嘉門鐵板燒 (Closed)

今日食咗個性價比高嘅set lunch, 餐廳經理話係夏日特别推出嘅。我見個set lunch 有蒸蛋、卷物、鐵板、烏冬、甜品，都只係$168，就order試下。先嚟嘅係蕃茄沙律，然後係卷物 - 今日係tuna 卷😋。之後嚟個蒸蛋，原來有兩小片鮑魚 ，夠滑，唔錯。鐵板係日本黑豚肉脆卷，呢個幾有驚喜，黑豚肉好juicy, 個皮又好脆，外脆内juicy，可以再Encore ! 之後仲有個烏冬，有冷熱可以揀。我叫咗個熱嘅，個湯幾好飲，舒服。我朋友叫咗個凍烏冬，都幾唔錯。甜品係雪榚。覺得個set lunch 幾抵食，好味又滿足！👍🏻

貴吾緊要，老老實實、均均真真咁標個貴價出泥，而客人又肯幫趁的話 - 完全沒有問題，你情我願嘛。但很可惜呢間野喺落單時報一個價，埋單就收另一個價（夾硬加你一千、幾佰）舉例：隻毛蟹比起當初訂細了足足3份2，但價錢只減了3份1。套餐只要更換了少許，每位再加一舊，不會事先通知/請示客人O 吾 OK, 埋單自動加曬價！沒有同佢嘈因為幫趁是為了慶祝所以無謂掃興，雖然味道/環境都過得去，吾老實，不推薦！亦考慮不會再幫趁！

哩間餐廳真的很離譜。一開始對佢地我有高期待，入去點佐一隻2013年波爾多白酒，入口很拽，好似街邊98蚊買一送一。忍住唔講，繼續試下其他，sashimi一片toro大腩位置，全部都係筋，完全沒辦法食，好唔好意思要佐紙巾吐出來。經理來問如何我們建議說這個位置不可以吃，他講的好思我地沒有吃過toro大腩位一樣說因為脂肪所以筋多，因為係最貴的部位。我回覆，吃過不少米其林日餐大腩都係香滑，唔會出現這種情況。他卻唔肯認。龍蝦機器是我們期待的最關鍵菜式，只可惜口感完全沒什麼特別，自己屋企都整得出，更可怕的是配菜蘑菇烤窿。哩餐飯三個菜是點一份分成兩個半份上來，另外兩道是個點一道小前菜，送的一份開胃小菜還極度不新鮮！全部下來比文華酒店的Amber還要貴，帳單差唔多六千銀⋯！我要求只希望物有所值，但問題係無囉，裝修又唔得⋯嗨 我唔會再去

公司包了場請食飯！太好了我估個menu 係tailor made 左既當晚的menu 前菜no 1 , 有海葡萄(⊙o⊙)前菜no 2前菜no 3 芝麻豆腐(?!) 刺身三件食完前菜就到鐵板燒了！蝦好大隻！熟左之後個頭都有肉同蝦膏，師傅細心拆了殼醬汁都好好再煮飽魚。。未煮之前係仲識郁架！幾生猛lol 熟左之後，味道ok A5 和牛。。。超正入口就溶了仲有海膽釜飯，估唔到仲有松露同魚翅😱好矜貴最後仲有炒野菜同抹茶甜品做總結呢餐食得好滿足因爲真係煮得幾好味同材料好fresh ~ Ps 第一次食係lunch set 不過呢個set 咩都有得試(seafood and beef) 感覺豐富好多

銅鑼灣鐵板~新貴 仿佛似在神戶一樣當日菜單前菜~魚肝鮮甜好味 刺身~都幾新鮮大蝦+ 帶子，大蝦長度超過手掌 真正的超級大蝦，帶子厚實飽滿，師傅切蝦技術流暢，熟練令人賞心悅目期待感上升 最終成品， 大蝦口感紮實新鮮， 帶子鮮甜滋味毫無保留散發出來令人回味 鵝肝 準備中 鵝肝多士~ 平時給人的感覺太油膩， 這裏的因為師傅烹飪的時候會將多餘的油脂迫出來，加上水果一齊吃中和油膩感 宮崎A5和牛, 因為太好吃所以忘記影相， 入口即溶脂肪比例恰好，令人一試難忘 飯後甜品一般較沒有 心思 這裏的環境十分適合情侶在此用餐，服務員態度優質如果想找個地方享受二人世界這裏是一個不錯的選擇。

經過忙碌的平安夜及聖誕，終於可以响boxing day同老公同囡囡安安靜靜地食個晚餐。老公擇咗响登龍街食日式鐵板燒。一上到餐廳已經被個維港夜景吸引住。餐廳的窗戶是全開的，維港全景無遮無掩，但夜晚大風，所以都有少少涼。我們要了一個龍蝦SET及一個和牛SET，另外加了一個蔬菜稻亭烏冬畀囡囡。烏冬好快就上枱，湯底很清有鮮味，好適合小朋友，烏冬亦很滑！囡囡食咗2碗bb碗！ 老公特別帶咗支rose去賀一賀聖誕。相信同日本菜是一個不錯的配搭。到大人食物上枱啦！首先有個刺身，刺身係新鮮的，唔錯！但份量偏少。前菜有3款：黑醋火腿、黑芝麻榚同合桃魚仔。我最鍾意合桃魚仔，最香口。到主菜之一：藍龍蝦。侍應教要先食龍蝦，再沾汁食，最後連麵一齊食。龍蝦很新鮮，咬落很爽口，啖啖肉，非常過癮。汁很香濃，撈埋麵很夾。鮑魚是來自南非的，而汁醬是用鮑魚膽來做的。鮑魚很新鮮，唔un。就連不太喜歡食鮑魚的我都食了一半。鵝肝（其實是鴨肝）就無乜特別，略嫌唔夠香。和牛是日本最頂級的，但有根，而且太油。我覺得食低一個grade可能仲好。最好食係個蒜片。最後是和牛炒飯，和牛只得得少，且味道偏淡。但個湯就夠熱好濃好飲。最後仲有甜品但唔

銅鑼灣新飲食地標 v point 聖誕節晚唔食西餐，食日式鐵板燒，唔洗同人迫。哩間「嘉門」有靚景，對住維港好似岩岩開張無幾耐，哩晚都坐滿左一半服務一流，主動行埋黎幫客人影相見你食藥又主動比杯溫水你去toilet 都帶到你去門口😂仲不停有人狂加水對上一次食鐵板燒已經係幾年前既事雖然聖誕節，不過無聖誕節特別餐有得單點，亦有幾個餐選擇由800至1500，咁梗係有梗貴既我地叫左一個和牛餐，一個龍蝦餐其實個價錢都好公道最重要既係，食材好新鮮，一分錢 一分貨哩個龍蝦好食到暈，啖啖肉，個醬係龍蝦醬另外我地單點左個刺身超新鮮，超甜仲有蝦頭做成既汁比你點，有誠意甜品係我最鍾意既綠茶味蛋糕甘甜既綠茶味，又唔太甜聽講係大酒店師傅特別為嘉門做的

上週於派對新相識咗位由紐約來港探親o既舞伴，為爭取與伊人共舞o既機會，XO仔就將原定跟父母進餐o既兩個晚上都轉為參加舞會，等週日佳人搭飛機回鄉後，先請雙親食返餐勁o既補數。小肥真係好有心架，週六晚從堂弟口中得知大阪名店「嘉門鐵板燒」近日於登龍街高級食廈「V Point」開設咗分店，見大肥爸爸聽到都已經流哂口水，細佬二話不說就立即訂座兼準備做東。餐店接待處有個光鮮o既招牌，對著個方形o既雲石底魚池，真魚喺假魚間游動，型格得黎感覺高雅而低調。新店佔用面積全層，樓底高，間隔開揚通爽，抽氣仲做得好足添。黑底o既裝潢四處都暗閃出金光，配上柔和o既光線，新潮得黎好有格調。日本過江龍於四周擺出多瓶和風味濃o既鮮花點綴，適逢聖誕佳節，當中更不乏聖誕特別版，雅致尤甚。散座大堂中央為幾位鐵板師傅o既大舞台，被多張吧位圍繞著。窗邊排出一列四人散座，秋冬天氣涼爽時若拉開落地玻璃窗，食客可吸收新鮮空氣，熱天時關起窗門又可以變出小露台供煙民開會，設計師真係花盡心思。此外，「嘉門」亦設有兩間廂房，均有專人侍候。近門口嗰間可容立八至十人，光猛舒適又得體。隱藏喺內廳入面嗰間雖然細啲，只可以坐六至八人，但勝在有個獨立洗手

做鐵板焼的餐廳在香港都不算少、但若你想找一間地點方便旺中帶靜食物及環境質素都不錯、我敢推介這一家- 嘉門 - 進註銅鑼灣新地標V point 。第一次在那裡用餐、已品嚐出買手對食材的高品質要求及堅持 - 包括龍蝦、帶子、和牛粒、鵝肝等等及鉄板燒師傅的烹煮技術，食物擺設的美學。坐在板燒枱前就像現場看表演秀，跟原產國日本的烹煮手法可説是同出一轍。其實昨晚我已是第二次在那裡用餐。短短一個多月再來，基本餐單依然很棒、驚喜的是餐廳已加了幾道小菜色。 其中一道 - 黑毛豬饀餅 - 師傅用上像包烤鴨的薄餅做外皮，頗有和風與中式融合一起fusion感覺。加上服務員細心介紹用料、煮法及誠懇接受食客的品評、這真是值得一讃呵！還有今次再來，所有餐廳的窗戶都打開了，空間感多了，有如置身半露天空中餐廳一邊吃鉄板焼，一邊享受維港夜色、同場再加上聖誕夜燈、一切配合得很完美！

今曰同朋友行完銅鑼灣，大家都想食鐵板燒，行左去登龍街周圍搵，就咁就上左嘉門，一開lift 有個魚池好靚，望落好高級，環境舒適，侍應招呼好好食物方面，高質素食材、大蝦鮮甜肉質彈牙，試左幾款壽司都ok，黑毛🐷溥片夾餅😋😋超好味，回味無窮

食物味道總括嚟講都幾好，但有啲餸菜好普通，可以更新下個菜單，期待佢變成覺得值得再嚟既餐廳。食左個龍蝦2人套餐，蝦好好味，頭盤幾特別，隻生蠔可以再新鮮啲，蟹肉多啲，如果有多個迷你蒸蛋係個set到就好喇，個湯好普通，炒菜更普通。

朋友介紹，抱著好奇心去試吓，原來呢棟係新大廈，所有進駐嘅餐廳都係要有特色，嘉門就係做鐵板燒，唔係一般嘅日本鐵板燒，而係融合咗法國fusion 煮法。樣樣都想試，結果叫咗個套餐，有魚生做頭盤、牛、龍蝦乜都有，老闆好熱情嚟傾計，原來佢哋嘅材料每日日本直送，所以材料唔會預留太多，以免唔新鮮，影響味道，佢哋連水果都用最合時嘅香印提子，無諗過選食材都咁有heart。其實每次去日本旅行，食咩都好食，就係因為食材新鮮咋嘛，同埋佢地用咁新派嘅煮法，我都係第一次食咋

今日同個客試新嘢，朋友剛食過話個景好正，嘢食都唔差，一開門黑黑哋但都幾Grand！行到入大廳原來係半開放式設計，嘩咁個維海景又真係幾得喎，有啲似坐開蓬車！以為都會幾貴，但商務Lunch Set都係$368/位，又比想像貼地啲，況且同客食，最緊要快靚正，就叫咗兩個Lunch Set。前菜係凍菠菜同蒸蛋，味道賣相都不過不失。接住係大蝦帶子配牛油香草汁，呢個味道好OK！配料好新鮮，個汁同海鮮好夾！雖然有啲膩（仲未食主菜！）但都忍唔住清碟！我個客主菜叫了牛薄燒，我就點咗燒銀鱈魚但就嚟咗豬肉薄脆卷（個名係我作，因為之前一心諗住食魚無留意豬餐嘅名堂）本來諗住退但見到個樣都得得哋同埋未試過咁嘅鐵板燒菜再加埋趕時間所以照食！一試之下又真係喜出望外，個薄切豬肉饀有啲燒汁加個乾身pancake皮我麻麻哋豬肉都食哂，客的牛薄燒裡面有好多炒香嘅蔥同埋佢叫medium rare師傅都跟到，客都十分滿意！以為食完點知仲有炒飯！！同雪糕咖啡！我其實好飽飽，炒飯炒得好乾身嘅但我完成唔到，雪糕係南瓜味有啲假，咖啡係上電用都好香同隻杯好得意，好好揸！總體嚟講，環境氣氛一流，食物中上，服務有進步空間（美麗的錯誤，試到那豬肉

今天同舊朋友食午餐，她説銅鑼灣新building V Point 有間新的日本餐廳Kamon可以去試試。餐廳主打teppanyaki, 但都有lunch set可供選擇。入到餐廳，已有好親切的服務人員迎接帶位，餐廳環境一流，座位寛敞舒服，是見客和同家人吃飯的好地方。我當然選擇我最愛的sushi set啦。當中包括10款sushi加麵豉湯。我個人着重食物質素，Kamon 的經理話啲海鮮都由日本專運到港，真是非常新鮮好味，而麵豉湯又不會太醎。朋友就選擇吃teriyaki定食，份量十足，味道一流。下次要同家人試試鐵板燒。值得再來！🤗

知道V-point 開左間係日本知名的鐵板燒餐廳，就同2個同事一齊去試下啦～我地三個人，大約十二點去到V-point 28 樓，一開門就見到好特別的設計～帶位櫃竟然係個魚缸😍可能仲早，仲未有其他客人，我地可以坐窗邊海景位～超正呢到主打鐵板燒，午市仲有幾款定食選擇，我地就點左2個鐵板燒套餐同1個壽司定食share啦～鐵板燒套餐超豐富抵食，3百幾蚊，有齊前菜，蒸蛋，帶子，大蝦，牛肉，烏冬，甜品仲有壽司定食，非常新鮮，有水準呢到食物，環境，裝修、招呼都一流啊一定會再去