JK Brother's (Moved) New Location

每次一大班朋友出黎食飯，有啲要食日本野，有啲又要食韓國野，次次都揀好耐。俾我發現到觀塘有間餐廳日本韓國菜都有，梗係要第一時間去試下啦！芝士玉子燒 ($32)一切開真係有超多芝士，超級流心！蛋亦都整得好香又唔乾~ 上面仲加咗啲沙律醬，食落更正，食哂冇難度原條蒲燒鰻魚飯 ($78)有2大塊係係飯上面，澆哂咁蒲燒汁，食落幾入味。呢款鰻魚係質感比較有咬口，肉偏少果種黎~ 但用黎同飯一齊食都不錯。韓式步兵鍋 ($62)絕對係抵食之選，勁多材料，其中有泡菜，年糕，魚糕，温泉蛋，腸仔，午餐肉，泡麵等等食完呢個鍋係好飽！但如果味道可以再濃多少少，同重多少少泡菜味就十分之好喇原味炸雞 ($98/半份)叫原味炸雞可以自選2款醬汁，咁今次就試咗蛋黃醬同蜜糖芥末醬。蛋黃醬食落同普通沙律醬差不多，所以都係蜜糖芥末好食啲每塊雞都炸都脆卜卜又冇骨，啖啖咬落去都係肉 雞肉食落都幾嫩滑~ 皮都唔會太厚。係工廠區入面，環境都尚算舒適~

想食韓國野就去左尼間啦！其實食日韓野既，一定要book位lunch time都幾多人下。午餐食左岩漿泡菜炒飯配雞翼😉泡菜炒飯都ok既，係雞翼覺得冇乜特別囉$60連野飲 抵食既！

今日聽女朋友介紹，黎到豐利中心工業區，樓上鋪食韓國餐，估唔到工業區入邊有一間咁嘅韓國餐廳喎，而且睇嚟入邊都幾多人食飯。一入到去店員好好的招呼，感覺都唔錯。試咗個炸雞，原來配上蛋黃醬真係非常之好食，外脆內嫩。超級有驚喜，因為我早前試過其他的，留下左壞印象，今次算係正式改觀了。睇到個mon show有新野食，我發現店家都很喜歡創新，唔會來來去去都係個幾款，因為限定既食品都係餐牌無既，再試咗個日式吉列豬扒咖喱飯，同樣咁好味呀（相都唔記得影），豬扒炸得非常脆，入邊有肉汁流出黎，日式咖喱嘅味道卻唔會好辣小朋友都可以食。另外再加一個鐵板燒雞肉豆腐配韓式醬汁，非常惹味，而且汁係甜甜地。

男朋友最鍾意食韓國嘢，知道觀塘工廠區有好多樓上餐廳都唔錯，第一次就試左呢間JK Brother ,招呼不錯，態度好，有問有答。泡菜爆炒豆腐雞肉師傅即場炒，配合韓式泡菜蒜味醬汁，入口後令所有菜都令人食指大動，雞件特別鮮嫩，金菇雜菜配醬料混合。泡菜不是普通的泡菜咁簡單，係伴了醬汁的新鮮蔬菜絲，十分惹味。食韓國嘢炸雞梗係唔少得，一共有四款炸雞可以揀，最後揀咗原味炸雞，再配合兩款醬汁，外脆內嫩，極度美妙，令我對炸雞🍗改觀。柚子與冰攪拌在一起，韓國雪碧 口味清新。

終於病好，成個月都淡某某，係時候食番餐好。韓國炸雞緊係唔少得啦，叫左原味炸雞配蛋黃醬+蜜糖芥末醬，is my favourite 😍，炸完之後肉質都仲係保持咁鮮嫩，值得一讚👍🏻眼見枱枱都有一杯大大杯既野飲，我都唔執輸。叫左呢杯秋天的童話，其實就係柚子蜜沙冰，飲勁耐都未飲完，味道清新。最後叫左個鐡板燒，有雞肉，冬菇，豆腐，金菇，配上韓式醬汁，帶有濃濃蒜香味，可以再encore ~ 食韓國野得兩個人就係試唔多好多款，so far 味道屬中上，價錢合理，近近地下次都會再黎。

一直都好想試下這餐廳的韓式炸雞，一直未能前來晚餐有點遺憾，今日午餐又有同事提議來這食午飯。價錢合理且款式多，大家都一定能夠選擇到自己喜愛的午餐，總有一款啱自己口味。一行五人，各自選擇了自己喜愛的午餐。女士首選豚肉餃子豆腐鍋，熱辣辣氣呼呼，正!原條蒲燒鰻魚飯，而家唔係好多地方食到咁大碗原條鰻魚飯，多數係鰻魚炒飯，因為成本貴咗，這個也抵食呢! 和風牛肉鰻魚辛辣麵，這個我最喜愛，有牛肉，也有鰻魚，辛辣麵好開胃，中午不能吃得太飽，尤其是飯，返到公司飯氣攻心呢。芝士吉列豬扒拼法蘭克福腸鐵板飯，男同事這個肉飯最啱佢哋。免治豬肉溫泉玉子石鍋飯，這個煩連小朋友都啱食，免治豬肉配溫泉蛋，熱辣辣，夠曬味。近年來，因為土地問題，不少中區的寫字樓都搬到觀塘這一區，前工廠大厦現時多了許多不同特色的餐廳，使大量要搵地方午餐的打工仔有所着落，這間日韓式餐廳也是我們公司常常光顧的餐廳。

去之前爬左唔少文，睇定有咩食，其中芝味炸彈，同烤雞都睇中左。去到地方都唔細，如果叫好多野食，枱可能唔太夠位。因為一早book左位，所以去到就有位，全晚都唔少人，但我地2個人都坐張4人枱，唔洗搭枱。有得燒野同打邊爐，見到旁邊唔少人食，油煙又唔算多。入正題，我地一共叫左3樣野食+一揸特飲最先黎既係荔枝特飲，一杯真係唔抵飲，兩個人既話會建議叫一揸。佢冇乜特別，唔太甜，食辣野之後飲好解辣。因為佢一上菜就主動幫我地撈好，我唔記得影相，唯有影張一pat既製成品。雖然賣相麻麻，不過味道唔錯，芝士味唔會太濃，佢好似有泡菜，對我黎講有d辣，但尚可接受。到重頭戲！呢個炸雞真係必點！！一上茶，個waiter就好仔細咁幫我地撈d芝士如雞，我地本身仲食緊個飯，點知男朋友忽然見到waiter遞舊雞過黎，未比男人serve過既男朋友，當頭受寵若驚，用個碗接住舊雞。淨係個service都已經值回票價！味道方面真係好出色佢既果醋同芝士出奇地夾，又唔會搶味，連唔食酸野既男朋友都話佢食到，仲想encore炸得脆唔老，超級推介最後一個上枱既係芝味炸彈，佢係煙肉包住蛋，最中心係芝士，賣相幾吸引。一切開，嘩！你睇下d芝士流哂出黎

已經不知第幾次踏足觀塘,今次和友人食飯,當然叫她提議那間CAFE好,便決定來這間,貪它離APM都有一段距離,容易搵位,而且又唔難去。正值中午,就看看menu,菜式都算幾多,有麵,烏冬和飯咁.價錢都合理。環境都幾寬敞而且都幾整齊,播放著音樂,都算不錯。和友人都齊齊點了這個溫泉玉子魚糕烏冬,太約10分鐘就上菜,唔會讓我們等得太耐。烏冬都算彈牙,而且看到滑溜的溫泉蛋,已經加分不少,味道都尚算不錯。跟餐也會有罐裝汽水或熱柚子蜜,整體質素都幾好,希望下次再會光臨。

位於觀塘豐利中心5樓507室的JK BROTHER’s，主打韓式炸雞及烤肉，菜式充滿驚喜。餐廳門口貼了幾張海報，介紹了幾款熱門菜色，今次用膳也有點人氣烤雞。餐廳的菜色以燒烤類為主，幸好通風系統良好，感覺不會太焗促。而且桌子的面積夠大，不用擔心餸菜沒有位置擺放。首先來到的為無骨的芝士高麗醬烤雞，這款高麗醬口味是不辣的，不吃辣的朋友也不用擔心。盤子的形狀好像一隻鐵鏟，十分有趣。吃這款烤雞更會有專人協助製作，店員也忙得團團轉。店員先把芝士略為煮溶，再用少許芝士包裹著每件雞塊。約幾分鐘後，烤雞準備好了，賣相十分誘人，剛剛熄火時芝士還在沸騰。軟綿綿的芝士在外面，包著裡面脆脆的韓式醬烤雞，韓式醬味道微甜，夠惹味。還有少許煙韌韓式年糕和洋蔥條搭配。第二味來到的為鐵板香蔥海鮮拌飯，店員先將鐵板預熱，再即席在客人面前拌好。拌飯的鑊氣十足，味道香口。海鮮拌飯的配料有青口、魷魚圈、大蝦、粟米、泡菜等。用鐵板攪拌後，海鮮都煮得頗乾身彈牙。不要小看這兩款菜色，兩位女生來吃都夠飽。點了一客伊甸園的禁果 （蘋果特飲）。特飲的賣相頗為特別，汽水反轉地插在飲品中。蘋果味的飲品清甜，更有切成細塊的蘋果粒，適合吃燒烤時享用

幾時都話Shopping後最佳既活動就係食返d高能量既野食補充體力上個禮拜去完開源道既outlet掃貨 就去左駱駝柒附近既工廈試新野我杯星光少女(🍓+🍋) 好靚呀 攪勻後仲會變色見到有款芝士果醋醬烤雞 限定價$68咁抵 就叫黎試下餐廳做法保持韓國作風 有專人將香口既烤雞逐件捲上軟綿綿既芝士呢個果醋醬真係幾好味 清新唔油膩 包埋芝士口感更好 抵食夾大件 濟州黑豚石鍋飯 好多豚肉同菜 飯底夠乾身 少少辣 味道不錯仲試左個好fusion既朝鮮瘋牛漢堡除左基本既漢堡牛同生菜 仲有泡菜同溫泉蛋 味道出奇既夾

想吃韓菜，見有不少好評，星期日剛在觀塘上課上，所以下課後就來到這裡吃午餐。餐廳很大，有很多枱，不過抽風系統不太好。十二時許來到，可能是假日的關係，沒有食客。到我們吃飽埋單，也只是得我們一枱食客，怪不得很多工廠區餐廳假日也會休息。我們點了兩個set lunch, 卡邦尼年糕及蕃茄芝士豬扒鐵板飯，再追加了一個北海道牛乳布甸 。卡邦尼年糕味道中規中矩，不過愈吃愈硬，應該是煮不夠淋。蕃茄芝士豬扒鐵板飯，個蕃茄醬味道太咸，豬扒還可以接受，飯帶點微辣，下單時店員還告訴我不辣的呢！追加的牛乳布甸$10，算是整個午餐較為好吃的吧！

話說聽朋友介紹，話呢度呢間J K Brother好好味，好抵食，所以就決定呢試吓。一坐低，個服務員就俾咗水我哋，服務都幾唔錯，再加上我哋問佢有骨雞定無骨雞好啲，大概幾辣，個店員都好細心答我哋問題，幾好！最後就叫咗豚肉炒麵同埋芝士果醋烤雞。呢個炒麵好好味，好入味，有芝士，有洋蔥，有粟米，豚肉等材料。我同朋友都幾鍾意同埋佢都夠大份。另外呢個芝士果醋烤雞，推薦大家一定要黎試吓，因為佢焗雞整得好好味，外脆內軟，而且佢仲有啲年糕，佢個果醋醬好味，搭埋cheese very gd !!我地叫左無骨，因為方便啲。

今天公司早了下班，就去了觀塘區找一個舊同事吃晚飯！事源是因為他說要帶我到一家餐廳試一下，說那裏的芝士美食會令我讚嘆！作為一個芝士小粉絲，當然要去試一試到底是真是假！位於觀塘豐利中心裏面，感覺有點像尋寶的感覺！但對於熟悉觀塘不過的我們其實也毫無難度！上到餐廳覺得這裡環境是不錯，人流也不算少，相信質素應該有點保證！在朋友的極力推介下點了以下幾個心儀的菜式，趕快就要開動來品嚐一下！芝士高麗醬烤雞 (無骨)這個烤雞的最大威力就是完全沒有骨的，對於像我這些怕麻煩的人就最合適不過！這個烤雞的出場一點也不平凡，用一隻鐵鏟熱辣送上！芝士配上高麗醬將簡直是邪惡的超蛋組合，芝士濃郁，而且拉絲永遠也是沒法抗拒的！高麗醬帶點甜而微辣令到整體味道變得立體，還會令人開胃起來。烤雞是啖啖肉，非常惹味，誠意推介之選！流心芝士千層黑豚這個比起芝士高麗醬烤雞，這個芝士感覺會比較流質一點，所以比較容易覺得膩，注意一定要趁熱吃！切開黑豚豬扒後，芝士就像熔漿一樣傾瀉出來，每啖黑豚肉都有芝士相伴，這不就是幸福的感覺嗎？！鐵板炒雜菜吃了很多芝士和的肉類，當然要來一個菜來平衡一下心理！這個鐵板炒雜菜鐵板的香味非常濃郁，鐵板都可以營造

之前一直都有系open rice 睇下觀塘d工廠大廈有咩食，今次機緣巧合之下，同朋友嚟到 JK Brother’s試吓韓式新野！門口睇落去俾人好神秘嘅感覺裏面嘅裝修都幾簡約， 但比我想像中細 睇咗一次個Menu之後，我哋已經有心水啦！黎到韓式餐廳，點會少左炸雞呢～第一味出場既系： 韓風柚子蜜烤雞哩個炸雞真系極力推介！ 除左個樣吸引之外，佢仲散淡淡既柚子味，我地已經急不及待郁筷啦 ！因為我地揀左無骨炸雞，所以可以毫無顧忌一啖擺落口。哩隻炸雞因為有柚子汁伴著，比較濕身，正正是甘，好入味，柚子汁同炸雞比例岩岩好，吾會搶味。系好開胃既炸雞。值得推介！第二味出場既系：天國的猪蹄哈哈～  個名好搞笑！哩個系冷盤黎，主角猪蹄，有泡菜同豆腐做伴菜。我畢嬲都吾系好食皮既，但哩個天國的猪蹄我一d都吾抗拒。但佢d皮系爽口既，一d都吾油膩，用生菜包埋泡菜同豆腐夾埋一齊，口感豐富。讚！第三味出場既系：胡麻雞肉水冷麵有煎雞肉，3塊梨，一個蛋同幼麵。煎雞同我地平時食既差吾多，但夾埋d 麵，梨一齊食就別有一番風味，系開胃既。佢既湯底比較清，吾會搶味。吾知系吾系我地太餓了，好快就食曬嚕！第四味出場既系：芝士高麗醬燒雞（

觀塘區工廠大廈近來多左好多隱世小店，食肆愈來愈多。今次同朋友經開觀塘就嚟試下呢間韓式fusion菜。地址都易搵，近MTR。嚟到見門口牆身掛左唔少熱門推介的食物，令人愈睇愈想快啲食。工廈區食店既好處就係地方闊落啲，大家一班朋友嚟都唔洗坐得咁迫。我地一行3人，各人叫幾款share。天國的豬蹄$76第一道上既菜係豬蹄，聽個名都想笑。不過味道都唔錯，有啲似係韓國食既豬腳味道夠濃，豬皮煙煙韌韌好好食，仲有豆腐同泡菜一齊食減低油膩感。韓風柚子蜜炸雞-半份$98可以揀有骨或冇骨，我地叫左冇骨。半份份量都唔少，3個人食每人都有2舊，柚子蜜甜甜地有啲似平時沖嚟飲既個隻味，加上冇骨炸雞啖啖肉，對嗜甜既我嚟講好好食。卡邦尼年糕$62原本以為得好少點知份量超級多。年糕份量比足仲有啲煙肉同香草，食落蛋黃味較重同醬較杰身，朋友鐘意creamy啲，但我個人鐘意呢款多啲。芝士高麗醬烤雞$68到今晚既重頭戲，呢道菜係我地3個都一眼睇中想叫，因為有邪惡既芝士。呢款都可以揀有骨或冇骨，今次要左有骨。雞肉用特製高麗醬醃過烤熟，再加芝士用鐵剷載住上，之後用爐火加熱，等芝士溶左店員會幫你將芝士繞住炸雞再夾比你，非常窩心。炸雞皮脆