甘香齋 (Closed)

＂甘香齋＂一間經營了廿幾年的素食店，由於呢度嘅住家式素菜不含味精，而且仲有靚湯飲，對於我呢個很少煲湯嘅上班一族是一個非常好的健康選擇，所以返工前一定要嚟呢度食個午餐先😋。這裡以畢畢餸型式，每天有數款不同菜式以供選擇，可揀兩餸或三餸，附有紅米白飯及靚湯，價錢亦非常扺食。最喜歡他的茄魚香茄子及羅漢齋，今天還品嚐了老闆娘親自煮的南乳栗子花生炆蓮藕，非常美味😋👍🏻，還有菜寶蛋也很香滑，是一間值得推介的素食店！

非常的骰之食店，先喝口任添的南瓜海帶湯，再吃著由12款菜式中選擇的香煎付皮卷，梅菜肉碎豆腐，魚香茄子及油墨菜，最後扒點任吃的紅白米飯，沒有驚艷的味道，卻像住家菜般平和。。。生活中其實很需要找所歇息站緩衝思緒，回氣一下才再上路呢。

這天趁放假日到北角探姨媽，姨媽囑咐到蜆殼街甘香齋買盒飯作午餐。 這家店店面很小，一不小心走過了頭也沒發現，問一下路人才驚覺來回數次也沒看到。 (汗...)店門外貼有當天可選的菜，可選2餸 ($33) 或 3餸 ($36) ，飯方面又有2款選擇 (紅白米 或 白米飯)，價錢已包括無味精老火湯一碗。店內有少量坐位，堂食的話要多付5元，好奇問問店員為何堂食比外賣還要貴，原來堂食客人可以無限添湯和飯。為姨媽買飯之餘，也給自己買了一份，揀選了3餸配紅白米飯。三個餸分別是：香煎腐皮卷、萄汁薯仔椰菜花、涼瓜冬菇炒蛋。香煎腐皮卷已經透風軟掉了，內裡有些椰菜絲、木耳絲、粉絲，味道還可以。門外是寫萄汁薯仔椰菜花，看著吃著也不是萄汁味道，也沒薯仔，可能沒有更新菜名吧。 吃著就是清炒雜菜 (椰菜花、西蘭花、金菇)，這個組合也喜歡，椰菜花爽脆，西蘭花軟脆，配合金菇不錯吃。涼瓜冬菇炒蛋樣子不討好，涼瓜和冬菇份量也不多，蛋炒得老了，味道還可以。紅白米飯，紅白米的比例大約1:9，紅米太少了，飯粒完整獨立，口感不錯。雖然店外是寫滋潤菜乾白菜湯，非常明顯是沒更新嚕。從湯料來看，應是老黃瓜赤小豆扁豆湯才對，味道清甜好飲哦。

早兩日又去炮台山開會，心心念念上次想吃的紅米粢飯，於是又去甘香齋買早餐，紅米粢飯+豆漿都係$18。粢飯粒粒分明熟度剛好，完全包圍著油條和榨菜粒，還有些仿肉絲的食材，口感極佳，軟糯香脆，食味咸淡適中，正！豆漿不是自家製，今次甜度剛剛好，如果不想喝豆漿，可以單買粢飯$12。昨晚開會後又緊接有講座，想也不想就行去附近食齋，諗住食個快靚正健康晚餐。選了2餸飯+湯，杞子冬菇蒸雞、香煎腐皮卷。香煎腐皮卷不香不脆，幸而食味還保持可口。杞子冬菇蒸雞樣子不好，是鮮腐竹上有杞子冬菇，有杞子香，冬菇一小片，食味清清地腐竹豆味濃。龍脷葉枇杷葉羅漢果湯，淡淡的羅漢果帶點葉味，清清潤潤像茶水多於湯，大約6:30入到去無咩人，到廚房看看，餸選擇不多，有幾款已賣光，有些只剩1-2份，還是午餐來吃較好。

晨咁早去炮台山開會，趕時候又想早餐健康啲，就去附近齋鋪買，原本想買紅米粢飯+豆漿，入到去又心多多，改為蘿蔔糕+腐皮卷+豆漿，見廚房擺放著的紅米粢飯，顏色形狀好吸引，下次買！早前响度食過午餐，覺得好食又抵食，見佢早餐都係$18，配搭吸引又健康，終於有機會試喇。糕內有蘿蔔絲條、紅蘿蔔絲和冬菇粒，粉與蘿蔔的比例剛好，口感軟軟卻不黏口，好好味。腐皮卷過了氣不夠脆，咬下去沒有咔嚓咔嚓，除卻口感，仍然好吃。豆漿不是自家製，偏甜但有豆味，下次再試第二樣。

A really nice restaurant with great prices and choices for vegetarians or vegans! Only $36 for two dishes and $39 for three, even cheaper with takeaway! Each meal comes with rice and delicious Chinese soup with refills😋😋😋😋 highly recommended for a yummy lunch spot

35蚊以下中午有一個飯及湯(外賣), 而且好食少油又健康， 我是捧場客。每天有十多樣的餸菜選擇二到三款， 總是可以選擇到心水。仲可以行入廚房門口， 望真啲餸菜個樣先至揀， 此店嘅人情味十足！

暴飲暴食咗唔知幾多日之後，難得今日可以俾阿胃抖一日，所以今日一定要做green day。左搵右搵，實在唔想再食西餐，所以就嚟呢度試吓任添飯及例湯啦！入到嚟，阿姐即刻叫我入廚房自己揀餸，非常親切嘅感覺。呢個時候已經係2點半，好多餸都已經賣哂，好在仲有嘅餸都係我鍾意食㗎啫！煎腐皮卷漲卜卜嘅腐皮卷，大概有我成隻手咁長，雖然已經煎咗一段時間不過仲有啲鬆脆嘅口感，咬開入面全部都係料，有椰菜及蘿蔔等，料嘅種類唔多，但數量就非常充足，而且感覺上唔係好油又唔鹹魚香茄子喺外面食通常都係好鹹嘅，但呢個鹹度適中，但個汁就杰咗少少，難啲撈飯鹵水蛋+豆腐豆腐乾及蛋都未係好入味，但我滿意。親切的阿姐仲送多隻蛋及兩條白菜俾我添😎龍脷葉枇杷葉羅漢果湯超級清甜，仲好多湯渣，真係完全零味精甚至係零鹽，直頭就係我屋企煲嗰啲湯咁樣，極親切嘅味道！仲要係好大碗，一口氣飲咗兩碗，真係唔好意思😅舖頭雖然好細，而且唔係特別乾淨，但人情味極重，價錢實惠，呢啲小店一定要多多支持！俾錢嗰陣，諗住飲咗兩碗湯，齊頭俾$40，但阿姐即刻話唔得，呢度唔收貼士，覺得好味嘅就多啲嚟😆！望見阿姐親切嘅笑容，我的確想以後初一十五都嚟呢度食，仲要將呢度介紹

呢幾排出開香港島，晏奏自然係埋個邊食。甘香齊有2間分店，1間係北角，1間就係鰂魚涌。兩間都主要提供’任點任食中午套餐’，可添紅米飯，添老火湯，但個人就較愛鰂魚涌。呢間甘香齊有別以鰂魚涌，價錢平$2砇，可以揀二餸餐$35，但可以好似鰂魚涌咁自助任斟紅米飯/炒粉/炒麵/白粥/老火湯／凍豆漿任飲，添飯添湯需問廚房。呢間亦較細，有時要等位，可能會堆滿買外賣嘅上班一族。2間甘香齊嘅餸菜差吾多，都係大大碟餸，最抵讚係D湯好足料，清甜好飲（有人會剩要碗渣當餸）。但略熑芡汁過多，落較多生粉，所以少叫有汁餸菜為妙。送上兩日嘅午餐：$40 砇有得找，係港島區算抵食。北角呢間位於新開嘅素食主意 Sooo Vegi後面，但似乎生意冇影響，各得其樂。

I have always wanted to try this place but they never display the daily dishes.On this visit I finally realized that when people dine here they have to order it from the kitchen where they can see what dishes there are to choose.Here was what I chose.★☆★☆★☆★☆★☆★☆★☆★☆★☆★I Bittermelon and tofu roll:I was a bit disappointed with this because it was cooked with black bean but lacked black bean taste and the bittermelon was not soft enough.★☆★☆★☆★☆★☆★☆★☆★☆★☆★Beetroot soup:The beetroot soup was quite

一向都很喜歡食素菜, 更喜歡找一些住家式的素食小店試試, 因為大多數所製作的菜式都較清淡, 不會用太多的調味料來烹調, 特別是它們的老火湯。今次來到這間素食小店一試, 她們收8:00pm, 放工後我差不多要7:15pm才到達, 實在太晚, 很多菜式都售罄了.....連我最希望飲的老火湯都剛剛, 是剛剛賣光了, 唯有看住其他客人飲。環境一向都不太熟識北角的路, 原來找蜆殼街都不容易, 它還要細細間, 一點都不起眼, 一個不留神便走過了, 若大家去這間店舖時要打醒十二分精神, 否則會行了很多冤枉路。店舖細細的, 大約有5-6枱, 每枱最多只可坐2-3人, 我這麼遲才到, 當時只有2個客人, 所以坐得又舒服又寧靜, 獨個兒享受一頓簡簡單單的晚餐。相信一般的香港人, 包括我進餐都比較快, 皆因又忙又趕, 習慣成自然, 即是唔忙都會食得趕, 但不知為何!? 坐下時見到牆上的字句, 給了我一個好大的提醒： "細嚼慢品用心嘗", 相信在openrice寫得食評的食家都是喜歡食, 所以"用心嘗"是很重要!服務店員阿姐好好禮貎, 又好笑容, 見餸菜剩得唔多還覺得不好意思, 臨收舖時還請我和其餘兩位客人各

19.1.2013做完facial之後, 已經差不多下午二時了. 不知吃什麼好, 於是就跟細姨去買甘香齋的飯盒吃. 她時常都稱讚那兒的飯盒抵食又健康, 於是我也帶著期望去跟她買飯盒. 這店子雖然很細小, 但想不到這裡的三餸飯的選擇也很多. 這還是我第一次吃素食飯盒, 於是我揀了茄汁豆豆腐, 豆角炒蛋和西生菜. 附送的例湯是紅蘿蔔菜乾湯.三餸飯中的茄汁豆豆腐甜甜酸酸的, 令人開胃. 豆腐有五件, 每件都是大大件的. 它們的外皮是炸過的, 裡面卻很夠滑. 豆角炒蛋竟然不油膩, 十分難得哩, 而炒蛋的蛋味也很香濃, 蛋塊也很厚, 絕不馬虎, 另外, 豆角夠淋又夠多. 西生菜很新鮮, 也切得細細塊的, 方便食客進食.紅蘿蔔菜乾湯雖然很清淡, 但有很濃的紅蘿蔔味道, 原汁原味哦.總括來說, 這裡的飯盒份量夠多. 雖然食物不花巧, 但都是真材實料, 原汁原味, 也沒有味精, 最重要是食物很健康, 值得支持呀.

去遊行前苦惱晏晝餐飯點解決，行過發現甘香齋星期日居然有開門!​ 阿姐叫我入廚房自己揀.三餸連紅米飯，我揀左炒青瓜，咖喱薯仔同炒蛋. 無味精，係家庭式煮齋嘅味道，唔惹味，但係我好滿意. 個蘿蔔木耳眉豆湯好正，如果唔係怕行行下要去廁所，一定會飲多碗​.

七月下旬•晴 談起甘香齋，其實在這一區也是老牌子，以賣家常小菜式的素菜為主。有時就算不「齋心」，「齋口」也不錯，就來了這邊。 店子舖面甚小，只可坐下十多人，要了煎腐皮卷及芋頭魚。是日例湯是西洋菜蜜棗煲紅蘿蔔，清潤甜美；芋頭魚吃起來凍凍的，腐皮卷很不錯，加上甜酸汁，下飯很好； 飯是紅/白米飯，店員服務很不錯，可能這等素食店子，大家也平和一點的，就如門外的標示所指。想看看這裡的齋是何等模樣，請參考下列網誌：http://gourmetkc.blogspot.com/2009/11/blog-post_09.html

臨近節日, 又是暴食的時節。由於是晚有勁食大會, 午餐得吃點清淡的東西留一留肚, 最好吃素 (剛好此日是初一)。甘香齋的任食中式套餐, 在宏安道舊店時已不時去吃, 因為湯飯任裝, 還有糖水, 實在抵吃。新店照樣供應此套餐, 不過已沒有了糖水。 兩餸 $25, 三餸 $28, 餐牌上有十多款餸菜選擇, 但因為我遲來所以不是剩下很多。無味精老火湯是雪耳木瓜南北杏. 非常多料, 如木瓜、花生、紅腰豆、紅棗等, 煲得湯底鮮甜豆又腍, 食湯渣都食得飽。阿姐已自動波地舀了紅米飯給我, 紅米不算很多, 不過因為有湯渣吃所以都夠飽。入了廚房重地, 在一盤盤菜中選了三款餸, 再由阿姐組合在碟上:阿姐推介的紫菜鴨即是紫菜腐皮卷, 沒錯是三餸中味道最好的, 可是凍的要命, 請阿姐再翻叮都無濟於事。大豆芽大蝦炒西蘭花, 我來得太遲, 西蘭花都變成明日「黃」花了。大蝦當然是素蝦, 還要開了邊的, 哈哈。羅漢齋就普普通通咁啦。不知不覺也是吃得很飽, 不過也無損我之後的戰鬥力!