韓鍋酒舍

Open Now

Now Closed

《韓鍋酒舍》碌社交平台見到有間韓國40年老店係海外開第一間分店，聽講係韓國深受國民歡迎，餐廳招牌就係解酒湯同牛腸火鍋🍲坐落店員就會上拌菜泡菜同蘿蔔🥕🍲牛腸火鍋 （中size $488）火鍋入面有一堆牛腸、幾款🍄皇帝菜同秘製醬汁，整整一大煲😳一開始見到成pat辣椒醬以為好辣，個湯又紅噹噹，食落覺得完全唔辣，幾啱怕辣又想食韓國鍋嘅人。火鍋用Gas爐即場煮熟食材，湯底滾嘅時候店員會即刻過黎幫手處理，剪到啱啱好一啖食到嘅size👍🏻出面咁凍打個韓式火鍋真係一流🥹牛腸外面嘅脂肪本身見到一點怕，點知食落口，脂肪入口即化‼️香濃牛油味令成個味道升華左，脂肪反而係精髓。唔夠食仲可以加火鍋限定嘅紫菜炒飯🥩牛腩湯 $128餐廳第二個主打就係牛腩火鍋，但係份量太大，好彩有個細份嘅牛腩湯😋牛腩採用1++韓牛，食落肉汁豐富，肉質軟淋，脂肪和肉質完美结合，口感柔软得黎又有嚼勁。湯底清甜，配埋碗白飯，完美👏🏻🍶餐廳飲品種類主要係韓國燒酒、米酒、啤酒為主🍺岩曬收工後同朋友黎收工後小酌🍻超高樓底令餐廳感覺非常寬落，乾淨舒服餐廳設有加一服務費📍 灣仔聯發街18號地舖(港鐵灣仔站 B2 出口, 步行約5分鐘)

時間途經這間外觀奢華的餐廳，咁凍嘅天氣火鍋都唔錯喎，同同事試下先！裏面座位寬敞，環境一流，服務良好，整個格調很高級🤩牛腸火鍋 $488上菜已經見到超大個鍋，有好多牛腸、菇菌類蔬菜和醬料，排列得好整齊，然後有侍應過來攪拌食材，冇幾耐就滾起食得。有啲辣同埋泡菜味啊我都唔記得小小辣，好香泡菜味，牛腸大大塊，唔會太肥，煙韌可口，加埋其他菇類和菜類，索咗湯底嘅汁，正😍餃子$68 裏面有冬菇，豬肉，好大塊嘅餃子，有泡菜味道，唔錯😎餃子解酒湯$78呢份餃子大大份，個餡同煎餃子差唔多，但同湯一齊食，好香麻油味😙炒飯$48牛腸鍋湯底剩返少少，我哋叫咗個炒飯，侍應將啲白飯同紫菜一齊同個湯底煮，個飯索咗牛腸鍋湯汁，令到個炒飯好有泡菜味，第一次食，幾好食喎！

喺香港終於食到韓國地道嘅牛腸鍋，呢間係韓國已經40年歷史，所以見天氣涼涼地即刻過黎食下。平日夜晚都非常爆滿，店員主要講英文同韓文，仲要隔籬左右都坐滿韓國食客🙈真係好似置身韓國禁。牛腸鍋我都係第一次食，牛腸鍋擺盤十分精緻，鍋中色彩繽紛，勁吸精😍😍。牛腸色澤紅亮，表面裹著香辣調味料，散發出誘人香氣。如果擔心太辣嘅朋友，可以同店員講幫你夾走一半辣醬👍🏻鍋中仲搭配各類新鮮蔬菜如香菇、金針菇、胡蘿蔔和香菜，感覺健康又豐富。牛腸本身口感非常鮮嫩，經過烹煮後，吸收埋湯底精華，讓每一口都充滿了濃郁味道。湯底醇厚而不油膩，仲帶咗少少辣加菜嘅清甜味道，真係好開胃。特別寒冷季節，這樣一鍋熱騰騰牛腸鍋，無疑係最佳慰藉🥰。食完鍋後強烈建議加飯，炒飯係用牛腸鍋湯底炒的，吸收晒湯底嘅精華，再加埋大量紫菜同埋泡菜，每一口都能感受到泡菜脆爽同埋紫菜嘅香味，仲有炒後帶點鍋巴既香脆，真的是一個完美的組合，味道特別豐富。呢個真係必點超級滿足。👍🏻

餐廳裡的店員大多數都是韓國人，讓我感受到濃厚的韓國氛圍。食物選擇相當多樣，特別是鍋類平日夜晚都好熱鬧～解酒煎餃外皮金黃酥脆，裡面的牛肉餡料鮮嫩多汁配搭蔬菜同香料， 味道層次豐富煎得好乾身， 連吃四隻都不感覺得膩牛腩湯火鍋牛肉嚼勁十足，味道濃郁湯底鮮香四溢追加多一份烏冬， 非常滿足！當然不少得燒酒為整個用餐真甜不少風味見好多人都order 牛腸鍋喜歡牛內臟的一定要試餐廳氣氛很好不論約會或公司聚會都非常適合

這間在韓國首爾開業40年的老字號食店，主打暖胃的解酒湯及牛腸火鍋，首爾總店晚市平均等候時間高達兩小時，解酒湯月銷量更多達32,000碗，絕對是當地人氣熱店。韓國人喝酒文化盛行，為了掃除宿醉，當地人慣以一鍋滾熱的解酒湯提神。而韓國的餐廳文化主要是集中供應同一個類別的食物為主，打開餐牌會發現食物種類不多，解酒湯及牛腸火鍋也主要是不同部位的牛內臟為主，再搭配麵或米飯。大部分食材均由韓國直送，保證與總店一致的高水準。店內裝潢風格延續首爾總店的古典雅緻，簡約的深色實木家具營造出溫馨且平和的氛圍。佔地約3,000呎，設有超過60個座位。❥ 牛腸火鍋($488/M)雖然是中Size但份量甚多，兩個人吃足夠有餘。店員會幫忙將蔬菜切小件，然後與牛腸及特製醬料在鍋內拌勻，煮滾就成為顏色鮮艷味道濃郁飲熱辣辣的湯。牛腸量相當多，經過嚴格處理，辟除羶味又口感軟嫩，每件都有牛腸獨特的脂肪香，配上其他材料如牛肚、冬菇、秀珍菇、嫩豆腐、大蔥等，味道濃厚惹味。❥ 牛腩湯 ($128)湯頭以牛骨、牛肉及蔬菜等多種材料熬煮數小時而成，牛腩軟腍，肉味濃郁。❥ 解酒煎餃子 ($68/8件)餃子皮煎得金黃香脆，填滿牛肚和韭菜餡料

今日就同朋友去咗韓鍋酒舍, 餐廳主要供應韓式傳統鍋物,及韓式解酒湯, 係韓國已有40年歷史, 食材均由韓國直送, 以不同部位的牛內臟入饡, 環境典雅牛腩火鍋擺盤賣相精緻, 有超多牛腩, 薄薄一片, 肉質鮮嫩, 炆得好腍身又好香牛味, 仲有雞髀菇同洋蔥等配料, 湯底清甜, 配撘烏冬, 索滿湯汁, 口感煙韌牛蹄湯份量超大, 湯底雪白, 建議可以加啲鹽落去提鮮, 令牛味更出, 牛蹄爽口彈牙, 咬落滿滿骨膠原解酒煎餃子餃子皮好簿身, 餡料用左牛肚同韮菜, 煎得金黃香脆

位於灣仔嘅《韓鍋酒舍》，一家韓國過江龍餐廳，主打解酒湯和牛腸火鍋，在韓國首爾相當具人氣餐廳裝潢以深色木材為主調，古典雅緻風格，令人感覺舒適之餘，也能感受到濃厚嘅韓國文化氛圍🥢牛腩湯火鍋 (中)湯底用了牛肉和杏鮑菇片熬煮而成，入口份外清甜，牛腩擺盤很美，薄薄一片，肉質鮮嫩沒肥膏，而且份量也不少，另加了一份烏冬，吸盡湯汁，非常好味🥢解酒煎餃子外皮煎得金黃香脆，內餡用上牛肚和韭菜，相當飽滿，吃時蘸上辣椒油和芥辣，別有一番風味🥢牛蹄湯用上牛骨湯底，較濃稠而味道偏淡，牛蹄煮得軟腍，滿滿骨膠原，吃時加點鹽和胡椒，可提升牛蹄嘅香甜味道

店名: 韓鍋酒舍地址: 灣仔聯發街18號地舖灣仔站B2出口，行5分鐘環境: 4/5價錢: 4/5味道: 4/5呢間來自首爾嘅過江龍，已經開業40年，今次登陸香港開設首間海外分店，當然要試下最出名嘅牛腸火鍋啦😚牛腸火鍋❤️❤️❤️❤️$488火鍋湯底以特製醬料為主，加上嫩滑牛腸、同多款蔬菜，牛腸口感爽口軟嫩🥰毫無腥味，帶辣味之餘又惹味😛蔬菜哂湯嘅精華同味道，好好食☺️炒飯❤️❤️❤️❤️❤️+$48食完牛腸火鍋，可以揀加炒飯入去😙店員會幫你炒好，加入泡菜、紫菜等，炒完嘅飯鑊氣十足，味道👅啱啱好，十分滿足😌牛腩湯❤️❤️❤️❤️❤️$128怕火鍋太大份食唔晒，可以叫一人鍋，熱辣辣🔥嘅牛腩湯，湯底味道清甜，帶有牛香，配上上等牛腩，肉質結實肉味香濃😚

天氣寒冷，大家都想去吃熱騰騰的火鍋，加上最近廚藝競技節目「黑白大廚」風靡全亞洲，掀起一股韓國美食潮，於是這天選擇了灣仔聯發街新開業的韓國首爾40年老店「韓鍋酒舍Joongang Haejang」，灣仔新店更是品牌的首間海外分店。這家韓國首爾開業的40年老字號「韓鍋酒舍」主打醒神暖胃的解酒湯及暖笠笠火鍋，大部分食材包括多個牛肉部位都由韓國直送，水準與總店如出一轍。灣仔店裝潢風格仿照韓國總店設計，以古典雅緻的深色木材為主調，配上簡約低調的實木傢俱，帶來溫暖平和的氛圍。餐廳餐單很簡單，主要就是醒酒湯專門店，並沒有太多其他選擇，好像醒酒湯也主要是不同部位的牛內臟為主，再搭配麵或米飯。湯頭以內臟為主料，加入牛骨、牛肉及蔬菜等多種材料熬煮數小時而成，再加入韓式特調的味料。我不太吃內臟，所以點了牛蹄解酒湯 ($158)，湯底雪白，牛蹄肉內藏豐富的膠原蛋白，簡直是女士們至愛！第一口的原味道比較清淡，但原來枱上有小卡片教食客如何享用解酒湯最好，加少許鹽和胡椒已能帶出味道，還建議將牛肉沾滿芥末醬來吃更加美味。牛蹄解酒湯非常暖胃，相信Happy Hour 小酌兩杯再過來喝解酒湯會有不同的感受。另一主角是牛腩

如果你愛喝茶，你變成熟了；如果你愛喝酒，那你長大了；如果你愛喝湯，可能是變老了。（世尚欸 Σ（ﾟдﾟlll(1)牛腸火鍋 Gopchang Hot Pot牛腸油脂充沛，搭配多種蔬菜：小冬菇、大白菜、秀珍菇、大蔥等，亦可利用剩餘的湯汁製作韓式拌飯。(2)解酒煎餃子 Deep Fried Haejang Mandoo餃子呈半圓形狀，餡料有牛肚和韭菜，切得非常細小，方便食用。另有辣椒油及芥辣，使味道更為突出，非常適合佐酒。(3)牛肚解酒湯主要用牛隻內臟及牛骨熬成熱湯，辣椒粉不會太多，微辣容易入口。(4)馬格利米酒 Makgeolli唔飲酒又點可以飲解酒湯。

同朋友去咗試吓呢間開咗喺灣仔韓國過江龍～平日午市都幾多人，等咗一陣位，餐廳都幾大。午市餐牌單點。我地叫咗兩款菜式。首先講個牛腸火鍋先，我哋叫咗$488嘅size，我同朋友兩個食，份量都多。滾咗之後店員會幫你煎細啲菜～～呢個鍋湯底香辣，有好多牛腸。除咗牛腸之外，仲有蔬菜、菇等等，大大鍋！跟住就試埋佢哋個解酒煎餃子，八隻$68。個餃子皮煎得好金黃，脆卜卜，餡料滿滿，味道香辣～～我地叫咗兩個飲品慢慢食。

韓國解酒湯界老字號嚟咗香港嘞！去開韓國嘅朋友一定識嘅Joonganghaejang立足首爾有成40年嘅歷史Google 評分都唔低～算係當地人都愛幫襯嘅老字號不過呢類老字號都有個特別就係專心只做一件事所以食物嘅variety 同我哋香港人普遍expect嘅唔同呢度主打係 #解酒湯 同 #牛腸火鍋唔食牛腸亦可以好似我咁揀個 #牛腩湯火鍋佢有個加分位就係牛腩偏瘦零肥膏食多啲都唔覺得邪惡另外我好鍾意個牛骨湯底愈滾味愈濃但謹記個牛滾太耐就變鞋另外 #解湯系 就貪心試晒個湯餃同煎餃款個人偏愛後者外皮酥脆唔油脹卜卜嘅內餡好多豬肉香同個辣味都好突出係愈食愈辣果然係好夠解酒！諗返起喺大凍天時食佢清清哋又真心幾暖胃～～～

這店的門牌匾係韓文，全店裡外木系為主同韓文掛圖，除咗4人枱，還有房間，大伙兒可座。牛腸火鍋(我追加額外炒飯)鍋中放咗牛腸、蘑菇、蔬菜。店員連埋特製醬料在鍋拌勻，等一陣就可以飲熱辣辣嘅湯，顏色鮮艷味道濃郁，有點辛辣，牛腸好幼，質感滑溜好爽冇臊味。食完之後，店員會做個紫菜泡菜炒飯，壓扁左飯再等耐少少，重會有少少飯焦，紫菜泡菜用嚟做炒飯更加野味。餃子解酒湯入口嘅餃子皮好滑又薄，餡料係滿滿嘅牛肚同蔬菜，質感柔軟。蔬菜湯底鮮甜帶有點辛辣和葱香，配餃子好味。解酒煎餃子（八隻）夾起煎餃餃子皮好香脆，入面係牛肚同韭菜做餡，食到嫩滑牛肚同韭菜香，將辣椒油加芥辣再點餃子食，外脆內軟亦唔覺油膩。

Lunch time 見灣仔聯發街有間裝修得好高級既韓國菜，入面還有韓國人店員～坐位都夠闊坐得好舒服😌牛腩湯火鍋(中） $388牛腩湯火鍋牛腩份量好多，啖啖肉，牛腩夠瘦無肥膏，食勁多都唔邪惡~可追加額外烏冬為牛腩湯火鍋（+$20）烏冬好煙韌同夠滑，值得加～解酒煎餃子（八隻） $68六十幾蚊有八大隻，性價比高！我地無飲酒，解唔解酒就唔知啦～個名都幾有趣😄牛蹄湯 $158牛蹄湯有d似香港的燻蹄，食落煙韌有咬口！感覺食緊好多骨膠原咁！湯底清清地唔油膩～🍱韓鍋酒舍 (灣仔)📍灣仔聯發街18號地舖

韓鍋酒舍的牛內臟湯、馬格利米酒與韓式煎餃在韓鍋酒舍，我們品嘗了三道令人驚豔的美食，讓人意猶未盡。首先是牛內臟湯，湯底濃郁，搭配新鮮的牛內臟，口感彈牙，十分暖胃。每一口都能感受到牛肉的鮮香，特別適合寒冷的天氣，讓人倍感舒適。接著是馬格利米酒，這款酒的口感醇厚，帶有淡淡的甜味，清新宜人，既能解膩又能提升整體用餐體驗。搭配牛內臟湯，讓人感覺格外和諧，是一種絕佳的享受。最後，韓式煎餃的外皮酥脆，內餡鮮美，搭配特製醬料更是美味。每一口都能感受到豐富的口感和層次，讓人忍不住一口接一口。總的來說，韓鍋酒舍以其獨特的美食組合，提供了一次難忘的用餐體驗，強烈推薦給喜愛韓式料理的食客！