Kampoeng

Open Now

Now Closed

成日經過都見到呢間餐廳，擺滿好多印尼食品，從來都冇留意過原來樓下係餐廳，今日第一次試海南雞配金邊粉 ($50)係set lunch其中一款菜式，第一次食海南雞但係唔配係配飯，仲可以揀金邊粉或河粉。上菜時都嚇咗一跳，金邊粉係非常大碗，而且海南雞份量都好多，仲有雞髀添。包飲品，+$3就有凍飲了炸釀豆腐 ($29)有3大塊，入面原來全部都係粉絲及雜菜，有驚喜，外脆內軟之後再有不同嘅口感，熱辣辣非常有驚喜炸雞肉球 ($35)個樣好似香腸，但原來係雞肉，食落嘅口感又似魚蛋，好得意！非常抵食，店員服務又非常好，份量勁大，值得再嚟食！

好耐沒食過印尼菜,而且印尼餐廳買少見少,專登去呢間試試,餐廳喺地牢,去到已經近夜晚七點,無乜客,直入,侍應係印尼人,唔識廣東話,點好菜後,先上加多加多,普普通通,因為都係嗰隻醬汁關係,好難唔好食,除非佢比爛菜你啫🤣,只不過收你$68,又銅鑼灣區,d料會少d囉,再上沙爹串燒雞,佢呢個掂,早知叫半打,唔知佢燒得咁好食,再上印尼醬燒魚,直頭係掂,喺魚身搽上辣辣地甜甜地既醬汁去燒,好惹味,好食又抵食,散叫個椰汁飯都好0k,滿滿椰汁香料味,不過雜錦黃薑飯&雜菜餅要扣分,首先雜錦黃薑飯嚿薯餅咬落口全部都係油,亦都似擺左一段時間再翻熱比客食,有陣怪味,呢d配料仲敢收人$78有d貴,如果係咁,我不如散叫黃薑飯都係$18仲好,雜菜餅都有上述問題,無醬汁點仲顯得佢少少寡&太油膩,珍多冰正常發揮,不過唔值呢個價囉😅

一直以為係間賣印尼零食既雜貨舖，原來地牢有間餐廳，仲要勁抵食😋重點大推咖哩羊，超好食‼️非常之”林”既連皮羊🤤可揀小辣、中辣或者大辣，食唔到辣既話個人覺得小辣就好，因為佢辣味有後徑🥵可以揀白飯、黃薑飯或者椰汁飯，我揀左椰汁飯，中和翻d辣味，呢個配搭好好😋炒貴刁好足料，大大碟，唔知有無得叫少d粉，我食唔晒，太多，然後2杯飲品都好好飲，我第一次飲利賓納加紅毛丹😂一杯好多粒真係好抵飲，青檸梳打例牌，非常nice既一餐

銅鑼灣糖街,  自從 SugarK  開業後, 這條街又熱鬧起來.   今日唱完 K,  朋友和我去了 Kampoeng   食印尼菜.  Kampoeng 餐廳地面入口有小賣部, 有很多傳統印尼食品, 方便印尼 fans 買外賣.   餐廳設在地庫, 有獨立電梯及樓梯.餐廳內也有小賣部,  食完餐還可以買些手信回家.   餐廳面積大,  座位多, 排列整齊, 有寬闊大型卡座, 裝飾帶點印尼風味,也有特式座位, 可以自乘一角.我倆坐方桌,  桌面上有齊餐具, 抹手紙, 膠手套, 看來好衛生. 餐牌有多頁, 食品種類多,  主要印尼菜及東南亞菜.  價錢大眾化, 好吸引.   我叫了蘋果汁, 味道清新, 少甜, 天然飲品.   朋友叫了熱薑蜜, 冬天飲可滋潤保暖. 先送上  加多加多沙律, 有青豆, 椰菜, 芽菜,  雞蛋, 豆腐乾, 面上鋪滿了花生醬和沙爹醬汁, 並伴有彩色印尼炸蝦片, 炸得鬆脆.  這個沙律食材多,  惹味, 更開胃. 印尼出名小食,  煎粟米餅.   一碟三塊,  炸得非常鬆脆,  沒有油膩感.  戴上膠手套食, 真是衛生又有風味.沙嗲牛肉串燒,   串燒上檯熱辣辣

想食好而且地道的印尼餐除咗去印尼, 有什麼好得過跟著好多印尼人 都幫襯的印尼餐廳嘗試, 這間正正是「跟蹤」印尼人而發掘到的印尼餐廳。餐牌有好多印尼菜式 選擇，有的比較陌生，有比較熟悉， 每邊試下啦。 雞肉串燒 真佩服印尼的串燒為什麼燒完後還是這麼 飽滿多汁， 雞肉鬆軟， 香料醃製後帶少少難更加惹味香口。Bakso Urat Besar看上去一大篇的印尼肉丸選擇， 店員亦都好細心解釋每款的特色， 最後選擇了這款特大牛肉丸， 味道有少少似潮式牛丸加大版， 牛香十足而且非常彈牙，配上背微甜的湯頭，食得舒服。 煎粟米餅 非常鬆脆香口， 粟米嘅甜味帶起食慾， 有像日本蔬菜餅天婦羅。 好似是一點都不油膩， 罪惡感也較少。椰汁飯 看似平平無奇， 吃下去就知道厲害，非常甘香，而且慢慢滲出椰汁香氣， 帶點黏口的米飯， 配搭味道濃的印尼菜式一流

在香港好少吃印尼菜，今晚就嘗試一下。不僅有濃郁的香料和椰奶的風味，還有多樣的肉類和海鮮，以及各種獨特的小吃和甜點。雜錦巴東牛肉飯： 這是一道經典的印尼菜，它由白米飯、咖喱牛肉、蝦餅、小魚乾、咖喱豆腐卜、豆角、切條黃豆糕、炸薯仔等多種配料組成。每一種配料都有自己的特色，有的香辣，有的酥脆，有的軟糯，有的清爽。它們搭配在一起，形成了一種複雜而又和諧的口感。咖喱牛肉鮮嫩多汁，咖喱濃郁香甜。蝦餅和小魚乾則增加了海洋的風味，一道很美味的主食。十五夜：聽到這個菜式名字，令人充滿想像力，所以很好奇這是一個什麼樣的菜式。它由飯團、牛肉、雞肉、半個蒸雞蛋等材料組成。飯團口感軟糯香甜。牛肉和雞肉肉質細嫩入味。蒸雞蛋，口感滑嫩香濃。這些食材放在一起，形成了一碗溫暖而又滋補的主菜。炸雞卷：這是一種印尼式的小吃，它由蔬菜和雞肉裹粉，炸至金黃色，外脆內軟。一種很適合下午茶或者聚會時吃的小吃，它既能解饞又能飽腹。

❤️‍🔥中日意韓等熱門菜式大家就食得多，有冇諗過試下冷門少少既東南亞菜？.糖街開既呢間餐廳，雖然開係地鋪，但人客密密入場，細睇原來係印尼菜，最近都想試下新菜式，入去一探究竟～👻🔹 印尼醬燒雞 + 黃薑飯睇相好吸引，因此點上半隻醬燒雞配黃薑飯 🌝 上碟發現份量唔細，只見醬汁鋪滿燒雞，一入口，醬汁既濃濃辛辣鹹香滋味就席捲口腔，味道極其濃味刺激，雞肉大件而肉質嫩滑，配搭香氣十足既黃薑飯，令人食欲大振‼️🔸 雜錦巴東牛肉飯額外買多兩份外賣比屋企人食～巴東牛肉飯包含炸蝦片及印尼咖哩沙律，巴東牛肉軟腍易咬，味道微辣帶鹹意，送飯絕佳 😇🔹 雜錦雞肉斑蘭飯雜錦雞肉飯同樣包含炸蝦片及印尼咖哩沙律，雞肉切成幼絲，味道香辣之極 😛 斑蘭飯帶有若隱若現既香氣，味道清淡不甜～🔸 芒果珍多冰同係泰菜館飲到既珍多冰唔同，溝勻呢杯特飲會發現除左椰汁甜香外，更有一陣明顯既印尼糖水味，飲落津甜～另外除左綠色珍多，杯中更有不少芒果粒粒，酸甜可口 💕🔹🔸🔹🔸🔹🔸🔹🔸🔹🔸🔹🔸 Kampoeng (銅鑼灣)📍銅鑼灣糖街1-5號銅鑼灣商業大廈地庫⏰ 星期一至五: 11:00-22:00星期六至日: 10:00-22:00💸 全單 $

我比較少食印尼菜，但係有朋友推介左呢間餐廳比我，推介係一間好傳統嘅印尼菜，好多印尼本土人都會嚟食。我地order左:⭐加多加多沙律 $68⭐咖哩羊肉$70 +黃薑飯$18(主菜可配白飯+15. 椰汁飯$18, 班蘭飯$18)⭐印尼醬燒魚(甜醬)$69⭐特色炒雜菜$68🍹蜜瓜絲冰$38🍹涼粉珍多冰$45整體餐廳食物吾錯，印尼醬燒魚(配甜醬)好有驚喜，魚煎得好脆口，點甜醬好好味👍加多加多沙律係好傳統嘅味道，吾錯!餐廳環境光猛，好有印尼特色，仲有好多傳統印尼小食可以出售，感覺好得意😃

好掛住印尼菜，早前就帶阿媽去回味一下。銅鑼灣糖街一向都係姐姐集中地，特別多印尼商店及餐廳。kampoeng 係一間餐廳+商店於一身，地面層賣印尼小食，地下層就係餐廳，當日去到都有不少姐姐喺度幫襯，應該都好夠正宗。🔸印尼特色醬燒雞飯69非常鍾意佢哋嘅辣椒醬汁，香料味辣椒味都好出！炒得乾身好香！雞外皮夠脆，唔會太肥。伴碟仲有印尼沙律，沙嗲醬濃郁，仲有蝦片，好正。🔸印尼燒魚飯$72魚好大條，長過隻碟！外皮燒得好香魚肉保持嫩滑，加埋印尼辣椒醬好惹味好食！同樣有印尼沙律伴碟，加分！🔸沙嗲羊肉串三串$58燒得有炭火香，沙嗲醬微微辣甜甜地，好有地道風味。🔸熱咖啡🔸熱檸茶

❤️‍🔥呢間位處銅鑼灣既印尼菜，深藏於印尼士多既地下，大隱隱於市。剛天黑鋪頭就坐滿人，本身就鍾意食印尼菜，當然要試一試呢間餐廳～😇👅 半隻燒雞配黃薑飯 ( $ 145 + $ 17 )超級好食既燒雞飯‼️燒雞件好大隻，加上特製醬汁烹煮後，味道呈濃烈既甜咸醬香，異國風味強烈，雞肉軟滑。值得加錢轉黃薑飯，不油膩，幽香陣陣 😍👅 蕉葉烤魚 ( $ 60 )自認好食得辣，呢個蕉葉烤魚都真係好辣 🔥整法係將香料厚敷於魚身表面，然後用蕉葉包裹住去烤。打後開就可以聞到蕉葉及香料重重香氣，一入口，香料既辛辣咸香一次過湧向味蕾，十分刺激，如果怕辣，撥走香料就可以。總括黎講，係相當頂癮刺激既一道菜 🤣.🥥 椰青（ $ 46 )清潤輕甜既椰青，體積大大粒，椰青水豐富，好滋潤 🥰🍸 青檸梳打 ( $ 35 )不會太甜既青檸枕打，輕輕一陣青檸味好清新 🌱▫️◾️▫️◾️▫️◾️▫️◾️▫️◾️▫️◾️▫️◾️▫️Kampoeng (銅鑼灣)📍銅鑼灣糖街1-5號銅鑼灣商業大廈地庫

由於上次去kampoeng 沒有點到煎粟米餅，所以晚上跟哥再次去了銅鑼灣的印尼餐廳Kampoeng吃晚餐。 餐廳環境很好 ☺檯面長這樣。 😎menu好精緻。 由於天氣很熱的關係，我一開始就先點了一杯蘋果汁。這杯蘋果汁喝起來甜甜的，非常天然。它冰凍的口感和清新的味道真的很適合在夏天喝。 我還點了煎粟米餅，粟米餅煎得非常脆，每一口咬下去都能聽到聲音。它的口感非常獨特，而且很香~ 燒乳鴿肉質嫩滑，很有肉味。它經過燒烤後，肉質更加香濃，絕對是肉食愛好者的最愛。蝦醬炒通菜的通菜炒得恰到好處，保持了蔬菜的鮮嫩口感，而蝦醬的味道則增添了一層濃郁的風味。每一口都帶來了濃郁的味道和惹味的口感。涼粉珍多冰印尼炸春卷我哥點了一杯熱白咖啡。他說這杯咖啡擁有濃郁的香氣和順滑的口感，絕對是咖啡愛好者的絕佳選擇。

之前經過以為呢間只係賣印尼零食，原來仲係一間餐廳！好少食印尼菜，上網見到話抵食，就即刻捉左🐷黎陪我試下🤣。野食種類多，價錢亦唔貴，好岩一班fd聚餐🍻！推薦指數：🐷🐷🐷半（5分滿分）（原因：味道不過不失，價錢抵食）🐔醬燒雞配椰汁飯 𝐇𝐊𝐃 92好鍾意個調味！甜甜辣辣，好惹味✨，叫左四分一隻雞有d唔夠喉，側邊個沙律就有d奇怪，調味我地食唔慣😂試左一啖就冇再掂過。椰汁飯濕潤有奶香🍢沙嗲雞串燒 𝐇𝐊𝐃 46/3串沙爹醬同平時食開既唔同！除左花生醬之外，仲加左印尼甜醬，夾埋出奇地match😍！雞肉燒得剛剛好，鎖住肉汁，好味必點🌟！🔥炒貴刁 𝐇𝐊𝐃 68呢個可以唔叫😂河粉有d碎，味道偏淡，帶點甜，冇乜辣味，重口味人士表示not my cup of tea🍌炸香蕉糕（原味）𝐇𝐊𝐃 36估唔到都幾大塊，入面真係有新鮮香蕉蓉，炸到卜卜脆，又唔會厚粉，幾得意可試🉑️🥥椰青 𝐇𝐊𝐃 46冰涼清甜，幾抵飲！🧊涼粉珍多冰 𝐇𝐊𝐃 45椰奶味濃，配料都多，嗜甜人士應該會like環境：空間夠大，仲有一排東南亞度假feel既卡位，成班fd黎食都唔怕會坐得迫夾👍

媽媽係印尼華僑，有日話要帶我食最正宗最地道印尼人都成日去食既印尼菜餐廳係地庫，上層係賣印尼小食既，有個細升降機，唔細心留意都唔會知下面有間餐廳我地叫左個辣椒雞飯同巴東牛肉飯，兩個飯都好惹味好好食～呢個就係辣椒雞飯，上菜時個飯會用紙包住再自己拆返出黎食，可以撕啲雞肉出黎，撈埋哂啲辣椒同飯一齊食，佢呢度啲辣椒超級無敵辣🥵巴東牛肉飯，微辣，啲香料整到個牛肉好入味，而且牛肉唔會好老，仲有啲薯仔豆角蝦片做配茶

東南亞菜來說，印尼菜在香港就比較少有。今天我們就來到位於銅鑼灣的Kampoeng 試一試，餐廳是印尼廚師主理，除了美食之外還有很多林林總總、各式各樣的印尼小吃。餐廳的位置距離銅鑼灣地鐵站很近，而且裝修也很有東南亞風味，很像真的是去了旅行一樣！我們點了特色印尼雞肉角、沙嗲雞肉串、Bakso Lava、印尼炒飯、蝦醬炒通菜和熱情梳打。作為小食的印尼特色雞肉角，很快就上菜了。這是一個麵粉包裹着雞肉，薯仔和紅蘿蔔等餡料的小食，然後再油炸。外層非常香脆，而且當中的餡肉也很美味，這個味道也是我第一次嘗試非常有特色！沙嗲雞肉串簡單的小食但是這間餐廳處理得非常之好！！雞肉能夠鎖住肉汁，不會太乾，而且調味也剛剛好，配上餐廳特別調製的沙嗲醬，非常的好吃！蝦醬炒通菜一上菜的時候已經聞到濃烈的蝦醬香味，新鮮的通菜加上廚師控制得宜的火候，菜莖清脆，味道一流！印尼炒飯到印尼餐廳一定要試，炒飯很乾身而且粒粒分明，火候也非常夠。還有雞肉串蝦餅等配菜，令整個炒飯非常豐富！Basko Lava這一個是印尼的特色食物，我諗本地香港人會比較少叫，所以我就點來試一試。這是一粒巨大的牛肉丸，當中有當地非常火辣的辣椒。而且湯中還有

上次食完，朋友話想encore,所以今次再黎。大大個公仔歡迎你打開menu,好多選擇 花多眼亂好彩店員識中文， 仲肯用心講解! 加分先黎個炸粟米餅， 同想像中唔同， 入面有粟米，仲有青椒， 炸得香脆不油膩炸香蕉， 同想像中都係唔同，以為會好甜，點知係酸酸地! 仲開胃! 值得一試細巴東牛肉加台椰漿飯巴東牛肉果然係地道餐廳先好食! 牛肉夠淋 又入味， 甜甜辣辣好惹味! 配埋椰漿飯 仲香口開頭見到個名叫十五夜飯團 完全唔知咩黎，為滿足好奇心而嗌..點知係驚為天人! 個base 是類似湯咖哩，香辣的感覺， 個飯團類似竹筒飯， 但實淨d, 同d 汁好match， 配菜有蛋有牛肉有雞肉 極豐富朋友另加的牛肉粉 佢自私食佢又係自私嗌的飲品望落都幾靚