八月花 (Moved) New Location

jul 01, 08,3人來dinner,叫咗 : 1) 太彫玻璃蝦球 x 3-底下全部喺蒸蛋,好滑,因混有酒(可能喺花雕),所以好香醇,帶微甜,但又唔會過份濃烈,好味,食呢part都已經好滿足 -再食蝦球,都幾大隻,肉質好爽,但鮮味就1般啦2) 金牌焗蟹蓋 x 2-表面+咗d芝士grill過,所以外帶微脆同香口-下面全部都喺蟹肉+白汁,好多蟹肉因無再夾其他嘢-好味 3) 冰梅肉碎蒸茄子-個汁喺小酸甜,味道正常 4) 脆脆bb豬 (小)-ok,肉嫩,骨軟 5) 文昌雞(1/2隻-$118) -肉滑,雞味輕微-整體味道可以啦,但以價$$$嚟計就貴咗d 6) 8月花茶 (送)-有細細粒啫喱嘅花茶-味道都ok,但其1友人唔知點解話難飲??? 7) 丸子南瓜露-試咗友人幾羮,好滑因肯定+咗cream1齊煮-內有2粒湯圓,友人話喺芝麻餡 8) 苿莉焦糖蛋布甸-有2種味:苿莉同原味-2者都好滑,面層嘅burnt sugar真喺交足功課,由頭到尾都厚得平均,脆面

平時我自己比較少吃中菜, 和家人朋友聚會就例外, 所以 OR 搞中菜大激賞對我來說的確有點難度。不過要數我心目中的心水中菜了嘛, 八月花一定走唔甩。有位長輩當這裡是飯堂, 所以都來過若干次, 今次長輩做壽席設於此, 小的有幸敬陪末座, 感覺仍是相當美好。這八月花呢, 不就是美心集團旗下的主題餐廳, 主題? 不就是店的英文名 Jasmine 啦。這兒賣的是 fusion 粵菜, 裝修是紅色為主很 hip 的那種。是晚菜單：人人有特飲一杯，我選了青檸薑蜜，酸酸甜甜，好醒胃！金牌焗蟹蓋 －勁香勁 creamy，好多蟹肉，吃完即刻胃口大開。濃雞湯花膠翅－用紫砂盅盛著，賣相倍加高貴；金黃濃湯果然很濃，有花膠的膠質，甚至濃得有一點點膩的感覺，但其實整體算是不錯。琥珀碧綠炒皇帝蝦球－巨型開邊蝦球，很爽，但又不會只得個爽字而沒有味；合桃又脆又甜，是蝦球的好伴侶。瑤皇遼參伴鵝掌－鵝掌炆的化骨，肉軟滑入味，海參也做得不俗。炭燒半熟嫩牛肉沙律－沒有吃, 不過有次試過半自願地破戒吃了, 牛肉可是好嫩的呀。清蒸海星斑－其實此時大家已吃到大半飽了，沒怎麼留意條魚，火候掌握得還好，沒有柴皮。招牌炸子雞－大家食力已下

We walked around festival walk, thinking what to eat for dinner and at last we chose Jasmine. We had dinner at this restaurant for many times expecially on sunday night family gathering. The environment is very nice giving you a very comfortable feeling, and could sit and chat all night long, no probs.... We ordered chicken pot rice which we havnt ordered b4, and lucky we order it this time cos its very very good. The sauce is very tasty and the rice is a bit soft, the chicken is very good and i

好..因為呢個懷舊廣東菜..走左入去~um..呢間野環境唔錯架, 我特別鐘意佢地d餐巾,鏽晒花花上去架但係睇左menu好耐,都諗唔到食咩...aiya..最後叫左以下3個餸 :1) 三味豬 <--- 東破肉+南乳豬肉+ 炸pork chop(呢個真係推呀...個炸pork chop點d lemon 甜酸汁..正!!!!)2) 涼瓜芽菜炒旦 <-- 話係懷舊廣東菜 , 但係...真係懷舊廣東菜來架咩? 3) 玻璃蝦? <--唔係好記得個名, 幾大隻幾好味架~要叫2隻起! 4) 豬油撈飯 <--eee..唔好食..個soy sauce太黑同冇味

論款式, 賣相, 味道都唔錯! 新派中菜, 有驚喜! 略嫌份量過少, 而且卡位設計奇怪, 極難出入之餘仲要無私人空間既感覺.

通常一、兩個禮拜總會黎一次食晚飯。得出以下結論：飲品：紅桑子蜜糖茉莉花茶--- 好好味玫瑰石榴梳打--- 都好味，不過完全飲唔出有玫瑰味，如果係玩遊戲蒙住眼估食/飲緊乜，實輸。好味既野食：- 菜蓉鮮蝦羹- 釀蟹蓋(無數個「得」)- 鍋巴銀鱈魚- 鹹魚雞粒炆豆腐- 皇室牛柳- 豉油皇煎中蝦- 朝鮮醬蝦球脆麵(個麵唔脆的，但整體都好味)- 碧綠星斑球唔好味既野食：- 炸子雞- 籠仔穌薑蒸魚柳- 所有炒蛋白的菜式(叫得炒蛋白梗係想清清地，佢地就走去搵d味精湯開d蛋白黎炒，搞到完全冇蛋白，好濃，好味精，勁難食)- 甘橘脆蝦球(味道的配搭有d怪怪)- 金瑤蟹肉脆茄子- 南瓜汁蘆筍甜品：creme brulee --- 勁得的warm chocolate cake --- 得，但很膩，有人share至好叫飯後的八月花茶，我好欣賞！

又是ae白金卡不是，因為兩人有折扣，就進了八月花。時維九時多，不宜吃太多。於是點了艷影紗窗、香芋栗子油鴨腿煲，另加白飯一碗。此店茶水叫11元一位，如叫飲品可以扣除，不過也不算便宜了。白飯14元一碗，每人有一小碗。艷影紗窗是蒸竹笙包雜菇，賣相精美，味道欠奉。倒是伴碟的豆和杞子很好味。香芋栗子油鴨腿煲偏咸，香芋尤其咸，油鴨反而沒那麼咸，奇怪。服務是不錯的，畢竟是美心集團出品。不過最後忘了送上每檯皆有的飲品（真的不知道是甚麼不過很好喝﹚，要我們問才會奉上，是為最大的敗筆。如果沒有折扣，還是不要去的好，又一城還有其他食肆更有特色。

年廿九一行二人到此晚餐，第一感覺就是這兒環境不俗及寧靜，頗為適合三五知己到來飯聚。今夜到來點了：-麻醬茄瓜這個頭盤非常美味，少酸的味道令食慾增加，麻醬香茄子爽，食完一件又一件，真的不俗啊！菜蓉鮮蝦羹菜蓉蛋白花加鮮蝦，入口菜味極濃﹝我估是豆苗來的，估錯唔好罵我呢！﹞，那一只蝦不只新鮮而且非常彈牙，下次到來必點之選；炭燒半生熟牛柳伴沙律沙律是生洋蔥絲、青瓜絲、生菜、蘿白絲，以牛柳伴沙律食，雖口感爽脆，但生洋蔥絲頗辣及刺鼻，令有點兒難入口，但齋食牛柳有點兒膩口，牛柳則頗嫩但牛肉味不強，整體來說，水準一般；招牌炸子雞說是招牌菜，真令人有點兒期待，但換來的是極其失望，雞皮並不脆口，雞肉尚算嫩滑，不過部份雞肉極鹹，應是醃製不均勻所致，但真的是鹹得過份，真的較為差呢！ 不俗的環境，寬大的空間，適合三五知己到來，下次會再來試一試其他菜式的！還有一樣美中不足的，就是從店中的擺設才得知是有酒類供應的，但之前提供菜牌並無提供酒牌，而之後要求侍應提供酒牌時，侍應的反應竟然是不知有酒牌的，要向其他侍應查問才得知，可能酒類並不是此店主打供應的項目呢！

早早和roommate來到又一城，要來一頓醒神的brunch，目標很明確，就是Jasmine的雀籠點心（$138）！這裏的雀籠點心很出名，以前都有不少食家介紹，這裏就再簡單講講吧。水晶鮮蝦餃：沒有什麼特別，不過都幾好吃，蝦料要更細膩鮮滑。特大鮮蝦露筍春捲：“特大”大概只是相對其他迷你型而言吧。這是我很喜愛的一款，倒不是因為大身。蝦與露筍很搭，磨得比較細，融合的幾好，鮮美之餘又多了幾分清新；春捲皮都一點不含糊，脆脆的又很香口。蘿蔔酥餅：是我吃到的蘿蔔酥餅中最好味的。外身酥化，皮的層次感鮮明；白蘿蔔細細溶溶又熱辣辣的，口感很濕，夾著少許肉碎提味，似乎有淡淡的甜。可惜真的是太小，一小口一小口的吃都嫌太快。瑤柱翠苗餃：也是很喜歡的一款點心。瑤柱絲絲的，混合過豆苗有點特別的蔬菜清新，又是別樣的舌尖享受。搭配的原理和春捲比較相似，都別具新意與美感。鮑魚滑燒賣：本身對鮑魚與港式燒麥都不太有興趣，雖說這款燒麥已經是吃過的中最吸引的了，但依舊是一般喜歡。燒麥，當然還是要回北京吃都一處的！燕窩蛋撻：很奇怪，這是我最不喜歡的一款，大概是不懂得欣賞燕窩吧，再者也許是最後先吃的緣故，撻批已經不夠熱度亦不很酥化了

若已經厭倦了傳統的粵菜餐館, 大家不妨到這間餐廳來一個新嘗試呀!全店的佈置大致上以紅色為主, 相信是象徵著喜氣洋洋的意思吧! 雖是如此, 但其別樹一格的摩登裝潢, 郤令人感到耳目一新. 很喜歡這家餐館的佈置.其菜譜更是我最欣賞的地方. 與一般傳統粵菜餐館不同. 每一個分類之間都有一張大相分隔, 加上一些有意義的片言隻字.它就像是一本精緻的相簿一樣, 真的令人愛不釋手.八月花又名" JASMINE", 即是茉莉花的意思. 當然要品嚐一下這裡的花茶.花茶的名字也蠻特別呀! 「一見鐘情」「心心相印」! 哈...最後我揀選了「一見鐘情」. 就像我對"八月花" 的感覺一樣.透明的茶壺設計很特別, 而花茶淡淡的味道, 即使沖泡很多次仍然尚在, 我想這算是不錯的茶葉吧!這個晚上我點算了以下的菜式:爺爺栗子燴雞(HK$88)椒鹽脆豆腐(HK$40)脆脆BB 豬(HK$48)迷你桶仔飯(HK$20)其實每一道菜, 我個人都很欣賞. 欣賞廚師在烹煮每一道菜所花的心思. 精緻的賣相配搭傳統的中菜, 保留菜式原有的精髓.而其中我認為最值得向大家推介的就是迷你桶仔飯.由腩肉、元貝、北菇以及其他不知

它們的姓名我全都忘了..炸雪糕球--有三款口味的。分別為芒果味，朱古力味，雲呢拿味　第一次食過那麼外脆內冷的炸雪糕球，從前吃過的外表和口味都很差。不是炸得”火農”了，就是那些雪糕早已溶了。　這個炸雪糕球外表脆卜卜的，但仍可保持著「吃雪糕的口感」，廚師還巧妙地運用了龍鬢糖的「龍鬚絲」作點綴，兩者配合得食天衣無鑝，這款甜品是我其中一個必食之選！！！那兒的氣氛不錯，有人會嫌光線太暗，但我自己卻覺得格外有情調。

補寫12月中的一餐。　特別日子，來到八月花本只想品嚐精緻的雀籠點心，後來又被精選二人餐吸引，除點心以外還吃了很多其他東東，是頓很豐富的lunch：　首先來兩杯特飲。我揀了玫瑰石榴梳打特飲，加上玫瑰賣相十分吸引，又有陣清新石榴香氣，屬又睇得又打得的飲品，很不錯!龍要了iced latte，店方說是starbucks出品，我覺得味道不夠甜一般，不過吃中餐可以飲咖啡而非飲茶都是第一次，夠新奇~　脆脆BB豬是前菜，它亦是八月花的名菜，但我覺得可以做得更好：乳豬夠嫩夠脆又夠肥，肉質不錯，但味道有點過咸；另一方面想，伴碟的沙律菜有用了，可以清一清口腔! 　我們的焦點當然是雀籠點心。套餐的點心有四款，比原本的少了兩款點心，但內容也不少。首先試鮑魚滑燒賣，除了多一件鮑魚，味道與普通燒賣無分別；水晶鮮蝦餃也無甚特別；第二次吃特大鮮蝦露筍春卷，同樣覺得是份量取勝；幾款點心中，最喜歡肯定是燕窩蛋撻，酥皮十分鬆化，燕窩份量夠多令人滿足。其實雀籠點心始終是賣相重於味道，不過可以與龍一起重溫又的確幾高興!　花雕蟹肉蟹籽伊麵-花雕味道很淡，是噱頭多於味道，伊麵也太水又過稔，唯一值得讚是蟹肉蟹籽很多。　芥蘭-伴菜一碟

之前聽朋友講話呢度既牛柳幾有水準, 幾香幾滑, 咁早2日就同屋企人黎試下, 點知超級失望!!!3個人, 點左唔係好多菜, 有豆腐有牛柳有炸雞, 整體黎講冇一樣合格, 好多野都係完全GO BEYOND EXPECTATION. 以為會好味既野點知通通唔掂, 最可憐既係連SERVICE都唔掂. 個環境又黑坐得又唔舒服, 最重要既都係佢既SERVICE, 前菜要收15蚊佢又唔出聲, 因為我地成碟前菜冇掂過唔係咁岩食, 之後仲完全冇歉意, 連一聲SORRY都冇!MANAGER完全唔識做, 上菜上得好慢, 吹左佢地幾次都叫我等陣等陣, 前後都有半個鐘, 我諗佢地應該MISS ORDER.OVERALL咁講, 好失望, 呢個價錢呢個服務, 完全UNACCEPTABLE, 唔會再有下一次.

有親戚來香港同佢地食飯，之前未食過八月花所以試下，服務一般，待應總是在小孩位上方收碗，感覺上危險，講番食品，有炒翅/炸雞/蜜豆貴妃蚌/燒味拼盤/蟹皇翅/蒜蓉半邊龍蝦等味道一般，但飽汁炒飯炒左，南瓜奶露加好立克和奶太多食完番到屋企肚痛。整體而言，下次可以忘記佢。補充：唯一可看的地方是門口帶位上衣有點低胸，協助擺菜時能顯露一些女性美態。

11/12,因為未試過這間,所以午飯時間就去咗八月花,聽講有點心食,去到一坐低,唔知點解無人問我地飲乜茶,我地睇咗一陣,決定飲凍頂烏龍,想叫侍應開茶,發現啲侍應好似見到當見唔到咁,跟住好勉強咁應咗你,但等了很久(仲以為佢唔記得咗),之後我地又決定叫個二人,又係當見你唔到嗰種.共享自由配($218),包括:頭盆-脆脆BB豬-只有二件,比較咸.點心-水晶鮮蝦餃,鮑魚滑燒賣,特大鮮蝦春巻,燕窩蛋撻-不錯.白灼田園疏-翡翠苗,原來係大陸豆苗.飯麵-花雕蟹肉蟹子燴伊麵-都不錯,但蟹肉不多.兩杯八月花特飲-玫瑰石榴梳打及紅莓菠蘿梳打-一般.總結:食物可以,但侍應很差,可以説沒什麼服務可言,埋單時仲無端端加咗十五蚊前菜,我地睇單才知,告知侍應時,她卻冷淡回應,全沒有歉意,只係說會扣返.今餐食咗二百九十幾蚊,真係唔值,激氣!