金記冰室 (Closed)

「冷氣開放」字樣貼於門前，好像回到六七十年代初期的.....冰室，讓我有懷舊的感覺。今次走進金記嘗試尋回當中的那份懷舊。金記灣仔分店以現代化的佈置，為附近一班上班族，及遊客提供膳食需求。.金記，座落在一個繁榮熱鬧的地方，能夠提供足夠座位，及所坐的位置舒適，已經算是不錯的聚會地點。.食物的款式都能夠滿足不同人的需求，保持冰室的一貫特色，且帶點現代的氣味。.另外，鋪面的環境不錯，但洗手間有待改善，可以加添環保洗手液及將光線調光....

今日想特別早D出門想嘆個靚早餐先返工，最後，為咗杯靚奶茶，揀咗金記揀早餐時間黎食金記，好處係唔會好似lunch咁勁多人，唔洗等位之餘，重點係唔洗真係一人一位身邊仲要坐個陌生人。今日揀咗個雪菜肉絲米粉餐，比起普通茶餐廳，佢比較有少少辣味，不過相對因為咁更加開胃，抵讚呢個餐有件多士同腸或火腿蛋配送，不過我唔食腸或火腿，就順利成章變咗雙蛋了，多士好軟熟，好味當然，呢個早餐嘅靈魂黎喇！香港茶餐廳嘅奶茶，真係特別好飲飲完杯正奶茶，現實歸現實返工！完。。。

其實，不太欣賞此店食物，懷舊包裝和名氣造就分店正在增加。第一位的咖哩牛腩農夫包比不上南龍冰室的金磚咖哩雞和澳門翠苑的咖哩雞/牛包。我個人認為問題是咖哩汁無獨到之處。午餐間中有咖哩飯供應，汁液充足，足夠撈飯。牛脷稔熟但欠調味，並且咖哩汁未能滲透入內。雖然價錢是50元，但包括了餐湯，價錢合理。亦包了熱奶茶。我反而較欣賞不入三甲的芙蓉蛋飯，較很多食店好，芙蓉如面，足以掩蓋整碟飯。材料尚算足夠，如細心慢煎，可成佳作。

呢間懷舊冰室佈置完全係童年回憶，我嘅童年唔知同唔同你一樣啦。牆上有最老土嘅玩棋底紙，另外側邊仲有西瓜波⋯⋯好有心思的格局我叫左邪惡的炸雞脾沙律，個雞脾好大隻好厚身都炸得透，而且好脆、好乾身，唔會一啖油，好難得我食晒全部雞皮，實在忍唔住！個沙律主要係薯仔、粟米粒同埋菠蘿。另外仲有個牛腩咖喱飯，個咖喱濃度好高，好有港式風味，冇加椰汁，而且都夠辣。我估小朋友係食唔到。大熱天時嚟到呢度，冷氣夠凉，座位都算OK，食物又有質素，非常值得再來。

金記係灣仔開咗咁耐，今日係第一次食，等咗一陣位就有喇，入去見到有飯有意粉，即刻諗起某個飲食節目講唔同地方既便當，有一集訪問藝人冰室，問過冰室同茶餐廳分別，老闆話以前只係有冰室，而且只會提供簡單食物，而唔會有意粉同飯，後期D人覺得冰室唔夠多選擇，所以出現茶餐廳，會有飯同意粉，所以分別就係呢樣。入正題，本來想叫個招牌餐既沙爹牛肉麵，但係賣晒，咁唯有加多$7叫個午餐D(咖哩雞扒煎蛋飯+羅宋湯) , 同事叫咗個午餐C(燒汁豬扒司華力腸飯+中湯).同事話佢個餐OK. 我個餐既羅宋湯都幾好，夠味同少少辣，不過就得兩片仔菜，而個咖哩雞扒煎蛋飯，煎蛋係荷包蛋，我最愛半熟蛋既蛋黃, 有兩小塊雞扒，大約係雞翼去骨再片開蝴蝶雙飛咁大塊，仲有三粒薯仔，雞扒煎得外脆內軟，咖哩夠香而且唔太辣，適合普羅大眾。整體合格，只係對於我呢D打工仔黎講有點貴。

是日中午落大雨，我同2位同事本身諗住係公司附近餐廳食算但無位，一路行到金記冰室睇睇有無位（竟然有！），就入左去lu～平時唔落雨都好多人黎呢度食嘢，係灣仔做嘢咁耐都未食過😂餐廳風格有點懷舊，卡位附近放左啲懷舊玩具，除左檯面嗰啲menu之外仲有一個用乒乓球拍做嘅餐牌，幾得意👍🏻據聞呢度出名嘅係咖喱牛腩農夫包🍛，我地叫左3個，價錢$89，嘢飲要加$8，等左大概5分鐘就到lu，服務都幾快。用黎裝農夫包嘅碟都幾大，3隻碟都已經差唔多霸晒張枱😂份量都幾足，同事當中有男士都食得飽。個農夫包入面有焗左嘅咖喱牛腩、飯同埋少少芝士，香味十足，咖喱汁有細碟另外上。都幾好食，係個包我覺得稍微乾左啲。下次會試試其他餸😋

城中有幾家玩懷舊的餐廳，好像「金記冰室」近幾年來有越做越旺之勢，分店一家又一家，這晚就趁着到灣仔電腦中心買附件，就走過灣仔店試試看，的確，環境十分有心思，又供應一些懷舊食物。我們先點了一客「是日鮮魚套餐」（$98），已配白飯，湯和熱飲，薑蔥清蒸盲曹熱辣辣上桌，簡簡單單蘸上豉油已能嚐到魚的鮮味，魚肉相當新鮮，時間掌握好，肉質鮮嫩。店員話他們的魚鮮都是附近街市的靚貨，保證日日鮮。另一道菜也頗有特色，「椰香海鮮原盅南瓜拼黑松露西蘭花」（$128），可以說是將兩道菜合而為一，份量十分巨型，所以，絕對夠兩個人同吃。西蘭花 面層舖滿了黑松露忌廉醬汁，黑松露 的幽香突出，內裡還加入了很多洋蔥 和菇菌；而原盅南瓜放滿了魷魚、蝦仁、青口，盅內是蛋炒飯來的，炒得乾身，真有點驚喜。估不到金記環境有趣之餘，食物也做得不俗，不過，定價就比一般茶記略高。

灣仔金記係我飯堂。。又佢開舖到而家我差唔多晚晚都叫外賣。。星期六日通常都叫常餐（羅宋湯通粉）。。佢哋個常餐不嬲都好好食，羅宋湯通粉入面有好多蘿蔔蕃茄同西芹仲有火腿。但係我叫左四次羅宋湯通粉都好難食！已經變咗牛肉湯通粉冇番茄冇西芹冇紅蘿蔔，個湯有冇味！得幾塊牛肉仲要超難食！😡個奄列都超難食！我好肯定唔係之前個廚師做嘅😒成個味都唔同晒！星期六日下午叫外賣嗰個女人態度又差！以前打電話去叫外賣會同個女人講"奄列個蛋要生少少" 依家呢個女人同我講"小姐蛋點要生少少呀！冇呀！"我對呢間茶餐廳好失望😫😫😫😫😫😫😫😫😫

真忍不住要即場寫，點沙嗲包後二分鐘話冇沙嗲叫我轉，好正常我點西多士，之後二分鐘話有番沙嗲要唔要轉，我話唔緊要就西多士，送到黎我當然認為會有糖漿，見等二分鐘我話可以要糖漿嗎？即時悔氣話"我拎緊啦！"，我之後問個服務員送餐時唔係會跟眼個餐有乜欠比乜咩？佢又悔氣話"咁啱你個位冇刀啫" 我只係第一次黎帶埋小朋友當然唔會理論但今時今日咁既服務態度，我幻想唔到你可以咁成功，期望老闆正視問題保留老字號店，澳洲牛奶公司夠串但有效！準備埋單

今日為左去sogo買嘢，特意早d過銅鑼灣，咁都要食嘢架嘛，如是者今日竟然喺銅鑼灣食左3餐！首先食個靚早餐先，銅鑼灣有兩間金記冰室，我地就去左天樂里呢間食。原來呢度早餐供應至12點，諗咗一輪就嗌左兩個乙餐（$30）。個餐有火腿通粉、火腿奄列及牛油多士連嘢飲。每樣食物嘅質素都不過不失，定價$30嘅價錢算係差唔多啦，咁餐廳嘅裝修都幾有特色嘅，我見到牆上面有飛行棋裝飾，而安排係由1塊乒乓波拍整成，都幾特別架。

友人在灣仔加班至八點，見金記冰室裝修甚有特色，就決定食啦!一個常餐一個金記套餐。羅宋湯足料味濃，唔太多味精。麵包都算暖，再熱d配牛油會好食d。食完兩個餐見到檯有介紹流心奶皇西多，相入面既奶皇又濃又流出來，超級吸引，即刻嗌多個當甜品。黎到都正正常常，問待應拎糖漿，佢地話「奶皇好甜架，唔駛架」切開第一下就覺得有問題，又再搵待應「唔好意思係咪黎錯左，冇奶皇既?」待應: 「你等一陣啦，等一陣就流出黎」我切開左九舊，再舉手要糖漿，都冇流出黎，所謂既「奶皇」係內層凝固左，平時食花生醬個隻仲好味。真係唔好食，26蚊唔算貴，但連基本既奶皇咪都食唔到，唔OK。

肥妹同仔仔做完運動之後唔想煮飯所以就去咗食好出名嘅咖喱包個包挖空左之後加入咖喱放芝士之後再焗 所以個包身好脆 而且索晒咖喱汁非常之惹味 咖喱夠杰身 又唔會太辣入口夠香 而且味道好有層次切開之後唔會漏到四圍都係如果一大班人食嘅話大家可以用手搣餐廳亦都好細心準備多一碟咖哩怕大家唔夾咖哩點麵包另外我哋仲叫咗兩個餸魚香茄子配斑塊班塊有走過油所以唔會太老另外仲加入左蘑菇 食落感覺爽口茄子煮得夠冧夠軟滑 索晒啲汁呢個餸送飯一流咕嚕肉肥妹出去食飯好鍾意叫咕嚕肉但係唔係度度都住得好食呢度個排骨揸得夠脆而且酸甜汁味道調得啱啱好配埋個新鮮菠蘿多汁而且爽甜真係不得了 兩碗飯都唔夠呀

今次去到灣仔嘅金記冰室聽落有啲奇怪其實金記冰室原來開到週街都係位置都幾闊 我同一個朋友去到有卡位坐坐得幾舒服環境都幾靚佈置得好精細又好有心機 連餐牌都係用乒乓球拍去改裝而成 唔食得都睇得我就嗌咗一個雞扒沙律 沙律味道一般好普通嘅茶餐廳沙律但係雞扒就好好食 煎得好脆豉油汁都幾香甜 但係問題係佢嘅份量好少又係食唔飽 可能係我自己大食啦成日出街食都唔飽但係公平啲講佢都真係唔大份價錢方面都ok啦唔平都唔貴呢個下午茶餐都算係咁

「金記冰室」聽就聽得多，不過食就第一次。 屹立於香港有着50年的歷史， 分店更遍佈港、九， 見分店都各獲不少好評， 相信食物質素應該不錯， 所以就和肥妹來試試。 「金記冰室」門外看似普通冰室， 但裡面的裝潢卻花了不少心思～ 金記招牌的舊燈箱、復古的裝修和乒乓球拍造的餐牌， 都保留着老店七十年代舊香港的味道， 就連食物的款式都「港式港味」， 「荷蘭唂咕」、「保衞爾牛肉汁」、「滾水蛋」等都應有盡有， 散發着濃厚的懷舊氣息～ 雖然店家在裝潢設計都很用心， 可惜店員的服務態度和食物質素卻是天淵之別。 我們本來想叫兩份金記1967套餐中的招牌鮮豬潤餐， 但店員就說沒有豬潤， 所以着我們點新鮮牛肉餐， 於是我便問：「可唔可以要唔要豬潤要其他？」 女店員：「無得咁叫喎！」 我續問：「咁新鮮牛肉餐個西煎雙蛋可唔可以轉炒蛋或其他？」 女店員：「無得咁叫呀！要就要，唔要就唔要！」 當時小編已經好嬲😶，想問最後一句：「咁西煎雙蛋可唔可以要『反蛋』？」 （其實在普遍的茶餐廳，西煎雙蛋轉『反蛋』好正常，即是蛋要煎雙面，但不代表熟蛋！） 女店員話好， 誰知反蛋竟然變全熟蛋😩！！！！ 蛋黃蛋白煎得一

一個人係灣仔行左成粒幾鐘，等朋友放工，食啲野先去做果個咩拉筋運動，原本想搵間cafe慢慢坐和嘆下，點知朋友咁慢，來到銅鑼灣都3點鬆，唯有行去間centre附近搵下有咩快餐食啦！路過見到呢間冰室，好似唔錯，一於試下，剛好有2人座，拿拿林落單，都是叫牛扒，一個拼沙律，一個拼薯條，一杯熱咖啡和一杯熱杏霜。沙律的確有點酸酸的，但不是變壞果隻，唔知係啲沙律醬用左邊隻牌子，主要都是薯仔和粟米粒。薯條夠脆，若有啲調味粉或鹽會更好食啦～至於個牛扒，當然薄啦，無咩特別調味，丁丁韌，都ok嘅，但好多油，應該成塊扒用油浸住煮熟，又無吸油紙墊住，索咁啲油上碟會好好多囉…飲品正常，我嘅杏霜都算足料㗎！