，個服務員仲問我：「你想換咩？係咁㗎喎」個上年紀的服務員態度極差！冇諗過一間高級餐廳嘅服務員係咁嘅款！ 同時餐廳亦都無隔板，同場有2枱客人隔枱大聲講嘢，d口水飛來飛去，極唔衛生。海景亦只有小部分，性價比極低，當時沒有參考其他食評，現在極度後悔。

預訂了三點半的鐵板燒， set lunch晚餐任君選擇。 生日飯， 食豪啲晚餐鐵板燒。 因疫情關係， 鮑魚欠奉， 很多海鮮也沒有入貨。 也是可以理解的。餐廳環境不錯， 舒適。魚生尚算可以， 師傅刀功比食材更優勢。鐵板燒不錯， 但以晚飯格價來說， 只可說是中規中矩。 鐵板燒師傅廚藝不俗，但欠缺那份熱誠， 低頭齋煮。 當問及要餐巾時， 相信是管理層的人仕答覆:" set lunch是沒有的， 晚餐先有。 " 頓時對餐廳扣分， 以高級餐廳來說，給予一條餐巾也要以客人點餐來衡量。 再者， 連我的order也沒有了解就斷定我是叫set lunch， 給人白鴿眼的感覺。 曾經叱吒一時的香港鐵板燒料理先驅， 已經今非昔比。

以往老公生日都係海外過，今年冇得去旅行，惟有留港食好啲。成日食日本野，但老公未食過日本鐵板燒，生日決定豪一豪！黎K11 Musea食哩間銀座，係因為唔過海少高級鐵板燒選擇，另外睇中有海景view，book枱有講明海景位。7:15左右黎到，在場有一枱，可惜鐵板2人餐已經話賣晒（真的嗎？），然後叫左2個一人鐵板燒餐，另外加池魚刺身同燒鰻魚。池魚刺身唔錯，比較爽口！燒鰻魚乾身薄薄的，口感一流！鐵板燒餐包前菜，鵝肝、鮑魚、和牛薄切、銀鱈魚、炒飯同甜品，鐵板燒中規中矩，唔夠熱；甜品甜而不膩，反而不錯👍最後冇影海景相，因為double window係關埋既☹️

今日禁岩朋友放假，想搵個坐得舒服嘅地方吹下水，食個lunch，所以就揀左銀座啦。之前都黎過幾次嘅，有食過lunch，又有食過dinner。其實質素就差唔多，不過價錢就差好遠，dinner 1000-1500蚊位埋單，lunch起碼平一半，抵食好多。和風裝修，一入門口比人嘅感覺係中高級日本菜，似係去左日本食懷石料理，而且枱同枱之間距離遠，私隱度十足。朋友揀左坐窗口位，可以睇到維港海景，所以無坐鐵板燒位，唔能夠睇住師傅一邊煮一邊食。鐵板燒位有兩間房，可以望住師傅表演，都係鐵板燒嘅特色，不過房就完全無景，睇唔到海。我地揀左黑豚同埋日本和牛西冷 share 前菜有蓮藕片、蟹肉沙律、蒸蛋。蓮藕片爽脆，蒸蛋滑嘟嘟。蟹肉沙律酸酸地，好開胃，蟹肉結實有蟹鮮味，好想食完再食呀。銀鱈魚火喉岩岩好，岩岩熟保持到肉汁，又唔會一夾散晒。兩面金黃，賣相一流，配埋點海鮮嘅醬汁，好味。蝦頭好細心剝左殼方便食，又夠大隻，已經切開左幾舊，但我覺得無咩蝦嘅鮮味，而且有啲過老，太乾身。和牛西冷5成熟，目測出黎有7成熟，油脂豐富，食落口啖啖牛香味爆出黎，肉質好淋，配埋旁邊嘅竹炭鹽，吊吊味又唔會搶左牛肉味道。豚肉之前算過好正架，

啱啱琴晚喺WA Theatre Restaurant食完一頓不太滿足嘅日本晚餐，今日喺K11 Musea，唔覺意嚟咗呢度試吓佢嘅午市套餐，一連寫咗兩個日本餐review。因為Walk in所以張枱要限時交還，反正都係諗住輕食快閃，所以都冇問題。餐廳環境簡約舒適，坐喺窗邊有無敵海景，藍天碧海令人心曠神怡。兩個人都唔係太肚餓，見套餐都好似好豐富，只係點左一個$750澳洲和牛薄燒鐵板餐share，但係話晒有兩個人，所以喺a la carte 揀多幾款小吃，再加多一細支sake，咁就好睇啲。食物方面，無論質素味道和份量，都有返咁上下水準，個套餐兩個人食勉強都幾夠。澳洲和牛雖然話係薄切，但係薄得來又有啲厚感，唔會薄到風都吹得起嗰隻。大蝦好靚，好有蝦味，蝦頭都𡁻埋。銀雪魚煎得剛好。天婦羅炸得唔錯，分量十足。雖然燒銀杏都幾貴，要成$200，不過份量OK，又熱又香，粒粒都好容易拉出嚟。炒飯炒得粒粒乾身香噴噴，不過就有啲奇怪，炒飯嚟先過和牛鐵板，係唯一嘅美中不足。埋單有八五折優惠，再用埋K Dollar，都幾開心。服務方面亦都冇乜問題，經理Paul好細心，好attentive。下次返嚟，會spend多啲

在尖沙咀K11 musea搵餐廳食午餐，行到MoMA開始肚餓，眼見一間和式設計的鐵板燒，二話不說就入內試試🙃環境寧靜舒適，可以放下煩惱享用😋先有前菜，共三款。酸酸甜甜，好醒胃👍🏻之後有銀鱈魚，煎過既魚皮，口感好surprise，加埋魚油，好juicy🤤接住有大蝦，熟度岩岩好，無煮過龍。最期待既和牛終於出現，簡直係入口即溶🙀好高汁呢道菜，值得一試！食完炒飯飲完湯，最後還有甜品。

第一次食懷石料理，七點幾去到冇乜人，全場得四枱人，等咗15至20分鐘左右就上菜記得有差唔多10道菜一開始前菜一碟幾樣唔同野比我地試跟住上個湯有好大塊三文魚 好鮮甜印象最深刻都係牛排同鵝肝中間上左一個燉牛肉同白蘿蔔簡簡單單但好入味刺身都好軟好新鮮 佢嘅三文魚係一流嘅最後兩道菜係一個炒飯同一個甜品整體唔錯，但炒飯同甜品冇乜驚喜服務都麻麻，侍應又唔refill水，又叫我食快D唔係啲菜會凍😂，希望服務會改進

今日去咗K11 shopping，有張$1000 couple 去食午餐，當然唔好錯過，揀左銀座日本料理鐵板燒黎到 walk in 唔使排隊可即入座有壽司 bar 枱有對住海景嘅四人枱，但reserve 咗比人book 左，今天無機會坐。午餐分為兩大類:1. 鐵板燒午市套餐，包沙律、前菜、蒸蛋、大蝦、銀雪魚、雜菜、炒飯、麵豉湯、漬物、甜品(以上10款指定菜式)，之後有3種價錢可選擇主菜。2. 壽司午市定食，包蟹籽沙律、蒸蛋、麵豉湯、漬物、甜品(以上5款指定菜式)，之後同樣有3種價錢可選擇主食。1. 壽司午市定食，蟹籽沙律，漬物。蒸蛋內有海膽，鮮甜美味，蛋亦香滑北海道刺身飯，內有帶子，牡丹蝦，海膽，三文魚，三文魚籽，松葉蟹棒。刺身整體新鮮美味，滿滿嘅刺身鋪滿飯上，超級大滿足跟住到鐵板餐出場，沙律，蒸蛋同前菜與壽司餐不一樣，有心思。銀雪魚超好食，皮脆肉嫩，熱辣辣大蝦食落超級彈牙，好新鮮黑毛豬肥厚適中，但肉質唔係好腍。仲有炒飯，野菜，麵豉湯，漬物，樣樣都好美味，性價比極高最後，兩個餐都有甜品，為豐富嘅午餐畫上完美句號

有一段時間冇寫食評相片堆積如山 清一清手機相片寫出 事隔一年 嘅第一 篇食評疫情下少咗出街食飯 不過朋友家人總要見 銀座 日本料理鐵板燒 老牌舖頭 喬遷至 k11已經光顧2次都是食晚餐 由於疫情晚餐時間 只有兩三枱 地方寬敞開揚日本菜最喜歡就是 魚生壽司所以每到一間舖頭 一定 會點選今次 一樣點選壽司 食物質素 非常好 魚生壽司新鮮 鮑魚 同埋魷魚仔係我至愛 有咬口好似啱啱喺海度 捉上來一樣 新鮮其他壽司 亦毫不遜色 服務質素 良好整體用餐 感覺良好 而且商場有免費泊車 最近都會多到商場消費小小建議 : 碗碟請保持完整無缺 畢竟 屬於中高價餐廳 這算是基本要求

1. 鐵板燒廚師很著急 不知道在趕什麼 我的肉還沒有熟 就給我吃 而且在我二次要求之下還是給我吃不熟的肉 2. 服務很差 3. 環境差 大廳有股腥味4. 另外 我們還沒有吃完 他們就把我的的碗收走 很不尊重5. 最最可怕的是 ！ 碟子上有頭髮！我吃的是 鐵板燒黑豚肉午餐set 580+1 / per person真的不知道為什麼 他們收費 地點都是高級餐廳訂位 但是服務是茶餐廳的質量！ 我第一次吃飯吃到這麼不滿意 就算浪費我時間我也要寫下這個review 希望大家不要上當受騙了

本身訂左檯食鐵板燒食生日lunch,，但當日朝早安排座位的職員突然打嚟話普通枱無位要等，但係又原本request海景要人地,轉壽司bar 檯，仲好似我地唔岩咁，激氣轉去第二度食。

行完 Moma Design Store 後，偶然發現喺隔離嘅銀座日本餐廳🍣。內裡環境不錯，剛遇着好天氣🌞，用餐嘅位置對着維港海景，環境不錯呢。🐒前菜有沙律丶一般日本前菜小食丶以及特別要一提嘅海膽蒸蛋，面層海膽很新鮮，在香港很難吃到這個味道，蒸蛋內𥚃滿滿是海膽。🤤主菜選擇刺身丼飯，有甜蝦🦐丶蟹柳🦀丶鮭魚魚卵🐟丶三文魚丶同再一次係大量海膽！全部刺身都好足料新鮮。最後甜品有香印提子🍡，超甜！😋

A new japanese restaurant opened in K11 Musea so I decided to go try. I ordered a teppanyaki pork set for $550, which included some appetisers, a main and a dessert. For appetisers, there was prawn and fish, and a small platter. Main dish : fried rice and teppanyaki pork. As for dessert there was 1 grape, 1 mochi & a small pudding. The grilled codfish tasted nice, it was the best dish in the whole meal. However, for $605... the main dishes were cold. They took a long time to come and when it fin