金鶴拉麵 (閩街)

Open Now

Now Closed

今日出佐敦 順便要去品嚐一下好耐冇食嘅「金鶴拉麵」未到12時已經有幾台客人，到午餐時段，這裏便開始人頭湧湧。今日叫咗個二人餐，選兩個主食的拉麵，又可以加錢品嚐蒲燒鰻魚飯。套餐還有小食包括堂楊炸雞、炸日式餃子、燒黑豚串等，還有一個飲品供應。選咗我最喜愛嘅「金鶴雞白湯拉麵」湯底係用赤難熬製六個小時，口感豐富順滑，這個湯底味道濃而不油膩，配上叉燒、慢煮雞胸肉、糖心蛋及炸牛蒡。先要吃咗牛蒡因為佢還是脆卜卜，牛蒡有一種獨特的甘味，我喜歡。慢煮雞胸肉仍是滑滑的嫩嫩的，拉麵爽口彈牙，配上我着迷的雞白湯，很完美的配搭。黑蒜醬油拉麵湯底使用他們自家製香蒜醬料，這款湯味道比較濃郁，但有強的蒜香味，如果你鍾意蒜味你一定會好喜歡，拉麵的份量足夠，男士都可以吃得飽飽的。唐楊炸雞赤雞 香口，雞肉還是嫩滑多汁，因為我之前食過所以沒有大驚喜。今日選的燒黑豚肉串 見到已經會流口水，香噴噴，睇落肉串好像有點肥，但食落沒有一點油膩只有香爽，個醬油汁超惹味，推介。

公司附近有呢間金鶴拉麵，LUNCH黎左試下，除左散叫仲有SET揀，1人餐$128, 2人餐$256, 我地2個就叫左2人餐，其中一個轉左雞白湯沾麵～另一個叫左黑蒜醬油拉麵，湯底比我想像中清，平時既黑蒜油會覺得好油膩，但呢個唔會～沾麵好大碗，雞湯濃郁唔會太咸，帶有雞肉甜味，除左叉燒2大片仲有2片雞肉，以為好鞋既雞肉點知又唔係，幾滑好吃！另外套餐可以叫2個小食，我地叫左炸雞同黑豚串，黑豚串燒得好好食！唔會乾，醬汁又好味，D肉一層層好正！炸雞又係好juicy，炸得脆卜卜～有驚喜·～

最近疫情關係下，好多時都會留係屋企煮飯或者叫外賣，通常外賣我都會選擇一d可以放得長時間而唔會變得難食嘅食物，例如飯類或粥品，好少會選擇湯麵類，因為多數外賣番去d麵都會淋曬，好難食。經朋友介紹話呢間金鶴拉麵外賣番到去d麵都仲係好煙韌好好食，咁就去試下外賣，最重要係佢地外賣仲係有85折，好多餐廳外賣都已經冇折扣啦👍。呢間金鶴拉麵店外賣拉麵會將湯和麵分開放，所以番到屋企就可以直接將湯倒落去個麵食。如果湯凍咗，可以用微波爐翻熱，超方便。今次就點了一個極濃.雞白湯拉麵。呢個湯底係用日本赤雞熬煮而成，湯底質感非常濃稠，伴有陣陣濃郁雞湯香味，湯色呈奶白，表面有層雞膠質，飲落去口感滑順唔似味精雞湯。呢碗拉麵配料有日本赤雞胸、豚肉片、溏心蛋等，味道豐富，而且拉麵質感的確非常煙韌。👍將白雞湯直接倒落拉麵上，放上紫菜片就可以即時享用。另外叫了一個日式厚切雞胸飯，呢個雞胸肉係用慢煮來烹調，低溫烹煮好處就係唔怕高溫破壞雞肉的蛋白質，仲可以鎖住肉汁。 所以呢個雞胸肉非常嫩滑，而且又唔乾身仲有好重雞肉香味，juicy 👍雞胸份量超多，表面灑上芝麻和黑胡椒非常美味。全日外賣自取都有85折👏🏻👏🏻👏🏻

白肉雞拉麵超好味，湯好好味，濃道適中。二人套餐還包兩款小食，串燒豚肉冇得頂，好新鮮燒得剛剛好，還有炸餃子又脆不油膩。環境又舒服價錢又合理，服務員態度非常好，一定會再到試燒鰻魚飯

叫咗鹽味湯底拉麵，醬油湯底拉麵，雖然冇叫招牌白雞湯底，但我覺得鹽味湯底同醬油湯底更加能試出餐廳嘅實力。拉麵一黎，賣相吸引，滿心期待飲一啖湯底，下！暖既？試埋老公果碗都係暖既？真係超失望味道方面都好普通，鹽味湯底偏咸，飲唔出魚既鮮味再食舊雞，呆一呆，凍既！點解會凍架？兩碗情況都係一樣，同出面買果d即食雞胸切出黎冇分別拉麵質地偏硬偏粗有鹼水味，個人麻麻地總結，兩個人食左一半已經放棄，好難食，好失望，永遠唔會再食

一直都想試吓呢間咁出名嘅金鶴拉麵，今日終於得閒嚟啦。餐廳環境好有日本居酒屋feel，燈光昏暗，環境清靜，牆上有幾隻金鶴，好靚。小店員工都好有禮貌，服務不錯。芥末八爪魚$38 一個冷盤作前菜，個人好鍾意食芥末八爪魚，呢次都唔例外～明太子雞翼$48賣相非常吸引，雞翼表面脆卜卜望到都流晒口水。咬開裏面啲明太子完美地融入咗雞翼嘅一半，辣辣地好好味。史上極濃雞白湯拉麵 $138 :男朋友比我試左啖湯，嘩，有驚喜，非常濃厚嘅雞湯味，濃郁但不膩，配拉麵簡直一流丫。到拉麵上巨大嘅牛蒡天婦羅啦，望落好靚，用雞湯浸淋佢都幾好食。鹽味拉麵 $88而我就試清啲嘅鹽味拉麵，都係有兩塊雞肉兩塊叉燒，雞肉好彈牙配鹽味湯底幾有鮮味，叉燒脂肪比例適中恰到好處。麵底份量都較多，食到好飽。限定MENU及普通MENU

🍜京都抹茶雞白湯蟹肉拉麵（$138）俾「期間限定」吸引咗🤩上檯果陣聞到香濃嘅抹茶味但入口就唔算重茶味，雞白湯味突出蟹肉份量都幾多好鮮甜，超正❣️仲有大大塊嘅叉燒，脂肪分布均勻入口非常軟嫩呀！加埋流心玉子，令人好滿足呢🤤🍜 黑蒜醬油拉麵（$128 @一人餐，包小食&飲品）湯底以秘製黑蒜醬料混合鰹魚湯入口濃味又富層次感，但唔會好咸喔！喜歡重口味嘅朋友仔必試呀👍🏻拉麵麵條滑身煙韌軟硬度適中，掛湯力唔錯！慢煮雞肉有兩塊，厚身滑嫩😋加埋大大塊叉燒、玉子、紫菜、木耳絲&荀片，非常豐富呀💕🍗唐揚炸雞（一人餐小食）炸雞新鮮炸起熱辣辣皮脆肉脆，肉汁豐富，超香口呢💯

本身非繁忙時間 餐廳入面都冇乜人但係一行入去就俾人黑口黑面叫返出去排隊黑人問號我都唔知排乜 不過算 我肚餓叫咗套餐一個拉麵一款小食一罐可樂$128我一個人掛住玩電話食完飲完叫埋單點知張單嚟到先發現 佢一直都冇比小食我追問佢嗰小食去咗邊然後佢收返張單 過咗一陣走埋嚟同我講冇小食供應俾返九折我 價錢差唔多結果我睇返張餐牌即係我自己散叫咗一碗拉麵同一罐可樂一罐可樂佢收$18仲要比加一我同佢講如果唔係套餐我唔會飲可樂佢淨係話唔好意思 但價錢要照收完全覺得俾人屈左飲一罐$20可樂服務又差食物又普通仲要屈人飲可樂我覺得咁樣做生意唔公道亦都唔會再幫襯😡😡😡😡😡

係佐敦果頭gel完甲，都係晚餐時間。因為gel甲果度做緊日劇，主角係度食拉麵，食到好滋味咁，搞到我即時好想食拉麵，上網揾到好多人推薦呢間金鶴拉麵，真係幾吸引，於是就揀好左佢，食餐拉麵。一入餐廳，有啲驚喜，因為無論係佢門面定係入面裝修都靚，靚到好似食壽司果種咁，估唔到香港有環境咁好既拉麵店！個廁所果度仲有個庭園，廁格入面有電視，不得了。講返野食，呢度menu上既拉麵都好吸引，我就揀左個黑蒜味，男朋友就揀左個雞湯味既拉麵。我地仲加個餃子，真係幾好味，煎得岩岩好，入面既餡又多汁。雞都鬆脆好味。唔洗好耐，就有得食拉麵啦！賣相好靚～呢度既拉麵麵條係比較粗果種，比較有咬口，適合對麵條口感有要求既人，個黑蒜湯都幾香濃，每一啖都好豐富。我都試左男朋友個雞湯，感覺好足料，雞湯唔係味精果種，係真係有實在嘅雞味果種，呢度既湯唔錯！解除左我條拉麵癮既靚靚拉麵店～

拉麵好足料，有蛋，兩片雞肉，一片叉燒同炸牛蒡。濃湯唔錯有香濃雞味，麵都ok有咬勁，雞肉同叉燒一般般，覺得沒怎麼調味，最驚喜就係炸牛蒡，好香脆仲另到成個拉麵口感豐富左😋現在特別時段有折$78/碗，性價比超高！

已經好耐冇食過拉麵，見到呢一間評價唔錯所以我就想試下！我同友人叫咗一個雞白湯拉麵同黑蒜醬油拉麵。另外小食叫咗明太子雞翼同炸雞！首先講咗雞白湯拉麵先，湯底好濃郁，亦都好掛到湯，其實未食之前已經聞到好香嘅雞白湯味，叉燒亦都好大塊，唔算太厚容易入口，唯一嘅少少缺點係啲面吸湯吵吸得太快，所以食到最後冇咩湯🤣另外仲叫咗黑蒜醬油拉麵，黑蒜味非常重，未攪勻食第一啖，簡直成口都係黑蒜味。不過攪勻左之後好惹味，啲湯好濃！兩個面既流心蛋都好正，唔似有啲拉麵譜蛋已經熟左。另外小食都係即叫即炸，所以食落都熱辣辣，炸雞嘅皮唔算好厚，好香口。而明太子雞翼，真係一咬開入邊全部都係明太子！好足料，另外仲要讚下，怕太熱所以有錫紙包住雞翼尖！最後仲有甜品送！另外如果download佢個app 更加可以有飲品贈送😉

有時屈係一個地方太耐，真係好想抖下。香港人就好鐘意衝出HK, 周圍飛下食下野買下野出唔到埠，食拉麵止下隱都好 極濃雞白湯拉麵有叉燒，慢煮雞胸＆半隻溏心蛋。個湯底好好飲雖然濃，但唔會令人覺得好「漏」，會一直想飲落去 炸牛蒡好甘香，浸入d 湯度食，等佢吸收左湯汁，食落味道又另一個昇華叉燒我唔好，所以俾左友人食。重點係果兩件雞胸，一食驚為天人真係好好味，d肉好嫩，完全同平時食開雞肉嘅纖維唔一樣。而且佢嘅調味適當，仲食到鮮雞味 當然成碗麵最重要嘅拉麵都冇失威，麵軟硬適中，配合熱辣辣嘅湯入口一流鰻魚飯友人食左覺得幾大份（其實佢叫左最大果份囉😅），味道唔錯，不過佢話今次果碗湯好淡，就好似用清水煮嘅一樣 所以佢冇飲到。之後再黎就食左 鹽味拉麵配料同之前係完全一樣，只有湯底唔同，清清地 當然，雞胸都仲係咁好食晚市仲會送甜品，食埋已經好飽，個胃暖笠笠滿足Ps. 侍應fill水都幾密，店舖擺設企理整潔

一坐底說見到餐廳有做promotion，加入做會員一下載個app立刻有100分，即時可以換溏心蛋或者汽水，好吸引，當然儲分仲有其他優惠啦首先叫左金鶴白雞湯拉麵，上次試過史上特濃，湯底濃郁到讚不停口；今次試下正常版，湯底無咁濃，但依然非常清甜夠味，麵既粗幼岩岩好，最後又係食到湯都飲晒活鰻蒲燒飯係呢餐既最重點要講既，因為真係超級好食。新鮮既活鰻本身就魚肉爽嫰，有好豐富既魚油。鰻魚塗上左獨有既醬汁之後，再放入烤爐入面燒。醬汁燒香再加埋燒既過程中迫出既魚油，令到鰻魚既鮮味同香味都昇華左。有豐富經驗既師傅計準時間，拎出鰻魚放左入上碟既便當盒。最後一個步驟係關鍵，就係佢用火槍最後再燒一次鰻魚表面，除左令魚既表面脆身啲，有微微既焦香之下，更重要既係個飯。最後燒既呢一下令飯充滿哂燒香左既醬汁混合魚油，啲精華就完全落哂個飯度。真係冇跨張，我食完每一啖，口入面果個餘香極難忘，連胃氣都係個陣香味。直頭覺得佢可以作為對唔食魚既人既治療方法！仲叫左個燒黑豚肉串，新鮮熱辣，好juicy原來呢排疫情限聚令期間，外賣自取仲有85折，好抵，下次都會過黎專登買比屋企人試下！

收工經過佐敦，見到金鶴拉麵貼住外賣自取有優惠嘅poster, 即刻入去買左三碗拉麵，同屋企人開心share黑蒜油湯拉麵98元呢個黑蒜油湯底真係不得了，香味撲鼻，真係令人流晒口水， 混合新鮮大蒜，嗰陣黑蒜油味真係好香，好出色，配合埋豬骨湯底，勁match，每一啖拉麵都有黑蒜油豬骨湯味。日式豚肉口感超級正，肉質嫩滑，仲食到少少肉汁喺裏面，烹調時間啱啱好雞白湯拉麵98元慢煮吃雞胸肉味道很特別，雖然係雞胸，但係食落唔會感覺鞋颯颯，不過唔知係唔係外賣嘅原因，拎到返嚟，發雞肉已經有少少凍，所以要浸一浸啲湯先好食。雞湯好濃郁，完全唔覺油膩，食得出有雞嘅精華係湯底裏面，真材實料，很值得食。鹽味拉麵88元個人認為，呢個湯比較普通，味道比較淡，適合啲唔鍾意食太油嘅湯底嘅人。每一碗拉麵都配有一隻糖心蛋，同埋兩塊紫菜，紫菜用保鮮紙包住，就算拎到返嚟食都唔林晒

位於佐敦的金鶴拉麵，友人介紹下，一直很想來試試！終於有機會，當日正午來到，大概需時20分鐘等候入座。店內裝修以簡單深色為主，坐吧枱也很舒適。第一次吃雞湯拉麵，平常都愛吃豬骨湯底，所以這次真的讓我有驚喜到！雞白湯帶有甜味，喝下不會黏口，濃而不膩，配上拉麵很搭！拉麵的配料非常豐富，有慢煮雞胸肉、豚肉叉燒片、炸牛蒡、溏心蛋、木耳絲、蔥。雞胸肉能保持肉質嫩滑，沾著拉麵湯汁好好食！友人點另一款特濃版本！配料一樣，但湯底濃厚幾倍，有一種類似加上芝士的感覺，重口味人士必試哦！