金記冰室 (黃大仙中心南館) (Under Renovation)

疫情期間都有來過金記叫外賣，覺得他們的小菜做得不錯。堂食則第一次，裝修是走懷舊冰室的風格。厚厚的餐牌，食物選擇頗多，有中式小炒，鐵板餐，海南雞餐，香港地道美食，及歐陸之選等，價錢大眾化。平時外賣多是點小菜，今晚就豪氣地點了一個海陸空鐵板餐，分別有沙丹豬扒，魚柳及雞全翼配上薯條，十分豐富。用鐵板盛上，倒入蒜蓉汁，吱吱喳喳的鐵板聲，熱度十足。沙丹豬扒有手掌般大，醃得入味，煎得金黃香口，僅熟的豬扒入口嫩滑。魚柳沾上蛋汁再煎，多了一份蛋香味。雞全翼炸得金黃香脆，有陣陣孜然味道。配上蕃茄，西蘭花，車里茄中和油膩感。另外點了晚餐中的豆豉鯪魚炒油麥菜(配白飯)，炒出來的油麥菜清脆而有陣陣豆豉香，是個惹味拌飯的家常菜。每份餐都有包中湯/西湯及餐飲。

現在還算是疫情，冇得出去遊玩，黃大仙中心向來都是人流暢旺及購物方便的商場，今日我也來到行下購物。晚飯也在黃大仙中心的金記冰室食。餐廳裝修大部份都有屏風間隔，裝修都很精緻，坐得舒適。餐廳菜式都很多，厚厚的一本 menu。我們要了鐵板美式什扒、金牌乾炒牛河、韭菜蝦球炒滑蛋、清炒菜心。鐵板美式什扒$98 配一個清甜例湯美式什扒有牛扒、沙丹豬扒、雞扒、腸仔及煙肉，伴碟還有薯條及西蘭花，當中牛扒、沙丹豬扒、雞扒的份量都很大，肉質嫩滑，黑椒汁非常惹昧。薯條也切得較大條，少少脆，軟腍又香薯仔味。整個美式什扒份量多，而且質素不錯，有驚喜！金牌乾炒牛河$62 乾炒牛河炒得夠香口，牛肉份量也頗多。韭菜蝦球炒滑蛋$68 滑蛋蝦仁份量也不少，蝦仁很爽口鮮味，滑蛋名副其實，真的很滑，韭菜更添滑蛋的香。飲品要了酸甜惹味的凍檸檬可樂及雪糕紅豆冰。食完感覺金記真是大件夾抵食，價錢夠平民。

今晚同媽媽去左黃大仙探個長輩，平時我地一向都係去酒樓食，但今次長輩介紹話黃大仙南館有間冰室既小菜味道比酒樓更好，於是我地就順佢意去試下完來佢講既係金記冰室，呢間我之前都有食過，質素的確係唔錯環境唔差，衛生唔錯，坐位都闊落舒服晚市餐牌選擇好多，除左小菜、重有炒粉麵飯、鐵板餐等等杯奶茶好好飲，口感濃厚有茶香平時唔飲例湯既媽媽都話個湯好飲唔味精二人餐好抵，兩個小菜＋兩個飯＋兩個湯＋兩杯飲品先$140幾呢個椒鹽豬扒真係必食，豬扒夠淋有鑊氣，份量多又惹味XO醬蝦仁炒西蘭花XO醬帶少少辣，蝦仁大大粒，至少有5-7隻，西蘭花同蝦仁都有炒得入味，唔會似撈咁另外散點左個例牌沙薑雞，個沙薑味好正，雞肉好嫩滑厚肉重有個菠蘿咕嚕肉，色彩好靚，配料同肉都好多，咕嚕肉爽口，皮唔厚，肉唔乾，好味整體好抵食，埋單$300唔洗，每碟份量都好足，而且味道大家都好滿意

今日中午同朋友去黃大仙金記食午茶，中午繁忙時間雖然要拎飛，但係等左唔夠兩分鐘就有位。而且用手機落單都好方便快捷，朋友點左蝦醬炒飯而我點左常餐，炒飯快到一點即有，但都係熱辣辣好好食。常餐係生炸雞肶加沙律同公仔麵，麵身仲可以揀爽彈定係淋，呢點要讚。而佢既無冰凍奶茶都好有得色，甜得黎又有茶味，亦都唔膩，連我呢d叫開凍檸茶既人都覺得十分ok。總括黎講呢間餐廳坐得舒服，上菜快手，下次會再同朋友黎食，推介比各位。

大排檔隨年月的消失，想食有水準的懷舊小菜，巧手鍋氣小炒，不得不到"老字號"的餐廳，金記冰室始創1967年，幾十年的歷史，應該多有撚手小菜吧！翻一翻菜單，果然花多眼亂，選擇也不少，花了10幾分鐘才下決定叫了三個小菜。金磚風沙炸豆腐$72推介之選無得頂風沙類小菜，看似容易，實在殊不簡單，以前經常會在大排檔見到這類美食，通常都是油炸或爆炒食物，然後灑上椒鹽，炸蒜等等……香口無比，佐酒一流。這個風沙炸豆腐更加是考功夫，見真章。真的菜如其名，炸得金黃香脆，好長一條金磚一樣，脆脆的外衣下，包裹着濕軟滑溜的豆腐，一咬下去先品嚐香脆的鹹香，之後品嚐到多汁且豆味香濃的豆腐，熱辣辣且幾乎不小心烫到咀。 而且一碟炸豆腐至少有10－12件，很佩服廚房師傅的功夫，炸得外脆內軟之餘，豆腐還很濕潤，一點都不乾。這個懷舊小菜吃得我停不了口餐廳主管跟我們说，很多人喜歡這個風沙炸豆腐，通常很快沽清。幸好我們較早入座，最後一份也被我們落單了。菜膽雞（例牌）$68以湯浸煮的雞， 雞肉滑溜鮮嫩，鮮雞味道突出，連雞皮都滑嫩得"索"一聲吞入口, yummy!淋上華而不實的鲍魚汁，更加突出鮮雞味。晚餐-XO醬茄子肥牛煲雖說是晚餐，但

今日係黃大仙拜完神見有點肚餓，同屋企人去附近餐廳醫肚。下午茶時段人流唔多，不用等位直接入座。茶餐廳有下午茶套餐包飲品，價錢經濟實惠。我同屋企人2人叫左3個套餐share!金牌乾炒牛河$47牛肉大大塊而且份量多，河粉條條分明唔會一舊舊，味道茶餐廳鑊氣夠，叫小炒一定唔會輸。無冰奶茶+$5用冰鎮奶茶，唔會溝稀奶茶味道，啖啖茶葉香味。XO醬豬扒炒即食麵$47用XO醬炒即食麵，炒得均勻，而且豬扒份量多，十分抵食。炸雞髀薯條生炸雞髀，非常脆口，出面餐廳少有！

雖然今記嘅分店都非常之咁多但係今晚食到呢間禁忌都非常之咁出色令人喜出望外雖然佢都係行茶餐廳嘅路線但係集團式通常管理嘅質素都比較參差但係呢間就非常之咁好首先屋企人想食吉列魚快所以就叫咗呢個吉列魚快餐跟你愉快嘅質地非常之咁好揸得趣不不知月租食到入邊係滑嘅鱈魚扒但係再配合埋呢個價呢就更加係神來之筆因為呢度嘅咖喱係用上了椰汁味重嘅咖喱再配合埋煮到完全林晒嘅薯仔非常之咁入味三扒兩撥就消滅左一碗白飯之後就叫咗個椒鹽肉排肉牌非常之咁好食雖然食得出係有加咗少少色粉但係就唔會破壞咗豬肉嘅香味而且椒鹽做非常之咁出色啖啖肉拎一口接一口另外就叫咗個京都牛柳用上了蜜桃汁嘅方式煮食蜜桃嘅香味要出深入入咗牛肉但係就唔會甜一齊影響咗牛肉嘅口感不同嘅味道剛剛好令人地非常之咁開胃最後再叫多個麻辣口水雞雞肉煮得非常之夾好非常之咁滑而且唔會鞋而且辣到啱啱好唔會太過辣呢人哋胃口倒退實在非常之夾嘢未最後加咗飲呢款桂花蜜桃茶同埋火龍果花茶甜度啱啱好唔會過分甜非常之咁出色而且仲要係熱辣辣非常之咁好飲

你到黃大仙上 一轉頭炷香 之後就去黃大仙中心南館見地下有間金記冰室 就係食過下午茶-下午上街咗 新鮮蕃茄 焗豬扒 飯連埋 凍飲服務員服務態度好好 呢度除咗提供自助點餐 服務員都會幫你點 餐 之後 熱水一杯。頭先個焗豬扒飯焗得 恰當好處 新鮮蕃茄 食得出係新鮮嘅 配上蕃茄醬 仲有兩塊好淋的 豬扒。個飯底軟硬適中 口感煙韌之後叫咗一隻鹽焗雞 大大隻 好嫩滑 雞肉入口嫩滑味道適中 食落唔會太鹹 唔會太口渴一隻實在太多 所以留番半隻打包返屋企之後有一杯透心涼的奶茶 又係完美的一餐

一間好耐歷史㗎冰室，雖然重開但味道保持，但今次越改越差，叫左個早餐招牌豬潤米，火腿奄列金油脆豬，好以前一直有食開佢呢個㗎早餐，一直都ok之前個餐包，多士超好味，又軟身又脆又香甜，但而家已經食唔到啦，今日黎食已經換左個又硬又乾㗎隔夜硬脆豬，連牛油都係未溶果啲，勁難食，老中家一定咬唔開，其他豬潤米味道保持不變好味，奶茶ok,不過廚房有啲求其，少冰無少冰都係不變，有侍改善，希望日後轉返之前個多士，先再食過。

因為疫情嚴重，公司也開始要求同事們在家工作，下午時分，便來樓下的黃大仙中心南座的金記冰室，吃個簡單的下午茶。餐廳設計裝橫富有70年代的色彩，門口的招牌是用上霓虹光管造成的，牆壁是用上七十年代的徙置區常見的磚塊，地板是用上紙皮石磚，吊燈籠上了以前街市雞蛋店常見的紅燈罩，真的是充滿心事。座位旁的牆壁裝上了 USB 充電位和和插蘇座，讓客人填肚果腹的時候，手機也同時充充電。餐廳的點餐系統也相當現代化，做下不久，店員便送上 QR Code，讓客人自助手機下單。招牌鮮牛肉公仔麵 配 炒雙蛋 跟 牛油多士牛肉公仔麵的牛肉片應該是用上新鮮的牛肉，肉質煙韌爽口，牛肉味新鮮豐富。牛肉片上放了一絲絲的薑絲，用作緩和牛肉的羶味，真的是心思體貼。公仔麵應該用上了出前一丁，爽口彈牙。牛油多士是厚切的，看似吸睛。鮮黃色的炒雙蛋，鬆軟綿密，入口即溶，蛋味豐富。凍檸檬茶檸檬茶是走甜的。但是沒有半點的檸檬酸味，茶味清香，清新解油膩。總結而言，設計裝潢充滿懷舊色彩，食物細節出品創，點餐系統現代化，限制令放寬後，定和男朋友再來吃個晚飯。

行街行到累又到醫肚嘅時候，我們去一間歷史悠久的冰室吃飯。設計裝修到舊式屋邨嘅感覺，好溫暖而卡位位置是層數好得意。來到就一定吃他的招牌菜啦！芝士鮮茄焗牛舌飯熱辣辣即叫即焗，牛舌大塊厚肉焗得腍又入味，芝士滿滿焗得香脆，蛋炒飯粒粒分明撈埋蕃茄醬一起吃好鮮味。鐵板美式什扒意粉蒜茸汁大大份什扒好吸引，雞、牛、豬扒、煙肉、腸仔，意粉很正廚師會用茄汁炒，現在好少餐廳會咁做。金牌乾炒牛河炒河炒得很乾身，牛肉很多塊有牛味唔韌。鹹魚雞粒炒飯鹹魚香好鮮，雞粒嫩滑炒飯有鑊氣。綿滑蛋白杏仁茶濃濃杏仁很香濃又幼滑，加埋蛋白喝很滋潤又美白，女士至愛的。檸檬菜蜜這個也是滋潤系列，檸檬菜蜜鮮甜潤喉。無冰奶茶來到就梗係要試無冰奶茶啦！茶底香濃奶夠幼滑一個字‘正’。

今晚走入金記，見到餐牌上招牌肉絲炒麵造形吸引，所以就叫了，加多一碗麻辣雞肉米缐。全程用app.落單，卡座亦有膠幕遮敝，十分安全。先來炒麵，賣相跟相片一樣，十分興奮，但開始啟動時，就發現問題，碗麵太硬了，完全唔知點砌開佢，唯有加上醬汁及醋試吓溶化，再用筷子插開，先可以慢慢分開小件入口，成碟麵就好似食緊小學時候小賣部的福字乾麵一樣，份量很多，可惜醬汁唔多夠。重有係太油膩，畢竟係兩個權頭加埋嘅炸麵。另一碗麻辣米線份量偏小，要了中辣，都做到效果，湯比相像中清，雞肉冇雞味。可能係$38一碗嘅關係，價錢跟出品成正比！

今日去開黃大仙 見到呢間有少少懷舊feel嘅茶餐廳 我就入去試吓 見到Menu勁多選擇 基本上一間茶餐廳有嘅嘢佢都有 仲有好多特色野 兩個人食真係冇辦法 肚嘅空間有限 咁我哋揀咗下面幾款食物鐵板美式什扒薯菜-份量超級超級大 一上枱嘅時候我同朋友都即刻嘩一聲 有牛扒豬扒雞扒火腿腸仔仲有薯條雜菜 基本上嗰度爭少少就高到林落嚟咁 黑椒汁另上 林落去嘅時候渣渣聲 雖然價錢唔貴 但意想不到食物質素好高 豬扒牛扒雞扒全部好淋身 吸收埋黑椒汁食完一啖又一啖 啱晒食肉獸生炸雞脾即食麵-個雞髀炸得好香脆 薯仔沙律份量好夠酸酸甜甜好好食 仲有配出前一丁份量一啲都唔小 女仔食完全飽到夜晚果餐飯都唔使食凍奶茶-茶餐廳嘅奶茶真係特別好飲 唔會太甜 奶味茶味都好足

今晚得我同爸爸兩個人～經過黃大仙中心南館見到金記茶餐廳！我一直都好鍾意食茶餐廳因為夠多選擇大家有5同口味都可以照顧到！所以我地就入去食晚餐啦！！果然有好多款式！！我都揀咗好耐🤣樣樣都想食！🌟金牌乾炒牛河（$58）超快黎到！好似落左5夠10分鐘就有！😂趕時間食一流！但超級夠穫氣！熱辣辣！河粉5會癡埋一patpat！條條分明！牛肉份量適中～5會太「張口」代表「崩砂」落得剛剛好！洋蔥都甜！值得食！！🌟鐵板美式雜扒配意粉黑椒汁（$92）爸爸要左lee個～分別有腸仔/煙肉/牛扒/雞扒同豬扒！塊塊都好大塊啊！！！我爸仲要叫配意粉！飽到上心口！d肉都幾okkkk可惜黑椒汁太鹹啦！我爸要不停落茄汁去中和啲鹹味😂🌟熱檸水（加配半價$11）🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟都非常抵食！份量夠！一定飽！質素又okk坐得都舒服！怪得知咁多街坊黎食啦！

因為covid-19，好耐無出街食飯，放工經過黃大仙中心，去咗金記冰室，買咗兩個小菜返屋企慢慢食。餐廳裝修好有特色，同一般茶餐廳好唔同，好有中國傳統風味，等疫情過咗，一定要黎堂食。餐牌有好多選擇，最後揀咗一個晚餐黑椒牛仔骨餐，同一個菠蘿生炒骨。黑椒牛仔骨晚餐都幾抵，有小菜，飯，湯同餐飲。牛仔骨好大塊，好入味，好香，又夠軟，D配菜青椒同紅椒都好有味個餐湯我地揀咗紅湯，好足料。熱華田菠蘿生炒骨個汁酸酸甜甜好好味，餸飯真係一流，而且食落去仲係好香口。