喜聚坊

Open Now

Now Closed

前幾星期較多工作應酬，與外國同事交流，吃了不少西式晚餐。過了這忙碌的時間，特別和媽媽找間中菜館，品嚐中國味道。喜聚坊位於大角咀利得街，奧運地鐵站出發大約十分鐘便到，地點方便就腳。疫情關係，餐廳易安排入座時量度體溫，而且有洗手液洗手，抗疫工作十分足夠。是日燉湯 (⭐⭐⭐⭐⭐)真材實料的老火湯飲起來便知龍與鳳，味道濃郁。材料包括了冬瓜，生熟薏米和豬尾骨湯。春天天氣潮濕，喝這個去濕湯就最適合不過。師父應該是沒有用味精的，喝起來不會太鹹，而且不會有口乾的感覺。 想入非非 (⭐⭐⭐⭐💢)想入非非其實是花膠牛腩冬菇煲。花膠份量多，大約有五至六隻，肉厚而且吃起來爽口，有十足的骨膠原。另外的牛腩也炆得十分入味，令人停不了口。豉油王炒鵝腸 (⭐⭐⭐⭐⭐)這可謂失傳已久的手工菜，烹調步驟十分多，現時已很少地方能吃到。鵝腸吃起來十分爽口，而且師傅清洗得十分乾淨，沒有其他怪味，簡單的配合豉油炒麵經十分好吃。一份大約有八至十件，三，四名朋友分享也十分足夠。甜品 (⭐⭐⭐⭐💢)是日甜品是椰汁雜豆糕，吃起來不太甜，而且有清甜的椰汁味，為這天的晚餐劃上完美句號。總括而言，這間私房菜的中菜水準十分高，而且價錢不算太貴，

今日同舅父去了大角咀這間的喜聚坊食晚飯，這裏標榜食物零味精，比較健康。南北杏雞骨草豬尾湯平時到家機乎零湯水，所以叫了個老火湯飲下，雞骨草清肝火，正合我這些夜瞓人士，老火湯幾杰身，味道濃郁又甜，還有大量的粟米、紅蘿蔔及眉豆等湯料，完全零味精。雀巢蠔餅蠔餅加了些菜甫，入口香脆之餘又帶點爽口，有淡淡胡椒粉味，蠔肉完全唔腥。醬皇麻辣乾鍋走地雞要了微辣，所以辣度剛好，雞肉比較結實彈牙，吸收了青花椒的香味，及大量薑葱蒜爆炒，雞肉入味之餘又惹味。啫啫通菜用了些蝦乾、魷魚仔及肉碎等爆煮，通菜又嫩又爽脆，帶有海鮮的咸鮮味，而且唔會過咸，極之惹味。

呢度嘅食物無味精，相對地健康。茶記嚟講算坐得ok, 有梳化坐。午餐有粉麵客飯、咖哩、竹筒飯等。價錢$60-$80左右。跟餐熱飲$5、凍飲$6。▶️是日湯：粉葛豬骨湯超多豬骨、粉葛，好足料，夠火喉，餐廳話煲咗五個小時真材實料。味道足，我覺得略咸。▶️秘製蔥油流心蛋煎雞扒飯$58豉油係餐廳秘製，甜甜地鹹鹹地。另外，鍾意食流心蛋嘅人可以用嚟撈飯。煎雞扒大塊、香脆，仲有蔥油。▶️叉燒炒滑蛋飯$55充滿叉燒粒。蛋超級多，夠滑。撈飯份量好多。飲品基本上都係茶餐廳嘅選擇，揀咗熱檸蜜及熱檸茶。

以前很少踏足大角咀，但近月多了去大角咀就發現有不少美食。就好像這間開業多年嘅中菜館「喜聚坊」，由以前觀塘搬遷至現時大角咀，主廚「寶哥」有超過30年嘅下廚經驗，更聽聞部份係已失傳的秘製菜式，坊間好難食到～今晚好想食中菜，所以專程來這裡試試🥢《黑木耳雞骨草南北行湯 $168》煲足5小時嘅老火湯，湯料所有精華都煲晒出黎，啖啖香濃無味精，感覺特別滋補有益。《失傳醬脆皮生炒骨 $148》餐廳用上浸泡多天嘅蘋果醋製作，採用新鮮骨即炸，夠鑊氣之餘酸甜度適中，更有拔絲加持，外皮香脆肉質鮮嫩多汁，味道一流，大推！《糖醋魚(時價) $328》魚大條而且賣相吸引，魚肉切開再炸令脆感大大增加，引人唾涎！入口香脆鬆化，醬汁不厚不薄的掛在魚肉上，甜甜酸酸的，真的好下飯。要白飯倒不如一試其煲仔飯：《臘味排骨煲仔飯 $90》即叫即做，所以訂位前最好預訂並準時到達，以免煮得過火。這個煲仔飯份量大，放滿了配料如臘腸、潤腸及新鮮排骨。排骨肉多又嫩，臘腸和潤腸很香口，加上底部的飯焦的確美味。發現有不少人專程來慶生，餐廳還特設這個《富貴夜明珠》當作中式蛋糕，相當特別，很受歡迎！口感是更香脆的煎堆，外層黏上滿滿的芝麻更是香口。下

喜聚坊以失傳中菜為主打，以強勁鑊氣料理私房菜式，菜品款式多，材料均取用新鮮素材，質素高。餐館現建在大角咀地區，距離奧運站約三分鐘，晚上時間建議預約。店內燈光光猛，牆身貼上一張張大廚與名人的合照，環境乾淨俐落。老火煲霸王花豬尾骨湯老火湯香濃無味精不油膩，霸王花熬出的湯頭清香甜滑，清喉潤肺。四人人均有兩碗，飯前暖胃之選。喜聚坊小炒王很多餐館也主打小炒王，但以大大片魷魚、大顆蝦仁作配菜卻不多。失傳醬脆皮生炒骨師傅以新鮮豬排骨作主材，再用自家製士多啤梨醋熬醬，粘粉配青椒、紅椒、菠蘿及葱等生炒而成。生炒骨剛好一口大小，咬下外皮不厚，口感酥脆鬆軟，排骨爽口鮮美。臘味滑雞煲師傅即叫即製煲仔飯，需時十五至二十分鐘。上桌熱騰蒸氣冒出、飯底焦香雪白不燶底，薄薄香脆飯焦伴上糯香軟白米，面鋪滑雞及臘腸，再以少許醬油調味。總括來說，以大排檔或茶樓價錢吃優質私房菜，富滿足感。

今日同呀媽兩條友黎呢到諗住食下小菜，入到黎，座位好闊落，坐得幾舒服🤪🥢老火例湯 $168我同呀媽都好鐘意食湯渣，佢仲左煲煲左5個鐘既老火湯外，仲有大大碟湯渣，今日係木瓜雞腳，有d陳皮香，份量都多，每人飲左2-3碗。🥢失傳醬脆皮生炒骨 $148新鮮熱辣，食到外脆內軟既口感，食過最好食既生炒骨🤪 唔會好甜，肉質鬆軟，呢個真係好食。XO醬薑蔥牛根腩花膠件 $168呢個牛根腩煲比較濃味，牛根炆到淋，花膠件入味，但食得多有d膩。呢間有好多傳統小菜都幾出名，聽老闆娘講好多都要訂先有得食，下次會再嚟試吓☺️

今日男朋友接放工，之前經過大角嘴見到有間鋪好多人等緊位，今日就一早book左去食。餐廳環境行7 80年代嘅復古style。天天煲靚湯今日推薦嘅係南北杏黑木耳雞骨草煲豬尾骨，可以清熱解毒。老闆話個湯係煲左5個鐘，無味精架！飲落好清甜足料，同平時係街飲嘅湯差好遠，真材實料。金雲彩沙黃金蝦球一上檯已經引唔住望多兩眼，金黃色圓碌碌好吸引。入口有陣陣嘅鹹蛋皇香味，外層係炒到起沙嘅蛋皇，入面係好彈牙嘅大蝦，蛋黃嘅鹹香唔會搶走蝦球嘅鮮味 。醬皇麻辣乾鍋走地雞香港好少機會食到走地雞，梗係要叫返個。一碟嘅份量夠2-3個人食，成隻雞係曬到。配菜有紫洋蔥、青椒、木耳、豆卜等，加埋小小辣，雞肉好惹味。食雞煲最驚就係雞肉太熟會好老，但佢食到後期啲雞胸都好嫩。最後再黎多個甜品腐竹薏米糕就啱啱好啦！呢一餐真係好滿足。

今日約左奶奶黎食晏，我地見到門口餐牌都幾岩食，同埋裡邊係坐9成滿人（疫情下，每張枱坐4人），咁我地去到都安排左最後一張圓枱俾我地，坐低就點左兩個飯。飯未上，先上湯；今日既湯係萬壽果花生眉豆雞腳湯，飲落冇味精，同埋好足料我地嗌左兩個飯分別有果醋果肉豬扒飯 同埋 秘制蔥油煎蛋雞扒飯果醋係用新鮮蘋果x 幾十個煮個汁，食落清香，比出邊的京都骨醬淡少少，好好味，我既3歲女兒食足一碗飯😊，豬扒易咬唔痴牙，真心唔錯拎左少少奶奶食既雞扒飯撈蔥油汁，個蔥油汁真係好好食，好食過茶樓既蔥油，佢唔咸，空口食都非常開胃！！！雞扒醃得夠入味，又係唔痴牙，好怕係街食野痴晒牙既感覺。下次再黎試下佢個竹筒飯，見隔離幾枱都有客食緊，應該不錯

最近因為疫情關係，晚上都冇辦法堂食，食餐好，所以上星期六決定晏晝炒d小菜享受一下，所以去咗喜聚坊，嘩！樣樣都好味，忍唔住要出個食評，首先係冷盤雞腳，有d麻辣，但非常鮮味！好開胃！仲有黑毛豬炒虎皮椒，好惹味！生炒骨係其中一個招牌菜，當然好味！😋至於菜，我點咗豆杯(極嫩版的豆苗！）好好好好好味！壓軸出場嘅係「碗仔翅」好味到我一個食咗8碗🤤，係我食過最好味嘅碗仔翅🤤😋😃👍🏻👍🏻👍🏻

喜聚坊係大角咀區一間中餐館，不過佢地中午都有賣碟頭飯，價錢雖然貴過普通茶記少少，但份量好大而且食物亦比較好味同足料，麻甩佬食都一定夠飽，如果女仔唔太大食一個午餐都夠兩個人share食。午餐選擇都幾多，碟頭飯蒸飯湯飯粉麵扒餐穿都有，價錢由$48至78，熱飲加$6，凍飲加$6，另外仲送例湯．例湯(免費) - 以為佢個例湯係普通得舊白蘿蔔嘅味精湯，但估唔到係成碗滿晒紅蘿蔔粟米雪耳瘦肉，非常足料，夠味之餘亦飲得出冇味精，不過留意返例湯係送完即止，另外如果想添飲就要另加每碗$10。黯然銷魂飯($60) - 叉燒煎蛋飯其實不嬲都係茶記經典碟頭飯之一，《食神》賦予佢另一個新名黯然銷魂飯之後，就連高級茶樓都有得食，不過哩度嘅黯然銷魂飯絕對有驚喜。除左有兩隻煎太陽蛋之外，叉燒用左豬梅肉，仲要係厚切，食落鬆軟之外亦特別有口感，豉油雖然睇落唔多，但因為有兩隻蛋，撈勻之後每一啖飯都有味又唔會覺得太咸，正呀～！！美極干炒牛河($68) - 干炒牛河碟頭好大，牛肉雖然驟眼睇唔係好多，原來河粉中間仲有牛肉，所以都有幾多塊，仲要每一塊都大大塊，牛肉好腍冇筋，河粉用左幼身薄河粉，冇粗河粉咁厚，但又冇湯河咁易斷，炒得夠鬆

有次探朋友就到他家附近食午飯,就來到喜聚坊。店裝潢光猛,環境舒適, 有小店感覺。我們選擇二份不同午餐share 食。首先送上是日列湯是日列湯是粉葛排骨湯,是一個經典湯水,十分足料,入口清甜滋潤,是健脾去骨火湯水。**【秘製咖喱生肋飯】 $60這咖喱牛肋條口感很軟腍得來有口感,不會很煙韌又好入味,味道惹味香濃, 香噴噴的,牛肋條肉味濃配上微辣咖哩很開胃惹味,送飯食一流,令人回味無窮。**【鮑魚金蒜排骨飯】 $68豉椒蒸排骨飯就食得多,當然要試試新款菜式鮑魚金蒜排骨飯。嘩！頂上有鮑魚,厚肉口感,而排骨入口香腍又入味,而蓉勁香口惹味及有好多香蔥,一口接一口停不了！加上啖啖肉的排骨配甜豉油,精華滲在飯度,味道不錯！**午餐附附送杯飲品我地分別都是Order滋潤凍及熱菜蜜。

今天到大角咀覓食，到了利得街一間傳統粵菜午餐，一入餐廳見到牆上滿是相片及報導，原來師傅大有來頭，乃是香港第一代私房菜始創人。午市套餐有湯送，是無味精足料咸菜豬肚湯，味道剛好，又多料，飲完非常暖胃。午市套餐即叫即做，有粉麵客飯、竹筒蒸飯、原生燉湯飯、湯麵河及秘製咖喱扒餐。我們點了叉燒炒滑蛋飯及川芎白芷魚頭湯飯。叉燒炒滑蛋飯賣相好，味道更好，滑蛋非常香滑，叉燒粒多汁蜜味，送飯一流，我們邊食邊讚好味。川芎白芷魚頭湯補腦去頭風，特別適合女仕！原盅燉盅上熱辣辣，一打開已聞到香濃湯香！味道剛剛好唔會太濃烈，入面更有魚頭及藥材，非常足料！一盅可分四碗！好抵飲！午市時段也爆滿，座位舒適服務好！期待下次去試其他食物！

去大角咀利奥坊探朋友，午餐就在對面的喜聚坊吃個家常飯，這裡除了一般茶餐廳的食物，做私房菜都很有水準。點了一個海底椰紅棗排骨湯飯$68, 一個肉絲脆脆炒麵$68,下單不久，職員就送上兩碗熱辣辣例湯，說這裏的湯全是無味精的，趁熱快喝吧！天氣寒冷，的確飲完全身溫暖，列湯是青紅蘿蔔粟米豬尾骨湯，覺得有家的味道，是媽媽的老火湯啊！海底椰紅棗排骨湯飯，職員介紹燉了六個鐘的排骨湯，非常滋補！打開燉盅，見到湯燉得清可見底，幾乎沒有油份，裏面還有很多排骨、海底椰、紅棗等配料，都能吃光光 ! 喝一口湯，超清甜，沒有加味精，飲完喉嚨很舒適，寒氣全驅！裏面的排骨已燉到很軟，可以加點豉油就夠鹹送飯吃，是冬天推介的好物。肉絲脆脆炒麵，一般茶餐廳是用滾油炸麵底，但這裏十分用心，是用的鑊的熱力烘乾炒麵，沒有用油，效果又夠脆，炒麵來說，相當健康，又可以吃到脆脆質感。上面的肉絲加了韭黃、金菇、芽菜等配料，份量多， 芡汁味道鹹淡適中，拌勻炒麵一起吃，過足口癮又不怕肥！由於有湯的關係，我們沒有點飲品了，把燉湯和例湯都喝光，真的是冬日滋潤防乾燥首選！這就明白私房菜的價值，在這種天氣特別要支持！怪不得午餐時間都很有人氣！ 想喝湯

大角咀開左間街坊小菜館, 自己都好中意食中菜小菜, 又見到午市做緊特價, 當然要入去醫下肚。環境乾淨企理, 叫左兩個餐, 包埋中湯, 老細話無味精煲足幾粒鐘, 飲落真係好清甜!自家咖哩豬扒飯 十分驚喜既味道, 咖哩醬汁香濃惹味, 好似仲帶d沙嗲味咁, 微微辣, 忍唔住撈飯撈到見哂底呀! 豬扒煎得香口又唔會乾爭爭又大大塊, 堅好食!排骨鮑魚竹筒飯排骨肉質鬆軟, 帶淡淡蒜香味, 仲有隻鮑魚, 成知飯即刻high class左~依個價錢真係值得一試, 特別推介個咖哩, 真係有驚喜!

今日和家人來到大角咀銀行處理完事務後找午餐吃， 因他們不好西式，便集中找找中式，剛好看見了這間門面很大的中菜店。進店内，沒有奢華裝修，但貼上了主廚很多威水得獎照片👍 頓時發現自己揀了一間好嘢😊同時間，店員親民街坊式地招呼我.還送上兩個老火湯給我享用。雞骨草青紅蘿蔔粟米煲肉湯很濃雞骨草味，原來煲了五句鐘. 真材實料的湯味，滿滿湯料，沒加味精， 最欣賞係已經隔油.黯然銷魂飯真是一個非一般的叉燒蛋飯， 個叉燒肥瘦均稱，厚切下仍非常鬆化，店員說是自家製梅頭肉即燒。個半熟流心蛋，簡直不捨篤爆佢.配埋個特製瑤柱甫魚頭抽汁，甜甜地撈飯，簡直無法挑剔. 平常小飯的我，很想加飯。艇家風味炒飯望落看似非常 平凡的炒飯，其實是用上海蝦粒， 蜆肉粒和翠玉瓜粒，配上特製的醬汁炒成的 .飯粒煙煙靭靭 這是海蝦粒配上特製醬汁炒出來的得獨特效果。