八月花 (Moved) New Location

雜誌介紹過晚飯小菜貴(正確係價錢一般,份量極少)飲茶方面都好貴氣茶方面揀選了猴子xx觀音王($28)茶味麻麻,唔值碧螺春($16)-好飲d喎點心方面生煎包-底部煎得不夠脆,肉汁都幾多馬拉糕-唔夠鬆化,唔推介义燒腸-腸粉夠薄,不俗露荀xx春卷-露荀少得可憐,不過味道幾好XO炒蘿蔔糕-蘿蔔糕用XO醬,蛋黃,唐芹炒夠特色,不過唔好味,唔推介裝修比上手的zen靚好多服務好好(好都有點煩)唯一是要注意不好的地方是埋單鄰桌比我們先埋單,但好似計錯數到我地埋單,我只著眼有否計錯數但出左門口後,老爸話其實找少了$20給我故希望各會友在埋單及找錢時打十二分精神

八月花(Jasmine)：心心相印花茶(好飲...要豪飲...哈哈~)鮑魚燒賣(大大粒...唔算貴)豔影紗窗(竹笙豆腐羅漢齋)木瓜銀耳滑雞(雞極滑、其他料都好味)砂窩土雞菜飯(無咁咸會good d)最後..好一坏free drink八月花茶good service and excellent environment

中學同學們同我慶祝生日, 我選擇黎呢度試下, 服務唔錯, 就算我坐左好耐等friends黎齊先叫嘢都無白眼.八個人叫左:1. 脆皮BB豬- really small suckling pig, crispy skin, 豬骨也是軟的, 燒醬已塗在豬架內, 幾入味.2. 爺爺栗子雞- 椰汁香, 雞不夠多, 椰肉好味.3. 什菌扒菜苗- 菜苗非常幼嫩.4. 咕嚕肉- 馬蹄肉有層類似西米/珍珠既透明皮包住, 幾特別, 主角咕嚕肉就無乜驚喜.5. 炸豆腐粒- 唔油但唔皮, 又細碟.6. 子菜心- 無乜特別.7. 花雕蟹肉伊面- 唔覺有花雕味, 蟹肉都算多, 幾清唔錯.8. 鮑汁雞粒鍋飯- 汁香, 飯濕濕地, 如多加葱粒會更香.9. 帶子黃金炒飯- 飯粒粒分明金黃, 唔錯.10. 竹笙素菜卷- 我覺得略淡, 獻汁杰左D.11. 小食兩款(炸九肚魚幾好, 夠乾身香脆, 蝦梅素面卷, quite fresh and appetizing).最後送來一杯八月花茶, 用玻璃杯仔盛着, 有蜜糖, 苿棃花, 微暖, 面再加片mint葉, quite special tea~~ps.呢度碟頭比較細.多謝同學們

睇完戲.. 去左呢間餐\廳度試下.. 環境很不錯.. 侍應服務亦都好ok.. 食物方面.. 兩個人.. 叫了3樣野.. 皮蛋鮮子薑.. ok.. 但d子薑隻味同平時唔係好同.. 鮮菌扒菜苗.. d菇好夠味.. 很不錯..荔芋香酥鴨.. 好好食.. d鴨唔肥.. 茶方面: 叫了凍頂烏龍.. 好香.. 本人十分like飲茶的.. 唔錯~~ 但最後送既苿莉花茶我真唔太岩口味.. 都係唔鍾意d茶加糖.. 總括而言.. 味道唔錯.. 份量略為少..但我地兩個人就岩岩好...

The worst dinner ever in my 2 years in Hong Kong! Ordered 蘆筍appetizer $45... I could have made it!! Nothing special!!!Some dish with 南瓜+ 雜箘+ 軟殼蟹... horrible taste for $98. The 梅菜糯米飯... rice ok, but nothing else other than rice and 梅菜. The best thing was the tea drinks, but this place is OVERPRICED AND THE STAFF DO NOT CARE IF YOU HAVE COMPLAINTS. THEY JUST RUSH THE FOOD TO YOU, AND THEN GET YOU TO PAY AND LEAVE. SO,AS I KNOW WORD OF MOUTH IS VERY POWERFUL,八月花Jasmine is NOT WORTH THE MONEY. I onl

一行三個怕肥既OL, 一開始已經被餐牌中的多種類花茶所吸引...本來想試"心心相印" (其中一種花茶), 但侍應非常有良心地話這款花茶”好睇唔好飲”, 繼而推介了其餘兩款茉莉花茶. 很清香, 很好!點了四碟菜:香芒煙鴨胸: 冷盤, 平平無奇, 芒果未合時, 不太香甜杞子雞汁浸時蔬:選了芥lan，很新鮮雀籠點心：彷如HIGH TEA 般賣相精美的上枱, 蘿蔔絲酥餅及. 燕窩蛋撻仍然是暖暖的糯米飯配時蔬: 不太油, 糯米很乾身, “立”肉切成糯米size的小粒, 一口有不同的肉香但不會搶了飯味, 物有所值由於預計會到cova食甜品, 所以未有機會叫甜品侍應送來“八月花茶”, 淡淡的薄荷業香,確有消油膩既感覺 侍應很細心, 整晚的服務都很好!

當鴻星的水準回落, 而好彩又往往吵得吾不欲久留之, 我慶幸找到八月花.燈光不像一般酒樓的光猛, 又未至於聘珍樓般連看餐牌也有點吃力的暗, 就是恰到好處, 有如其名八月花給人一種清晨微曦之感, 舒服.與之間的距離也剛好, 讓每都有自己小小的世界. Menu更是一絕, 那是我見過最精美的一本菜譜, 根本是一本影集吧, 夾有明山秀水配有詩句印在牛油紙上的照片, 令人愛不釋手.迷你竹盆飯($18): 雖然真的很小巧迷你, 但絕不欺場. 蔥花散發奇香, 飯粒濕度適中, 每一口都能發現瑤柱的蹤影, 超讚!鮮蝦菜茸羹($38): 賣相不算吸引, 顏色略嫌綠得有點人工, 但入口的滋味令人一試難忘, 有點上頭, 趁熱喝更好.雀籠點心($128): 蝦餃, 菜苗餃, 鮑魚燒賣, 蘿蔔絲酥餅, 燕窩蛋撻和瑤柱春卷各二, 放在兩層狀似鳥籠的盛器內, 有點像high tea架.頭三款均做得十分精緻, 菜苗餃的函是露天的, 看見有瑤柱和魚子, 外形有新意, 味道不錯. 鮑魚燒賣上的一小方鮑魚很入味, 帶動了整顆燒賣的咬感. 蘿蔔絲酥餅內沒有蘿蔔絲, 只有蘿蔔茸, 有流沙感, 鮮甜得很. 春卷香口, 材料特別. 燕

尋晚老豆無啦啦話想去試, 就book 了檯去食.0係門口見到佢d 裝修打0左個突, 因為真係幾浮誇, 一d 都唔似中菜館, 唔講以為係d high-class 西餐廳. Menu 都有3 本0野(普通的, "premium" 的, 同埋甜品的), 仲要整得好靚, lap 眼望落直程似architecture 書/interior design catalogue 咁, 真係好誇好dum 本.環境好high-class 咁feel, 但d 櫈 (唔係坐卡位) 真係差d... 睇得出佢d design 係想走型格路線, 但坐得唔舒服, aiya.好... 入正題. 4 個人叫0左:- 蒜泥海老(冷盤)- 蟹肉煎蛋卷- "艷影紗窗" (竹笙卷住d 蘿蔔絲同雲耳之類的東西)- 潮式燒/鹵味3 拼(白切雞, 油雞, 鹵水豆腐+蛋)- 黃金帶子炒飯- 威士忌栗子紅棗燴牛膝- 0者0者蠔煲頭0個4 樣份量比想像中細好多, 完全係appetizer, 兩0野已經清晒-_-蒜泥海蝦d 蒜泥其實係蒜味的甜豉油, 杰撻撻的, 好濃好香, 老豆阿媽直程連伴碟的意大利瓜都食埋, 係咁蘸d 汁, 哈哈!蟹肉

我忘記頭盤叫什麼, 有4小份:半隻蝦+麵+一小片菜為之一口份量, 推介來的, 但蝦一點也不鮮爽. 沒什蝦味, 麵也沒彈性, 最差的是調味太多, 吃時只有一個味道, 味道沒層次, 口感沒層次.皇室牛柳, 要$188份, 是推介來的, 但卻最令人失望: 太多油(油浸?);吃得出牛柳的質素(質感不錯), 但調味太多完全蓋過肉味, 根本只是在吃調味. 艷影紗窗都ok, 清淡, 食物的調配都ok.紫蘇魚柳(名字其實不太記得), 都ok.小丸子多食, 根本只是不同的團子, 很多人吃還好, 我和老公兩個則吃到很悶, 因為口感一樣, 只是味道有些微不同而已, 不明為何又是推介. 茉莉燉蛋(名字不記得): 都ok啦, 但蛋不夠滑, 口感只是一般.一字記之曰:麻! 不值這個價錢.(唉! 都已經點推介啦)

另一間美心集團食肆,價錢同環境都走中高檔路線.四個人晚飯,叫左:脆皮BB 豬: 其實係乳豬,只得4件,配生蔬菜,無咩特別涼拌海蜇螺片: 螺片吾係好新鮮,有點腥,只叫海蜇可能仲好.淮山杞子花膠雞腳燉湯: 份量好夠,四人每人飲到至少2碗,少味精,上埋湯渣,好多花膠雞腳,好諗,可食埋,相當吾錯.香酥芋鴨: 吾識形容,但口感好正!蒸糯米飯伴時蔬:朋友話好味,但我就覺得一般,只係比一般炒糯米飯少油,碟時蔬只係一小碟灼菜心,無特別. 雞湯浸豆苗: 豆苗好嫩,雞湯浸好鮮味.仲有一個吾知咩蒸魚片: 魚片雖然係雪藏野,都好滑,吾腥.雖然每碟份量吾算多, 但四個人都好飽,埋單七百,都算抵. 另外呢度晚飯無分時段,可以坐幾耐都得,叫了花茶又會不斷自動幫我地添水,服務吾錯.

呢間廣州菜(聽聞)一開我巳食左餐dinner..但因為食得太少菜故不敢評論，但上星期聖誕節一家人去飲早荼，有少許意見分享...一早10 點幾巳坐無虛席，要記住book枱！但紅色假期無得book！我地無點佢地出名既雀籠點心，因為佢地係雙份但我地三個人，所以我地散叫左幾碟既點心！蛋散哇...呢個值得一試，本人一向對呢樣小食無乜好感！但一試下- 很鬆脆！一般酒樓個d又黏又稠，好似食糖咁！但呢度既糖用棉花糖個d，自己去調配...唔會太甜；唔會食其他點心無晒味！叉燒包我姊話:哇一籠叉燒包要成十幾蚊...普通既都係八蚊到！...但真係物有所值！佢地用既"面"粉係蒸"面"粉，所以食落去係好鬆軟同埋有種好似椰子味道..又無肥肉..arm晒依架d人話怕肥！我都好耐未食過咁有水準既叉燒飽！海蜇(原名巳忘記了)如果愛食濃味的人會覺得此道菜很淡！因為他們在麻油及海蜇汁都是份量適中，不同一般的酒樓給一個碟汁任您點！菜苗餃賣相ok，味道沒有太大驚喜！馬拉糕的的式式...都是沒有太大驚喜！茉莉茶味道很香，飲落又唔太濃...剛剛好...唔會越飲越澀！價錢貴少少都抵！值得一提係待應生都很好服務，沖水各樣都很快手和有禮貌

昨晚去食，佢係美心集團的。我點了：招牌炸子雞半隻芥茉炸蝦蟹肉脆茄子椒鹽炸豆腐椒鹽炸豆腐好食，同街外的很不同，極不同，我未食過這種炸豆腐，唔知點做，好好食。唔肥，好香，好滑，而且奇就奇在鬆脆，這種口感我第一次食。蟹肉脆茄子不吃不可，一定要食，唔食走寶，如入寶山空手而回，除非你口味偏濃，這個菜設計很好很夾。蟹肉是真的蟹肉，配上炸茄子，口感特出，不肥，沒有一般茄子的過滑過爛過油的情況（不會好似食鼻涕），鮮而清淡。招牌炸子雞半隻，不是雪貨，很有雞味，肉滑皮脆，不肥，做到水準，但沒有驚喜。芥苿炸蝦，菜的設計很好，是一些沾上炸粉炸的蝦，食時自行點芥苿醬，很剌激，但火可能不夠勁，炸出的效果很肥，吃一隻已頂唔著，這道菜的設計很好，很有潛力，但烹調工夫未到家，有待改進。