JK Brother's (Moved) New Location

前排搵下觀塘有啲咩韓國野食比我搵到依間工廈嘅韓國野食正呀！其實依間我食過3-4次嫁喇值得推介因為真係唔錯有啲仲要幾高質野食嘅水準都唔差地方大環境唔錯 幾乾淨望到廚師正為我地煮野食第一次黎食個陣見到佢樣樣野食都好吸引我同我男朋友叫左個韓日小食同埋鐵板芝士雞仲有啲石鍋飯所有野食都好高質樣樣都好好食韓日小食份量唔多每樣2-3件 但種類多 岩哂啲心大心細又想食哂咁多樣小食嘅人鐵樣芝士雞都好正啲芝士拉到好長啲員工仲好貼心驚我地唔識整幫我地整埋捲埋啲芝士落去第二第三次黎食就係食tea價錢真心抵而且夠飽肚

早兩日男友想出觀塘買野行街，於是第一時間諗起食呢間！我地已經第3次黎食架啦！店舖位於工廠大廈，夜晚上去要登記姓名，門口保安呀叔聽到5根已經知係黎食野。我次次黎都唔洗等位但坐坐下一樣會滿哂人！ 佢地會開4人位比2人坐，相當闊落！2個人叫左4樣野加杯飲品先黎係黑豚石鍋飯呢個等黎親都叫，事關佢石鍋熱騰騰，豚肉非常入味，撈埋佢啲醬汁配菜一齊食，一百分咁開胃！ 不過由於太肚餓同好香，原諒我唔記得相機食先再黎就係呢個明太子蛋卷又係黎親必點，超大份，蛋香味夠哂，即叫即整，入面好滑，仲要有唔少明太子吊下味！正呀芝士年糕呢個即炸其實都唔錯，外脆內軟，個心好煙un，芝士味好足，絕對好食過放題店食果啲！不過又未至於係店舖必食既，如果想叫小食黎飽肚都可以考慮下！最後一款食物獨島之戰其實姐係小食拼盤，比較少人叫，等得耐，雖然佢即整，不過味道就一般般啦，大家叫返佢啲招牌菜就會接木食好多！呢杯叫秋天的童話其實佢係柚子沙冰配雪碧黎既，好大杯，50幾蚊夠哂兩個人飲，柚子味好足，推介！間舖頭仲有好多唔同既炸雞同鍋，兩個人未能夠一次試哂！但總結而言，佢啲野食一啲都唔貴，款式多又即整，十分推介，我會再黎繼續試唔同野食！

自從轉咗在觀塘工作，經常響觀塘捐窿捐啦搵好嘢食，前幾日lunch同同事去咗工廈樓上一間韓國餐廳，覺得真係好值得推薦比大家😋👍 呢間餐廳叫做JK brother’s， 雖然佢喺工廈樓上，但係響開源道一啲都唔難搵，入到去就會發現別有洞天，點樣工廈開咗一間咁有特色嘅韓國餐廳，環境好舒適，樓底又够高，裝修都好別緻，完全好難想像這是一間開響工廠大廈樓上的隱世餐廳。😋 雖然佢隱世，但係一到lunch時間都已經坐滿人，好彩我哋一行10人book咗枱，唔係都幾難搵位🙈見到佢嘅午餐雖然價錢唔係話特別平，套餐大概五十幾蚊至到九十幾蚊不等，我見到旁邊嘅人枱上嘅食物賣相同份量都好吸引，深信呢個價錢係值得一試！其實我心大心細咩都想試最後我揀咗個原條鰻魚飯($78)另外加$10配兩件炸雞，飲品我要罐裝coke zero。大概等左10分鐘就上枱上菜，速度都算快，原條鰻魚大大條一開二夠肥美，飯底重加左香甜嘅鰻魚汁，不過成個飯真係得鰻魚同白飯再加兩片酸蘿蔔有啲寡，我同同事都覺得佢可以加啲菜或者煎蛋絲，咁成件事就豐富啲唔同晒😆不過都算幾好食！雖然$78都幾貴，可能鰻魚成本貴掛，不過間唔中豪下都OK啦。炸雞都做到外脆內嫩，

朋友生日，主角想食韓國菜，就搵左呢間黎試下，店內以長木桌椅既簡潔設計，可能係星期一關係，客人唔算多，所以都幾寬敞同幾好坐，唯獨是木椅冇得靠背對我呢d 無脊椎動物係有少少不便黎韓國餐廳指定動作一定係點炸雞叫左二款炸雞，蜜糖牛油炸雞同柚子蜜炸雞各半份，但其實我覺得味道分別不大，只係蜜牛油炸雞外面比柚子炸雞較乾身，而柚子炸雞比較甜，總括黎講都係好食既，入面雞肉都juice 既～之後叫左個小食拼盤同步隊鍋，小食拼盤麻麻地，塊豬扒太dry...又"鞋",不推介。。。個步隊鍋煲左勁耐都冇起息。。。泉眼仔都見唔到。。。不誇張，真係等左半個鐘，同店員反映過，佢地話係咁喎。。。但味道係唔差既，份量都ok~價錢唔算貴，但唔會有令我再幫襯既衝動

本身想食日本菜，但揾揾下，揾到依間餐廳，因為有日式咖哩飯，但最後揀佐韓國菜黎食😹上菜上得都算快！芝士蛋卷，一切流出芝士呀👍🏻👍🏻👍🏻👍🏻芝士高麗醬烤雞，仲要冇骨，好芝士，好好味高麗醬，好味，仲要被濃濃芝士包圍住，真係好好味！芝士拉到高過我呀😍仲叫佐個芝士熔岩蛋漿炒飯！好多芝士，好足料，但炒飯唔算辣，不過係好味既😋😋😋總結係好開心可以揾到間好味，又唔太貴既餐廳😋😋😋鍾意芝士既人，可以一試👍🏻

朋友轉左係觀塘返工， 所以我地多左係觀塘搵食～😏 今次佢帶左我去一間韓國🇰🇷餐廳「JK Brother's 」。 餐廳裝潢呈懷舊工業風， 大大的木桌椅，一大班人黎食都得， 坐得挺舒適。 芝士高麗醬烤雞（$68） 原價$168，現在以限定價$68就可以食到這道芝士烤雞，好抵喎！😳 烤雞可以揀有骨或無骨， 我地係懶人梗係揀無骨啦！😂 烤雞連gas爐一齊上枱好大排場！ 即場熱熔芝士🧀， 然後店員便把熱熔芝士包住烤雞， 嘩，好多芝士呀！😍 烤雞嫩滑多汁，無骨啖啖肉， 墊底下還有年糕， 加上高麗醬香甜美味，味道相當不錯！ 自家製芝士蛋卷（$46） 唔好睇佢外表平平無奇，其實暗藏玄機！ 裏面有超多芝士， 切開蛋卷，流心芝士便緩緩地流出來，😍 蛋卷外皮煎得香口，內裏保持嫩滑， 好邪悪嘅蛋卷呀，必試！😋 海鮮煎餅（$58） 煎餅鬆軟， 裏面有不少海鮮如魷魚、蝦等， 還有不少菜蔬，增添了不少口感， 面頭再配上酸辣開胃嘅泡菜，不錯吃！ 小編最鐘意食卡邦尼年糕（$62） 所以一見到就馬上點了！☺️ 濃厚嘅忌廉醬汁， 加上芝士和香口煙肉， 年糕煙韌有嚼勁，掛汁得很， 是最完美嘅組合呀！😋

聽聞觀塘區工廈都好多隱世餐廳，今日就黎到位於豐利中心5／F嘅 JK Brother's。行去餐廳門口沿途有好多海報推介，一睇就知主打日式食物。咖喱日式炸雞飯 $68首先完全感受唔到’’日式’’，咖哩好水汪汪，味道唔辣又唔甜。可讚之處係炸雞份量幾多，旁邊嘅菜有伴醋。呢個價錢有呢個份量，味道就唔要求咁多。阿豬媽韓醬豆腐沙律 $56如果改過個名可以就咁叫豆腐沙律，唔講都唔知原來係韓醬，普通不過不失，份量大碟可兩人share。原味炸雞半份 $98 （7件）多款醬汁口味選擇，揀咗蜜糖芥茉醬同黑松露醬。唔講都唔知自己食緊咩味，醬汁好稀好淡水汪汪。揀無骨雞的話其實同日式咖喱飯雞飯嘅雞一樣，炸粉又多又厚，真正食到嘅雞好少。如果仲要額外加$10 多款醬汁就認真好唔抵。寧願拎$98 去某大型連鎖快餐店買N 隻雞翼食好過！

最近工廈愈嚟愈有意思又開一間韓食芝士高麗醬烤雞試試個拉絲炸雞加拉絲係無敵嘅鐵鏟加火水爐上，芝士捲住無骨烤雞塊，高麗醬其實就是韓式辣醬，你芝士配辣味無骨炸雞蛋黃醬，芥末醬D醬不得了無骨啖啖肉天國的豬蹄天國的階梯個fd豆腐和泡菜伴碟， 豬蹄煮得好入味，食落去果然好香，豬蹄肉嫩，好爽口，感覺自己吸收咗好多骨膠原芝士火山飯店員會幫客人攪勻飯同芝士，食起嚟啖啖泡菜和芝士，超好味胡麻雞肉水冷麵加入三片雪梨片迅間覺得好清新清爽出奇地勁配合雞肉水冷麵

朋友喺觀塘區番工，所以夜晚去咗JK Brother's食野。因為朋友熟觀塘，所以搵咗一陣就搵到。不過樓下管理員要登記身分證至比上去，感覺唔太好，都係食餐飯姐，點解要登記個人資料？呢個芝士高麗醬烤雞限定價$68，好抵食所以試咗，冇諗到成餐最好食既係佢，雞塊外脆內嫩，配上拉絲芝士，yummy yummy 明太子蛋卷份量唔細，但失望既係切開後發現只有中間兩件係有明太子，其餘四件都係得ｄ蛋。最最最伏係呢個韓牛嫩豆腐鍋，個湯底一ｄ鮮味都冇，仲要加咗好多味精，要不停飲野解渴。

觀塘工廈的美食真的多到數不清，這天朋友帶我到了這間主打韓日料理的 JK Brother’s。餐廳的裝潢設計蠻有特色，桌子之間的空間足夠，環境算不錯，只是音樂聲浪略嫌高了一點。博多明太子蛋卷 $46蛋卷很大份，上面有美味蛋黃醬，算煎得剛好，不會太老太乾。內裡的明太子餡量很多，味道微辛但略鹹，和沒有明太多的部分一起吃會更好。韓風柚子炸雞 半份$98/一份$158炸雞可選有骨或無骨，可能因炸醬很薄，本身亦沒有炸到很脆，加上淋上大量的柚子醬汁，外層偏軟身沒有很脆，而內裡的雞肉非常嫩滑，加上酸酸甜甜的柚子醬汁，整體甜而不膩很好吃。獨島之戰 $98這個大堆拼盤包括了吉列豬扒、香辣雞翼、八爪魚丸、韓式豬蹄肉及餐肉煎蛋壽司，份量絕對不少。吉列豬扒外層炸得頗香脆，但豬扒略嫌有點乾。香辣雞翼皮層味道甜中帶微辣，雞肉嫩滑juicy ，好味道。八爪魚丸沒什麼特別，味道不過不失。韓式豬蹄肉皮層脂肪不少，入口軟滑煙韌，肉的部分亦不太鹹。餐肉煎蛋壽司看似普通的食材，讓我想起了沖繩的餐蛋飯團，雖不是絕品美食，配搭卻是十分適合。森巴皇后 瓶$78/杯$58其實是菠蘿加檸檬特飲，檸檬的酸甜加上菠蘿的香甜，味道酸酸甜甜亦不

成日係官糖尋找好西今次試下韓國小店門面幾靚估唔到大廈入面都可以靚到好似地舖咁入面幾靚幾寛落佢係長枱長椅 有種入左韓國飯堂既感覺而且有不少情侶來拍拖豬骨濃湯海鮮烏冬2大隻大蝦 仲有青口，帶子，魷魚 大路既海鮮都齊曬睇落湯底都好似好濃咁烏冬係煙un個種係我中意既烏冬類型 濃湯底適合中意濃味既人士芝士高麗菜烤雞大大件雞件仲要無骨 名副其實啖啖肉上枱之後待應會幫我地卷雞件拉絲既芝士份量不俗 而目服務好體貼仲要keep住熱辣辣完成品兩個人食非常夠又非常滿足叫呢個同少少小食已經好夠豚肉辣炒年糕年糕少少辣又少少咸 仲有洋蔥去點錣 還是不錯的豬肉幾軟糯黑白森林(凍朱古力）情陷萊茵河(乳酪沙冰）佢地既飲品係非常大杯既兩個人兩杯好似太多了 感覺幾抵飲

今日去開駱駝漆買野，諗起一直都想試下哩座工廈嘅餐廳，就入佐哩間主打日韓料理既JK Brother’s 食個Lunch！Lunch set 總共有10個選擇，款式都幾多元化！（例如刺身飯、豆腐鍋、鰻魚飯、炸雞等）⭐️八爪魚北寄貝墨魚刺身飯（$68）套餐已連飲品，刺身飯份量足料魚生亦尚算新鮮，整體不過不失，以哩個價位，都幾抵食！餐廳環境幾寬敞，每枱之間唔會好迫。唯一缺點⋯ 因為餐廳採用開放式廚房，油煙會相對比較大！

各位，又係我啦。都有一段時間都沒有寫評語啦。眼見要到觀塘尋找Party Room，就順便找好食處啦。不過首次在觀塘工業區尋找好食處。邊不斷參觀Party Rokm亦邊不斷找，終於搵到一間啦。為什麼會找這間呢？這就是因為它的名字叫JK Brother's。見店舖名稱咁吸引，就一賞它啦。首先翻開menu，才知道它是一個韓式餐廳。至於menu上的價錢不太算吸引。不過從未在港食過韓式料理，就不理價錢去享受美食啦首先揀咗杯飲品，這就是葡萄園之戀。炎炎夏日，選擇它是明智選擇，既香氣十分，亦能降溫。再者飯前小食就選擇了無骨芝士高麗醬烤雞。Menu 上寫帶辣，開頭都擔心會很辣，但食落又不差，唔辣又好味，而且芝士味十分濃郁，雞肉沒有任何雪味。到主菜，就選擇了黑豚大聯盟追加辛辣麵。初頭擔心會否配菜太多呢，但菜到檯後又不是，配菜與肉各佔一半，唔太覺得呃錢。仲有味道很好。而且份量十分大，如果2人進食而又小食量的人食完芝士高麗醬烤雞後再食呢個大聯盟，肯定不需要額外追加辛辣麵。因真的很飽肚。

各位，又係我啦。都有一段時間都沒有寫評語啦。眼見要參觀觀超3區嘅Party Room，就繼續尋找好食處。首次在觀塘工業區尋找好食處，都有一點難處。於是邊不斷參觀Party Room邊不斷找，終於搵到一間啦。為什麼會找這間呢？這就是因為它的名字叫JK Brother's。見到店舖名稱咁吸引，就一賞工業區的特色食店啦。首先翻開menu，才知道是一個韓式餐廳，不過覺得價錢唔太平，因要加一服務費。首先揀咗飲品-葡萄園之戀。炎炎夏日，選擇它是明智選擇，既香味十足，亦能解渴降溫。再者飯前小食就選擇了無骨芝士高麗醬烤雞。Menu 上寫有辣椒，開頭都擔心會很辣，但食落又不差，唔辣又好味。加上雞肉沒有雪味，亦保持爽彈感覺。到主菜，就選擇了黑豚大聯盟追加辛辣麵。當初都怕配菜多過肉，但主角到檯後又不是，配菜與肉各佔一半，唔太覺得呃錢。仲有味道很好。黑豚肉入口嫩滑既不老及不韌。如果是2人食加進食量少的人先食了芝士高麗醬烤雞的話，相信不需要追加辛辣麵。因為大聯盟份量很大。最後我覺得該餐廳很用心烹調每一道菜式，相信它可以做下去。

▫芝士高麗醬烤雞 (HKD 68)連GAS爐一齊上枱造形好得意，又可以即場加熱，店員將融化左嘅芝士圈呀圈😻，勁多芝士包住烤雞🧀，雖然係烤雞，但都好脆同嫩滑！而且咬落啖啖肉，底下仲有好多年糕tim~⠀▫黑豚大聯盟 (HKD 198)岩哂食肉獸呀，因為真係勁大份同勁多肉，好豐富，有豬手/豬腸/豬肉/金針/菜，另外我地再追加左辛辣麵 (+HKD 12)，整體上味道都唔錯既，不過就咸左少少啦，我地最後加左熱水落去，同埋要飲好多杯水。▫️menu