JK Brother's (Moved) New Location

今日下午茶時間去了呢一間位於工業區嘅樓上鋪韓式料理，走進店內已聞到陣陣蒜香！地方頗為寬敞，十分適合同朋友聚會。原條蒲燒鰻魚飯：大大條鰻魚加上大量芝麻，十分香口，鰻魚甘香爽口彈牙，啲醬汁又惹味，如果加埋我嘅摯愛山椒粉就是完美了！安格斯肉眼扒肉味十足，但稍為熟左啲，配埋白飯、沙律菜，仲有餐飲！調味五花肉餐就配紫菜飯團和沙律菜餐飲。最後，跟餐加＄9仲可以加配北海道3.7牛乳奶凍奶味香濃幼滑，蔗渣咁嘅價錢，milk top 咁嘅味道。係重口味嘅餐後吃這個甜點，倍覺幸福！後記：呢到既泡菜真係一流，好食到食曬先記得想影相！

每次去開觀塘都一定會去開源道一帶既工廠大廈覓食，選擇多之餘又平靚正呢日就去左呢間日韓Fusion既Cafe食晏～其實係衝住眾人推介既芝士高麗醬烤雞而黎～但原來晚市先有好彩職員都肯俾我地嗌黎，但注意呢道菜要照正價收加一既。芝士玉子燒蛋卷份量大，但略嫌煮耐左少少，唔夠滑；芝士落足料、毫不吝惜，一切開滿滿既芝心湧出黎，每一啖都係鹹香麵豉豬軟骨伴岩漿炒飯炒飯以鐵板上，新鮮熱辣，炒飯用芝士同泡菜汁炒，味道偏辣，幾香口惹味，旁邊亦有泡菜可以拌飯；豬軟骨夠大件同入味，但骨位仲可以再熬耐啲，同埋感覺同韓式炒飯唔算話太夾。日式咖哩吉烈豬扒飯 豬扒炸得香脆，肉質結質，咖哩帶辛辣，亦有唔少薯仔同蘿蔔等配料，有口感，拌飯一流；旁邊有沙律菜作伴碟，食完濃味野可以解下膩秋天的童話 好大杯可以兩至三人share，味道偏甜，柚子味幾重，夏天飲幾解渴。芝士高麗醬烤雞 無諗過會連gas爐一齊上枱，即刻喺客人面前加熱整溶啲芝士！見到店員為炸雞卷上厚厚既芝士，當堂流哂口水份量幾多，有七至八件，皮脆肉嫩，夠入味，每啖都食到高麗醬既甜味；底下仲有辣炒年糕，食食下都幾辣，配埋芝士，兩個人食既話嗌兩份都夠飽！下午茶嗌左咁多野都係三百

今次去咗一間位於觀塘既日韓餐廳，以食物質素好同份量多尼講，價錢算超值，試咗一個芝士蛋漿飯，店員服務好好咁係我面前幫我淋蛋漿同芝士並幫我撈混啲飯，睇住佢整好吸引，芝士份量超多！出面加錢都唔會有咁多芝士，而尼個飯只係五十四蚊，份量都好多，出面食肯定唔止尼個價錢，仲送埋飲品，好抵食。然後試咗個炸雞，炸粉份量剛好，啖啖肉無骨，而且炸得好食，放咗好耐都唔會淋，最後試咗個自家製360牛奶布甸，好重牛奶味，甜得尼唔膩又夠香滑，只係9蚊就有得食。個到野食平得尼份量多同高質素，簡直係平民恩物，一個飯已經可以食到好飽，配料亦都唔慳，我朋友叫咗個饅魚飯啲配料都好多種，兩個人叫咗二百蚊左右野食根本飽到食唔晒，服務好好但重點係唔收加一費用，環境好好坐得好舒服，絕對值得一試再試。

上次去完啟德郵輪碼頭影相👩🏼‍🎓之後就去左觀塘嘅JK BROTHER’s 食餐好估唔到工廈都有韓國菜😍先黎個蜜糖牛油炸雞 ($98)甜得黎又咸咸地 同炸雞味道幾match最緊要係佢係無骨炸雞 真係啖啖肉架🤤之後要左個鐵板香蔥海鮮拌飯 ($78)由於朋友仔唔食得辣 要左小辣店員會幫我地即刻撈匀佢 熱辣辣架海鮮份量正常 但飯嘅味道略嫌淡左少少最後要左個芝味炸彈 ($56)一層層煙肉包住芝士同蛋 好特別切開嘅時候仲有蛋白流出黎🙀至於杯野飲星光少女 ($58) 堅大杯係士多啤梨加檸檬 兩個人share飲岩岩好🍓________________________裝修環境：✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

工廈發現穩世勁抵食平價韓國菜😋 觀塘工廠區真係有唔小美食，今日經同事推介來到呢間餐廳食韓國菜。店入面既座位都幾多，我地七點半入座，而且愈食愈多人。餐牌中食物選擇其多，而且價錢相對尖沙咀既韓國街都合理得多。其中芝士高麗醬烤雞真係大推介👍🏻👍🏻👍🏻好抵食，有得揀無骨或者有骨，有成八件雞，而且入面勁多芝士，仲有年糕。個高麗醬好好食真係，咬落勁多芝士😋😋。雞都烤得岩岩好，好嫩滑👍🏻成個配答好惹味😋$68必點之選。我地兩個女仔左個韓式步兵鍋，$138開頭以為會唔夠食，諗住叫多個石頭飯，因為預佢係一人鍋既份量咁上下，點知來到的時候真係呆一呆，因為個鍋既size竟然係平時任飲任食火鍋咁既size。而火鍋入面既料都幾豐富下，其實可以夠三個人食飽😂有金茹，冬茹，腸仔幾條，午餐肉四至五塊，蛋，娃娃菜，仲有d一大塊唔知叫咩，不過幾好食，仲有泡麵，而且份量唔小。湯底辣辣地好過癮，個麵岩岩好吸哂湯底既味，好入味。而入面既配料都相當爽到湯底既味🤤🤤好正，覺得呢個鍋勁抵食。自家製泡菜真係必點，因為醃製得多入味同夠凍，做前菜完全係無得輸，食完開胃哂，有得揀$35 /500g同$16小份量，呢個價錢好平民，我地點左個小

去完韓國返黎之後，都好耐無食過韓國野啦!今次就去左觀塘既JK BROTHER's 食飯!餐廳門口貼左好多美食既Poster，好吸晴呀!店內既環境都唔錯, d枱又夠大張! 2個人都可以坐4人枱,所以好舒服!呢道既食物好多選擇，炸雞、鍋物、鐵板、燒肉、pizza......乜都想試呀!但可惜2個女仔食唔得多!我地叫左個自家制芝士蛋卷、韓牛嫩豆腐鍋、無骨蜜糖牛油炸雞!鋪滿沙律醬既芝士蛋卷，一切開 香濃既芝士流哂出黎!個蛋卷煮得好軟熟 仲有每一啖都有好多芝士既感覺真係好正!!無骨蜜糖牛油炸雞(半份)雞皮唔係炸得好脆口，但雞肉嫰滑多汁，仲食到甜甜地既蜜糖味!大家值得一試呀!之後黎既係個韓牛嫩豆腐鍋， 無諗過咁大個，一個鍋應該夠4個人食!兩個人食好似有d多得濟呀!加上呢個牛肉鍋好足料，豆腐都勁多，仲有娃娃菜、金菇、栗米等等。但可惜牛肉有d肥!但整體黎講都ok，因為有大量既菜!淨係食呢個豆腐鍋都夠飽!最後，我地仲叫左邂逅首爾&伊甸園的禁果！

這裏雖然是工厦，但是門口的招牌已經非常吸引，裏面裝修整潔乾淨，是一間不錯的工厦餐廳 天國的豬蹄看到這到名字特別的菜式，而且我又特別喜歡吃膠質重的食物，所以就點了來吃。以這個價錢來說，豬蹄分量十足，而且每一塊都是有皮有肉，豬蹄煮得非常軟諗，但是非常入味，膠質重外皮有彈性，是一道好吃的豬蹄。而且旁邊伴上了豆腐去解膩，非常貼心。胡麻雞肉水冷麵雞肉又是一貫的分量十足，而且上邊令人驚喜的還有三片雪梨冰，在這個炎熱的夏天吃這個冷麵特別透心涼。這個冷麵沒有過多的調味，只有湯底淡淡的泡菜味，配上上面甜甜的雪梨冰，非常清新。芝士果醋醬烤雞又是性價比非常高的一道菜，上菜的時候我們都嚇了一跳。雞件以鐵板上桌，然後侍應會過來幫忙把芝士煮溶，再用芝士包着雞，然後這道菜式便完成了。這個雞一定要趁熱吃，炸雞的醬料微辣，非常惹未，配上芝士和年糕，是一道非常邪惡的炸雞菜式。工廈的餐廳往往給人驚喜，給人一種家庭溫暖的感覺，這種小資餐廳，我們一定要支持一下。

多謝朋友介紹，先知原來觀塘居工廈有間咁平靚正既韓國餐廳。阿媽依排一放工就煲番陳年既韓劇，除左沈迷小鮮肉😆，佢對韓國菜愈黎愈有興趣。 佢今晚唔肯煮飯，要我帶佢試韓國炸雞😂。 -上完興趣班，約左媽18:30 係APM等，沿開源道直行，10 分鐘內到。 餐廳位於豐利中心5樓，一出lift 門，就見到貼了數張介紹食物既Posters。 -餐廳環境裝修簡約寬敞餐牌多選擇，而且價錢唔貴點左好幾款食物-先黎自家制泡菜$16用酸酸辣辣既泡菜做前菜，特別開胃。而且泡菜係好有益既健康食品媽是第一次吃泡菜，愛上了而且份量頗多，抵食呢-石鍋豆腐沙律 $52除左開胃既泡菜，天氣炎熱用冷盤沙律做前菜依份沙律大大盤，價錢實惠沙律菜新鮮, 有爽口既蟹籽沙律菜底下有白雪雪既滑豆腐，有淡淡豆香沙律醬適中，不會過多拌勻來吃，很fresh 既口感-主角邪惡既炸雞🍗登場了叫左半份原味炸雞（無骨）$98 配酸辣醬+黑松露醬無骨啖啖肉❗️正❗️即叫即炸，熱辣辣皮夠脆雞肉夠嫩夠滑，帶甜味原汁原味食都唔錯點埋醬汁，另類風味-鐵板香蔥海鮮拌飯 $78挺有驚喜呢職員拎個爐黎即場加熱，為我們拌飯炒呀炒呀 香噴噴海鮮份量都多呀 有蝦🦐，魷魚🦑，青

近排朋友學人走去報左韓文班，又迷上左韓星真係有啲唔適應。韓風吹左咁耐依家先黎沉迷真係諗佢唔明。不過佢鐘意左就幫下佢啦，放工跟佢過左黎觀塘呢度，食返個韓式烤雞做下韓國人。坐底先點左個雞翼醫肚先，味道都唔錯咬落香口。作為前菜小食恰到好處。再黎點左個石鍋飯，一送上枱滋滋作響嘅熱石同飯焦接觸，視覺／味覺／聽覺三重享受。因為都肚餓嘅關係，朋友將石鍋飯撈勻後已急不及待裝返碗。雖然入口仲係好熱辣辣，但香味十分誘人而且個飯焦又夠，食落口感唔錯。豬肉同洋蔥都好入味加上微辣味道，就算邊食邊流汗都食左兩碗先收口。因為食嘅野都辣所以點左瓶士多啤梨特飲，味道偏甜帶酸用黎解辣同消暑就啱啱好。而且分量夠晒多，我地食完成餐都仲有剩可以慢慢飲傾下偈，非常抵飲。跟住就到主角，芝士果醋烤雞。店員先送上枱俾我地手機食先，再拎過隔離枱幫我地加熱。目的係等鋪底嘅芝士加熱融化，同埋保持熱度。唔使一陣間，完成品已上枱，香噴噴嘅芝士味同烤醬味真係無得輸。芝士個量又多將每一件雞都包得滿滿的雞肉食落嫩滑唔乾身，包裹嘅粉薄薄的但好吸味。雖然係有三粒辣椒嘅辣度，但個果醋醬中和左不少，就算連埋芝士食都唔太覺得油膩。而且個年糕夠煙韌，食埋真係好滿

這天跟朋友在駱駝漆閒逛一些小店。時間也不早便找找附近有什麼好吃...跟偽韓的朋友出街最好選擇就是韓式食物...找找看...才發現JK BROTHER’s是呢區既韓式工廈餐廳！當然要一試究竟。一打開lift門,大大隻JK Brother's燈牌巳看到，很容易找餐廳的裝横以深、沉色的木塊為主，有一點和風味，而且還有分室外和室內坐位可選。現在是夏天，怕熱...所以我們選了室內坐。但不怕熱的朋友可選露天位置～地方夠晒大牆上貼滿大大小小推介既特色食物。服務員也跟我們落力推介呢餐牌很多選擇，多數以韓日式為主我們order了芝士果醋醬烤雞……韓式步兵鍋……森巴皇后Order後服務員就好有禮咁拎水比我哋❕❕芝士果醋醬烤雞 $168 to $68是服務員極力推薦的，而且有專人為您服務。服務員會先加熱鐵盤然後等芝士慢慢溶掉後把每件雞塊都均衡地塗上芝士，這畫面睇見都流晒口水🤤沾有果醋的烤雞剛開始吃一口，挺辣的！但當食到喉嚨後又帶有甜酸甜酸的味道，很是特別。配上芝士實在是十級邪惡！果醋同芝士完來係咁夾～唔試唔知呀熄火時芝士還在稍微沸騰...可以繼續拉絲...haha..這個步驟很難抗拒的呢道菜仲做緊特價超抵食

近日有foodie朋友介紹這家位於觀塘工廈的新派韓菜餐廳。今天相約愛好韓國菜的朋友一同前往試試看。餐廳的位置都幾就腳，在觀塘地鐵站行六分鐘左右便抵達。餐廳裝修整理整潔，感覺年輕別緻，正好有人在慶祝生曰，十分熱鬧。這兒的餐點和傳統的韓國菜有點不同，是新派的韓國菜。餐點除了有韓式年糕外，還有芝士炸雞、鍋物、鐵板、烤肉、飯類、薄餅及小食，感覺多元化。韓牛嫩豆腐鍋$118嘩啦！這豆腐鍋的份量絕不欺場！份量之大足三人吃！豆腐鍋的材料有韓牛、豆腐、冬菇、金茹、粟米、高麗菜等等。韓牛肥瘦相間，牛味濃郁，又有爽爽口感，味道不錯；豆腐入口嫩滑，豆味十足；這個窩湯底清甜而唔肥膩，充滿牛骨的鮮味，令每款蔬菜更為鮮甜好吃，清而不寡，不錯！芝士高麗醬烤雞$68（原價$168）既然這是人氣推介，不得不試吧！這個烤雞認真好吃！烤雞肉大大件，完全無骨，啖啖肉，大滿足！本以為芝士高麗醬烤雞會好膩，吃的時候，才發現味道是這麼合拍。烤雞肉質軟嫩又juicy! 加上師傅秘製高麗醬，味道香甜又濃郁，加埋半溶拔絲芝士，十分邪惡，但實在味美！除了烤雞外，仲有韓式年糕，口感煙煙韌韌的，韓風十足。必點！邂逅首爾$58這個是柚子特飲，造

夏天本來係減肥既季節,饞嘴既我有得食仲點會諗咁多吖~ 陪朋友仔喺工廈買運動用品,佢一邊買,我就一邊search晚餐既地方,揾到同一座大廈有食韓國野既~買完落兩層就到超近吖去到門口已經見到好多炸雞poster,好吸引呢!!  呢度啲飲品大大杯,最正緊係倒轉汽水雪山啦(我改ga個名)!!涼浸浸啱哂三十幾度嘅天氣呀! 呢杯葡萄園之戀(巨峰提子沙冰)做緊限定價48蚊，咁大杯真係好抵飲! 見到芝士高麗醬烤雞都做緊特價只係68蚊，就叫左一份。用個鏟做碟, 雖然係限定價但係好足分量，芝士遮住哂啲炸雞，夾嘅時候拉起好多芝士絲，好邪惡 因為想啖啖肉所以揀咗無骨嘅 每一嚿 我都覺得自己食緊雞髀肉咁。 高麗醬類似醬油帶甜既醬汁，加埋芝士包住整件，又香又惹味，完全冇罪惡感~天國的豬蹄， 呢個名真係好搞笑韓式無骨豬手($76) 肉質黏黏又唔會覺得膩吸收埋少少辣嘅醬汁，很配!拌碟仲有自家泡菜同埋凍豆腐~ 呢個價錢，呢個份量好抵食!!真露煮大蜆 佢會用個爐一路滾住，令到酒味散發，湯鮮甜中帶啲胡椒味，蜆好乾淨，無一隻有沙㗎!!

觀塘區一向工廈林立，不少食店亦粉粉走入工廈，相信租金較便宜，能以較為低的價錢為客人提供質素不錯的食物。謝謝兩位摯友今天陪我到這裡覓食，對她們倆確實不易，希望這頓飯能令她們滿意吧! 來到的時間尚早，故客人不多。店舖面積很大，空間感十足，也使我們能舒適地聊聊天。只是中途越來越多客人燒食物，抽煙系統未如理想，油煙有點過多，幸而店員已即時開窗和抽氣以作出改善。食物選擇很多，炸雞，小吃，鍋物，鐡板，燒肉等都一應俱全，最後我們選了幾款前菜小食，炸雞和薄餅試試。石鍋豆腐沙律 ($52)份量適中，一大個豆腐放於中間，以新鮮沙律菜作伴，還有粒粒栗米，但沙律醬汁放太多有點膩滯和味道太重，失去沙律應有的清新輕盈感，如醬料下手輕一點會更好。火紅燒雞翼 ($36)一客4隻，看到雞翼煎得金黃，帶點焦香，面層灑上芝麻粒，賣相不錯。我沒有吃，但友人都表示味道不錯，以這個價錢來說也算是划算。自家制芝士蛋卷 ($46)份量比我想像中大，亮麗的黃色外表相當耀眼，面層舖滿了沙律醬。驚喜是把蛋切開後，芝士餡料一瀉而出，香濃的芝士鹹香在鼻腔徘徊，令人食指大動! 蛋卷煮得軟熟，屬於較為實在的感覺，不是滑嫰多汁的感覺，蛋香中規中矩，

自從上次去過一間工廠大廈嚐過美食後，我同朋友開始周圍發掘各式設立係工廠區既餐廳。今次好幸運俾我地係觀塘區揾到間高質餐廳，主打韓式料理，炸雞，烤肉拼盤，泡菜鍋樣樣齊！如果鐘意食韓國菜既朋友就唔好錯過啦😆環境舒適寬敞，牆上掛滿充滿特色既海報。究竟食炸雞定烤雞好呢🤤-行完街攰到爆，當然第一時間嗌左野飲先！一樽士多啤梨特飲($78)，已經足夠3-4個人Happy Share。入面仲有士多啤梨，藍莓同檸檬片作配料，成件事好清新。飲落似有氣既士多啤梨味既汽水🍓冰涼爽快！博多明太子蛋卷滿滿蛋香，包裹住明太子，配上沙律醬。明太子份量慷慨～主角出場，芝士高麗醬烤雞($68)等我影完相後，店員會即席將芝士，洋蔥同雞肉混合，食落去啖啖芝士，岩曬芝士控。香濃芝士，加埋本身雞肉外層都已經有一層高麗醬，味道層次豐富。拉絲～忌廉南瓜年糕($62)年糕口感煙韌，配上忌廉南瓜醬汁同煙肉碎，好好食，個口感不得了。雖然味道唔算驚為天人，但都相當唔錯，當中我最鐘意就係烤雞，醬汁好惹味。而且價錢親民，值得一試👍🏻

難得一晚冇飯開，又周圍試野！今日黎左呢間韓野！上次話想試果陣唔係呢個名...咁快轉左手！都真係生意難做！今日男友好想食韓野！其實係想食炸雞 🤣🤣 佢睇食評話唔錯！都想試下！睇 Menu 竟然有款炸雞 $68 😱😱 好抵呀！兩個人又唔食得多，叫呢個價錢可以一試！森巴皇后 (菠羅檸檬特飲) 2個人都飲唔哂 ~~ 哈哈 !!豆腐牛肉鍋，叫呢個既原因好簡單 !! 我需要菜 ~ 哈哈 !! 呢個都好多配料 !! 比我地想像中多 !! 個味道好好 ~~ 清甜 !! 唔會好似日本既甜豉油咁濃味 !! 呢個唔錯 !! 唯一想講既反而係個牛肉 ... 太肥喇 !! 哈哈 ~$68 烤雞 !!! 一 D 都唔細份 !! 好抵呀 !! 但係佢賣哂有骨雞 !! 呢份係冇骨架 !! 啖啖都係肉 !! 岩哂唔鍾意骨既人 ~~ 我地叫左 芝士果醋醬 ~~ 酸酸甜甜咁 ~~ 都好開胃架 !!臨尾覺得好似差少少咁 ... 最後又唔想食咁咁飽 !! 就叫埋個燒雞翼算喇 !! 個雞翼乾左少少 !! 味道都 OK !!