快樂蜂 (軒尼詩道)

Open Now

Now Closed

今日就外帶咗Jolibee嘅炸雞漢堡同埋蘑菇飯返公司 呢次係我第一次喺jolibee入面食漢堡 漢堡 個全名叫做袓樂堡champ 水準都唔錯 牛肉味都幾出同埋有兩塊半容芝士喺入面 如果十分嚟計我可以畀七分 快餐店漢堡嚟講都叫做高水準 當然唔少得要講主菜 炸雞 jolibee炸雞係公認喺香港入面最好食 每一件炸雞都炸得皮脆肉嫩 裏面嘅肉汁簡直係好似瀑布咁爆出嚟非常出色 係其他快餐店入面體驗唔到嘅感覺 對於一份咁完美嘅炸雞 十分我會畀十分輪到評論一下磨菇飯 我只係可以講 jolibee係不善於整飯類嘅食物 個磨菇飯真係好難食😂😂

收咗工無所事事，就由灣仔沿着電車路，一路行，一路行，腦海中不斷飄出呢個禮拜係幾咁辛苦，日日OT不特止， OT完個成果又要俾人搶咗，老細就會覺得我係冗員，冇價值，冇希望。搞到我都覺得自己係咪真係一件廢物。。。行行下，行到嚟呢度風雲丸拉麵店嘅附近，發現喺百佳隔離開咗間Jolibee，快樂蜂。 快樂，係快樂啊！我已經唔記得上一次由衷地快樂係幾時嘅事，生活迫人，申請公屋又遙遙無期，居屋又冇錢買，唯有入去尋找下快樂啦。

🔸Jollibee快樂蜂🔸🐝.Jolibee係小編既兒時回憶呀！記得細細個週末練合唱團前都好鐘意去食😍🤣見証住佢興盛到興衰，再掘起既時代🤪因為而家又周圍有分店啦😁.歡樂桶餐就岩晒三至四人啦👨‍👩‍👧‍👦一桶雞有六件，兩個肉醬意粉、兩個粟米、兩個薯蓉、四杯芒果/士多啤梨雪糕🍦，仲有汽水🥤！超豐富呀😍雞胸雞脾都大大件，完全地保留肉汁，做到香脆可口、雞肉都超嫩滑，同埋調味唔會太鹹👍🏻不過真係超油，要搵紙巾吸下油啊😂🍝意粉個麵身幾幼幾滑，🥫醬汁都惹味，但腸仔質素就...um..😅薯蓉小編幾鐘意，🥔冇落重牛油反而薯仔比例高啲，但一樣做到好滑既效果😍.多過四個人仲推介祖樂堡 Champ，自家製醬汁加埋濃厚既芝士，漢堡扒肉味夠濃又厚身，正呀❣️仲試多左個漢堡扒飯，扒都幾大塊同厚身，仲有大量既磨菇汁，評價都不錯！btw其實款磨菇汁係雞餐都會配埋架😉👍🏻

小時候提起炸雞 定必想起哈迪斯 KFC等品牌隨著KFC近年水準不斷下降已經很久沒吃快餐店的炸雞前幾天跟友人聊起炸雞 友人在分享Popeyes用餐經驗讓筆者想起這家Jollibee Jollibee在港已多年 之前一直只有在中環有店 深受外傭歡迎這幾年 Jollibee大力開拓香港市場 開了不少分店終於不用特地前往中環也能吃炸雞點了最基本的item （不要主食，不轉成套餐）炸雞新鮮炸起 crispy的外皮 雞肉嫩滑多汁是近年在港吃最高質的炸雞之一這樣子是只需hkd$35 還有一包小薯條薯條也炸得剛剛好 不像m記長期軟軟的

Jollibee係1996年香港有第一間，嗰時我啱啱出世，之後都冇機會食。今日測完驗就同朋友順路黎左灣仔間jollibee。我哋兩個人總共叫咗一個筒餐同埋一個一人餐。平時想食炸雞既時候多數都會去K字頭快餐店。但係經過今次食完之後，我諗如果我突然間想食炸雞，第一選擇係jollibee，因為佢啲雞真係炸得非常之咁出色。首先，皮薄香脆，唔會話太厚一舊舊。另外，肉嫩多汁，咬左一淡之後啲雞仲係非常熱，熱氣漂緊出黎，唔會話好似放左係度好耐攤到凍曬。依個肉醬意粉上面滲左一大堆芝士粉，撈勻之後肉醬非常夠，而且仲見到有啲似碎咗嘅腸。整體味道唔會話太鹹反而仲有少少蕃茄嘅甜味。粟米方面相信佢一開始就加咗少少牛油喺入面，所以味道唔會話太淡。個人認為好味過其他快餐店。薯蓉嘅薯蓉汁唔會話太辣，非常適合小朋友食。之後仲叫咗個鮮忌廉通粉湯。個湯唔會話太「杰」，通粉硬度適中。從此以後，咁多快餐店之中，jollibee 成為咗我嘅最愛，非常後悔之前一直冇試過jollibee。

黎到一定會食肉醬意粉因為小朋友個時成日叫黎回憶下咁當然無細個個是覺得咁好食 但都好正常炸雞就係重點快餐店黎講質素好高雞件大而且唔係炸乾入面仲好juicy薯蓉就用上校差唔多haha

Happy Friday 終於黎到星期五啦, 要輕輕鬆鬆食番餐先, 係灣仔開咗間JOLLIBEE 聽講係菲律賓好出名, 見佢SELL 炸雞於是去試下啦, 好多SET 選擇, 可以跟磨菇飯, 薯蓉, 薯條 亦有肉醬意粉可揀, 我就叫咗炸雞跟薯條, 超邪惡熱氣組合, 炸雞好JUICY, 一D 都唔乾, 皮唔厚, 薯條新鮮又夠脆, 整體可以再ENCORE。今餐每人平均約$45

快餐唔係淨係得美國先有嘅， 每一度嘅快餐都有唔同嘅特色， 今日就去咗我哋工人姐姐最愛嘅快餐店jollibee去嘗嘗新。首先我叫咗個 夏威夷堡， 夏威夷堡有煙肉有菠蘿有漢堡， 最重要就係嗰塊半融嘅芝士， 嗰塊半溶嘅芝士令到本身乾乾地嘅包得以濕潤， 當然夾埋牛味龍郁嘅漢堡， 同埋酸甜解膩嘅菠蘿 簡直perfect match， 薯條 新鮮熱辣炸起十分香脆。 最得意嘅係嘢飲可以揀道地檸檬茶， 當然呢杯檸檬茶就唔係菲律賓飲品啦。朋友就叫咗一個炸雞套餐 配蘑菇飯，估唔到菲律賓炸雞好味過美式 多多聲，肉質你唔會覺得佢雪雪到死死實實，而且一攞上手仲係非常之熱，皮薄餡靚個皮炸到金黃通透， 一咬落去啲汁仲爆曬出嚟。不過唯一美中不足嘅係個蘑菇飯啲飯比較削，可能中國人對米嘅要求比較高，呢點可以改善少少。不過最值得欣賞嘅係呢度嘅野飲可以揀熱咖啡或者熱奶茶，唔一定配汽水， 非常貼心。另外我有叫咗一啲add on item，熱狗 茄汁同芥末醬鋪得滿滿， 唯一美中不足係條腸 削咗少少。忌廉汁通粉， 雖然鹹咗少少但味道都幾濃郁，芝士薯條非常大份，份量十足， 唔會好似另外一間連鎖店中薯條仲少個細薯條 ， 證明 冇呃秤。

之前朋友係YAHOO團購買左個優惠，可以用優惠價係Jollibee到食野..呢間Jollibee以前細細個就食過啦.. 不過人長大左，就少左食快餐店~難得朋友有優惠，當然過黎重拾兒時味道啦...呢間Jollibee無論咩時候都有好多人.. 睇黎咁多年黎佢GE魅力不減!由於我地一行4人，都叫左不少食物架!首先有歡樂桶餐，係for 3-4人份量的，炸雞有6件，另外有2份肉醬意粉，粟米同薯蓉，仲有4杯雪糕TIM! 雞肉味超豐富，又夠Juicy，份量又大件，食完一舊都飽飽地LU~而且意粉係幼身，食落幾滑... 漢堡扒飯就唔洗講，一定係好味道啦!磨菇汁夠哂惹味，而漢堡扒又夠大份!由於有朋友怕唔夠食，於是再叫多一份Burger 比佢食，偷偷地咬左一啖，漢堡扒肉味夠濃，而且又厚身，夠哂滿足!

今日 同班friend 去灣仔做嘢， 因為要拿拿林快快手嘅關係， 平時麥麥麥食得多都有啲嫌，所以就揀咗去jollibee食快餐。今次我哋叫咗歡樂桶套餐，套餐都幾大份㗎，有六件雞，兩盒意粉，四個小食同埋四杯嘢飲，最欣賞呢到d雞, 炸得皮脆肉嫩, 非常juicy, 同另外一間連鎖店真係冇得比。小食可以揀粟米或者薯蓉，薯蓉更係非常滑嫩啦， 而粟米就非常香甜粒粒都飽滿。 另外嗰兩個意粉都好大盒，不過有啲美中不足嘅係， 條腸仔個層皮唔係好趣， 食慣脆皮腸我哋，梗係覺得有啲唔係好滿足。 不過偶爾一餐兩餐都冇乜所謂啦，最緊要啲雞舊好味。雞另外食快餐點可以唔叫薯條？我哋叫咗盒大嘅芝士薯條, 雖然呢度冇得自己shake, 但芝士粉夠多夠鹹香, 都已經非常足夠了。最後我哋仲叫左雪糕㖭，有芒果新地同埋朱古力新地可以揀， 芒果新地甜咗dd， 不過新地夠曬軟滑， 絕對係呢餐完美嘅結束。食完返到屋企 ，見yahoo團購jollibee樂趣雞有50％off, 梗係要即刻買番幾張再食過啦

Jollibee is famous for fried chicken which I always get but decided to have something different that day.On this visit, had the hot chocolate, hot dog and coke float.The hot chocolate is the best ever with a good smooth chocolate taste and a lovely frothy cap and it doesn't have the annoying powdery texture.The hot dog was heavier than expected especially the sauce on the top but it was still good.Tried the coke float because I wanted to try the softserve.The softserve was quite nice as it wasn'

星期五要加班，一人一個食飯盒首就真是太可憐，因此我們決定吃Jollibee狂歡一下，當是首次接觸Jollibee就是到菲律賓旅遊在機場吃的，它就是代表菲律賓的炸雞，其後引入到香港，每次經過人來人往的中環後巷，總會嗅到一陣陣炸雞香不過今次黎到灣仔門口已經列出受歡迎的單點食品人多的我們點了一份歡樂桶套餐，六件炸雞/ 兩盒意粉，還有粟米及薯蓉肉腸茄醬意粉，呢個獨特醬汁味道又幾特出，加上少許芝士碎，酸酸甜甜好開胃快樂蜂既炸雞只有一種味道，但每件都炸得很香口，每件size都好大件重點是該店的炸雞會配上黑椒蘑菇醬汁一起吃，好惹味配粟米及薯蓉，總好過配薯條薯蓉味道仲好creamy買完才知道12月11日起，Yahoo!團購會有Jollibee 50% 半價優惠，到時要吃多一餐

Happy Friday梗係要食開心啲！好想食炸雞，於是同事極力推介Jolibee，話啲炸雞皮薄juicy!lunch time勁多人排隊買，不過位就好多，估計大部分人係買外賣，不過炸野喎，梗係即場食最原汁原味四個人叫左桶餐 六隻雞，兩個意粉，四款小食。另外再叫多兩件雞外賣俾帶飯既同事食一咬落去真係好多肉汁！皮勁脆調味又岩岩好！想知有幾多汁？坐我斜對面個同事咬落隻雞嗰陣飛左啲肉汁過黎我度😂😂😂無誇張！最欣賞係佢俾雞上脾同雞脾，因爲我最唔鐘意食雞胸，啲雞真係肉嫩多汁呀食食下大家都覺得六隻唔夠分，於是……食埋份外賣餐先 之後買多set外賣！😎薯條都幾好食架，真係有薯仔肉唔係得塊皮，反而意粉我就一般，肉醬好甜唔岩我口味食到飽哂都係50蚊，已經加入左我既encore list, 食完呢間應該唔會再食某炸雞連鎖店，希望jolibee多啲分店啦！

Jollibee 快餐我唔常食，但今日經過灣仔，見到jollibee就心郁郁想食吓炸雞。我叫咗2個餐，包括以下食品汽水：正常芝士熱狗：D芝士唔識溶，係咁跌落枱，如果係有D溶化咗嘅芝士醬，應該好味好多。蘑菇飯：老伯雞出色好多，佢呢個，真係無味ga ，而且D汁好少，完全撈晤到飯炸雞：佢無老伯雞咁鹹，都香口好味嘅。薯條：比另一間大型連鎖店好食，至少唔會淋patpat 我由灣仔拎返屋企，大概要20分鐘！食物仲熱，而且炸雞仲脆，係值得欣賞嘅

今日同朋友行街街睇下戲,睇完戲行一陣覺得餓就走左去快樂蜂度醫醫肚叫左兩個餐一人一個餐一樣一樣黎講下先首先雞係真係好滑,外皮夠晒脆重點係個汁,蘑菇汁係真係好香,令到隻雞都好食好多薯條我就覺得無咩特別汽水要左少冰,正常野