尚上下夏 - 養生雞煲火鍋 (Closed)

其實一路都係呢間舖嘅常客因為欣賞佢嘅雞煲夠入味 就算冇堂食阿媽都會特登去買外賣返屋企食 今次有返堂食即刻去回味一下 點知真係一肚氣 醬料不遲少少調味都吹你 啲員工態度影真嫲嫲 唔係因為啲嘢好食都唔會貼錢買難受 今次個雞煲嗌小辣多麻 嚟到完全冇味 以前係好入味 辣得好過癮 真係追住食 可能疫情關係個廚師唔喺度 個味道根本就係兩碼子回事😭講返碟牛肉 正正常常 阿媽食咗幾件就停啦 話好難食😅嗰個牛白肉真係經典 我自己本人好鍾意食 可以一個人食一碟 但係呢度呢嗰疊嘢都唔知似乜超難食 又多筯又硬骨骨 真係咬到牙都軟埋都未吞到落肚 我同朋友食幾件都放棄咗 其他火鍋配料不過不失 唯一讚嘅就係珊瑚蚌拼桂花蚌 鮮甜爽口👍🏾👍🏾我哋走嘅時候都8:00 咁細間舖都爆唔到場 希望可以回復以前水準 好失望😫

雖然呢度D貓咪牆畫好靚好得意🐱但匿喺屋企un un 腳食雞煲先最嘆😆買外賣 買左雞煲（半隻）$168就返屋企人 叫左小辣 （🥲好想叫大辣吖）個窩可以直接用明火翻熱 好方便雞肉唔難 用香蔥爆過入味又惹味入面d豬皮仲正呀 索哂d汁 啱曬重口味嘅我不過佢唔會好鹹好味精 雞足料冇偷雞😆涼拌麻辣青瓜 （$28）清清涼涼 爽口開胃 唔算辣 但有麻辣香麻辣牛腱（$38）小食黎講份量唔少 食下一塊 食下又仲有一塊同青瓜一樣 唔算辣 但有麻辣香口感唔會有un 抵食！鬼馬墨魚（$38）即係油炸鬼墨魚滑呢個配搭都唔錯 索左湯幾好食墨魚滑都食倒係爽滑嘅美味三併餃（鮮蝦雲吞/韭菜豬肉餃/魚皮餃）雲吞好足料 入面隻蝦大隻 （$43）四寶丸（金沙魚蛋/火辣牛丸/芝心丸/爆炸魚籽球）（$47）鹹蛋皇魚蛋入面D流沙好香 係呢丸最好味嘅一款 火辣牛丸 又唔算好辣炸喎 總算有牛味芝心丸同爆炸魚籽球都ok啦！

捉緊春天嘅尾巴，趁天氣仲有少少涼意，去食雞煲先～～(˶‾᷄ ⁻̫ ‾᷅˵)入到餐廳店員會主動提供一個盤裝咗熱水，俾我哋用嚟洗餐具，細心👍🏻👍🏻醬芥每位$12，有乾辣椒、麻醬、蔥、蒜片、蒜蓉、辣椒粒、豉油同埋辣油俾客人自行調配適合自己口味嘅醬料，如果唔需要醬芥，應該可以同店員講嘅～三個人叫咗半隻雞，唔係好夠喉🤣下次都係叫多啲先～有朋友推介雞髀肉，啖啖肉好正，都mark咗下次要嗌😋雞煲炒到香噴噴先上枱，唔食芫荽嘅話記得要提早同店員講!!同行友人個個都唔食芫荽，最後我哋自己夾返晒出嚟😆雞煲入邊有豬皮，超級入味！食到咁上下可以揀定湯底打邊爐，我哋覺得雞煲已經好夠味，所以叫咗清湯，冇揀到特別湯底～牛魔王包括有靚牛皇、安格斯、牛柳粒、黑柏葉、牛脷同埋牛白肉（牛胸）。白雪雪嗰啲應該係牛胸，未食嗰陣以為會好油膩，原來係爽口架，好香口，唔錯～咁多款牛牛🐮嚟講，牛脷最好食🤤唔駛煮太耐，又有口感，食咗一轉個個都話牛脷好味(˶‾᷄ ⁻̫ ‾᷅˵)鵝腸都唔駛煮太耐，記得要拎個湯勺裝住，如果唔係好難搵得返。我哋都搵好耐先搵得返啲鵝腸出嚟🤣大約有10條左右～仲有食四寶丸，食到中途先記得影😆分別有四款丸（金沙魚蛋、火辣牛丸、芝心

餐廳位於尖沙咀佐敦中間，鄰近地鐵站，地理上十分方便快捷，餐廳最著名的一定就是火鍋，而我這次挑選的卻是雞煲，全因為喜愛雞煲這種感覺。內裏裝潢方面，同樣地充滿著小貓的特色，每一幅牆上的畫作也感受到店主對貓的熱愛。食物方面，雞煲拿回家吃，本來還擔心會不會影響食物的質素，完全沒有，十足足料，加上餐廳提供的器皿，更可直接返熱，更方便使用。味道方面，雞味甚濃，加上肉質香滑幼嫩，沒想到雞煲也能做出如此效果，絕對容易入口。

今日姪女生日，買翻個雞煲加餸都係唔錯既選擇。去到尖沙咀呢間養生雞煲火鍋店，第一時間梗係揀湯底先啦，我揀左瑤柱群翅雞湯。而雞煲揀左小辣。 而肉類方面叫左羊肉卷，仲有招牌手打四寶丸。係等待既期間，留意店鋪周圍既裝修，店鋪的裝修其實幾有特色，顏色鮮艷，仲有好多卡通貓，好可愛。地方都整潔。 大概等左15分鐘，外賣就黎啦，拎得，走人。翻到屋企準備開餐！打開雞煲，香味撲鼻而來，而且多芫茜，我鐘意。加熱之後可以食啦，雞件較大塊，多肉，冇想象之中甘滑，但味道十分足夠。 而羊肉卷好味，四寶丸就正常發揮。湯底先係精髓，很夠味，足料，家人都很滿意。總而言之，今次外賣雞煲係滿意既~

心血來潮好想食久違嘅雞煲自己整好麻煩，咁就當然去買外賣雞煲喇！「尚上下夏」係一間我最 最 最鍾意食嘅雞煲之一好鍾意呢幅牆畫餐廳非常細心，會免費提供埋醬油、蒜蓉、蔥花、辣椒🌶️當中有好多配料有大量芫茜、洋蔥、豬皮‼️麻辣雞汁好惹味，除左麻辣味之外，仲有種甜甜哋嘅味道，呢種甜唔會令人抗拒的，反而係令味道更昇華啲配料嚟哂啲汁，勁好食，豬皮好有驚喜口感爽彈仲好入味添！每舊雞都吸哂啲醬汁，越食越好味我哋仲加左幾款火鍋料，食哂啲雞再加水打邊爐鵝腸半份外賣嘅擺盤一啲都唔hea雖然係半份，但份量一啲都唔少最欣賞係啲鵝腸好新鮮，而且又洗得好乾淨無咩肥膏脂肪！煮大約1分鐘左右就食得~~三拼餃有齊鮮蝦雲吞、韮菜餃、魚皮餃！千頁冰豆腐每次去親打邊爐，都一定要食冰豆腐，吸湯一流

很久沒有見面的死黨，今午相約一起在尖沙咀某大商場的salon剪髮，既可扮靚又可聯誼，扮完靚靚在商場逛了一會，死黨介紹在山林道一間養生雞煲火鍋買外賣餐，於是一起前往這間名尚上下夏的養生雞煲火鍋店，看她似是熟客般見到侍應立刻 order 還與他雞啄唔斷，她仿似店員的向我推薦，試試不妨反正我都會買懶人包回家吃，我選擇了：雞煲單鍋全隻（不辣）～ 非常鮮甜又香口，肉質鮮嫩有口感， 連雞腳也爽口很有嚼勁，豬皮嫩滑爽口， 最令我欣賞的是配菜份量充足惹味非常，很多洋蔥丶芫茜也不少丶 完整一粒蒜頭竟沒有濃烈的蒜臭味，很爽口，大大舊老薑有咬感，津津有味令我吃過不停；（細）鮮蝦雲吞 四粒～爽口彈牙；（細）魚皮餃 四粒～ 非常煙韌；（細）蟹子蝦滑～既新鮮又嫩滑，鮮甜又爽滑；死黨真的好介紹，這店鋪的食物不單新鮮又多選擇，不需在街市周圍逛，下次有朋友來我家聚餐，我一定在這裡一站式入貨，放便快捷～正！

I went to a restaurant called "JKJ Pot" (尚上下夏 - 養生雞煲火鍋) located in G/F, 23 Hillwood Road, Tsim Sha Tsui(尖沙咀山林道23號地下.) to order some takeaway.Chicken casserole (thigh,breast only)雞煲(雞腿加雞胸)HKD$HKD238Customers can select various cut of the chicken such as thigh,breast or whole bird, half bird...etc for chicken casserole (雞煲可選淨雞腿，淨雞胸，雞腿加雞胸，揀飲擇食都可以滿足到！！)The chicken casserole has intense,complex,layered spices flavours!!One of the best taste chicken casserole I had ever tastes!!..Highly recommendedAll

💛疫情下無晚市，好彩有團購食譜唔同既野，亦都真係覺得香港係有好多出色既良心小店😋嗌左個雞煲bb辣，加萵筍同蓮藕。首先要讚係個包裝，如果有電磁爐都唔洗轉煲可以成個煮其次就係味道，佢地唔會太鹹太over，亦唔會太油！太多真係會膩🤣另外就算食完雞加水打邊爐都唔會太淡，控制得好好！之後就係料！足半隻雞加埋吸汁既豬皮，另加既萵筍同蓮藕都因為事先一齊炒過而夠入味疫情前未試過，亦唔認識，經過疫情都希望可以撐住！p.s.用保溫袋包裝真係加分！

今日天氣凍冰冰❄️夜晚梗係同屋企人打邊爐，✨尚上下夏養生雞煲火鍋✨喺舖頭就食得多啦👅而家夜晚冇堂食外賣🥡絕對係一個好選擇今次就揀咗個龍蝦🦞湯底味道非常濃郁，就算唔用其他醬料就咁用呢個湯底都好好味呀😋叫咗鮮蝦、雲吞、魚皮餃、鮮蝦、招牌手打四寶圓、豚肉、羊肉同四寶丸🥢特選黑豚肉脂肪和瘦肉分布均等，肉質鮮嫩多汁，豬肉騷味🥢招牌手打四寶丸墨魚丸 雞丸 蝦丸 豬肉丸🍡墨魚丸和蝦丸好彈牙爽口味道夠鮮🥢四寶丸四寶丸包括有芝心丸、金沙魚蛋、爆炸魚籽球和火辣牛丸!其中有三種都是爆餡，金沙魚蛋中間有流心咸蛋黃醬，味道很特別!牛丸帶啲辣味，牛丸彈牙又juicy!🤤佢哋啲食材全部都好新鮮而且配合買龍蝦湯底食落口超級滿足正😍

/ /黃店外賣高質雞煲🍲夜晚冇得堂食，唯有打包外賣！返屋企都可以嘆雞煲 #sohappy◽️ 仲可以打邊爐，淥下淥下(⁎⁍̴̛ᴗ⁍̴̛⁎)雞煲（一隻）份量好多，一隻雞3-4人食啱啱好！叫咗BB辣，食落好香好惹味！唔會好辣，又唔會太麻，更香口！最鐘意係佢勁多荽茜🤩🤩🤩食完雞煲，梗係要打邊爐啦！✨手打墨魚丸半份有4粒，大大粒食落好彈牙！真係有啲墨魚粒✨手打蝦滑好香蝦嘅鮮味，食落好彈牙又唔會太多漿，啱啱好！✨鬼馬墨魚🦑呢個好正！係我第一次食呢個菜式油炸鬼上面有墨魚滑，又幾夾！✨帶子皇好鮮甜嘅帶子粒，仲開左邊食落鮮甜，又彈牙！📍 尚上下夏 - 養生雞煲火鍋 (尖沙咀)尖沙咀山林道23號地下#尖沙咀美食 #尖沙咀美食推介 #尖沙咀黃店 #黃店 #尖沙咀外賣 #外賣 #雞煲 #火鍋控

#外賣火鍋 🍲晚市冇得堂食, 就外賣火鍋湯底同配料返屋企同屋企人慢慢嘆🏠 餐廳提供多款養生火鍋湯底, 包括瑤柱群翅雞湯、足料龍蝦湯、養生藥膳湯及美顏豆腐牛奶湯等等。喺火鍋店等待食物時, 發現火鍋店有個特色, 就係有可愛小貓🐱手繪嘅牆壁, 每幅圖畫都好有心思💗 #瑤柱群翅雞湯湯底足料, 有大大件雞肉同群翅, 亦有少量瑤柱, 湯底味道濃厚, 直接飲用已經鮮甜滋潤, 湯底唔會太油膩#生猛海蝦 - 🦐大大隻, 好新鮮, 爽口彈牙#花膠 - 厚度剛好, 每口盡是膠質, 柔中帶韌, 入口有黏黏嘅口感, 感覺好滋補~ #萵筍 - 食火鍋時好鍾意叫萵荀, 有獨特爽口嘅口感~

聖誕同朋友兩個食餐好，凍凍地打邊爐就最岩啦。🔶養生藥膳湯 $93一開始係叫呢個湯底的，店員有提醒過湯底味道會好似肉骨茶般較濃，要認真考慮好先叫，點知我都係太高估自已，味道對我來說真的太濃了，會有藥材的回甘味，所以最後都係要再叫過另一個湯底。如果鍾意藥膳湯的可能會接受到，因為真係真材實料非常濃郁。🔶香濃沙嗲湯 $79味道很濃郁，基本上不用點豉油也夠味。🔶芫茜牛肉卷 $69鍾意食芫茜既大推一定要試呢款！！一口滿滿既芫茜香，牛肉都唔係普通肥牛，而係比較有咬口既手切牛，茜香同牛肉兩者非常夾，芫茜控不要錯過！🔶手切頂級安格斯牛肉 $175 (半份)本來想點手切極品靚牛皇的，但當日已售罄，所以轉叫安格斯牛肉，雖然係半份但份量比想像多，安格斯一般肉味幾濃，所以唔錯！有機會會再試靚牛皇。🔶鬼馬墨魚 $38 (半份)有三大舊，老油炸鬼配上墨魚滑，將墨魚滑果邊放入湯底煮一分鐘就食得，油炸鬼吸到湯汁之餘又保留到少少脆口。🔶招牌手打四寶丸 $60 (半份)有墨魚丸、豬肉丸、蝦丸及鯪魚肉丸，人手手打新鮮彈牙，調味亦不錯。🔶餃子拼盤 $43 (半份)半份有6粒感覺好抵食，分別有鮮蝦雲吞、韮菜豬肉餃同魚皮餃，鮮蝦雲

天氣凍左當然要打邊爐，好多朋友來過都讚好，當然來試一試。 睇一睇餐牌，所有食物價錢比我預期的平，可以點多啲食物。 坐位有點像大排檔的架局，但當見到食身物的時候真心好正。我們點了香濃沙嗲湯底，真的十分香濃，水準直迫九龍城好出名果間，但價錢真係抵很多。野生竹笙，超級大塊超級厚身，完全吸收晒沙嗲湯嘅精華。餃類拼盤，因為我哋得兩個人所以點半份，佢一半分每一種餃都有兩件剛剛好，餡料超級飽滿，而且新鮮。手打四寶丸，每款各有特色，蝦丸墨魚丸爽口彈牙。原先我哋想叫靚牛皇，點知今日冇，咁就改叫咗首切安格斯，好有牛肉味，厚薄適中。不過令我最震撼嘅就係嗰個芫荽牛肉卷，一上枱好似成盤花咁樣，令我哋兩個芫荽愛好者驚喜萬分，芫荽同牛肉吸收濃郁嘅沙嗲湯底。食咗好多嘢都係每人三百幾蚊，飲品我哋叫咗一尊竹蔗茅根分享，打邊爐下下火一流，所有食物都係高水準，職員亦都服務有禮貌，依家餐飯食得好滿意好開心。下次會帶朋友再來。

今次下單了藥膳湯底，湯底一上台藥味撲鼻。頂級安格斯，一盤份量唔少，油脂分布都幾靚。珊瑚蚌拼桂花蚌，色彩鮮艷，嫩滑肥美。鬼馬墨魚，原來是油炸鬼墨魚蟹子，店員教路，墨魚向湯底滾1分鐘就食得。有創意。手打四寶丸：墨魚丸，蝦丸，雞丸，豬肉丸。手打丸食起來夠口感，尤其豬肉丸吃起來有肉汁。餃子拼盤：鮮蝦雲吞餃，韭菜豬肉餃，魚皮餃。一個拼盤每款少少，下單起來好方便，可以每樣食吓。四寶丸：金沙魚蛋，火辣牛丸，芝心丸，爆炸魚籽球。這個拼盤的丸子很特別，每粒丸入面都有不同的餡料，尤其金沙魚蛋那個流沙特別好味。爆炸魚籽是第二愛。喜愛辣的，火辣牛丸是真的有辣味。Ps. 這店一坐下便是一大盆熱水俾你洗餐具，吃起來也比較安心