金記冰室 (Closed)

懷舊嘅裝修，牆上嘅畫（忘了甚麼遊戲）幾有趣的。乒乓波板做餐牌，裝飾品全部係好懷舊嘅玩具。不太餓叫了個通粉套餐，通粉真的很好味，通粉彈牙👍🏻還有火腿奄列，飲品+8元改咗蛋白杏仁茶（這個質地太稀，水太多）總括很不錯

冰室開到成行成市，間間都話要懷緬過去昔日既舊貌，但食物既質素真係良莠不齊！唉要搵到間入得口，又抗通脹既真係少知有少！依間係其中一間連鎖式既冰室，我記得好耐之前食過，但印象都一般啦！今日又黎到附近工作，見佢仲有下午茶咁抵，就一於試下。個餐牌就好似無咩點變，都係乒乓球拍，下午茶既選擇真係算幾多。焗既炒既包類炸物應有盡有，本身唔想食炸野，揀左瑞士雞翼沙律，點知個侍應話無左架啦，得反炸，咁就揀豬排啦，都算個伙記老實。讚完佢轉頭黎就出事，一睇都知係炸啦！又寫煎不過份量都唔算太少，仲有我鐘意既薯仔沙律。味道而言，個沙律個醬好似有點怪怪，唔係白色kafu 個個味啦，係咩就食唔出!仲有少少蘿蔔同什果中和下，無咁dry! 不過如果多少少就好啦！個豬排都係正正常常咁啦⋯⋯無咩特別重點緊係杯奶茶啦，比平時太x個d大成倍，奶同茶既比例適中，算係中上之作。中意佢個杯有反自己既一點特色，唔係常見黑白淡奶杯！其實佢係未用黑白淡奶，對於日日都至少一杯既人黎講，一飲都飲得出！有反自己特色杯都抵讚。講反價錢，其實比好多旺區既茶餐廳較平，平時無裝修無品牌既都係咁上下，佢開得係旺區，應該租金都好貴，但價錢都無話太過驚人！見同

灣仔咁多好嘢食，是日想話去伊館前食個快飯，朋友就揀左呢間。之前係灣仔返工，已經覺得好多好嘢食，而且餐廳都好有風味。呢間入到去好古舊嘅格局，但裝修就新，而且有個用乒乓球拍整嘅餐牌，幾特別。好耐無食茶餐啦，通常都食西餐。唔係特別好好味，係個湯咸左小小。朋友個潤餐，佢地都滿意嘅。快食黎講算ok，係服務態度差小小🙄灣仔有更多選擇嘅，我個人未必會再光顧啦

剛好經過這邊，朋友提議在這間很有特色的茶餐廳用餐。餐廳裝修仍保留了香港傳統冰室面貌，地板是綠白色格仔地磚，牆上掛了很多傳統舊式玩具作裝飾，他們的餐牌亦十分特別，一頁頁的餐牌釘在一塊乒乓球拍上，餐牌上面的圖畫也很可愛，當然要多拍幾張照片放上網呃like啦。我點的是焗豬扒飯，朋友點了餐廳的招牌菜「馬來咖哩牛腩農夫包」，因為人客不少，本來我們是和別人搭枱坐的，但朋友點了這個農夫包，侍應說要坐卡位才放得下，就給我們換了張四人坐的卡位。送上來果然是很大一個包，兩人吃也足夠，很香的咖哩味，味道很不錯，至於我的豬扒飯味道就不過不失，就跟平常在茶餐廳吃到的差不多，沒有什麼特別。不過我覺得來這裡最重要的當然是要感受香港懷舊冰室氣息，不竟香港的傳統冰室已愈來愈少見了。

這間位於天樂里的金記冰室，我每星期六下午都會經過，所以我上Openrice 找食評，知道原來它歷史悠久，本來的老闆將他的招牌頂譲給現在的老闆，由他發揚光大，開了幾間在不同的地方。由於好奇心的驅使下，終於係星期六下午六點前來到叫了一個沙爹牛肉麵，另外一杯咖啡的下午茶餐，麵係福字麵，因為好耐無食加上有些食評話好味道。沙爹味道濃，而牛肉係急凍的，不算太硬，味道一般，而麵就梗係冇分別啦，自己煮同佢煮一樣，咖啡不過不失，整體而言，我覺得一般，可能下次再試其他。

今日試咗金記冰室既下午茶餐，其實佢格里有間餐廳都係茶記，不過見到呢間好老字號既感覺就入咗去食個下午茶餐，但感覺一般。其實佢啲野係幾好食既，不過30幾蚊個茶餐我覺得應該有炸雞脾熱奶茶，不過佢有炸雞翼，都幾好味，不過雞翼真係細得有啲過份，如果個兩隻雞翼係雞中翼會合理啲。同一個餐既另一款雞扒，價錢一樣對比強烈，因為塊雞扒呎吋好正常，30幾蚊好合理，請看圖。奶茶唔係冰室應有既奶茶，唔夠滑，認真觀塘工業區好多茶記既奶茶好過呢間，但唔算好差，不過以冰室嚟講差啲。服務方面都無咩大問題，但員工記性一般，落兩個餐，我本身叫瑞士雞翼熱奶茶佢嚟咗炸雞翼不過我都想食所以無出聲，熱奶茶佢當咗熱檸茶，不過出單後可能佢自己記得就問咗聲就講番係熱奶茶，雞扒佢又問多次係咪雞扒，感覺怪怪地。總括嚟講，野幾好食可以再嚟不過呢個價錢下次我會去格里食炸雞脾。

下午茶時間 常常看到金記很多人用餐 今天決定一試My Order:鰻魚汁海鮮炒烏冬 ($36)香煎香草雞扒配沙律 ($36)相信店內的佈置是吸引遊客的一大賣點 有著不同的懷舊玩具燈飾菜單亦是用懷舊的圖畫 色彩繽紛又特別 對比平常的茶餐廳確實略勝一籌鰻魚汁海鮮炒烏冬份量可接受 畢竟是下午茶時間 量不會像午飯一樣多女生也可以吃得完 海鮮就有幾粒蝦、蜆、蟹柳和鮮魷吃不太出鰻魚汁 也有點太油了香煎香草雞扒配沙律雞扒的SIZE算大 沙律就很普普通通的 沙律醬很多

細細個時試過食一間大品牌既伍仁月餅,食落 口感硬, 味道欠佳, 以為只適合老人家食, .但今年中秋, 試過佢之後, 又覺得伍仁月餅並不差, 以紙盒作包裝, 環保又富有懷舊感, 內裏附送刀叉, 幾細心哦切開後材料充足,  伍仁 :瓜子仁、欖仁、腰果、白芝麻及杏仁 再加入金華火腿, 口感豐富, 厚實而不硬, 食到各果仁的味道, 鹹甜適中, 連仔仔都食到..下年都可以再買盒來賞月

每年都有送月餅給家人的習慣, 而家人年紀開始大..想佢地食得健康D就選左金腿伍仁月餅!媽媽食完好鐘意 ^ ^金腿伍仁月餅，看起來色澤油亮，挺美觀～切開看見滿滿的餡料，挺足料！餅皮薄多餡，有咬口感，口感豐富～入口帶鹹香，不感油膩～配上懷舊的包裝，很有味道～

［鮮豬潤米粉］准備入海洋公園哈囉喂前，晨早既早餐選系金記 廳內的佈置都幾卡通，乾淨。不過個冷氣勁左少少好卡通的餐牌醒晨早餐緊系唔少得熱奶茶烘多士烘得岩岩好，一上台牛油已經預先塗在系包面豬潤唔錯，湯清清地，但姜絲多左d⋯⋯醒晨早餐

入到呢間金記感覺好親切，裝飾全部掛滿晒兒時玩具，入到黎見到餐牌即刻叫一份招牌鮮豬膶餐做早餐。我食過好多間專食豬潤既餐廳，一係就想林D煮唔熟，一係就驚佢唔熟煮到硬到成塊餅甘，一係就唔新鮮又梅又粉。等左大約10分鐘有嘢食，呢碗真係唔野少，豬潤有成十塊，豬潤味道好新鮮，熟得黎又好爽口，通粉啱晒我唔太硬，個湯底好正，一啲都唔味精，我飲晒之後都冇話口渴，唯獨個火腿奄列，我覺得蛋太熟，如果可以留少少蛋黃出嚟會好味啲。另外要讚下個檸檬水同個餐多士，檸檬好新鮮完全冇苦澀嘅感覺，餐多士外脆內軟，好正！呢個早餐真係有食上癮嘅感覺，以後一定會成日去幫襯！

上月是中秋佳節，跟家人共聚的好時光，小時的我最期待是邊玩燈籠，邊吃月餅，爸媽都會為我準備我至愛的雙黃，而且永遠要配汽水吃下才覺得是享受!現在長大了，準備佳節美食的責任落在我身上。想爸媽吃得更健康，今年我為他們選擇了金記金腿伍仁月餅。紙盒充滿懷舊感，一盒內有4小包裝，方便衛生。一個Size 蠻大，最合適切開跟家人一起享用。金腿伍仁月餅餡料豐富，瓜子仁、欖仁、腰果、白芝麻及杏仁等超是密集地集在一起，帶給我一個厚實而很有咬口的感覺，正因為有大量的瓜子仁、欖仁、腰果...... 吃起來不會油膩感。此外，還有金華腿絲，在爽口的質物上添上一份咸香，令人吃得津津有味!

這日在灣仔區要吃個late lunch，想起附近金記冰室的奶茶，於是便動身走過來。這裡作為一間冰室，食物種類比我想像多。乒乓球拍造型的menu內每頁都滿滿，除了一般多士、通粉、三文治等外，也有炒粉麵飯、甚至蒸魚和小菜等。我這日就被menu上的西炒飯吸引了。平日不多地方會遇上這款帶港式風味的'西式'炒飯，都記不起對上一次吃是多久以前了。每日下午二時至六時半的下午茶時段，西炒飯連熱咖啡或熱奶茶，只需$35，定價相宜。我選的熱奶茶，入口順滑，不帶澀味。茶與奶的比例平衡，誰也沒有搶了誰的風頭。而西炒飯的茄汁雖然沒有想像的多，以致顏色賣相與味道都不太橙色。不過整體味道來說也不錯。飯炒得香噴噴、熱辣辣，亦不太油膩。配料有蝦仁、蛋、腸仔、火腿、紅蘿蔔、青豆和鮮番茄等，用料頗有誠意呢～吃飽飽，離開時見到金記冰室也有推出2款月餅：低糖雙黃白蓮蓉與金腿伍仁月餅，更剛好有買一送一優惠。既然未試過，便選了不太常見、而老人家都喜歡的金腿伍仁月餅 我自己也淺嚐了一件。當一切開月餅已經聞到果仁與金華火腿的香味。月餅餡料有金華火腿、腰果、瓜子仁和杏仁等，真沒想到冰室出品的月餅水準與味道也不錯呢。

一年容易又中秋，佳節當然要好好慶祝，以往選擇到維園欣賞花燈， 今年決定留在家中陪伴兩老，一齊食下月餅「應節」！ 老人家偏愛金腿伍仁，貪其嚼感十足，可以慢慢咬下咬下。 經友人介紹就決定送金記冰室金腿伍仁月餅比媽媽試下， 包裝走懷舊風味，令人勾起往日香港風情，絕對是香港人集體回憶。 而且產品是香港製造，品質有信心保證。 (畢竟吃進口中，害怕國產的地溝油或是假金腿...) 月餅散發陣陣果仁香味，慢慢咀嚼後會滲出肉香，令人欲罷不能。 味道方面十分正宗，甜中帶咸，不會感覺太油膩，容易入口。 華媽媽覺得果仁香脆可口，再配合糖冬瓜的軟腍，口感一流， 味道香甜又會夾帶金腿的咸香，完全恰到好處，可以再encore。

本年度一大節慶－－中秋來得快去得快，剛開學不久就已經來臨。還未適應要上學要思考的日子，渾渾噩噩，只想著今年中秋買什麼月餅好。一如上年，伍仁當然要有金記的出品，自從一嚐就不能忘懷足料的果仁火腿餡。還記得往年家人們嫌嚼勁太重咬得辛苦，沒辦法，那種紥實是因為太多料。金腿伍仁月餅　$336（8月21前訂　$228）　　包裝不變，依舊是懷舊風情的紙月餅盒，正如金記的港式風格。想不到連價位都沒有變，現貨價依然是$336一盒四個，但識買一定係預訂，平百多元呢！更出乎意料之外的是友人買了一盒相送，結果家中就有兩盒，最後又再轉贈同享。　　充分回油，拿上手軟身但不會油淋淋的，也未會讓餅皮過為腍爛。仍然是瓜子仁、腰果、白芝麻、欖仁及杏仁的最佳配搭，但今年的似乎佔量減少半分。不至有偷工減料的感覺，倒是吃起來沒那麼硬實難嚼。鹹甜相交，味道溫和得恰到好處，金華火腿絲味香帶煙韌，量還是那麼多。糖冬瓜及糖柑桔等略帶綿感，加入花雕酒及五香粉，不會乸口。　　連接上年的優勢再接再厲，個人認為雖果仁確是下少了，但質感反而更順更易入口。本年也嚐了其他數家的伍仁月，各有千秋，金記算是平衡各考慮因素的一款吧。