JK Brother’s (Closed)

15/2/2024人日+團拜+補祝1月生日朋友 ～ 選擇去佐敦嘅 JK Brothers , 之前我已經食過2、3）次，印象吾錯。之前仲有得自已喺水缸‘夾’活生生海蝦、撈蜆，不過衣家好似冇咗呢個位置。上網見佢做結業優惠，$188 per head 2.5 小時任食任飲 (另加錢任食醬油鮑魚醬油蝦，不過同行朋友麻麻哋，所以我哋冇加錢）好似話租約去到三月、四月。我哋五個人坐一張六人枱，分配咗兩個爐，所以可以揀兩個唔同鍋嘅湯底。不過其實都有啲迫夾，因為枱面唔算好大，放咗兩個爐之後真係冇乜位置，尤其係當點咗嘅嘢食一齊上嚟嘅時候。肉類嗰啲就用QR code , 跟住出邊都有啲熟食、丸類、餃子類、蔬菜自己夾。普通品牌嘅雪條雪糕都任食。Happy

係專頁見到話合約到3月，相信又一間餐廳要結業，我地都特登將軍澳出去幫襯下！其實之前幫襯過都唔差，刺身唔錯，食物中上，飲品選擇算多呢次嚟食，有好多都冇影相，因為都冇乜特別要影😅三文魚正常帶子一開四太細粒泰式生虎蝦好麻麻醬油蝦同之前一樣連殼都幾麻煩食，醬油偏甜醬油鮑魚鮑魚肉質唔太爽，都係一般以上兩樣如果食$188餐要加$30先可以任食Movenpick / HaagenDazs每位有一杯有種感覺，係想趕客嘅感覺，唔係員工出聲，係靠超強冷氣，凍到客人想走，雖然爆場，但係冷氣咁大我都唔知點坐落去，仲凍過室外。。。。

JK Brothers 講咗好多年都一直冇機會試，昨日天氣突然轉冷，又行經附近，拿拿臨上去打個一人邊爐。首先必須要讚嘅係真心抵食，晚市 150 分鐘 $149 加一，去邊度搵😂？可以揀雞煲，但我一個人，食完啲雞應該飽咗七成，所以就齋打邊爐算啦。免費湯底有九種選擇，我揀咗日式黑蒜油豚骨湯底，偏鹹。首先試下前菜同熟食，辣味螺肉現成貨正常味道，吉列炸蠔同沙嗲串燒夠熱好食，炸香蕉就有啲搞鬼，原來係炸香蕉糕😂。除咗肉類，所有食物係自取。我最欣賞佢哋嘅丸同餃款式幾特別，例如芝士流心牛丸，咖哩流心魚蛋，金沙流心鹹蛋丸，同埋韓國泡菜餃，得意之餘味道都唔錯。另外就係居然有我最愛嘅萵筍😍，唔係好多任食都有，呢個真心讚。仲有細細粒嘅炸油揚，唔淥咁熟用肥牛包住食，少少脆，好滋味。至於主菜肉類，有豬牛雞，我只叫咗肥牛同鮮牛肉，前面就一般，後者好食好多，有牛味，淥耐咗都唔會好嚡。甜品有熱辣辣嘅奶黃牛角包同流心芝士撻，兩個都好好食，前者雖然略甜但牛角包酥皮焗得超脆，後者都係偏甜但芝士味濃郁，如果唔係太飽，我會 encore。至於雪糕嘅品牌未見過，款式幾特別，我揀咗 earl grey，味道比想像中淡，又係嗰句，如果

行過去呢家餐廳，第一感覺就係人頭湧湧，門口排隊嘅人龍超級長，有種搶食米果種誇張氣氛。一旦入到去，強勢推介佢哋嘅酒類海鮮任飲，幾令人心花怒放🌸。首先，個壽喜燒湯底就係一個甜中帶鮮，但老實講，湯底太過甜味，少少膩口。不過話咁快就見到噴香茶蝦進場，個陣個人心情即刻轉晴💃，嗌咗圍醬油蝦同醬油鮑魚，實話實說，鮮到彈牙彈口，每一啖都夾帶住海水嘅鮮味，優質得滯。牛肉質素就平平，肥瘦適中，不過有咗海鮮在手，其他嘢就相形見絀。俾你個Tips，就係要注意撈海鮮嘅技巧，尤其係個啲嘅蝦，簡直活躍得黎，捉起身嚟都要小心翼翼。妙就妙在食物流轉更新得快，你伸手一撈不停翻新，碼頭現撈嘅Feel。添埋燒蝦，即燒即食，每口都係滿足到爆炸。最後，嗌杯清茶，舒服地坐低，感受下晚飯後嘅暖意。呢度絕對係個海鮮控嘅天堂🦐，下次食海鮮，必定再黎轉轉！

之前去非常好食又抵放題打邊爐估唔到食物有質素但今次再去應該已經轉左手水準嚴重下降，尤其食物方面啲刺身上枱已經唔凍打邊爐配料尤其啲蠔差左好多上次去係不停encore 架見佢樓下招牌個名唔同左，估唔到真係中伏不過職員態度就非常好總結：唔會再去

對我來講，每次同朋友打邊爐，食火鍋！很多時候都會叫肥牛，牛肉等！海鮮都會叫，但算係其次，牛肉才是主角，但到了這間任食放題！蝦！蝦才是主角！這裡的蝦是即撈即打邊爐即食，隻隻都生蝦咁跳，好新鮮呀

今晚喺尖沙咀打邊爐, 食店嘅裝修平實懷舊。放題都幾多元化, 有精美小食, 串燒, 炸蝦和雞翼, 還有芝士撻和牛角包, 還有日式刺身, 又可捉吓生蝦蒸煮, 有得食有得玩, 都幾得意。又有雪糕雪條和飲品, 唔驚打邊爐咁熱氣。壽喜燒火鍋湯底夠清甜, 火鍋食材任點, 款式都幾多。牛肉係打邊爐嘅主角, 牛肉嘅肉質唔錯, 任點任食夠盡情。還有鮮鮑魚, 肉質相當清甜, 食多啲都唔怕滯。扇貝大大隻, 肉厚又鮮甜, 日本和韓國生蠔, 肉質夠曬肥美, 食多幾轉都唔會覺腻。花魚片肉質鮮甜, 爽脆又冇骨, 呢個都幾啱食。刺身魚生都唔錯, 三文魚幾肥美, 蚌片八爪魚片夠爽脆。醬油蝦和醬油鮑魚夠曬入味, 肉質和口感都幾豐富。壓軸食番條足料芒果雪條, 食得開心又滿足。

明白生意難做，租金壓力，人手及食材等預算支出各方面都幾頭痛。 按地點，環境，整潔度，食物選擇及質素對比價錢尚算喺合理及格以上喇。我去過幾次，亦介紹朋友幫襯過。 個個都喺讚嘅。 但今日我覺得唔多得嘅喺其中1位waitress-service都頗差吓，有啲令我由心而發咁講咗粗口出黎。 唔喺叫你賣笑，但服務最基本唔可以西面。 我喺一入門口等入座開始就咁。 即喺我見到唔識嘅人就講粗口，你覺得會點呢？ 自問我客客氣氣丫。 無謂迫人問候你丫， 到時盞大家都無癮。

星期五按訂座七點準時到場，一枱客都無，深知不妙。火鍋正常水準。刺身可以話係垃圾，三文魚細細舊同埋有骨嘅，北海道帶子細隻到貝柱咁，咁孤寒就唔好做刺身任食。雖然是黃店，但沒有下次！

平日星期二晚黎到，入座率應該4至5 成左右，見到吾少食評都有分享reception 肥肥地個女 staff 態度吾好，今次親身領教過又真係所言非虛。佢全程好似嬲罷罷咁，連比menu 問我地選邊個套餐時，吾係擺低menu, 係揸住張 menu 係枱面反轉兩下，然後望住我地，好似迫我地拿拿臨咁，後期問佢拎雪糕，又係揸住張牌乜都吾講，講完要咩味之後直接擰轉身就入單，無眼神接觸咁制，所以先形容佢嬲爆爆咁。。。講返食物質素先熟身選擇吾多，所以我無試，有幾樣野我覺得係好食既：1醬油蝦[ 好爽好入味，仲要任點] 2芝士撻 [ 呢個真係好正，脆皮芝士味重，我正程覺得佢地可以拎出去賣，又係任點]3 牛肉 4 泡菜餃 5 飲品方面會推介佢地自家檸檬茶同冬瓜茶佢地環境算正常，見到有食評反映話好迫，咁可能我去個晚吾笠多客，行出行入都方便。另外佢地有sell 即場撈蝦，不過個晚d 蝦其實都無乜活力 , 任你撈任你碌，肉質都一般，醬油蝦會更佳刺身方面任食，我點三文魚多，口感都ok, 不過後期落左 2 次都甩單，問返跑場既男 staff , 佢自己拎比我地，但得兩塊。。。😂同埋湯底我選左壽喜鍋，但呢個湯底後期會愈煲

今次星期日食，訂枱17：30，枱數都係幾張，不過枱比較細，環境擠迫少少。直至我地埋單應該入座率70％左右湯底上枱後，店員即時送上一盤半殼蠔同一碗桶蠔，全部都要熟食！半殼蠔眼睇大隻，烚熟縮水好多，味道偏腥美國桶蠔大隻厚肉，重蠔味唔腥，啖啖肉每四位訂座叫M4/5澳洲和牛板腱餐都有一隻青龍蝦送，每人都至少有兩片食，肉爽鮮甜另外出面自助位有小食供應，芝士 / 蒜茸焗蠔，吉列蠔，吉列蝦同滷豬手片任食飲品除左紙包同罐裝外，仲有佢自家咖啡、奇異果藍蝶豆花、水蜜桃等，不過咖啡有啲伏！酒精類啤酒、梅酒同清酒都有得飲不醉無歸醬油蝦醬油鮑個醬油偏重甜味同埋蒜味，有人會食唔慣！鮑魚已熟，肉質同新鮮嘅爽彈有距離！蝦喺刺身，未熟，肉質係軟棉，唔係爽身，不過大大隻好過癮刺身款式多！北寄貝、赤貝、馬刀貝、帶子、三文魚、八爪魚、墨魚、榮螺。三文魚大塊新鮮，馬刀貝爽脆，帶子嫌佢切到細細粒冇口感，墨魚唔錯，其他正常美國牛唔算好肥，雪花都有啲，唔記得影嘅M4/5澳洲和牛板腱嘅雪花都係咁上下分佈，比較薄身，肉味唔濃呢個餐Movenpick任食，碎朱古力、雲呢嗱、焦糖燉蛋同特濃咖啡味，後兩者最好味另外仲有一大缸活蝦養住左可以任

是晚食JK BROTHERS 最貴晚市任食套餐17:00入場即刻點餐 環境企理食物滿意點餐後即上刺身 款式齊全 而且醬油蝦鮑魚 名牌雪糕任叫任食 活海鮮都有 肥牛質素都好對辦 出面拎的熟食焗蠔炸蠔炸蝦都幾靚仔 食落有蠔味炸得又爽脆香口甜品方面出面有puff爤米糍 不過最中意係點餐流心牛角包 即點即焗 鬆脆多餡料服務員好有耐性 好樂意解釋餐牌 又無漏單 有求必應2個人食到飽 埋單$57x，人均唔駛三百蚊性價比超高希望日後有朋友生日揀佢 可以食到生日免費

Quality service. Nice staff. Generous food portion. Delivery of food is quick. We tried beef pot last time and Japanese hotpot this time. Seafood was mediocre. There were sands in the scallop. I prefer the beef one more. Croissant with salted egg yolk filling is a must to try. Though it’s not crunchy the filling can amaze you if you are a fan of salted egg yolk. Choices of drink is impeccable from free flow plum wine and sake to tea and Korean soft drinks. Choices varied from time to time. Desse

星期六即興飯局，朋友推薦話以前食過呢間好好食，甘岩book到就去啦～～ 結果係難食到令人停晒手！真係唔識講，上枱既食物好多見到仲有冰圍住，例如明顯係急凍魷魚、急凍牛丸（咬一啖係吐番出黎）…. 中段開始我地已經係揀啲睇落會穩陣既野黎食，餃子正常既、魚皮正常，唯有狂食頂肚…同埋食菜囉，菜照理最正常，但落幾次都唔黎… 我地都灰到相都唔想影啦，大佬呀，比成$300齋食菜已經灰啦，仲要菜都唔上。真心屋企打邊爐質素都好好多，起碼啲野食一定唔會難食到吐番出黎！唔明點解仲可以爆場，定係個個都係新客被伏… anyway , 呢間店肯定係我既難食餐廳排行榜top 1！沒有之一！

兩個人打邊爐想可以任食海鮮，呢間就唔錯。佢哋除咗可以打邊爐之外，仲可以包埋刺身任食🤤。不過主打打邊爐，刺身嘅素質就相對無咁高。講返個邊爐海鮮放題，啲蠔鮑魚大大隻，勁鮮甜，真係可以食得飽先落樓。如果唔想自己煮食啲鮑魚，咁就可以試吓個醉鮑，不過個人認為略為偏甜。至於啲牛，都有返咁上下素質。