喜聚坊

Open Now

Now Closed

中午經過大角咀見到有間私房菜喜聚坊，就同朋友入去試試😁聽人講依度既燉湯飯係几好食，我就黎番壺燉湯試下la😋一坐低已經有碗welcome湯俾我地飲，係豬骨湯，好香濃，仲有湯渣食添🥰湯好香濃，湯渣係靈魂，有湯渣睇到係湯自然代表夠足料，唔係用味精😋食物方面我就揀左川芎白芷魚頭湯飯，飲落好補身，川芎味濃，喜歡補湯既朋友會好喜歡🥰混落飯度食好開胃😋尤其夏天好仲意食湯飯，容易入口又清腸胃，對身體都好好啊🥰燉湯仲非常足料，見到有原隻魚頭係盅入面，食落魚頭肉好嫩滑，魚頭骨仲好好味，而湯內已有曬魚既精華，魚湯味係好正既😋魚湯加川芎白芷就更加無得頂😋而朋友就揀左脆脆肉絲炒麵，上枱嚇左一大跳，好大碟，份量夠4個人食😆有4份脆脆面，食落好香脆，上面係滿滿肉絲同醬汁仲有米粉，混埋一齊食，配搭唔錯🥰想食中菜私房菜不妨過黎試試啊😋依度價錢唔貴又抵食，食物仲好好味添😋加左個熱檸水同凍檸七，邊食燉湯飯同脆脆麵邊飲下野飲，好relax又享受，食完依餐飽左好耐😂應該係個脆脆麵實在太大份😆如果一家人去幫襯記得叫脆脆肉絲炒麵，開心share又好味好飽肚😋

媽媽搬左去大角咀office返工，今晚做下孝順仔去陪食飯，係大角咀搵左呢間人氣私房菜餐廳，叫左幾個小菜食。格局幾靚裝修，好有傳統中菜館feel。茶位$8/位 ，餐牌選擇超多，仲有好多平時食唔到既菜式選擇 。.首先叫左個原盅老火湯飲，今晚既湯係「節瓜章魚煲豬骨$168 」，我想講2個人飲呢盅湯每人飲左成3碗有多，飲完個湯都飽晒😅建議大家起碼4個先叫😆講返個湯先，好足料又好味，用左南北杏 眉豆 章魚🐙煲豬骨，睇湯渣都知真係好重料，媽媽好滿意🤣仲話自己煲都差唔多價 。.食物方面就叫左半隻「麻辣口水走地雞$168」、「排骨煲仔飯$80」同「蒜蓉炒西蘭花$93 」，隻雞真係好不得了🤭 醬汁個味道好香有少少麻帶點辣辣的，雞方面我真心相信係走地雞，成隻雞不論雞髀雞胸位置都好嫩滑。本來擔心佢骨位有少少血，但原來呢個先係岩岩好，因為肉係完全無血👍🏻$168好抵食，廚師整得好出色。排骨煲仔飯個豉油係用自家製豉油😋甜得黎有陣香味，令到成個煲仔飯都昇華左，加上佢地用新鮮排骨😚同埋最緊要既煲仔飯飯焦🥰不過份量都係多，建議下次再黎4個人或再多d就會岩岩好😂.最後仲送左甜品俾我地食，呢餐媽咪食得好滿足，價錢亦唔貴，

今日去左大角咀探朋友，晚餐佢極力推薦呢間喜聚坊，主打古法手工菜，主廚有接近30年下廚經驗!餐廳環境寬敞舒適，老闆娘同店員親切友善，熱情推介菜式之餘仲好好傾。老火煲赤小豆粉葛豬尾骨湯平時日忙夜忙都無咩湯水飲，難得有碗老火湯飲，有助清熱、去骨火，袪濕一流，仲可以減少頸緊膊痛。湯頭清甜滋潤無味精，飲得出材料好新鮮，粉葛夠靚，咬落軟綿起沙，纖維豐富。海鹽烤英倉外皮焦脆內裡魚肉嫩滑，啖啖肉肥美多汁，鮮味十足!高山椰菜花炒蝦米魷魚椰菜花爽嫩清甜，高纖維夠健康，配以蝦米、魷魚同炒，鑊氣十足，咸香惹味，拌飯一流。鳳爪排骨煲仔飯熱辣辣上枱煲仔飯，米飯煙韌軟糯，仲有香脆飯焦，鳳爪、排骨醃得入味好滑溜。最後老闆娘仲送甜品薏米糕相當清甜彈牙，正。

今天同朋友去了大角咀覓食,選了間私房菜中菜叫喜聚坊,座落利奧坊對面總體環境不錯,柔和的燈光,古色古香,地方坐落舒服,聊天聚餐是不錯的地方~.*私房蜂巢脆皮蠔仔餅 $148脆邊脆面鬆脆的口感,是我是日的最愛,蠔仔餅味道不错.*老火煲萬壽果南杏北杏豬尾骨湯 $168煲了五至六個鐘,用料新鮮,不含味精,湯料可以食埋,湯味道很清甜,老火靚湯精華所在共冶一爐~!.*秘製咖哩豬扒煲 $128用上30種香料，慢煮6小時的咖哩醬，加上鮮磨椰汁煮咖哩，入口香濃而幼滑，令人再三回味豬扒足料配上特製醬汁，香氣撲鼻.*避風塘干炒牛河滿滿的鑊氣感,火喉十足,蒜香惹味,麻味和辣味合在一起~正,牛肉片質地軟腍,河粉條理分明且入味~.*薏米糕味道清新,甜味淡淡不腻,最適合晚後甜品

大角咀呢邊出名多嘢食，今次經親戚嘅介紹吓，黎試一試呢間私房菜，聽聞大廚煮嘢非常好食，一定要朝聖一下。入到去環境已經反映餐廳口卑，皆因牆上貼咗好多大廚受訪問、得獎、獲推介嘅照片，所以未嗌嘢食已令人充滿期待。《老火煲霸王花豬尾骨湯》$168首先來個靚湯暖一暖胃先，師傅話冇加任何味精，飲落的確係，淡淡地，只有好天然嘅豬尾骨味。霸王花好香，夠林好味👍🏻《支油皇炒鵝腸》$168第一次食新鮮嘅鵝腸，真係好少見，大排檔幾乎全部都係用冰鮮的。新鮮鵝腸嘅特別之處係非常爽脆，比較闊身，而且好入味好香，連底底嘅芽菜都好好味，食到停唔到口！《原條香濃水煮桂花魚》$268桂花魚都知道好滑無骨，整得好食就一定係個湯底，呢個湯底好濃好香花椒味，但又唔係死辣，更加唔會愈食愈咸，師傅係調味方面掌握得好好，除咗魚仲有大量嘅配料，豆芽索汁後好好味好爽口，非常推薦。《芥菜炒咸肉》$148好少機會食到芥菜，炒得好爽脆，咸肉輕輕煎香過，少少脆口，兩樣野好match，都唔錯。 總括嚟講，私房菜真係有咁上下質素，而且大廚真係並非浪得虛名，有機會下次一定再嚟。

喜聚坊 地址: 大角咀利得街10-12號地舖電話: 51993895有好多失傳菜式，而菜式更得獎，心入面一直都想推薦比愛食中國菜手勢架友人啦。湯是足料同心煲，落了很多豬同雞，每口湯都滲透了肉味，粉角赤小豆豬骨湯。極之邪惡扣肉飯，又厚又肥的五花腩肉，汁甜中帶辣，五花腩入口即溶。豬油混和白飯好香好食。麻辣脆皮西班牙豬肋骨，一條勁長，用手食比用筷子方便。炸起金黃又香脆，咬下層肥膏爆油。再來邪惡架炒豬頸肉，彈牙爽口，油香十足。金雲彩沙黃金蝦球，鹹蛋黃呀又見面啦，超大隻蝦大隻多肉，加上炒得均勻架鹹蛋黃醬，加埋落剛才煲食飯白米到一齊食。巧手的手工菜過程步驟多，香港地原意做的人不多。

舊區往往是美食尋寶地，一來歷史悠久，老店自然特別多，二來鋪租相對便宜，創業壓力較小，各類店舖更能百花齊放。這天來了這家位於大角咀利奧坊對面的中菜館【喜聚坊】吃晚餐。這裡可是臥虎藏龍，不僅有名廚主理，更能嚐到快將失傳的功夫菜。此店的主廚寶哥大有來頭，他是名廚鄺炳均師傅的徒弟。鄺師傅的名菜【京酥國寶鴨】，當年鄧小平嚐後讚不絕口，更曾是設宴前美國總統的指定菜式。這款獨門菜在此重現，由於製作需時，想吃的話要預早訂了。西洋菜陳腎紅蘿蔔豬尾骨湯這湯非常足料，店員說這湯淆足5~6 小時，精華盡出，鮮甜程度可想而知。我一個人一口氣喝足四碗，這湯不但美味，更有生津止渴、清熱鮮毒的功效。失傳醬脆皮生炒骨這帶有蘋果醋的醬汁帶有拔絲的效果，不論在味覺上還是視覺上，同樣是絕佳。最令人回味的是這肉用上了近六吋長的西班牙黑毛豬肋骨斬成排骨來製作，黑毛豬的脂肪位分佈均稱，本已肉味鮮甜，加上適量的脂肪，讓肉味更香，更帶爽彈口感。比起一般坊間的生炒骨，這來得更爽彈更啖啖肉。椒鹽炸鮮魷鮮魷炸得極酥脆，炸皮更有入口即化的感覺，加上炸蒜和炸腰果來吃，更覺惹味，用來送啤酒就更適合。星洲炒米星洲炒米一上桌，香濃的咖喱香撲面而來。此

大角咀呢間喜聚坊裝修好有舊香港風格主要做街坊生意姐姐好nice好有人情味午餐選擇都幾多呢度仲有竹筒飯食一坐低就送上兩碗熱辣辣嘅金銀菜煲豬骨湯好味得嚟夠曬滋潤 口水雞飯 $58口水雞雞肉夠嫩滑 一啲都唔鞋口麻辣得嚟好香 唔會太辣啱啱好秘製咖哩豬扒飯 $58呢個秘製咖哩真係十級推薦慢煮咗六個鐘以上 香料味同埋椰汁味好香濃送飯一流 好惹味豬扒份量好多 大大嚿有成五六舊凍檸茶 +$6嗌咗兩款辣嘢飲杯凍檸茶減膩

好耐之前黎過，一直記憶深處都係好好味，可惜一直未有機會再食，咁岩今日去開大角咀做野就緊係要尋回記憶中的美味️呢啲天時，尤其女仔，湯水好緊要，老板娘推介菜乾南北杏煲豬尾，緊係岩飲啦～老火湯果然係老火湯，超滋陰的感覺，而且一飲就知真材實料，用新鮮豬骨煲同完全無放味精底下果種清甜味道飲完係有種好舒服的感覺～大大煲湯，2個人一人好似飲左各3碗先試小炒皇，雖然無叫酒，但完全唔會好咸濃要飲水果種；相反對比其他小炒皇，呢碟用料超多，有土尤、魷魚、貴花蚌、蝦仁、帶子、蒜心、腰果，出面食唔到🤤🤤而且又入味，值得一試跟住係個蠔餅，佢名堂係私房蜂巢脆炸蠔餅🤩🤩，果然無起錯名，真係一炸完出黎蓬蓬的，好大個，而且最特別既係除左蠔仔係大大粒，仲加份左菜蒲！菜蒲香蛋香同蠔仔配合在一起是多麼的令人讚嘆！最後來個咸魚排骨煲仔飯，有飯焦香，排骨好大舊好入味，又淋又易咬，新鮮排骨讚一個！咸魚香融入煲仔飯內，香味四溢，作結非常好！

地點位於大角咀, 係旺角MTR 行過去都係15mins左右.呢到大廚叫寶哥, 睇佢牆上掛住咁多成績, 都知到呢到大廚功力有返咁上下嫁啦!地方坐得舒服, 夠大張, 環境我個人覺得舒適度非常唔錯.醉八珍(368$ 盎) 大廚指明有滋陰補腎既功效, 講明醉, 就其實代表入面會有小小酒精, 但濃度個人覺得唔高,基本上只係飲完會有小小熱熱地感覺, 好舒服, 湯本身味道好濃, 似係老花煲左好耐, 真材實料!味道極佳, 必試之一, 餐牌上沒有, 需要預早打電話叫師父整定, 因為整湯需至少要數小時前準備好.白鱔煲仔飯($100)呢到煲仔飯我覺得好香, 一開香味逼晒出來, 店主推薦食埋飯焦, 飯焦口感就好似咬緊餅咁, 會有D脆口可以一試, 睇下個人中唔中意 . 佢飯都夠2人食, 我會用入面d飯送埋其他送食, 一樣咁正.黑椒牛仔骨($98)牛肉煮得好易入口,好軟易咬, 熟度大約7成多左右,  論煮法我都係中意中式牛既煮法, 感覺口感鬆軟d, 唔洗用刀切都得, 其次就日式a5既整法先到西式.高山椰菜花 呢種椰菜花口感比較爽, 口感係食四季豆個隻感覺, 會"索索"聲, 味道有點偏咸, 尤其底部, 但係鐵鍋高溫

Happy Friday 又去咗搵契媽食飯，佢話請我飲湯喎！點知原來係帶我去大角咀屋企附近嘅中菜店，契媽話主廚來頭好猛，有接近30年下廚經驗。之前成日都有好多報道，一睇個餐牌先至勁～有鄧小平^ _ ^ 傳奇京酥國寶鴨！名人真係多都仲有戴安娜王妃訪港時候吃的 鯨吞珍珠雞。我哋人少少又冇預訂，唯有留返下次有機會先食啦！老火煲萬壽果南杏北杏豬尾骨湯 $168我同老公都讚不絕口，經理話老火湯 煲咗五六個鐘，每日新鮮燉湯，真材實料的湯料另上又可以當一個餸，精華啖啖香濃味道濃郁，無味精特別滋補有益。萬壽果、南杏北杏、豬尾骨，沒有味精喝起來很清甜。失傳醬脆皮生炒骨 $148賣相吸引，經理特別推介，詳細解說師傅以新鮮豬肉作食材即炸，用上蘋果醋爆炒，再加上秘製醬汁酸甜度適中，名副其實的脆皮，入口香脆之餘更有一點點拔絲的效果，外皮香脆而肉質鮮嫩，可口多汁味道一流，口感酥脆鬆軟，滋味無窮。西班牙黑毛豬肉片 配 XO醬虎皮椒 $188西班牙黑毛豬肉片 入口結實彈牙，吸收了XO醬虎皮椒的香味，入味的西班牙黑毛豬肉片 又嫩又爽脆，咸鮮味極之惹味。配 XO醬虎皮椒 帶一點微辣，虎皮椒份量多，厚身吃起來有質感，令人吃

今日星期六下午路經大角咀，見到呢間食小菜嘅餐廳門口放著午市餐牌，有好多選擇不特止，個價錢仲幾平。即刻走入去試下喇。內面都係圓枱，啱晒一大班人嚟食飯。可惜暫時未能。原來全部飯餐都送埋湯，今日係冬瓜薏米煲豬尾骨湯，店員聲稱去濕一流。本來以為會好似茶餐廳例湯咁好咸，但呢個湯竟然絕無味精，清甜又多料，好似媽咪係屋企煲嘅靚湯咁，如果可以飲多碗就好了。秘製手撕雞飯（$58）- 手撕雞唔太辣，唔食辣嘅都可以試下，好惹味。配上爽口嘅木耳、青瓜、紅蘿蔔，撈飯食一流 鮑魚金蒜排骨飯（$68）- 賣相好吸引，係竹筒排骨飯。仲有隻鮑魚係中間添，煙煙韌韌好有嚼勁。排骨又入味，好食！

喜聚坊，同事話好多明星食過，但價錢唔算貴。就帶我食晚飯！老火豬尾骨粉葛湯 $168赤小豆扁豆，仲有南北杏。個粉葛多老又粉，少見！眉豆白豆樣樣齊！個湯無油光光咁，處理豬尾骨好好。去濕去水腫去骨火，棗棗帶甜！原條香濃水煮桂花魚 $268桂花魚肉好滑，辣味向上麻！配菜有芽菜、芫西、青瓜、豆粕、冬菇菌類！平時多數係酸菜魚，今次新嘗試。一口接一口，辣度接受到！咖哩牛筋煲 $128大量炸薯仔、三色椒、洋蔥。店員話個咖哩整左4小時好入味！牛筋好軟林，之後仲有牛腩。牛腩份量多d，哈哈！炸薯仔幾好食，夠香口！滑雞排骨煲仔飯 $95飯焦底，飯量多實飽肚！滑雞不過不失，反而排骨充滿玫瑰味道！啖啖肉，新鮮無雪肉味道！上湯金華火腿生菜 $168少貴，不過佢既生菜有玻璃既感覺上油又脆！兩碗八年陳年古法紅豆沙 $100全沙，無紅豆粒！已經融哂沙，懶人食飲就得，哈哈！八年陳皮未去到金舌頭知，但食落陳皮味道係香濃些！

今日來到大角咀朋友家玩完後順便在附近吃晚飯，於是找到這家出名的中菜餐廳，主打有特式的手工中菜。餐廳環境裝修有格調，座位舒適寬敞，很適合和朋水聚會聊天。老火煲霸王花豬尾⻣湯煲得足火候，材料豐富足料，入味鮮甜，霸王花清甜新鮮，豬⻣味濃郁，湯很清甜美味，滋潤有益。喜聚坊小炒皇即叫即炒，鑊氣十足，惹味香脆，咸香可口，韭菜花爽脆清甜，有蝦乾，鮮魷魚，腰果等一起炒，口感層次豐富。臘味滑雞煲仔飯要預早訂煲仔飯，一上檯香氣撲鼻，入口油脂香味散發，香脆而不油膩，臘腸味道入味，口感煙韌，雞肉嫩滑鮮甜，一點也不韌，滲入飯粒當中，而且有𣎴少的飯焦，香脆可口。失傳醬脆皮生炒⻣用上一級靚新鮮豬肉來煮，特別嫩滑多汁，外脆內軟，其醬汁蘋果醋是自家製，香甜入味，還有新鮮菠蘿肉和芝麻粒等，清甜美味。

約咗朋友喺大角咀食飯，呢區有好多小餐廳，真係乜嘢菜都有得食，我哋行吓行吓，見到呢間小菜館，原來大家都喺度食過午餐，記憶中味道好好，不過未食過晚餐，機會嚟啦，即刻入去試吓😆- $168嘅「老火煲南北杏霸王花豬尾骨湯」：先上一碟巨型湯渣，真係材料非常充足，真材實料、貨真價實；飲一啖湯，味道超濃郁超鮮味，霸王花、豬尾骨嘅精華完全溶於湯水之中，每一啖都鮮甜，感覺仲非常健康有益，超贊😋- $168嘅「避風塘炒蜆」：蜆肉好新鮮甜美，用大量蒜粒同自家製香料炮製，超級香口超級好味😋- $148嘅「失傳醬脆皮生炒骨」：外邊微微脆裏邊肉質軟熟多汁，味帶酸甜好開胃（原來其中一種醬料係自家製嘅蘋果醋），好正😋- $90嘅「臘腸排骨煲仔飯」：熱辣辣香噴噴，排骨好鮮味😋，食到煲底仲有飯焦可以刮嚟食，好滋味😋呢餐由頭到尾都好好味，廚師功力深厚，抵讚😋