JK Brother's (Moved) New Location

而家係觀塘既工廠大廈開左好多餐廳，有部分都做得好出色。不過要穩得到都唔容易，除左靠openrice同朋介紹，就係自己膽粗粗是但入一間食架啦。今日就係朋友介紹我黎食，睇下味道點先！門口設計得幾有心思入面裝修都好有feel餐牌芝士高麗醬烤雞 (無骨）$68一個字 掂！芝士加炸雞，仲要係即時係你面前整熱芝士同年糕。即刻食，入口即溶既感覺，加上炸雞外脆內軟。無得彈，仲要$68芝士炸彈煙肉包住d蛋，蛋又包住芝士 而芝士入面仲有隻生蛋！究竟係點做得到！好大件，唔知用左幾多隻蛋先做到呢？好重蛋味，淡淡煙肉同芝士蛋味，一流呀芝士京葱雞串無錯又係雞 好大件雞😂係我見過串燒當中最大既，似食雞排多d囉，辣辣地 幾好入口。情陷萊茵河天氣咁熱飲一杯。冰涼透心紅棗黑糖薑茶 (熱飲)通常餐廳飲到既唔係太甜，就係無乜味道，呢杯做得岩岩好 飲完仲覺得無咁熱氣添總結，今次朋友無介紹錯 難得搵到一間性價比高既韓國餐廳，無論環境 食物 價錢 都不錯。誠意推薦大家去！

平時係香港食韓國野既價錢唔係好平但今次揀左呢間係觀塘工廠區既JK BROTHER 平靚正 好有驚喜食烤雞緊係揀無骨 見住哥哥仔幫我地將每舊雞都痴住啲芝士 已經流哂口水 仲有年糕添呢個價位黎講 份量真係算多$68 芝士高麗醬烤雞 韓牛嫩豆腐鍋 $118份量好足既蔬菜鍋 食完肉點都要有菜balance番既 湯底唔算太濃 岩岩好 可以中和番啲烤雞 然後再準備下一道菜^^葡萄園之戀 $58兩個人飲都夠哂 爽豚肉炒年糕 $58好辣好惹味 食到我流哂汗都要繼續食總括黎講 真係平靚正 平時叫咁多野食 起碼都$4xx 但呢到都只係每位人頭一百幾十又坐得舒服 服務態度都好好 我地食唔哂 佢主動問我地要唔要外賣盒添吖回頭指數極高吖！

觀塘樓上的推介又可以加多一個了！因為工作到很晚，和朋友找吃的，想吃韓食，所以都有少少目標！見到JK Brother's，於是立即打電話去問有沒有位，我可是不喜歡排隊等位哦~~~ 似是過了某個時間，到樓下要登記。除了大堂的環境外，上去似有另一片天。 我們兩個人，點了芝士高麗醬烤雞(大家注意啦~現在是正價)，芝士蛋卷，還叫了一個韓牛嫩豆腐鍋~~初時怕沒有飯或麵無咁好，沒有叫發現是英明的！！ 芝士蛋卷先到~ 好期待，我不太喜歡吃芝士，但一刀切下去...WOW~~~好正啊！視覺觀感已經滿分！芝士拉開得很正，是煮的時間合時的結果！ 芝士很香濃！而且蛋味足~~如果不太喜歡芝士的會感覺有少少膩，我個人覺得可以接受！小朋友會特別喜歡！ 芝士高麗醬烤雞， 職員會先在另一邊用火爐先幫我們混一混芝士，之後才上枱！上枱後我們也混了一混~~哈！好好味！雖然外面原本有少少脆香的皮已經軟了，但芝士包著雞肉很入味！雞肉有肉汁，整明處理時間很好，不似焗，但有這個效果真的值得一讚！低下還有年糕~~~好在我們沒有另外點年糕！ 韓牛嫩豆腐鍋！ 這個很大份量！ 但很清很健康~~ 韓牛

經過觀塘，諗住簡單食個午餐。Openrice一search見到呢間食日韓野嘅JKbrothers，本住冒險家嘅精神試一試😂。位置係喺駱駝漆大廈入面，樓上鋪，而且幾隱蔽。一入到去已經好大陣油煙味，開放式廚房🤷🏻‍♀️，無辦法。餐牌上嘅菜式都幾多元化，部隊鍋、炸雞、拌飯、拉麵都有得食。仲有午市套餐連飲品。當日點左幾個午餐，芝士豬扒脆皮腸飯、豬手炒蛋鰻魚辛拉麵。一上枱有點失望，芝士豬扒嘅芝士竟然只係求其撻上個豬扒上面😅，而且個炒飯偏油，而個辛拉麵應該只係普通辣味嘅即食麵。食物賣相其實唔差，但味道一般，而且價錢偏貴，食完餐飯仲一身油煙味。🤦🏻‍♀️🤦🏻‍♀️🤦🏻‍♀️想去食嘅朋友要有心理準備..

越來越討厭茶餐廳的ABC 和特餐, 公司附近的午餐選擇真的不多,  只好在晚餐吃不同的美食調整一下心情。這晚找到了樓上的日韓料理, 又是到工廈試新餐廳的好機會。這樓上餐廳裝修以工業風作主打, 加上木系椅桌, 型格的韓風混入了點點日系和風。 OPEN KITCHEN 加上有露天位置 (天氣這麽熱, 當然留在冷氣室內), 感覺輕鬆。牆上都貼着推介的多款特色食品, 我們好不容易才能決定了兩份主食。先送來的是特價的芝士高麗醬烤雞。四件大大的炸雞以加熱鐡鍋送上, 看起來十分不錯。 噢!原來店員會為我們加熱鍋中的芝士, 再每件捲起。芝士的濃香加上炸雞的肉香即使湧出來, 真的令口水也快要流出來。芝士拉絲這個邪惡POST 又怎能少得呢? 半溶的芝士加上香脆的炸雞, 又有那個可以抗拒? 炸雞先用上高麗醬醃過, 已經很惹味。加上雞塊不算肥, 又炸得外脆內軟, 單吃其實也很滋味。當加上邪惡的半溶芝士, 味道更加昇華, 多了一重咸香的味道, 重口味人士一定愛上。而鍋中的年糕也同榚好吃, 軟糯Q彈, 米香中咸着芝士的惹味, 口感一流。還有配菜的大蒽和洋蔥也不能錯過, 十分清甜, 我們真的吃得一點也沒有剩。以$6

之前聽人講, 觀塘有間食韓國野起工廠區幾抵食呢日終於可以黎我黎依度主要係為依款...芝士高麗醬烤雞限定價$68平到咁, 真係唔試唔得呢度好好SEVICES, 有專人幫你將D芝士撈暈整好哂先比你食, 非常貼心呢碟雞好多芝士，仲有年糕同大量洋蔥, 好足料卡邦尼年糕年糕口感煙韌，加埋忌廉南瓜醬汁同煙肉碎味道幾好, 唔錯部隊鍋個火鍋都幾豐富下，有金茹，冬茹，腸仔，午餐肉，蛋，娃娃菜，麵好多料, 好大份, 其實三個人食都得成個鍋都有好濃泡菜味，$138, 性價比高今餐幾喜出望外價錢抵野食, 服務也夠貼心環境闊落.正

😸芝士果醋烤雞。$68店員會拎住個Gas爐係你面前，溶左啲芝士，將每件烤雞沾上芝士，再夾到你碗前😁我覺得呢一個味道還可以，帶點酸，味道算幾特別！😸漢城沉沒。$58其實係雪梨梳打，都幾清新唔錯😸豚肉辣炒年糕。$58分量唔算大，嗌一碟大家食都幾好呢，又唔會過滯，可以嗌幾碟一齊分享，呢個辣年糕都算幾辣㗎！豚肉唔算太肥，肉質頗軟的。😸芝士烤香蔥雞肉串。$42呢個真係好好食，因為佢啲雞肉係特別嫩滑，配上香蔥一啖香蔥一啖雞肉確係唔錯，增添口感。😸新村pizza。$48呢個Pizza比較特別，上面會有年糕粒、豬、粟米等配料，Pizza底係韓式嘅糯米底，好好咬口！今晚芝士大餐好滿足喔

今日係觀塘做完野，又上左去樓上餐廳食，呢間JK Brother 都去過幾次，價錢平得黎味道都好正宗，去開觀塘都可以試下。佢做緊discount, 芝士果醋醬烤雞原價$168，依家$68 唔叫真係對唔住自己。起初以為會將貨就價，$68就細份d,點知係冇ga,勁大份，見到都嘩嘩聲。一份大概有6-8件，再有職員幫手卷d芝士上去包住件雞，同我係韓國食嘅不相伯仲。味道方面果醋醬酸酸甜甜，再加辣辣地，好香濃，而雞肉亦都好嫩滑多汁，超班水平，比番正價$168都抵食呀。另外叫左個步兵鍋，份量勁大個，我地4個人去都係岩岩好食得晒，少人d 真係咩都味洗嗌喇。步兵鍋都係午餐肉、腸仔、公仔麵，但佢仲有年糕、魚糕同埋好多韭菜，金菇，超級足料。抵食之選。因為個步兵鍋太大個要少少時間滾起，我地太肚餓所以叫多左個芝士香蔥雞肉串，同烤雞有d 似，不過呢個就唔辣，同埋個醬汁係比較bbq醬個種，又另一個風味。香蔥同烤雞肉係絕配，加上芝士真係好邪惡。Jk brother 食物味道好，價錢又平又大份，CP值勁高，最好多d 人一齊黎share又可以試多幾樣。

今日喺觀塘開工做嘢 做到咁上下就同同事周圍去搵野食 見到呢一間喺工廈入面嘅餐廳 好似幾好 所以就一於入去試下首先有原條蒲燒鰻魚飯 鰻魚非常之肥美 油脂豐富亦都好甘香 而且燒完之後鰻魚皮有少少燶燶哋 食落倍感香口 值得一讚芝士玉子燒 又係芝士控出動嘅時候啦 呢個芝士非常之濃郁 配上香濃嘅雞蛋 感覺非常之配襯 而且口感好軟滑 我十分鐘意原味炸雞 炸雞炸得非常之脆口 而且炸粉唔厚 雞肉非常之新鮮嫩滑 又唔油膩 係另一道驚喜嘅菜式溫泉蛋煙肉沙律 新鮮嘅沙律菜帶有少少嘅澀味 但係喺溫泉蛋嘅襯託之下 味道同埋口感都幾好 鹹鹹嘅煙肉亦都令到成個沙律嘅味道有多一個層次鐵板芝士豆腐 眾所周知 豆腐雖然好清淡但係佢勝在可以吸收任何其他食材嘅味道 呢一道菜亦都唔例外 軟滑鮮嫩嘅豆腐完全吸收芝士嘅奶香同埋鹹味 係其中一個最好食嘅菜式之一辣味雞中翼 辣味刺激得嚟又唔太辣 我本人覺得啱啱好 而雞翼亦都好肥美 香脆可口熱柚子蜜 同平時喺茶餐廳飲到嘅差唔多 不過不失

今晚又同男朋友去咗觀塘工廈食嘢 ，去到有一間好似party room嘅餐廳，但係食韓國菜嘅。 呢度嘅韓國菜絕對比市區嘅平好多， 一個韓式步兵鍋都只係百幾蚊 ，係油尖旺區絕對食唔到。份量仲要好大分， 個鍋同我平時喺屋企打邊爐個喎咁大 ，上面鋪滿曬午餐肉，仲要極度厚切 ，食完都覺得好邪惡。 因為個鍋太多嘢食，驚個韓式公仔麵會煮得太淋，所以夾起咗。芝士蛋捲又係另一個推介， 蛋味好香濃，芝士味好重 ，一切開中間啲芝士真係即刻流曬出嚟， 見到都已經好吸引。但我最鍾意都係無骨炸雞 ，因為可以自己揀醬，我今次揀咗黑松露醬，同蛋黃醬，兩個醬比較，我又覺得蛋黃醬好食啲，因為比較傑身，黑松露醬相對較浠，味道冇咁濃。

番左幾日工已經好攰咁制，難得今日放假緊係要同好朋友聚下 盡談心事。係大型商場Apm掃完貨係時候食晚餐 之後去左開源道尋覓好野食。當日落緊大雨 見嗰陣仲有啲涼涼地就想試下食暖笠笠既野 朋友就介紹左依一間工廠大廈入面既韓國餐廳。一上去已經睇到嗰門口位 好似吸引住你入去咁 ，係睇門口位既海報已經流哂口水。一入到去環境唔算話好大 坐位寬闊不太迫。打開餐牌頭頁就望到有五款炸雞 有唔同味道可以揀，其他頁都係鐵板 鍋物 牛糕 小食 特飲。我地揀左半份蜜糖牛油炸雞，韓式步兵鍋，葡萄園之戀蜜糖牛油炸雞好正無骨之餘仲要每一啖都係肉 ，即叫即炸 嗰皮又夠脆卜卜，亦唔會因爲嗰汁而整到嗰皮唔脆韓式步兵鍋超大份量而且材料豐富，有冬菇，午餐肉，金菇，年糕，韓式魚片，脆皮腸，芝士 仲有主角公仔麵。葡萄園之戀比海報既賣相吸引，係巨峰提子沙冰甜度啱啱好，而且大大杯 消暑一流！

餐廳雖然係商業大廈入面，但係門面招牌都好大，算係可易搵！本身覺得呢個炸雞好吸引，瞓瞓炸雞都只係＄98 ,仲有兩款醬汁！但係最後因為叫得太多野所以都冇叫到，下次有機會一定要去試吓！杯朱古力只係＄48 ,但係朱古力味好濃郁！！又唔會太漏，最啱係食辣野嘅時候用嚟解辣！😆明太子玉子燒係十級推介!!!!!啲蛋好嫩，一啲都唔老，咬落去仲有少少蛋汁，真係好香蛋味！個沙律醬同個玉子燒個味勁夾😍仲要超多明太子，一咬落去成個口都係，好好味呀😍😍呢個熔岩飯雖然有啲辣，但係就好好食！ 啲店員好好，一嚟就幫我地整好曬，唔使自己煩！最重要係超多芝士呀😍仲要份量好多，一次食咁大份熔岩飯真係好滿足😂拉麵都好大份！雖然都係好啦，但係好惹味！😂😂🤤🤤

工厦餐廳西餐比較多，原來韓式料理都有！店裝修十分有韓味。韓味和日文的結合都幾和諧。見到韓文字就興奮。石鍋豆腐沙律($52)，豆腐嫩滑，感覺清爽。無骨芝士果醋醬烤雞$168限定價$68 (收正價加一收費)店員以熟練手勢在你面前即拉芝士捲住炸雞。估唔到都幾辣，愛食芝士的朋友一定要點，仲有年糕和大量洋蔥，炸雞可以再脆些。濟洲黑豚石鍋飯($68)拌蘿蔔、泡菜、葱、洋蔥，味道香辣帶甜味，好開胃。芝士烤香蔥雞肉串($42)好大份下，超多芝士，要快快食，不然芝士就會凝結。燒雞扒大大件，肉質嫩滑，大蔥好味道。唔想飲凍野，養下生可以試紅棗黑糖薑茶($23)，圓肉韓式梨茶($23)，如果再大杯些就好啦。

今晚約左個朋友食飯佢起將軍澳收工 就諗住約近佢去左觀塘食jk brother's位於工廠大廈樓上 門面都唔差 幾光猛同eye catching7點幾上到去都坐滿左大半Menu都有好多選擇但炸/烤雞幾乎係每枱必點我地都唔執輸叫左芝士果醋醬烤雞上枱後店員會幫手放起爐上整溶d芝士睇到都流哂口水溶哂後佢地仲有幫你卷起芝士 令到成塊雞肉外面都包住芝士食落夠哂滋味雞肉外脆內嫩芝士香口濃郁夾埋食真係好正雖然menu寫住有3隻辣椒 但食落都唔係好辣伴碟既仲有年糕 正！鐵板海鮮拌飯呢個上枱個陣店員都係會幫你用爐整熱住再加辣醬落去拌呢個食落微辣配埋香蔥 泡菜 粟米 口感幾豐富青口用蒜蓉作提味 食落幾新鮮幾香仲叫左海鮮煎餅店員都好貼心咁問我地想cut幾多塊食落有咬口 唔會鬆散一pat pat海鮮配料都幾多煎得幾金黃香口飲埋杯秋天的童話 夠哂滿足埋單都係200幾 都真係幾抵食

又到左blue Monday，一於約班朋友岀黎食飯，一洗頹氣！今日去左JK Brother’s，呢間韓式烤雞鋪離地鐵站都有一段距離，不過勝在唔多人，座位寬敞，岩哂一班朋友黎食飯吹水。首先黎既係呢個濟洲豚肉石鍋飯，味道剛好，醬汁足夠撈哂成個飯，唔會太咸，亦唔會唔夠味飯上面仲有好多豚肉，足夠食到最尾個啖都啖啖肉！然後，就到芝士高麗醬烤雞，店家好有心，臨上菜前會放個爐將雞整熱，將芝士整溶，再有專人幫你將啲芝士撈均，整好哂仲會提你快啲食，因為呢個趁芝士仲溶既時候食，先好食，非常貼心呢碟雞好多芝士，好足料，啲芝士仲可以拉到好長嫁最後，叫多杯野飲荔枝味特飲佢有得揀瓶裝或者杯裝，幾個人飲瓶裝岩岩好，店員又非常貼心，自動自覺攞埋杯俾你，非常唔話得當日得3個女仔，大家又唔太餓，所以食左唔好野，$244就埋單lu！